烏蠅館 (九龍中心大廈)

营业中

休息中

尖沙咀想食辣野一定要去烏蠅館！！呢度晏晝主要食冒菜睇完戲兩點幾岩岩過左lunch time最多人嘅時候，唔使等好耐就有得坐低！湯底有好多選擇唔食得辣可以叫菌湯 試左一啖朋友果碗菌湯 好濃好好味中意辣但又廢嘅我就叫左bb辣湯底即叫即做 上菜果時熱辣辣我今次叫咗 午餐肉、黑毛豬肉片、風琴豆腐串、萵筍、娃娃菜、金菇，配寬粉咁多餸都好足料 同埋佢好多蔬菜選擇 食素嘅朋友都可以一起呢度叫辣最正係有一大pat蒜蓉本身bb辣唔會好辣 不過蒜蓉係生蒜為主所以食食下都幾嗆口 食完全日都散發著蒜香中意蒜嘅朋友一定要嚟食 真係好正

香港近呢幾年好興食烤魚，所以今晚就興起去朋友介紹呢間烏蠅館食晚餐，上網搜查一下發現原來喺四川頂級嘅餐廳先可以叫做烏蠅館👏🏻就更期待 一入到去坐低就聞到勁香，而烤魚都有不同的魚類及口味可以選擇😋最後點了珍珠斑（口味係蒜香烤魚）$268 坐坐吓都好快滿曬座，但效率都幾高等一陣就有得食👀一見到條魚就好開心，等佢煮左一陣職員就會幫你開個玻璃鍋蓋就食得🥳一食落去魚質真係好嫩滑鮮甜👏🏻而鐘意重口味的我真係好鍾意蒜味，加上本身我都唔太食得辣所以啱晒🤭食食下之後就可以開始點火鍋配料，唔駛浪費咁惹味湯底，最後加了雙拼菜（油麥菜+娃娃菜）$38可以咁貼心滿足想食多啲種類嘅我哋👏🏻啲菜洗得好乾淨，同埋煮咗落湯底之後吸曬味一流🥳而打邊爐又點會少左丸呢😆就叫左丸類雙拼（蟹棒+魚腐）$58一樣好鮮甜，魚腐調味剛剛好、好滑👍而飲品方面好驚喜，改名都好有創意😎朱古力控既我當然係選暮色戀人💚即係香濃朱古力奶+朱古力奶蓋+玫瑰蜂蜜，口感好豐富，仲可以選擇少甜少冰等等自己鍾意嘅口味同溫度👍最後仲有甜品😍雪燕&雪蓮子都係各$20/碗加玫瑰蜂蜜味，仲有幾款配料：包括芝麻、提子乾、山楂、花生等等選擇👀每一啖都好足料🥳完美既晚餐甜

📍in Tsim Sha Tsui ChineseFood: 💛💛💛💛💛Décor: 💛💛💛💛💛Service:💛💛💛💛💛Price Value: 💛💛💛💛💛Price range:💰 $200Favourite:💖mou coi------------------------------✅ Located at Ashley Road Road . Takes around 3 minutes walk from Tsim Sha Tsui MTR station. Quite convenient.✅ The menu offers a wide variety of delicious and mouthwatering mou coi and hotpot ✅ Ideal for those who want a quick meal ✅ Different spicy and sour level for you to choose ✅ You can add any special request I.e. Add/cut bean sprout, coriander,

2023.04.26無住家飯食一排既我個人又忙又攰差唔多日日食外賣🥡今日放工終於決定去尖沙咀行街食飯放下負😮‍💨行完街🛍️係亞士厘道見到呢間餐廳好受歡迎👏🏻就入左去開餐啦🥢餐廳以四川菜🇨🇳為主主打烤魚有三款魚選擇🐟四款口味選擇💁🏻‍♀️而火鍋則有三款湯底🍲另外有不同配菜、小食、水餃🥟撈麵、飯類、飲品提供👐🏻我已經好耐無食烤魚🐟所以今日揀左海鱸魚🐟$298配上唔辣嘅蒜香🧄烹調🧑🏻‍🍳店員會待烤魚準備好就替食客打開蓋子🤗之後就可以享用熱辣辣🔥又香噴噴既烤魚🐟魚既份量十足👍🏻大概650-750G ✌🏻蒜香味十足🧄魚質結實嫩滑又唔多骨✌🏻烤盤內仲有芋絲、金菇、雲耳食🫶🏻一個人食到飽一飽🥰另外叫左杯白桃寒天綠茶🍹$28給自己一口甜😁d寒天煙煙韌韌好好口感😋而埋單時櫃枱設有茶葉、小青柑、蜂蜜醬🍯供客人選購🛒

話說好耐無食烤魚, 上openrice搵結果搵到依間左上角有入選logo既川菜中菜館, 見價錢💰合理所以二話不說放工就同朋友沖過去了😎烤魚有三種, 分別係珍珠斑, 海鱸魚, 清江魚🐟店員見我地第一次黎就介紹可以試下海鱸魚先, 我地最後揀左招牌香辣烤海鱸魚少辣🤤🌶️火鍋材料種類都多, 雞豬羊牛樣樣齊👍🏻蔬菜都有接近20種, 另外仲有餐前涼菜, 特色小食(炸物)等等, 揀都用左我十幾分鐘🤣廢事眼闊肚窄, 最後嗌左4款材料, 分別係嫩滑雞肉、滷腩肉、娃娃菜、萵筍片🤟🏻🫃🏻招牌香辣烤海鱸魚🐟 $298上碟後大概烤8分鐘就可以叫店員將蓋拎走, 香噴噴☺️好濃烈既香料味道, 撈一撈湯底, 蒜非常足料, 仲有洋蔥, 辣椒, 香蔥等等。海爐魚超大條, 份量十足, 固然有少量既骨, 食既時候要小心, 肉質堅實, 潔白細嫩, 肉味鮮美, 高蛋白質, 非常肥美😍點選烤魚會附送3款每日不同既素菜🥬今日係蘿蔔, 雞脾菇, 雲耳。差唔多食完烤魚既時候就可以叫店員加湯之後打邊爐, 沿用濃郁香辣湯底🥘蘿蔔🥕(附送)超好食, 好軟腍好入味❗️雞脾菇(附送)好有咬口, 彈牙之餘亦好新鮮😁雲耳(附送)份量較少, 不錯, 但相較

📍烏蠅館（尖沙咀）長期係Openrice 見到呢間人氣烤魚舖頭今日就同同事去試一試，係咪真係咁好食，果然好好食呀🤩！🥰要試就梗係要試啲最好嘅魚❣️清江魚 $348 (集鮮甜結實肥美) (招牌香辣烤魚-小辣) 小辣都唔算好辣姐配埋啤酒🍻岩岩好本身就已經包左三個葷菜 (薯仔🥔、雲耳、芋絲)魚好滑好鮮甜💓 ❣️鵪鶉蛋 $38唔係到到都有呢個，我至愛💓❣️鵝腸 $98鵝腸 淥30-40秒就好脆❣️蟶子 $48/隻 啲海鮮都好新鮮😚❣️鮑魚 $38/隻 （$76）界開左又易熟啲😙❣️冰粉 $20(茉莉蜂蜜味) - 有四種味❣️桃膠 $20個人認為桂花蜂蜜味比較好食❤️8點後有特價海鮮🦞內在環境都好靚好有風味

大家會唔會同我一樣，好奇「烏蠅館」係咩意思呢？原來係成都，只有味道好既家常小菜館會叫做「烏蠅館」，可想而知店舖既定位😎裝修中國風, 係亞士厘道一眼就望到!-三峽烤魚一共2人，所以嗌左最細條既珍珠魚嘗嘗鮮😋 唔食得辣既我揀左蒜香味~ 條魚超級滑! 無細骨，食落啖啖魚，讚👍🏻 蒜味超足，每一口口腔裡都充滿蒜味🤣🤣 配料唔少，有紫洋蔥、菇🍄、雲耳~-油麥菜嗌埋個菜平衡一下，咁就有菜有魚! 啲菜幾新鮮, 油麥菜又夾蒜味!值得一讚既係侍應幾醒目，一黎到會問我地使唔使嗌左烤魚先，因為都會等一段時間，又會提我地如果本身麻麻地蒜味，烤魚過一段時間會覺得有啲苦，鍾意蒜味就唔會覺苦～ 仲有幫我地個烤魚煲加水嗰陣，會用個水煲蓋擋住可能會彈到我哋嘅熱水同埋蒸氣，好體貼👏🏻

今晚同兩位朋友飯聚，朋友話帶我嚟食「烏蠅館」，烤魚今次無食，我哋嚟食冒菜😜冒菜其實係一種成都嘅小食嚟，好似平時我哋食酸辣粉、米線咁，自己揀配菜。呢度嘅配料選擇好豐富，勁多，超過50款😮我哋每人嗌一碗，揀冒菜B餐 HKD$58，各自揀8款配料，配麵食加5蚊。我今次揀咗萵筍，生菜，土豆片，淮山，娃娃菜，芝心丸，豆腐、配寛粉，揀養生菌湯🤭整體味道好食，性價比高，因為咁大碗真係唔算貴！飲品+$10 ，叫左杯檸檬蝶豆花，酸甜好開胃😍仲叫左小食紅糖糍粑同豬耳，都幾好食😋最重要係位置幾大，多座位，可以坐好耐唔趕你走，而且發現竟然無加一服務🫣下次有機會試埋烤魚先🤤

知道尖沙咀有間烏蠅館吃冒菜，冒菜是一種成都小吃，配料可加蔬菜、肉和麵類。一人一碗冒菜A餐，可選6款配菜。湯都有多款，有麻辣、清湯、藤椒湯、番茄湯、四川酸湯和滋補菌湯。小編選了麻辣小辣，非常惹味。🌟腩肉，肥瘦適中，厚薄均勻。🌟豬肉，肉味濃郁且油份重。🌟肥牛，肥瘦適中。🌟黑豚肉，肉質細嫩有嚼勁。🌟萵筍，厚薄適中，味道清新，口感爽脆。🌟墨魚丸，彈牙，口感爽脆。🌟豬大腸，口感比較有嚼勁，且不硬，口感鹹香。🌟番薯粉口感較有韌性。🌟士豆粉味道偏清淡，軟滑彈牙，有嚼勁，口感十足想打卡影靚相可以點檸檬蝶豆花，想飲茶也可以點桂花烏龍茶。

-🍽🍴🍽🍴🍽🍲🍲🍲🍲🍲🍴🍽🍴🍽🍴🍽-今日終於黎到烏蠅館試一試佢地午市嘅冒菜「冒」嘅意思係水滾食法有啲似車仔麵🧐都係將啲菜同肉放落湯底到燙熟不過冒菜嘅湯汁底料比較似麻辣火鍋簡單而言可以當佢係一人份嘅火鍋🤔只係廚房已經幫你煮熟哂啲餸同埋調味同車仔麵一樣客人可以自選食材、湯底、面底同辣度午市佢地依家主要做緊冒菜同埋雜醬撈麵兩款平均素菜類嘅餸係$5一款，肉類就係$8一款野飲都係加$10左右，價錢合理醫護人員仲會多送一碗冒菜比你👩🏻‍⚕️🥢單人B餐冒菜任選8款菜品 + 火鍋寬粉 🆗寬粉超級彈牙同飽肚👻雖然揀咗海鮮湯底但係飲落比較似豬骨湯😂而跟餐菜品就揀咗雞髀菇、蟲草花、雞肉、雞中翼、豬大腸、鵪鶉蛋、風琴豆腐串同牛筋每樣食材大概有2-3件，味道都唔錯夠入味！不過鵪鶉蛋得兩隻有啲失望😭反而雞肉份量勁多🤤特別欣賞豆腐串，索哂啲麻辣味好惹味，必叫！🥢寶林川式麻辣雜醬撈土豆粉配肥牛 + 5款菜品 🆗除左本身撈麵個基本set之外另外加左香菇、蘿蔔片、海帶結、金菇同娃娃菜蘿蔔片食落有啲生硬唔係好吸汁😭土豆粉方面就淋左少少，無想像中咁煙韌彈牙不過掛汁能力唔錯！撈埋本身嘅川式辣醬食好香口🌶整體嚟講合格，但係怕油膩嘅

《椒香惹味烤魚🌶️》———————————————#烏蠅館 🪰-呢間位於尖沙咀嘅小店，主打川菜冒菜烤魚，先嚟就梗係一要揀咗條魚先，魚嘅選擇都幾多，例如珍珠斑、海鱸魚、清江魚，每款都有啲唔同🐠-我哋揀咗海鱸魚啖啖肉，肉質爽滑，冇乜細骨，再加上特色泡椒汁，餐廳標榜經半年發酵，辣勁十足，香味撲鼻，食起上嚟真係好過癮，令人停唔到口☺️ -裡面仲有金菇、蘿蔔、雲耳等配料，索晒辣汁，夠哂刺激🔥-我哋仲加咗四川寬粉加入個湯底度煮，晶𤯵剔透，煙韌有嚼勁！-食辣嘢，梗係要嗌兩杯嘢飲，黑糖桃膠鮮奶同桂花蜂蜜都幾大杯甜而不膩，解辣一流🧋-⭐價錢參考：（另收加一）海鱸魚： $298油麥菜： $32四川寬粉： $28🍌抵deal 指數：7/10💰人均消費：$250

烤魚呢家嘢真係令人又愛又恨，冒住火燒後欄嘅風險，就算怕辣都要去食結果感動到成面汗淚，食呢間烤魚值得由於𦧲骨呢個動作都幾勞累，所以大胃揀比較少細骨嘅海鱸魚，都幾大條肉質爽滑實淨，魚皮都滑捋捋，仲有洋蔥、木耳同雞髀菇片襯托，吸辣惹味再加多份土豆粉，滾耐啲表面就會透透地明，呢種狀態食就最彈牙入味食咗幾啖，辣到淚如泉湧，聽講飲奶就最解辣，但珍奶竟然售罄？世人真係太弱喇，但都仲有冰粉鮮奶同雪燕鮮奶，配搭有趣又補身食過咁多間紅糖糍粑，第一名大胃決定頒畀佢，脆感一流不在話下，竟然將紅糖唧入糍粑裡面，爆醬又唔會死甜具創意又外脆內綿，唔飽真係想encore開封yogurt包青敢就聽過，成都yogurt都有？其實係將冰粉配料配落yogurt度，味道一樣唔違和，仲要係及時奶，助大胃化辣雖然坊間餃子餡料層出不窮，但包蠔就聞所未聞，豬肉同蠔肉加芫荽完美混合蠔香肉香菜香，三香齊放

開頭睇到餐廳名叫《烏蠅館》，諗極都唔明點解要改依個名，原來依個係源自四川嘅名，意思係唔起眼嘅店舖。佢哋最出名嘅係烤魚，另外再配搭唔同嘅醬汁、湯底同埋配料，就知道好吸引。首先第一步當然揀咗魚先，店員介紹我選擇海鱸魚，因為肉厚又唔多骨。湯底就揀咗招牌香辣，而辣度方面就揀咗小辣。魚肉其實原先烹調過，所以其實煮一陣就可以食用。食落肉質鮮嫩又多汁，再加上秘製香辣汁，食起上嚟真係好過癮，令人停唔到口。食完魚肉就可以選擇下配料。墨汁墨魚丸深黑色嘅墨魚丸，口感非常彈牙。餃類雙拼包含左兩款餃子：西洋菜餃、韭菜餃。餃子原先煮到七成熟，所以餃子淥一下就可以。我自己就比較鍾意西洋菜餃，菜嘅鮮甜味好突出。四川寬粉食得烤魚，一定要叫埋寬粉，通常吸引哂啲辣汁，有嚼勁又爽口。黑糖糍粑新鮮熱炸嘅糍粑，內餡係濃郁嘅黑糖，作為飯後甜品真係啱晒。另外食得辣嘢，就一定唔少得飲品。要打卡就可以揀檸檬蝶豆花。如果想飲茶就可以揀桂花烏龍茶，一樣好解辣。烏蠅館 (九龍中心大廈) (尖沙咀)尖沙咀亞士厘道29-39號九龍中心大廈地下G29號舖

烏蠅館嘅冒菜套餐平時就食得多喇成日聽到人哋推介話一定要食佢哋嘅烤魚今次就約咗朋友晚餐時間一齊去食烤魚🤗******************************食物s:✨️招牌香辣海鱸魚 ($298) 揀咗小辣 但原來都辣勁十足 唔可以睇少🌶️平時食開小辣嘅我 都覺得愈食愈辣😅建議唔食得辣嘅朋友 最好都係揀返蒜湯喇一份烤魚有2條爐魚 份量都唔少面上加咗好多香料 麻香味十足 好正呀鱸魚啖啖肉 肉質厚實而且好少骨啱晒我呢啲怕魚骨嘅人😌入面仲有啲金菇、蘿蔔、雲耳等等配料同樣索晒辣汁 好刺激🤪✨皇帝菜 ($35) 最鐘意有香味嘅菜 每次見到必點呀 除非有茼蒿啦索晒辣汁好過癮❣️✨四川寛粉 ($28) 呢度嘅寬粉特別好味 每次嚟都會點滑捋捋晶瑩剔透 煙韌得嚟唔會咬到牙仔酸✨餃類雙併 ($78) 有雙併緊係點雙併是常識吧？點咗西洋菜餃同韭菜餃 幾足料值得一提係呢度可以揀7成熟 烤魚啱晒✨墨汁墨魚丸 ($48) 真係好黑😂 不過食落帶啲甜味啖啖肉 冇筋 唔錯👍🏻 ✨爆漿紅糖糍粑 ($26) 新鮮炸起 真係好熱辣辣咬開時要小心爆漿會辣親喔😜甜滋滋嘅甜品 好sweet呢✨宮廷普洱茶(凍) ($18) 微甘嘅

今次已經唔係第一次嚟，每次有朋友話想食烤魚，都會提議嚟烏蠅館。🤣呢度主打食招牌烤魚，每次嚟水準都keep到。自己鍾意食辣，呢度嘅辣度夠，又夠惹味。首先食咗條烤魚先，4個人嚟嘅話可以叫叫一條。食完烤魚之後再加湯打邊爐。烤魚都好大條，上菜前炸香過，十分惹味。而且大大條、啖啖肉，肉質鮮嫩。邊爐料方面種類繁多，有各種丸類、餃子同肉。鍾意食煙韌口感嘅一定要叫四川寬粉，吸咗湯之後都好濃味。打完邊爐仲可以點埋甜品，紅糖糍粑口感煙韌，外表就炸到卜卜脆，配埋紅糖味道好夾。另外冰粉同酸奶都係必點。飲品方面都有好多選擇，黑糖鮮奶同各種果茶都有。啱晒鍾意食甜品嘅螞蟻人🤣🌸。