影片
以上资料只供参考，请与餐厅确认详情
前几日和同事再去这间Cafe吃午餐，中午一时竟然空无一人⋯⋯和同事叫了手工麻糬堡（烟三文鱼），手工薯条转炸南瓜，青咖喱鸡柳炒乌冬，温泉蛋明太子贝柱乌冬，热伯爵茶。先上的是面豉汤和麻酱青瓜，面豉汤够热，好喝，好想问老板可不可以添多一碗。麻糬汉堡绝对有惊喜，有点烟韧配三文鱼和自家酱汁刚好，炸南瓜水准犹如天妇罗，真心赞👍🏻南瓜天妇罗，大爱❤️！青咖喱炒乌冬同事觉得辣，但我自己觉得刚好。温泉蛋明太子贝柱忌廉乌冬，非常合我口味，入口温和，个人很喜欢。然后我们叫了一个咖啡曲奇味烙芙，甜点老实说我不懂，但起码我吃到它的松化香脆和细腻的咖啡曲奇忌廉，同事说像吃着咖啡曲奇雪糕一样滑溜。整顿饭我和同事聊得很畅快，但是令我觉担心的是午膳都没有人影。整间餐厅装修布置，所有小节以至餐具都很用心，只有两夫妇去经营的小店，诚意十足，尤其店子的名字直接触碰到我灵魂：「人生不如意事常八九，可与人言无二三。」广东话这叫骨气，古典啲叫风骨。人越长大，就会发觉好多说话心声无从说起，何况今日香港，只有无言⋯⋯肥老板，我撑你俩，你们的食物很好吃很用心，千祈要撑住💪💪💪。#莫要失去了才珍惜#我不是专业foodie拍照不漂亮请见谅
继续阅读
生于斯长于斯，在港几十个年头，都冇咁样嘅用餐体验，一个平常星期五晚上，八点几只有数枱客人。原来我攞张A4 纸 size出嚟，核对一吓D自己事情会比人再三强力'建议'收理，唔好比其他人觉得我在餐厅处理工作，影响佢餐厅比人𠮶印象㖞，佢间餐厅唔系比人用嚟做嘢。 态度,冇礼貌可想而知.入坐之前又冇讲规矩, 我同太太当时都打个凸。澳x比人话差，喱间系世一，成晚不吐不快, 离开后先系门边睇到佢定下D规矩食物质素，普通过唔普通。用餐半小时即闪，当发个恶梦，唔去食也吧！真真假假，小事化大？如其他食评大致相同，自己去试吓就明。祝佢好运，不要张自己放大到咁高，性格，规矩同生意应取平衡！！！我个人咩情况都唔再去
继续阅读
第二次嚟，啲嘢食都算好食，不过个男老板啲态度令我唔会想再嚟嘅。十二点正过咗都未开门，企咗几分钟，等男老板ready然后主动问我哋系咪嚟食嘢先至入去。两个人入到去，表示我们有3位，佢继续黑面和恶恶地咁讲,“另一位系咪嚟紧？我哋用餐时间90分钟。”其实而家好多舖头都会限时，但一般店员都会客客气气咁样讲呢句说话，唔会令你有不受欢迎嘅感觉，但呢度就好似你嚟食免费餐咁同你讲嘢。。。你以为佢好忙好多人嚟所以咁寸咩，隔咗一个钟才有第二枱客。（我留意到男老板对其他客人嘅态度一样系咁唔友善。）不过女店员（应该系老板娘）就好正常。屋企最麻烦𠮶个钟意呢度，就算男老板这样态度她都欣然后接受和体谅。相比起老板态度，如果家人不高兴就会肯定更难顶了。再强调，食物质素是不错的。只要你不介意有可能要受下男老板嘅态度。不过呢度仲有个好处，系真系好少人，星期日，对面家后排晒队，呢间就有比较安静嘅环境。一入嚟就俾人黑面已经冇心情影相，攞返第一次食物嘅相畀大家参考下。挣扎咗好耐出唔出呢张食评，因为我可能会招致此店支持者/惯性攻击人嘅人攻击。但我希望有人可以容许我表达自己用餐嘅感受。。。
继续阅读
本身第二次光顾，觉得食物都正常Ok;跟住再次光顾一次，当天已经只有我们一枱客，落单个位女士已经不是好客气，落完单之后拿了一份文件出来相讨一下，突然有一位怒气冲冲的人出来话，话间餐厅不可以倾文件，本身想跟他讲是否不准说话这个男人话门口写明不可倾文件，我们即时话走，个个男更爆粗骂我们，若大家在深水埗食饭，千万不要去无二三。
继续阅读
屋企人之前介绍过无二三比我 话呢间啲嘢整得好食又唔贵, 早两日约咗个friend喺太子行开街就顺便过嚟试下. 呢度环境都唔错, 有啲情调咁, 座位都几阔落. 睇到餐牌好多样嘢食都好吸引我哋, 今次拣咗5样试咗先: 牛油果酱麻糬多士, 杂锦天妇罗, 鳗鱼玉子烧, 无二三日式卡邦尼烩乌冬 同埋甜品芭菲. 牛油果酱麻糬多士 牛油果酱味道带点酸甜, 开胃清爽, 入面有牛油果蓉,蕃茄粒同芫茜粒等等, 放喺即叫即制嘅麻糬多士上面, 一冷一热, 果酱嘅顺滑+多士嘅烟烟韧韧, 出奇地配合, 好味. 杂锦天妇罗 有5款天妇罗: 大虾, 茄子, 翠玉瓜, 金菇, 南瓜, 估唔到误打误撞会食到咁正嘅天妇罗, 皮脆浆薄, 入口清爽唔油腻, 我同朋友都觉得相当出色.鳗鱼玉子烧 玉子烧整得几香滑,中间夹住浓厚鳗鱼, 两者口感好融合, 食起上嚟一样咁软绵嫩滑, 而且估唔到份玉子烧都几大碟.无二三日式卡邦尼烩乌冬其实有好多款乌冬都想试...但见佢呢个名有放埋自己舖头名落去就试咗呢只先! 第一次食卡邦尼唔系用意粉煮, 点知原来用乌冬煮好似仲夹! 乌冬独有嘅弹牙软绵口感, 令到整体更加Creamy. 乌冬大大份, 加咗日式叉烧同埋烟肉碎, 配搭埋份量好足嘅芝士, 味道香又浓厚.云呢拿芭菲临尾大家都想食啲甜嘢作结就叫咗杯芭菲. 里面分咗好多层, 由上至下大约系咁样: 云呢拿雪糕球 + 百力支 + 杏仁片 > 忌廉 > 脆粒 > 果冻+蓝莓粒 > 威化 > 布甸 > oreo饼碎, 虽然唔算好大杯, 但我觉得作为饭后甜品都已经足够, 而且整体都几好味 口感好丰富.屋企人冇介绍错, 果然知道呢度啱我口味. 食饱饱回程𠮶阵上openrice睇下啲食评先发觉手工麻糬堡同炸薯条都好多人推介, 下次嚟一定要试埋佢
继续阅读