炯記餐室 (美麗閣)

营业中

休息中

今日lunch想食叉燒飯，lunch只有1個鐘時間，Google map話行10分鐘到，點知行左20分鐘，如果唔好食就慘啦，坐底未叫野食，侍應好快比左個例湯我，紅蘿蔔合掌瓜粟米湯，粟米算甜，跟住叫左個半肥瘦叉燒飯，黎到賣相好靚，50蚊份量算正常，附上蔥油，叉燒肥瘦好均勻，完全唔會過肥，雖然叉燒同飯微暖，但叉燒依然齒頰留香，咬落柔軟，肥位岩岩好，邊位燒到香脆，甜甜地，少少痴牙，如果熱多少少就更加正，飯係少少乾身有咬口既，少少叉燒豉油甜味，不枉行左廿分鐘，不過要忍忍落單阿姐比較直，同用平板電腦落單時間

北角英皇道炯記，就是街坊大眾都會愛的燒味飯店，價錢不貴性價比高，燒味每天新鮮出爐，無論愛賣或堂食都皆宜。堂食仲未叫野食都送例湯~-炯記煙燻燒鵝飯上桌時真的有淡淡煙燻香味呢，鵝肉肉質靚，實肉而不霉。-炯記叉燒飯叉燒飯更是不可不叫，腩叉肉肥相間，豬油香滲滿飯裡，蜜汁甜蜜，撈飯一流。-鹽焗手撕雞撈麵炯記的鵝油撈麵要大推呢～撈麵吃得出有啖啖鵝油香，仲有秘製醬油，平淡撈粗都變得層次豐富。手撕雞咸香夠爽口，停唔到口啊～-鵝油菜心 及 蒜香雲耳另外仲叫左鵝油菜心同蒜香雲耳雲耳夠爽夠凍好好食。

開關之後, 朋友二人由英返港, 問佢哋想食乜.佢話: 我有三年無食過燒味啦!! 英國唔係無,不過貴都未必好食囉. 最後, 近近哋帶咗佢哋落炯記.<<煙燻燒鵝飯>>皮脆有光澤, 份量OK. 入口肉嫩入味, 食得到名符其實嘅煙燻味!<<脆皮燒腩仔撈麵>>燒腩仔同撈麵分開上枱.撈麵賣相靚仔, 油光滿麵, 有鵝油香味, 麵質彈牙.燒腩仔份量足有一個例.皮脆口, 入口卜卜聲. <<冬菇豬手撈麵>>豬手夠腍味濃, 滿滿膠質口感! 佢哋唔夠喉, 要叫多兩隻食. <鹽焗手撕雞腸粉>>香港街頭FUSION菜, 原來都幾夾.份量都幾大碟, 腸粉淋上甜醬及麻醬, 伴以芝麻.手撕雞有鹹香, 雞絲帶皮伴芝麻.

抵食之《炯記餐室》lunch係北角開完會食咩好？見到呢間茶記幾人幫襯，咁唔打唔撞就入左呢間《炯記餐室》，我同同事叫左個二人套餐 $198：鹽焗手撕雞：份量非常誇張，雞肉非常滑，味道唔算太鹹，雞肉面好多花生同芝麻，真係足足半隻雞，冬茹醬皇豬手：豬手超大件，豬皮處理得幾好唔會有毛，成隻都好淋，咬入口好膠質，，冬茹仔好爽好香，鹽焗雞腎：份量多，超級爽同有口感酸辣雲耳：呢個雲耳唔算辣，十分good，酸酸尾尾好開胃，油菜(一碟)：菜心都好翠綠，唔老，不錯，太子鵝油撈麵：呢個面真心正，鵝油好香，但入口一d都唔油膩，個麵好爽口，獎汁一d都鹹，同個麵好夾，呢個二人套餐超量真係超級多同抵，3個女仔都夠哂食。

之前要特登去九龍先食到的烔記餐室😋原來北角開咗一間分店，終於都唔使過海就食到啦😊今日中午一入到嚟餐室，即刻送兩碗例湯俾我哋先，例湯唔係濃味，飲完都唔口渴，應該冇乜加味精👍抵食燒味，性價比超高🙌🏻煙燻燒鵝撈粗抵食燒鵝撈粗，保持一貫水準，燒鵝皮燒到脆口，仲有一陣煙燻味，肥瘦啱啱好，加埋啲酸梅醬，冇得頂😋鵝油撈麵，超級彈牙。麻辣手撕雞飯麻辣手撕雞，少少辣加埋啲麻油香味，好嘢味，餸飯一流。冬菇扒生菜冬茹扒冬菇$20 有呢個配搭真係好抵食，冬菇有幾好味喎，絕對係心機之作😋

北角炯記色香味俱全🤗主要賣燒味，鐘意食燒味既你地千祈唔好錯過喇💕我哋晚飯時間去嘅，已經係滿座，加上佢都好多外賣單👏🏻好多人喺門口等緊，睇嚟呢間舖頭真係好唔錯😀我聽人講叉燒好好食，所以我哋都分別嗌咗煎蛋叉燒飯，叉燒瀨煎蛋叉燒飯，可以話係香港人點都會食過嘅碟頭飯😙 少少蛋汁撈落去啲飯到等啲飯滑啲，叉燒又好食，半肥瘦賣相已經好吸引冬菇生菜標價真係好平$20，生菜夠林夠爽，冬菇入味啲汁仲可以用嚟撈飯🤤酸辣無骨鳳爪有啲泰式嘅味道酸酸地😘好開胃

必叫：叉燒+燒腩仔我覺得夜晚食飯太heavy😂。所以我就轉左瀨粉！而且覺得好夾添！佢嘅瀨粉煮特好彈牙😜😜 口感好好！再加埋佢嗰隻辣醬就已經好好味，叉燒半肥瘦唔會太乾😙 燒腩仔，雙拼飯💕燒腩仔有少少肥咁先好食😃層皮燒得好脆口😝例湯仲要好好飲😍直程想再添多碗！好有屋企阿媽煲湯嘅味道🫣💓生菜又煮得好林，鵝油喺面頭，好香o(≧v≦)o麻辣手撕雞腸粉👏🏻腸粉好滑，手撕雞好入味。份量仲要好多🤗🤗加埋杯特飲！鹹檸七🤭正到爆！

唔係第一次食烔記，不過平時多數叫外賣，今日有時間可以堂食，叫咗個下午茶餐，燒鵝撈麵，再追加麻辣手撕雞雖然係下午茶，份量都唔細👍🏻燒鵝啲肉唔韌，鵝皮有肥肉，但會覺得好油膩🤤鵝油撈麵好香，好彈牙，加埋佢哋自家製嘅辣椒油，好正😋手撕雞夠嫩滑，少少辣，味道啱啱好👍🏻

炯記餐室 (美麗閣) 地址 北角英皇道376-380號美麗閣地舖今日去開港島，到左午餐時間又係要睇下食咩，一支公最岩就係食燒味，行開見佢都幾多客人一於去試下煙熏燒鵝飯 上台聞到煙燻香，燒鵝皮脆肉香食落油香十足，燒鵝肉夠嫩，加埋個飯落左自家製醬汁好食。醬皇叉燒(例)叉燒有驚喜自家即燒叉燒肥瘦適中，油脂很夠而且肉質嫩滑。食落口無得頂鴛鴦手撕雞小食可以有齊辣同唔辣，鹽焗味好香 整個口感係非常豐富，手撕雞口感非常嫩滑，好岩送飯。雞腎小食 雞腎一定要讚，香脆鮮美仲有嚼口份量都唔細，呢個一定要試最後叫返杯檸檬茶少冰走甜清清口味味小食都好有質素！真心平靚

今日同朋友在鰂魚涌行到攰，諗住搵間餐廳坐低食，見到間炯記就入左去。叫餐果陣，我地問個waiter，有咩野麵可以撈，多謝waiter勁細心，好有耐性咁答我地。本身以為茶記都係求其落單就算，但呢度既服務質素，真心ok。同埋d野食勁快到，我地叫完幾分鐘，條youtube片睇到一半，就已經上菜~我地叫左個四寶撈粗，有手撕雞，豬手，叉燒，紅腸，份量勁足，食完超滿足~個撈粗好特別，有我地香港人好鍾意果種爽滑彈牙既感覺，調味ok，味道啱啱好~鹽焗手撕雞腸粉，好少會係燒味餐廳食到，啖啖肉，腸粉又夠滑，如果唔係好肚餓，又想食少少野既女士，食完應該會好滿足~食過番尋味，我地再追加多個燒鵝脾撈粗，燒鵝脾同中環間鏞記有得揮，口感肉質都好正~係全餐既high light雞脾打人牙骹軟，鵝脾，我諗應該再勁d~仲有個阿華田五穀麥芽特飲，我覺得係阿華田fans既福音，阿華田味夠，唔會太淡，而且有d阿華田脆脆可以咬下，Nice~

今日一場黎到北角探朋友,🥰見到網上留言指呢間燒味都幾多好評, 👌🏼又唔洗排隊之下, 就決定一試!😆😆我地剛剛坐低店員已經奉上老火靚湯喇,❗ 今日係花生雞腳湯, 👍🏼🙏🏻好香亦飲唔出有落味精, 😄真係幾健康!💪🏻叫左例牌豬手, 叉燒燒肉飯, 😍冬菇生菜, 叉燒瀨粉; 特飲都只係加$8, 我叫左杯阿華田雪山😉雙拼燒肉叉燒飯👉🏻佢既叉燒果然係超正! 口感好肉質新鮮,👍🏼燒得好靚肥瘦均勻, 😜燒肉香脆油花分佈得岩岩好😛🐽醬皇豬手有6隻,😎 而且隻隻都好大隻, 一望就知好入味😋😋

餐廳位於北角至炮台山站中間,招牌係大街上一眼認到,由於食物價格好抵,燒味店之中衛生情況好好,午市根本上座無虛席,外賣人龍都唔少😎今次同朋友叫左炯記二人套餐 $198,幾款主食加飲品,份量超多,絕對物超所值👍🏻特別推介之下幾樣:鹽焗手撕雞(半隻) - 足秤手撕雞灑上芝麻粒及蘸一點沙薑非常下飯,雞肉鮮嫩😋醬皇豬手 - 香味十足,肥而不膩,而口感好嫩,超入味🤤是日靚湯-粉葛紅蘿蔔湯真材實料,清甜美味,無落味精,超好味😋

炯記餐室北角英皇道376-380號美麗閣地舖G/F, Mary Court, 376-380 King's Road, North Point想食燒味, 來這裡一定沒錯, 抵食好食, 很多街坊都經常來幫襯。我一個月總會去北角2次, 採購家中煮食的食材凍肉, 同買好出名架SCONE 和麻糬波波, 通常都會順便來吃燒味。炯記二人套餐 $198一來就送上例湯先, 都有好多湯料在入面鹽焗雞腎, 雞腎好爽口, 處理得很乾淨沒有壓味,很好吃仲很大碟。酸辣雲耳很開胃, 個酸汁滲入在雲耳, 彈牙質地鹽焗手撕雞 (半隻)冬菇醬皇豬手 (例牌) 炆得好腍身,個皮入口即化哦, 個汁又好味, 用來撈飯或麵都OK架太子鵝油撈麵,唔油膩之餘麵仲好爽利, 質地彈牙,同埋很大碗, 兩個人食一碗也夠飽。油菜仲包2杯飲品, 平民美食在北角。

黃昏時間同朋友👱🏻‍♀️一齊喺北角，諗住簡單好味食一餐，我哋用咗10秒時間商量，就決定嚟呢度開餐😆$68 嘅「鹽焗手撕雞🐓半隻」：「手撕雞🐓」拆咗肉，童叟無欺應該足半隻雞😆，啖啖肉份量都幾大食得我哋好開心🤩，雞肉🐓有鹹香又有雞味😋，餐廳仲連埋「雞殼」一齊上，如果鍾意「噒骨」就勁開心😚$62 嘅「炯記煙燻燒鵝🦢撈麵」，加 $10 要「鵝胸」：「鵝胸」真係好多肉，又好鵝味😋；燒鵝皮就燒到脆脆哋，連埋鵝皮底下嗰一層薄薄哋嘅鵝油，非常香口🤩；鵝油撈麵🍜煙靭彈牙😋$18 嘅「鵝油生菜」：顏色翠綠，新鮮好食😊$40 嘅「麻辣手撕雞🐓腸粉」：麻辣手撕雞🐓少少麻少少辣😆；腸粉加咗麻醬同甜醬，惹味😋加 $5 要「熱檸水🍋」

炯記的燒鵝非常有水準，比那些名店老字號更好食。今日早點食晚飯，一人一個下午茶餐，包餐飲，加碟燒鵝，很滿足。秘傳煙燻燒鵝（例牌$138）鵝皮有光澤，賣相甚佳。鵝皮超薄，香脆無渣。鵝肉幼嫩軟腍富肉汁，甘香肥美。麻辣手撕雞腸粉（$40）麻辣醬與腸粉的麻醬和甜醬非常夾。雞肉和腸粉都滑嘟嘟，口感和味道都很好，又有新意。醬皇叉燒湯米粉（$40）叉燒肥瘦適中，肉質嫩滑。餐飲：熱奶茶（$0）熱奶茶唔錯，順滑香濃。