無二三 (已結業)

前幾日黎深水埗覓食既時候，入左呢間門面幾吸引既無二三食個晚飯～見到有樣野叫螢光魷魚（＄５８）以前未食過就叫左黎試下，仲以為舊魷魚係咪真係會螢光咁既顏色，哈哈個味道都幾好喎，鮮甜亦有ｄ海水鹹味咁，口感似食緊刺身咁新鮮，爽脆彈牙，但上網睇返原來螢光魷魚係醃漬過既！又要左個鐵板蒜片乾蔥大蝦（＄８８）～塊鐵板上枱果陣熱到渣渣聲，香噴噴咁，望見都好正，食落都好滿意，大蝦蝦肉爽口～成條火炙醋鯖魚（＄５８）都比較少見，通常出面都係拎黎做壽司～ 炙燒味好香，火喉控制得幾好，個魚皮炙燒得金黃微脆，魚肉既質地仲好軟綿嫩滑，唔會燒到乾爭爭～鯖魚醋醃過個味道亦唔會過酸～連伴碟既沙律菜都幾新鮮～見ｄ食評話烏冬好味，就叫左青咖哩雞肉炒烏冬 （＄８２）～個烏冬口感好好，雞肉係用左雞脾肉，肉質唔會＂鞋＂，仲有唔少翠肉瓜薄片同甘筍絲，好豐富～青咖哩汁既濃稠度亦都岩岩好掛烏冬，令每啖烏冬都均勻沾上青咖哩汁～最重要係個青咖哩汁辣度好溫和，惹味得黎又唔太辣，仲有好香既椰漿味！最後，個ＦＲＩＥＮＤ已經話好飽食唔落，但我堅持要叫埋呢度既甜品試埋，柚子檸檬 無二三。烙芙（＄５８） 個卡士達醬質地好軟滑，酸酸甜甜味道清爽， 甜度恰到

之前bookmark咗呢間無二三, 終於有時間過嚟試試, 個地方寧靜舒服, 配合埋用餐環境嘅燈光, 感覺幾relaxed~  另外menu上面嘅款式都幾有特色, 除咗有日本居酒屋會見到嘅炸物燒物小食之外, 仲會有啲西日fusion嘅烏冬, 同埋有啲自創款式: 用麻糬做嘅burger, 無二三烙芙~先嚟咗兩個小食~ [[  芝士年糕  ($48)  ]]正常發揮地好味~ 外皮炸到脆脆地, 咬落口食到年糕嘅軟糯煙韌, 中間嘅芝士好流心 芝士味夠濃郁~[[  芝士大啡菇  ($48)  ]]呢個有啲驚喜, 除咗芝士同個大啡菇, 切開先發現個菇入面仲釀咗忌廉汁洋蔥同埋應該係豚肉之類! 味道口感都豐富, 大啡菇厚肉多汁, 再加埋上面溶化嘅芝士, 好香好好食!跟住到兩個主食~[[  日式叉燒麻糬堡 跟手工炸薯條  ($68)  ]]第一次食呢種用兩塊麻糬夾住嘅burger, 幾獨特嘅配搭! 塊麻糬整得好香, 煙煙韌韌好有口感~ 日式叉燒有兩大塊, 炙燒得好香 而且肉質唔錯! 加埋爽脆沙律菜同埋蕃茄片一齊放入口, 有多層次嘅口感~  不得不提啲炸薯條都好食好脆口, 咬開睇到係真材實料用薯仔切條咁炸~

呢間餐廳有幾個同事食過都讚唔錯   早幾日就帶媽咪來試試同事話呢度個手工薯條一定要試, 另外order了媽咪至愛既清酒煮蜆   仲有燒物盛同一個黑松露忌廉大蝦燴烏冬個薯條真係有驚喜, 同喺其他地方食既口感完全唔同, 手工製作果然係唔同啲外面炸得金黃酥脆   入面食到啖啖薯肉 ~ 而且食落好有薯仔味媽咪去親居酒屋都必點清酒煮蜆  所以佢相當有經驗 佢話呢度整得相當唔錯,  唔會食到沙,   清酒味道香   蜆肉清甜鮮味份量仲唔少添燒物盛入面有牛仔肉  豬頸肉  大蔥雞肉  大啡菇  翠玉瓜 每串肉都燒至微微焦香  口感嫩滑軟腍而且保留了肉汁大啡菇 翠玉瓜亦燒得口感剛剛好 食串燒就當然唔少得小酌一杯我點了一支日本梅酒 叫"木內" 都幾好飲 夠香濃而媽咪就揀咗杯益力多菠蘿梳打  酸甜度適中  佢都覺得OK好飲最後食埋呢個好正嘅燴烏冬個烏冬真心好食  黑松露味突出   大蝦爽口   烏冬口感彈牙 每條烏冬都掛滿香濃嘅忌廉汁   入口好滑溜平時呢種忌廉汁通常都係配意粉, 但我發覺原來換上烏冬係更加夾同好味 ~btw 同事都有話要試埋呢度既甜品烙芙, 但我哋真係飽到食唔落了, 留返下次吧 ! 

琴晚第一次黎呢間舖頭試下, 落單後每人上左碗麵豉湯同前菜, 不過食食下先醒起冇影相之後食個沙律清新一下先, D材料夠新鮮, 估唔到仲有D藜麥, 加埋青瓜蕃茄同埋溫泉蛋一齊食有幾樣唔同既口感~ 胡麻醬就正常發揮啦都幾香既~成件事都好味清爽~之後就食呢隻牛油果醬麻糬多士, 個擺盤賣相幾elegant! 同埋唔係得個樣既, 個牛油果醬都整得好食, 落單果陣以為個醬係就咁牛油果打成醬, 但原來入面仲有紫薯,蕃茄,芫茜等等~ 跟左4塊麻糬多士, 煙煙韌韌既質地, 加埋D醬咁食又幾夾到~食完D fresh野就食返D香口野最鍾意呢種冇骨既炸雞, 可以食落口啖啖肉~ 個皮炸得好香脆,入面仲係好嫩滑同埋肉汁juicy~ 本身唔點醬都好夠味, 點埋甜辣醬味道就再豐富D啦~再食左碟熱辣辣香噴噴既鐵板豆腐~ 勁多木魚絲 一D都唔姑寒~ 豆腐厚厚一大塊有4件, 煎到金黃色又幾滑! 最後當然叫埋呢度既烙芙啦, 我揀左特濃朱古力味, D朱古力醬真係又香又濃, 口感軟滑, 配合埋香軟既烙芙一齊食, nice!

黎到呢間無二三，見到menu有好多好特別既野！最特別既一定係佢地既麻糬堡，除左呢個之外仲有啲fusion菜，好似冬陰功炒烏冬、青咖哩烏冬，另外都有啲西式cafe野，好吸引～不過可能店鋪人手唔係好多，所以當日去到既時候叫完野食都等左頗耐，如果趕時間就唔係好啱了。  1⃣️芝士啡菇麻糬堡（$62） 好特別！佢將麻糬用窩夫形式整成，食落口感好特別，真係煙煙韌韌幾chewy咁😳中間夾住大大件啡菇，好juicy，仲有芝士、沙律醬、菜、蕃茄。伴碟仲有手工炸薯條，炸薯條食得出唔係即食貨，食得出真薯肉既口感，外面好脆好脆！好好食！  2⃣️溫泉蛋明太子醬忌廉小貝柱燴烏冬（$88） 個燴烏冬好好食😍個醬好多好好好食，夠曬撈成個烏冬～配埋溫泉蛋食落更加creamy～另外配料都好豐富。除左有小貝柱之外，仲有好多菇，烏冬好滑而且彈牙👍 

在IG看到有人post這家食店的食物照片頗吸引，昨晚便帶老公來一起嚐嚐。餐廳環境舒服，光線柔和，蠻有情調的！餐單主打西日式料理，我倆點了小食，麻糬堡，烏冬，招牌甜品和特飲：芥辣八爪魚    $48我們都認為這道小食作為開胃冷盤非常合適，入口鮮味的八爪魚粒肉質爽脆彈牙，配合芥辣的陣陣刺激，不錯呢～脆炸牛麻糬堡  （配手工炸薯條 ）   $78用兩塊麻糬格仔餅取代麵包皮來製作漢堡包，頗特別的菜式！店員端上桌時細心叮囑我們趁熱吃 風味更佳，我也快快手影兩張相便開動了！麻糬堡中間除了夾著大大件的脆炸牛之外，還有兩片鮮蕃茄，沙律菜和醬汁～麻糬格仔餅入口煙韌軟綿，質感就像麵包店的麻糬波波～脆炸牛很厚身份量很足，外層香脆且內裡肉質軟腍，牛味也突出，味道挺好的。想不到搭配的手工炸薯條也相當出色，即使放久了依然好脆口好好味～黑松露忌廉大蝦燴烏冬    $98超喜歡這客燴烏冬，黑松露忌廉汁味道非常香而濃郁，醬汁也足夠拌勻整個烏冬吃！另一亮點是烏冬入口煙韌彈牙，連醬汁一起吃好creamy，加上爽脆的大蝦和菇條＋紅蘿蔔絲，口感相當豐富！無二三。烙芙 ～ 特濃朱古力味 ＆ 香濃紫薯味     $58 each這

約朋友嚟呢度食個晚飯見見面, 我早到咗就叫杯飲品飲住等, 呢杯叫莫希托蝶豆花飲, 好Fresh好好飲, 消暑一流, 個樣仲好靚添 幾surprised!等朋友到咗之後就一齊揀咗幾個小食+一個烏冬: 蔥花牛舌 $58 幾好味, 牛舌肉質夠爽嫩彈牙, 加埋蔥花+蒜粒一齊炒 呢個配搭基本上已經無得輸蒜香味噌烤茄子 $48  鍾意呢個烤茄子嘅口感, 軟綿綿之餘又唔乾, 香味濃郁, 啱曬送飯食!鐵板蒜片干蔥大蝦 $88店員拎嚟嗰陣仲滾緊, 超級香, D蝦大大隻好厚肉+肉質爽彈, $88有咁多隻都幾抵食.雜錦天婦羅 (大蝦, 翠玉瓜, 南瓜, 茄子, 金菇) $98幾有水準, 炸衣薄脆輕盈, 亦冇多餘嘅油分, 仲突顯咗食材嘅鮮味.青咖哩雞肉炒烏冬 $82 烏冬食落口滑溜彈牙, 青咖哩汁味道溫和, 香而不太辣, 而且仲有陣椰香味, 相信是加咗我最愛嘅椰漿.P.S. 臨走見到其他食客D甜品好似幾吸引, 下次要留肚食埋甜品先得.....

看到這家餐廳評價不錯，便在whatsapps吹雞約三位老朋友相聚一下～ menu上的食物款式都頗啱口味的，款款都想試，最後決定每人負責挑選兩款食物，今次先試了八款～～溫泉蛋蕃茄沙律 配日式胡麻醬～份量很足～蕃茄片，青瓜片和沙律菜都很新鮮爽脆，上面舖了些藜麥，混入溫泉蛋和胡麻醬一起吃，材料雖簡單但味道蠻配合好吃。～芥辣八爪魚～八爪魚爽口彈牙，芥辣味香濃而不會過份嗆鼻～開胃醒神的一款前菜～～脆炸雞 配柚子醋 ～炸雞是無骨的，啖啖肉很香很美味，能做到外皮鬆脆內裡juicy的效果～蘸上柚子醋吃酸酸甜甜也不錯！～炸手工薯條 ～看見有薯條關注組推介這裡的薯條，果然質感比平時吃的更特別，香脆好味，著實值得推介。～火炙醋鯖魚～鯖魚是經過醋漬的，不會吃到鯖魚的魚腥味，酸度也恰到好處，沒有搶了鯖魚的鮮味，入口肉質也十分軟滑。～清酒煮蜆 ～吃蜆最怕吃到成口沙，這裡處理得很好 完全沒有這問題～用上清酒煮更能帶出蜆的鮮甜～個湯汁更是精華所在！～燒羊架～羊架燒得很香，肉質仍保持軟嫩多汁，最重要是吃不出羊羶味～～燒物盛 ～拼盤有兩串牛仔肉， 兩串豬頸肉， 兩串大蔥雞肉，翠玉瓜 和 大啡菇，串燒水準不俗，火喉控制得宜

白色的門面在黑夜中是特別明亮。對比餐廳內的走簡約風格環境和比較暗的光線，感覺很有情調呀💕餐牌，多款食物選擇，價錢經濟實惠，平日週一至週五嚟食仲有好多優惠喎！🍄🍔 芝士啡菇麻糬堡 (HK$62)．2片麻糬包用窩夫機焗的，口感煙韌軟糯，好似食緊麻糬波波咁㗎😋．大啡菇上配有焗到溶狀的厚厚一層芝士，超美味．仲配有鮮番茄、沙律菜和蛋黃沙律醬，豐富口感*🍟 手工炸薯條．似乎用啤酒炸粉來炸薯條，所以外皮非常脆口，內𥚃薯條好厚肉多汁，半熟半生的質感，好特別呀😲🍹 西柚蜜桃梳打 (+HK$22)．粉紅色的西柚蜜桃汁漸變到藍蝶豆花色素的梳打水和冰粒，真是一杯超級靚嘅飲品😍．睇得又飲得，有水果味道，不太甜，飲啖好爽呀😄🥔 味噌湯和薯仔沙律．平日嚟食飯贈送的湯和前菜．味噌湯非常之濃郁，我覺得比較鹹，不過好足料．薯仔沙律，日式的甜甜哋，好好味😋

剛開業時，來吃過午飯，炸魚水準高。本打算找日子晚上再來，始終未有機會。朋友看飲食雜誌報導又說起，才下定決心，日內重訪。事隔數月，相信一切已順暢成熟。也許這樣反而更佳，畢竟時間會證明一切。與同行朋友一起點菜，我先開首。上次來，炸物佳，不如就先來一份雜錦天婦羅（大蝦、翠玉瓜、南瓜、茄子、金菇） $98它脆漿超薄，一點也不油膩，完全保留了食材的原味。特別是蔬菜，翠玉瓜和茄子都嫩滑多汁，南瓜更是香甜滋味。以此開首，委實精神。
沒問緣由，朋友選了鐵板豆腐 $52本來平凡的煎豆腐，熱辣辣不在話下，鐵板上撒了蒜茸，半焦的上檯，蒜香四溢。而在豆腐塊上還放了削細的鰹魚乾，吃起來卻是誰也不搶誰的風頭。沒幾下子就將豆腐吃個乾淨，然後我倆都忍不住使動筷子撿吃蒜粒。絕對是不俗的酒肴。我倆都不熟酒性，只求小飲怡情，希望一杯比較溫和，另一杯稍微強一點點，互相淺嚐一下。請店員介紹，得來這兩杯KAZAN HANABI 山煙喘 （FRUIT PUNCH. GIN. CORONA）$88熱帶果味糖漿沉底，配上易入口的墨西哥Corona，沒有以經典的鹽和青檸伴之，杯邊以爆炸糖sugar rim，並在竹籤上刺有乾青檸，可當攪拌

同個fd行下行下黎左呢邊, 望入餐廳環境幾舒服咁就試下~ 行到好熱坐低即刻叫左兩杯飲品, 益力多菠蘿梳打 & 莫希托蝶豆花飲,  兩杯都有d藍色波波既冰 好有心思丫~ 店員見我地不粒冰出黎影相就主動同我地講粒冰係用蝶豆花水浸既益力多菠蘿梳打係有汽既, 益力多同菠蘿味混埋一齊都幾好飲, 酸酸甜甜幾開胃...! 而莫希托蝶豆花飲 賣相紫紫地色好靚丫, 呢杯就冇汽既, 入面有薄荷葉, 黃檸檬同青檸檬, 成杯飲品都好清新, 飲落勁透心涼....! 野食就要左幾樣, 首先黎左螢光魷魚, 呢個我幾鍾意丫, 口感爽而且鮮度夠, 味道鮮甜得黎帶少少海水味~ 之後有蔥花牛舌, 原本我麻麻地鍾意食牛舌, 因為之前食過d餐廳都係煮得比較"un" 好似咬唔開咁, 但呢度就冇呢個問題, 而且d牛舌口感幾爽滑,  擺埋蒜片一齊炒 好香! 仲有蒜香味噌烤茄子, 呢個一上果陣即刻聞到勁香, 茄子烤得岩岩好, 咬落去唔會硬或者太林身~ 賣相都好好丫 烤到金黃色咁...!跟住叫埋炸手工薯條, 呢個黎到既時候熱辣辣好脆口, 炸得乾身一d都唔油, 每條都粗身大大條 咬落有口感又幾好味最後仲要左個無二三.烙芙,  呢個唔會太甜

早幾天提早訂了枱, 與兩位好姐妹一行三人去了這間居酒屋吃晚飯,為其中一位餞行...這餐餞行飯吃得開心喝得盡興! 餐牌上的食物款式頗多, 我們點了一客炒烏冬和幾款食物飲品還有甜品.  餐廳店員先為我們送上味噌湯及前菜 (星期一至五特有的). 是晚前菜是醃蘿蔔.再來就是一款cold appetizer - 牛油果醬麻糬多士, 涼涼的牛油果醬真的很開胃, 內裡有幾種顏色賣相很美, 我們有問店員內裡紫色的粒粒是什麼, 原來是紫薯乾! (我們本來還估計是乾花)  醬內還有蕃茄粒和芫茜, 令口感和味道更豐富. 麻糬多士咬入口軟綿綿也頗好吃的.陸續吃了兩款炸物,  有炸雞 (配上甜辣醬) 和雜錦天婦羅. 炸雞炸得外脆內軟, 有六件每人兩件不用爭雜錦天婦羅包括有大蝦, 翠玉瓜, 南瓜, 茄子和金菇. 天婦羅炸漿薄薄一層 炸得很酥脆, 吃入口完全沒有油膩感. 我們還前後點了兩支冰凍梅酒, 梅酒味道很香濃, 跟炸物一起吃也很配合!又點了一客火炙醋鯖魚和一碟青咖哩雞肉炒烏冬. 醋鯖魚是我們三人都喜愛的, 這裡的醋鯖魚經過火炙後, 帶有炙燒焦香的風味, 魚油香味更加突出, 肉質仍保持鮮嫩柔軟, 口感味道都很讚

本來想食另一間，望下望下，入左去食了。其實之前經過想食甜品，點知佢下午好似落左場咁。倇次終於可以試下。原來有lunch set嘅，門口無牌睇。set一黎個麵豉湯同前菜，即係一舊蘿蔔漬物。個湯見佢都戊即場用熱水開，所以無乜好評論。跟住2個主菜，一個椰菜雞肉沙律配無花果醋汁。裏面嘢一眼見晒，2色椰菜絲，沙律菜，椰菜維沙律菜都爽口，雞肉同埋補腦合桃同埋藜麥。重點係個醬汁，無花果籽同醋好夾，酸中帶微甜。煙三文魚麻糬堡，裡面就係煙三文魚，生菜同蕃茄，無乜特別。所以重點放返係個包皮度，係煙煙韌韌嘅窩夫格麻糬，感覺幾得意，真心要用口gel嘅。而最重要重點推介，佢個手工薯條，乾身而脆，唔heavy但又有少少煙韌口感，好得意，如齋食少食絕對要考慮。加配特色飲品，叫左一杯無花果洛神，有無花果籽粒 洛神味偏淡，但當 般飲品，可以接受。叻外朋友飲個杯益力多梳換，佢只話個乾果無味，不過睇樣都偏淡口。最後，叫為試呢個甜品而黎，無二三，烙芙，配香濃紫薯，一入口個紫薯味真係夠濃，反而個洛芙就比較light唔夠實在，好似空氣感重左少少，得個空殼多少少。不過整體都滿意，如怕heavy嘅人就好啱，我就覺得可實在少少，真係

之前黎附近食野見到原來呢頭開左間新店, 就約埋友人黎試一試. Overall我地兩個都覺得CP值幾高, 無論食物同環境都滿意, 店家雖然忙但都有禮貌. 果晚叫左以下食物:螢光魷魚: 友人鍾意食螢光魷魚, 我就第一次食, 味道帶D鹹香, 食到魷魚既鮮甜味, 口感爽脆, 食完我都鍾意左.  友人話$58一客比出面D居酒屋抵食.梅酒: 友人提議叫樽梅酒share 因為螢光魷魚好岩佐酒, 款日本梅酒叫木內, 酸甜度平衡, 易入口, 都唔錯!炸手工薯條:基本上即炸既薯條都一定唔會唔好味, 但呢度同其他地方食既有D唔同, 呢度似係用薯仔切條咁原條炸, 炸得好香脆同埋口感會仲好.脆炸雞 (跟柚子醋):有兩隻醬揀, 我地揀左柚子醋, 炸雞外皮脆內裡嫩, 咬開入面有肉汁既, 就算唔點醬食都幾好味.鐵板豆腐:有四大件豆腐, D豆腐煎得幾靚, 上面放左超多木魚片, 好足料, 豆腐口感嫩滑, 都OK!無二三烙芙 (蔓越玫瑰味): 呢個應該係佢地店家自創, 有Puff口感既甜品. 我同友人都覺得唧在上面既Custard幾好味, D Custard有玫瑰味同埋有D蔓越莓乾, 整體味道唔會太甜膩. 

早排喺網上睇到有post介紹呢間餐廳, 因為個店名幾特別又易記, 早兩晚同朋友搵地方食嘢就諗起佢, 即刻上Openrice搵下有冇餐牌, 見價錢唔貴就過嚟試下!  餐廳地方唔算好大, 大概有十張枱, 但樓底高所以空間感足夠. 一入到去見到旁邊有個放咗唔同酒類嘅櫃, 再加埋牆上嘅裝飾, 整個環境感覺令我諗起之前喺日本去過嘅洋風居酒屋~ 我同朋友都唔算好餓, 於是就隨意叫咗個冷盤, 兩款小食, 一款甜品同埋梳打特飲. 冷盤試咗牛油果醬麻糬多士 ($68), 上枱時有驚喜, 用咗隻Martini杯裝住一大球牛油果醬, 個醬味道豐富而且食落好fresh, 配埋熱熱地又好香嘅麻糬多士一齊食都幾match! 麻糬多士都做到煙韌軟糯嘅口感, 不過真係要趁熱食, 因為我地有一塊攤凍咗先食個口感就會冇咁正~小食試咗鐵板豆腐 ($52) 同埋蔥花牛舌 ($58), 鐵板豆腐係熱辣辣滾住咁上枱, 嗰下已經聞到好香! 豆腐上面舖滿木魚碎郁郁下, 賣相好得~  厚厚嘅豆腐配上蒜香, 醬油同埋木魚碎, 簡簡單單已經夠好味.而蔥花牛舌亦都唔錯, 牛舌切得夠薄, 口感幾爽而且一啲都唔韌, 牛味又夠濃, 呢個小食應該都