烏蠅館 (九龍中心大廈)

营业中

休息中

中午繁忙時段，拿到的外賣少給我放了兩樣東西，還等了很久⋯⋯希望能改進一下吧，同行的人裡也有被少放料的，真的不太好。理解中午人很多，但是還是要保障客人的利益吧，希望下次能夠改進。

🔥蒜香烤海鱸魚 ($298)海鱸魚細骨較少，口感爽滑，配合不辣的蒜香選擇，超級惹味，蒜味香濃。就算不吃辣，也吃得過癮。另外烤魚還有木耳、芋絲等配菜增加口感。🔥風琴豆腐串 ($36)很有特色的風琴豆腐串。風琴造型更加嗦烤魚湯汁，重口味人士之選xd🔥香芋地瓜丸 ($26)外皮香脆而內裏軟糯，很好的小吃。🔥白茶奶黃球 ($32)造型有點好笑，原來是綠色粒粒白茶外皮，加上裏面有奶黃餡料，亦值得一試。🔥雙拼菜類 ($38)我們選了皇帝菜和芫茜，很大盤，菜亦新鮮。🔥酸梅寒天綠茶 ($28)🔥桂花寒天綠茶 ($28)喜歡桂花的人一定要點，桂花很多，加上寒天口感，很清涼很解膩。

同好耐冇見的朋友去烏蠅館食烤魚，先知除左烤魚之外，仲有火鍋同冒菜。烤魚有3款魚可以揀，我地揀左比較少見的清江魚。都幾大條，4個人食分量都好夠。餐廳已經將條魚開邊，食的時候好方便。送上枱後將個湯底煮返熱就食得。魚肉肉質較結實但唔會鞋，魚味都好鮮甜。骨都較大而且唔算多骨，唔識食魚的人都可以Handle到。烤魚會跟3款配菜，未必每日一樣，今次有木耳、蘿蔔同雞脾菇。食完條魚後再加湯底變左火鍋。黑豚肉黑豚肉帶點脂肪，味道更香更鮮。脆脆午餐肉偏重味的午餐肉，外層炸到金黃香脆，就咁當小食食又得，落入湯底當火鍋配料食都得墨汁墨魚丸芝士丸丸類都好大碟，黑魚丸好鮮。辣湯底加埋流質芝心，味道都好搭。魚皮餃外皮夠煙韌，完全唔腥。寛粉麻辣湯底加寛粉真係無得輸，煙韌得黎又吸湯。4個人叫左2碟。紅糖糍粑外層炸得金黃香酥，加埋黃豆粉同流心的紅糖，好好味。黑糖冰粉鮮奶

之前喺將軍澳上堂同同學食過一次之後覺得好抵食，所以今次特登帶男友黎食。。佢哋得將軍澳同尖沙咀兩間分店，尖沙咀對我同男友嚟講就比較就腳。去到餐廳，門口嘅接待員會問你係食冒菜定烤魚，等佢安排就入得。尖沙咀店比較大，坐得舒服啲。我同男友叫咗一人一份冒菜(6款配菜)、黑糖珍珠鮮奶、紅糖糍粑、四川傳統酥肉同桂花蜂蜜冰粉。先嚟個【四川傳統酥肉】唔辣，我好鍾意孜然粉嗰種香味~咬落去層炸粉唔會好厚，酥脆香口，好食。跟住就係【紅糖糍粑】呢個係朋友之前推薦我必試嘅，所以今次嚟就叫咗。紅糖糍粑外皮炸到有少少脆，但咬落去好軟綿綿，入面有一層流心紅糖。口感唔錯，好食，不過我自己就麻麻地紅糖陣味。大家都可以試下。【桂花蜂蜜冰粉】配料有：提子乾、花生、桂花蜂蜜冰粉本身無乜味，口感似愛玉、涼粉嗰類。主要味道都係靠配料同桂花蜂蜜。(仲有玫瑰蜂蜜、茉莉蜂蜜同紅糖味可以揀)配埋提子乾同花生，口感好豐富。整體唔算好甜，幾好食。【黑糖珍珠鮮奶】奶味好重好濃厚，加咗黑糖珍珠落去都唔算好甜。好適合解辣~【冒菜(6款配菜)】冒菜分咗四類配菜：豆類製品、蔬菜、肉及內臟、丸及加工食品。跟餐主食有粉、麵、飯，每款+$5。我今次就要咗：風琴

烏蠅館呢個名聽過好多次，但都唔知係食咩菜，今日終於有機會入去試吓！入到去已經有一陣陣香噴噴嘅烤魚味，除咗烤魚之外，仲有得打邊爐同埋叫一碗碗嘅麵食！今次就同朋友揀咗招牌烤魚！同叫咗一個娃娃菜加一份薯粉！每樣份量都好多！兩個人係食到勁飽！招牌香辣烤魚 $298我哋揀咗海爐魚！細骨比較少，而且口感會結實一啲！湯底超重蒜蔥辣椒，但揀咗小辣，所以唔係話好辣！煮咗五至8分鐘，就可以開始食！食第一啖魚係超滑！但建議大家開始食嘅時候要較細火，如果唔係會煮老條魚！

第一次係香港食四川烤魚，朋友就推介我嚟呢間川菜💛。呢度招牌烤魚真係唔錯，湯底香辣🌶️配上啖啖魚肉，會再encore。因為我同朋友都唔太食得辣，所以揀咗小辣，啱啱好。辣度適中，湯底香辣夠晒過癮。🌶️烤魚方面有三種魚，店員就推薦我地試中價位嘅海鱸魚🐟。果然唔錯，無骨得嚟又啖啖肉。肉質鮮嫩，完全無魚腥味或雪藏味，值得一讚👍🏼。食得辣嘅可以試吓豆腐串，吸晒啲辣汁十分惹味。🤣食完烤魚之後可以加湯打邊爐。邊爐配料都十分齊全，菜類、丸、粉麵、肉類都一應俱全。因為麻辣烤魚嘅湯底濃厚，都好適合打邊爐。特別推薦太家食四川寬粉，煙煙韌韌。另外朋友就話牛丸都唔錯，爽口彈牙。食咁多野每人埋單都係唔使$200蚊，性價比高。

烏蠅館 （尖沙咀）尖沙咀入面有一間好出名食冒菜嘅餐廳，今次特登嚟試吓佢哋嘅麻辣火鍋。湯底辣度係固定嘅，冇得揀，火鍋一黎到有幾舊紅油擺喺度俾佢慢慢融，麻辣湯底好香，鍾意食辣嘅一定要試吓！！配料方面選擇好多，特別推薦土豆粉，口感煙煙韌韌好吸味，超級好味！！另外仲試咗紅糖糍粑同埋酸奶，味道都唔錯，紅糖糍粑炸得熱辣辣，中間嘅紅糖係流心嘅！食嘅時候要小心，好容易焫親🤣另外見到好多人食烤魚，下次會再黎試下烤魚。

🌟烤魚-珍珠斑個烤魚入面有好多配菜，例如金針菇🍄雲耳同薯仔🥔個魚煮到好嫩🐠入面的魚肉都好多，又煮得好入味。不過今次我地叫左小辣就唔會好辣🌶️但係好香。食完之後熱辣辣，好回味😋🌟四川火鍋面我地都叫左個招牌面試下先，個面係煙靭🍜又索曬烤魚入面的醬汁，真係正到不得了👍🏻🌟爆醬紅糖糍粑表皮酥脆，口感軟糯，一咬落去嘅內餡流心，真係一流👍🏻呢個食落去唔會好甜，紅糖味好濃郁，推薦🫔🌟檸檬蝶豆花呢杯野飲真係顏值好高🍹下面係用左檸檬去打低🍋上面就係蝶豆花野飲，呈現了漸變的效果，所以打卡真係一流📸重點飲落去唔會好甜，加咪蝶豆花的香味，好fresh，幾好飲。而且又含有好豐富嘅維生素，又有可以美白的檸檬，真係一杯充滿維他命c嘅飲品🍹🌟雪梨玫瑰檸蜜飲落去好清甜，入口有好香嘅玫瑰味🌹雪梨味道都係好濃郁🍐又甜甜地，可以美容又可以清熱。下面用左玫瑰去襯托令到杯野飲係粉色的，好有少女心甘，影相一流🍸

同朋友未試過食烤魚，收工就專程黎到尖沙咀既烏蠅館一試佢既烤魚，因口碑幾好外面招牌夠哂搶眼，大大隻烏蠅館寫住，向對面街近視都實睇到😂一入去已聞到香辣味，6點半已有一半入座率，晏d 應該仲旺場。個鋪位好大，環境光猛企理，卡位坐得舒服。餐廳主打烤魚或火鍋。我地為烤魚黎，就當然試條最靚既清江烤魚，特點係集鮮甜肥美結實一身。唔食辣既我地揀左蒜香味。每款烤魚配有當天3種唔同既冒菜做配菜。今日係蘿蔔，芋絲同雲耳。一整盤烤魚隨即來到，先烤十分鐘就可食用。清江魚（蒜香味）$348魚切開一半分兩邊，魚上鋪滿蔥花同孜然粉，湯底香濃，芬香撲鼻。魚肉肥美結實，肉又厚得黎又嫩滑，啖啖肉，好正，大推蘿蔔薄切，所以好入味。雲耳夠淋，芋絲同樣都好入味雪梨玫瑰檸蜜$28又睇得又飲得，清甜解渴，飲落檸檬味比較出，帶有玫瑰既清香，正桂花寒天綠茶$28朋友話味道正常食完烤魚再試下佢既成都小食-冒菜。冒菜B餐$58可選8樣配菜賽雞肉，土豆片，金菇菜，娃娃菜，黑豚肉，鴨血，豬大腸，貢丸想揀蕃茄湯底，但賣哂，揀左清湯。正常發揮，豬大腸特別好食滿足既一餐烤魚，期待下次再食

情人節唔一定要食西餐，今年就同另一半來到尖沙咀的烏蠅館食烤魚!詰間餐廳我bookmark了很久，今次終於可以來試試!餐廳座位都算幾多，晚上時間主要食烤魚，亦可以食冒菜!他們的烤魚有3個種類可以選擇，另外味道亦有5款可以選擇!招牌香辣海爐魚，海爐魚份量都幾多，魚肉結實又爽滑，而且魚骨亦不會好多!爐魚上面灑滿孜然粉，食落味道非常惹味!而湯底味道是小辣，有少少辣味又不會太辣嗆喉，味道不錯!隨烤魚還會附有3款素菜，當天的素菜是雲耳、芋絲和白蘿蔔，三款素菜都是吸味的，所以食落非常惹味!食完烤魚就可以請店員加湯打邊爐!邊爐的湯底不會越食越淡，反而味道仍然好濃味，好正!土豆片、萵筍片，那麼美味的湯底點可以不點吃吸味的蔬菜!土豆片和萵筍片吸收了湯的味道之後非常美味，食落爽身，令人回味!墨魚滑，估唔到這裡的墨魚滑份量這麼多，墨魚滑食落爽口彈牙，好有口感，非常美味!羊肉片，羊肉片份量也不少，羊羶味都幾濃，但由於香辣的湯底關係，食落跟羊肉的羶味非常夾，出奇地惹味!爽脆豬黃喉，豬黃喉份量都幾多，爽口彈牙，口感豐富!四川蕃薯粉，蕃薯粉口感煙煙韌韌，配上這個微辣的湯底，十分美味!黑糖雪燕鮮奶，食辣當然要飲一些甜的

好中意食烤魚！調味香，魚幾滑市區又近地鐵站，陳設有氛圍感加曬分👍🏻🐟海鱸魚 $238條魚幾滑，口感結實唔鬆散，細骨易剔走，熱鍋上一直煮都可以保持到爽滑鮮美，愛魚之人表示滿意。🍲 個鍋好大兜，一個鍋一個菜我哋兩個女仔有啲食唔曬。🍲因為朋友唔食得辣叫咗蒜香，蒜香味真係好濃烈，啖啖都係，調味好唔錯，但食成餐稍微有點咸，不過後來可以加水當打邊爐都正，建議食得辣嘅朋友可以試下其他辣湯底。🥬每款湯底都送三個菜，今日係蘿蔔、木耳、芋絲！講究嘅係葷素搭配。😂👍🏻🐟其他餸都好大份，叫咗碟魚皮堆到滿晒，其實張相係食咗兩舊先至記得影🤣都已經好大份🧋黑糖燕鮮奶(奶蓋) 呢杯叫咗少甜，記得攪勻先開始飲😂🤣個奶蓋香滑濃厚嘅奶味，新鮮、幼滑，唔會好似平時啲奶蓋咁死甜或死咸。不過好特別地感覺係奶蓋配奶，好新奇，因為平時係奶蓋配茶㗎嘛🤣總之幾好飲！🍫暮色戀人 $34第一次見嘅朱古力奶蓋，好想試吓，影相影出嚟都幾靚，第一啖有啲似朱古力奶昔，回甘有啲淡淡咸香有啲想叫埋個杯好打卡able嘅藍天白雲😂，不過好飽了

平時嚟依到都係食冒菜。今日朋友著唔夠衫，咁就食烤魚暖下。通常掃QR code落單。但因為食魚，準備需時，店員會幫你落單（不過其實都好上快枱）。至於配菜飲品就自己掃code。有三款魚，要咗清江魚，$348，有成700-800g。五種口味，要咗特色泡椒烤魚。隔咗無幾耐烤魚就上枱。但要煮一陣，差唔多時間店員就會過嚟開蓋，咁就食得😙。湯底好香濃，濃而少辣。魚除咗大骨，唔覺有細骨👍。魚肉滑嫩結實，食得好滋味。有三款是日配菜，菇、蘿蔔、木耳，勁入味。因為唔想浪費咗咁正嘅湯底，所以叫咗番薯粉，$28，油麥菜，$32。不過原來依個泡椒湯底越煲越濃味，好彩依度好貼心，會問你覺得湯底濃唔濃，想加水定加湯。所以加咗幾次水啲番薯粉同油麥菜都一樣吸哂湯底精華。凍黑糖珍珠鮮奶。朋友話加咗黑糖，鮮奶唔會太搶味，幾好飲。凍桂花蜂蜜，依個我食日飲。清香微甜潤口。地方比舊店大好多，座位闊咗，坐得舒服咗👍👍👍。所以都嚟多咗😁。

Covid之前會間唔中返大陸食個烤魚 不過依幾年少左好多機會食 最近心癢癢好想食烤魚 所以去左位於尖沙咀號烏蠅館 餐廳雖然唔算大 但乾淨企利 牆上擺換咗特式餐具茶具 俾大家一路食嘢一路欣賞🍵-🍲🐟招牌香辣烤魚醬汁方面 可以揀辣度 我地揀咗小辣 醬汁無令人失望 餐廳採用左30多種嘅調味料 例如芝麻花椒百角洋蔥辣椒等等 令到醬汁格外開胃烤魚方面 有三種魚可以揀 我地揀左清江魚 果然係鮮甜結實肥美集於一身 魚質好彈口 份量亦都好大-😋附加鍋物墨魚滑 $88鮮脆響鈴 $48食完烤魚未夠侯 所以繼續點左d 小食打邊爐 我地叫左墨魚滑同埋鮮脆響鈴

一入到餐廳，香辣麻辣味撲鼻，真係忍唔住要快快叫條烤魚大擦😙我哋揀左海鱸魚，十分鐘內就上枱，好快手。開火煮滾後，店員會幫手揭蓋，香辣味頓時四溢。條魚肉質結實，冇乜骨，魚味濃，條魚都幾大條，三個人食都夠食，配埋個招牌香辣口味，好惹味，食到停唔到口。每個烤魚都配當日嘅三款素菜，有蘿蔔，芋絲，雲耳，索晒個香辣汁好滋味。個汁唔算太辣，話用左超過三十種香料配製而成，唔怪得咁香濃，唔辣又唔好食唔夠過癮，所要左少辣，唔係太食辣嘅我都接受到😆 不過食到尾声，個汁會愈嚟愈濃，辣度同鹹度會有所提升㗎店員之後幫我地加溫變打邊爐，食完條魚都飽飽地，配料我哋叫得唔多，叫咗皇帝菜同火鍋寬粉，兩款都好索湯，火鍋寬粉極推薦點，索晒汁，口感煙韌，一條一條食不停，超好味。食烤魚又點可以冇冰凍啤酒解吓渴，叫左枝朝日啤，一於三條友啤啤佢😙😙

今次同朋友嚟到位於尖沙咀海港城附近嘅一間四川冒菜館，被亮眼嘅霓虹燈招牌一下吸引到，餐廳室內環境大，座位舒適，最啱一班朋友嚟試佢哋招牌烤魚或火鍋😎三峽烤魚先選烤魚種類，再選口味。今次試了蒜香海瀘魚，海瀘魚呈白色魚肉，肉質結實，最啱長時間烤煮唔易散開😋而湯底加入大量新鮮切蒜及蒜油，香氣撲鼻而來，十分惹味！配料已有魔芋及木耳，低卡又易入味👍🏻甜品就試了白茶奶皇球，即叫即炸超脆口，內裏流心奶皇絲滑，外表仲勁可愛🙈