無二三 (已結業)

有一日同個friend 去飲杯野 餐牌寫住繁忙時段限時90分鐘 但係當時明顯唔係繁忙時段 得我地一檯 我就拎電腦出黎做野跟住就比店員趕走仲要好無禮貌 佢話有booking 我地都有提出可唔可以嗌多d嘢坐多陣做埋d嘢先 佢就串串貢改口話佢地係做餐廳唔係做自修室 咁姐係先前話有booking係搵藉口趕我地走啦 d嘢質數又差 服務又咁 好似明點解佢地拍

今日去深水埗，見到呢間新開cafe. 環境好似唔錯，就入去試吓。點左豬扒烏冬，叉燒烏冬同泡芙。咖啡.甜品實在太吸引，蔓越玫瑰泡芙，酸酸甜甜仲有玫瑰香味😋下次要試埋waffle 先.另外店還送上木瓜葉茶。不錯.

深水埗逐間試 … 第一次嚟無二三，環境寧靜坐得舒適。佢哋嘅炸魚薯條整得好用心，新鮮熱辣又酥脆。就連配菜同醬汁都做得好認真。仲免費提供特別又健康嘅木瓜葉茶。呢度坐得舒服、價錢唔貴 … 應該會再去 …

夜晚去通州街公園做完義工，返歸前諗住食啲野，行去搭巴士見到間鋪個名咁得意就停低左，望下menu 有日式有西式，價錢公道就入左去餐廳唔算好大但樓底好高，好有空間感，感覺幾輕鬆舒服。見有位女士企喺到同客傾偈，有講有笑睇落似事頭婆，我求期搵個角落坐低左。夜晚唔想食太多但又想食香口野，叫左個炸魚烏冬。等左5分鐘就上枱，舊魚熱辣辣又脆口，同埋好滑好厚，味道係好食過出邊啲茶餐廳嘅炸魚好多。見佢有日本手工啤口痕痕又試埋，支手工啤有驚喜，好正性價比ok，下次附近做義工會再來

通常入到cafe或西餐廳都會有杯檸檬水，不過呢度serve嘅係木瓜茶，幾特別，暖暖地又清新。一直喜歡嘗試不同嘅iced coffee，咖啡梳打有飲果，但佢竟然可以配伯爵茶，好特別，尤其係我好喜歡伯爵茶味嘅產品，一响餐牌度見到就決定要試飲落有預期中嘅清新感覺，最特別係吞咗啖咖啡之後口入面有有伯爵茶餘香，有驚喜。建議逐少倒入咖啡，調節自己喜歡嘅濃度驚喜開就要試下啲創新嘢啦。用窩夫嚟做三文治真係耐人尋味，於是點咗窩夫三文治配炸牛肉。一上枱就已經覺得好震撼，好好好大份呀！窩夫通常都係甜食，但今次襯炸牛肉，係個好新穎嘅嘗試。窩夫襯醎嘢食，又夾到喎。窩夫上面仲有少少紫菜碎，成件三文治個味道好夾。值得highlight 嘅係果舊炸牛肉，外面卜卜脆，裡面軟林林，幾嫩滑，幾好幾好。下次再嚟會試下配日式叉燒～仲有個puffle飽得滯無試到，所以一定要再嚟。

經歷潮起潮落，不如人意的事十常八九，足為外人道的卻無二三。的確，相識滿天下，知己能幾人？店主是懷着這樣的心情題上店名的嗎？這炸魚份量大方，架在米飯和炒蛋上面，再澆上咖喱汁。滑蛋雖然不算很滑，但各個「組件」顏色配搭得美。細看之下，炸魚外殼的炸漿有漂亮的紋理，煞是好看。主角炸魚外脆內嫩，我邊吃邊讚。說咖哩不辣，細心的店員在一旁聽到，竟特別為我送上一碟辣椒油。明明不餓，卻一口接一口吃了個碟底朝天😬在它與抹茶鮮奶之間選了它。兩顆焦糖爆谷粉飾之下，拉花散亂了。奶味主導之餘，有足夠的啡味，也好喝，但我認為更焦糖、更甜美一點點的話，才更貼題🤭被這家新店的店名吸引而來。其實，誰也有過，覺得沒誰能懂自己，這種心情罷。然而，若是在某些領域上，有緣遇上同好，找到共鳴，就能引發多點趣味。而這樣有趣的活着，就很美好。