炯記餐室 (沙咀道) (已改名) 查看

行過見到有間新餐廳，主打手撕雞，梗係要入去試吓啦！我諗無人唔鍾意食手撕雞掛 唔知係咪因爲新開冇乜人，定係因為係正店中間有枱大陸人大大聲傾計好嘈，嚇走晒啲人 Well.. 不過我為左食，唔理咁多，我有我食佢有佢嘈！講番啲食物，Menu選擇唔算多，不過我都唔使揀，梗係食手撕雞啦。我同老公試晒兩款，麻辣同埋鹽焗上枱都幾有驚喜，大大碗好多雞，撈粗麵唔係普通蠔油撈麵，而係有炒過的！淨係碗麵都已經好惹味！手撕雞份量大約有半隻雞，仲有雞翼尖添！麻辣味好香唔會太辣，鹽焗味都好入味！唔係講笑，真係食上癮！不過，佢連雞骨上，唔知係咪想證明真材實料，我就希望冇骨啦！個餐有碗胡椒湯送，一啲都唔馬虎，胡椒味好重，唔似其他茶餐廳的溝水例湯！40幾蚊都算抵食，性價比高，值得再食

星期日放假到荃灣走走，在荃新天地對出看到一間食店主食手撕雞，一向愛吃雞的我決定試一試！坐下當然點選店家的招牌鹽牌鹽焗手撕雞飯，當食物送到時已經有陣陣鹽焗香氣撲過來！一啖嚐試後，確實美味得不知如何形容，確實不會煮食的我也不知如何形容，只能說一句“真的很好味”，哈哈！店員服務也很好，老闆也在場積極照顧客人，和客人有講有笑，他也推介我試他們的豬手和招牌鮮油奶多，但小的真的飽得吃不下！ 這店確實值得推介，下次一定會試試其他招牌食物，值得推薦的食店，在這裡給親切的老闆支持支持！

同事話放工經過見到有間新茶記，又見到佢哋影到啲相好靚咁，所以lunch就拉隊去試吓。新店裝修企理，環境算唔錯。食物選擇唔多，主要都是賣「常餐」，我哋叫咗招牌嘅常餐同埋手撕雞餐。雖然價錢喺同區嚟講算係合理，但咁嘅質素我會感覺佢係浪費緊食物，成個常餐，最好食都係半塊厚多士，因為另外果半塊僅僅沾到少少牛油。手撕雞餐果碟雞應該比啲心思執執佢先拎出去招呼客人，一上到檯感覺真係有啲似人哋食剩，然後儲埋一碟再比下一個客人食咁。試業中嘅新茶記希望老闆睇到呢個po之後可以改善一下。