炯記餐室 (美麗閣)

营业中

休息中

呢度附近上完堂，想食燒味，見未食過炯記，所以試吓。入面座位闊落，職員服務好好同好人，唔嫌我地麻煩一時加單又改單。貪心嘅我，乜都想試，最愛食燒鵝，燒豬，但又想試埋腩叉，所以叫哂三様同同學share食。叫咗個秘制煙燻燒鵝飯，個皮好香口，又多肉，配埋個酸梅汁帶出香味，而且又有豐富濃郁的口感，令個燒鵝嘅味道得以昇華。另外叫個雙拼，燒肉同點少得皇牌腩叉，腩叉配佢自家嘅秘制醬皇好好味，半肥瘦好平均，肉質外脆內軟，火喉啱啱好，同埋佢都俾好多肉你又切得厚，絕對唔會唔夠食唔夠送飯。燒肉如期望卜卜脆，肉質並唔會乾巴巴，又係大大件多件，所以兩個人食好夠飽。另外我地仲叫咗個菜，竟然係冬菇配生菜，少有可以咁樣有冬菇。食咁多嘢咁飽，但價錢都好親民，值得encore！！

因為時間緊迫，唯有揀一間附近名物燒臘店光速食，然後趕去工作。餐廳細小、職員都人如其名地炯樣、餐具唔乾淨，環境又熱又焗。本來第一感覺已經不太好，之後出錯食物又錯做成外賣盒。店員年輕小姐仲要調轉兇我，鬧落單呀姨。跟住自己睇返張單，發現自己惡錯人係若無其事，搞到我哋都好無辜。食物方面 - 雙拼叉燒配切雞米粉︰公平地說，估唔到好好食喎！半肥瘦叉燒加上自家蜜醬汁超入味，咸甜適中。叉燒肉味香濃質地又鬆軟，未咬已經一絲絲肉散開。掛汁超下飯，後悔點咗無味水煮米粉。切雞特登叫雞胸肉，黃油雞皮同脂肪勁香，連胸肉都可以做到肉質滑溜，認真不簡單。同叉燒一樣惹味，名符其實燒臘老手。附送無味精雞腳紅蘿蔔花生湯︰花生紅蘿蔔用料足，淡淡（真係好淡）雞腳雞皮香，但其實鹽都無落就似雞腳水一樣。總結︰食物質素拉返性價比，如果唔飲碗例湯、唔介意家有惡人大小姐，絕對物超所值。

呢間專食燒味嘅茶餐廳性價比好高✨各種燒味都好新鮮，而且可以配麵或飯.▪️炯記煙燻燒鵝飯(轉瀨粉)送粉葛湯($60)燒鵝皮脆肉嫩，外表有光澤，咬落有肉汁真係燒得好好食😋瀨粉唔會煮到好淋，而且冇斷開 好容易夾✨湯底有鮮味，所以唔使額外落調味都好好食另外餐廳提供嘅辣椒油都幾辣 越食越惹味粉葛湯音樂應該冇落味精，因為飲完都冇口渴真正老火湯💯▪️炯記四寶飯(手撕雞、豬手、叉燒、紅腸)(轉米粉)送粉葛湯($60)手撕雞嘅鹽焗味好香，食到停唔到口🤣大大舊豬手煮得好淋 滿滿嘅骨膠原~叉燒好厚身，燒到令立立✨但相對較為鞋身4塊紅腸就正常味道米粉亦冇煮到好淋身 唔似其他餐廳會煮到斷晒所以每一啖都可以連續咁食🤤▪️凍檸茶(+$5)唔會好澀又唔會太甜呢杯凍檸茶味道真係啱啱好🤩▪️凍奶茶(+$5)奶味較重茶味相對唔會太多，但都飲到有茶味.✍🏻整體:平時好少去餐廳食燒味飯嘅我都覺得呢間可以再去食🤩💯煙燻燒鵝套餐真係超值，因為除左燒得好靚好大塊仲好新鮮✨每碗飯面上面搭埋菜心真係好有誠意✨.📍炯記餐室北角英皇道376-380號美麗閣地舖

炯記餐室北角英皇道376-380號美麗閣地舖G/F, Mary Court, 376-380 King's Road, North Point廣東最偉大的飲食, 而我又最愛吃的表表者, 一定屬廣東燒味了, 因我是食肉獸, 而燒味款多口味又眾多, 是不少香港家庭加餸與日常生活的菜式, 只要落街就買到食到。$40 海蜑燻蹄，麻油同鹽香，燻蹄皮彈牙，仲好抵食。$28 鹽焗雞腎，仲有麻辣，要了鹽焗雞腎爽中帶腍，好食，洗得乾淨。$60 煙燻燒鵝飯，啖啖肉，燒得通透皮很香,咬下再加皮下的鵝脂肪香。白米飯淋了豉油，男人的浪漫。$40 鹽焗手撕雞腸粉，多醬是食腸粉必需的,雞肉很多，簡單好味融合了香港街頭小食腸粉。Cp值超高燒味店

想食燒味，都係去番炯記，價錢公道，食物有質素，性價比甚高的港式燒味餐廳。其中燒鵝、叉燒和豬手都有水準，下午茶時段同樣有供應，抵食。（例）醬皇豬手（$68）六件豬手大大隻，肉厚入味，未至入口即化，但夠腍滑。（下）燒鵝瀨粉+餐飲（$43）煙燻燒鵝皮脆肉香，脂肪不多而甘香，必食之選。（下）叉燒煎蛋飯+餐飲（$43）叉燒肥瘦均勻，燶邊肉嫩，高質素。白飯粒粒分明，不會太軟，配叉燒汁一流。冬菇扒生菜（$20）冬菇細細粒好入味。

適逢今日在北角工作，剛好想食燒味，今日試下炯記啲燒味入到黎 ，睇到餐牌，你就唔會想食傳統燒味，因為呢度有鵝油撈麵，係我最愛既鵝油撈麵四寶太子撈麵呢度既鵝油撈麵麵底係一樣，麵底麵係生面粗面，爽口彈牙，濃濃鵝油香蠔油味，慾罷不能豬手炆到皮軟肉爛相當入味叉燒望落好肥，其實係半肥瘦，入口出奇地冧滑 高質之作同行友人叫左手撕雞撈試左佢幾舊手撕雞，肉質有咬口，有雞味，即刻唔諗咁多，叫多左個手撕雞小食，再加個菜兩個人埋單都係百零蚊 價錢亦都唔算太貴，下次可以再戰

到咗糧尾, 又想食得好D,我就會去炯記先黎個冬菇蝦籽撈麫,少了點鵝油撈粗嘅油膩,卻有冬菇嘅香味同蝦籽嘅鮮味,配搭極好👍🏻加了幾款小吃, 醬皇豬手一碟兩件剛好, 醬皇味濃, 豬手頗大件, 勁多骨膠原~😍炯記三皇拼盤最抵食, 雲耳爽脆, 微酸少辣, 我最喜歡, 鳳爪同雞腎沒有多餘醬汁, 仍好有鹽焗嘅原始味道😋炯記出名嘅手撕雞又豈能錯過, 今次拼咗美味嘅海蜇最正, 手撕雞好多係雞肶肉, 比雞胸更滑溜, 海蜇係貴價食材, 但係份量亦唔少, 爽口彈牙最後更追加一碟冬菇生菜, 因為佢D冬菇燘得確係入味, 好似食極都唔夠喉😂😂

今次呢間餐廳係朋友介紹，佢話佢lunch time 成日黎食😋價錢親民又抵食！佢主要係食港式美食，燒鵝更加係招牌菜✨✨主食已經附送是日例湯，當日係青紅蘿蔔湯，幾清甜～🍚炯記四寶飯 四寶包括手斯雞、豬手、叉燒和紅腸，一次過可以試曬四款港式燒味！豬手夠淋👍🏼叉燒肥瘦平均，所以肉質會較嫩，唔會干～手斯雞冇骨啖啖肉～紅腸好啱餸飯😋✨炯記煙燻燒鵝撈麵本身想叫原隻煙燻燒鵝脾撈麵，實在太受歡迎，咁啱賣晒🥲唯有下次再試！燒鵝油脂豐富，經過高溫燒制，油香十足，佢仲用咗啲鵝油黎撈麵，十分邪惡又滿足😈😈🍼奶茶必點之選，茶香奶滑推介指數：⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️再訪：Yes

高質燒味推薦🙌🏻性價比好高❗️🌟燒鵝叉燒配太子鵝油撈面秘制煙燻燒鵝係必須要嗌鵝皮色澤靚 皮香肉嫩 帶煙燻香氣配酸梅子醬食亦較解膩👍🏻而鵝油撈麵無鹼水味 鵝油香而不膩再配上爽彈既粗麵 💯🌟叉燒雞飯秘制醬皇腩叉 肥瘦均勻 好軟腍蜜汁甜度適中 仲有啲燶邊 好正👍🏻切雞轉左雞髀 雞肉好嫩滑 配埋薑蓉最正🌟鹽焗手撕雞手撕雞色澤金黃 肉質又嫩滑兼香味濃郁充分吸收左鹽焗粉既味道又不失雞肉既鮮味帶鹹香同雞油香 送飯一流💯🌟醬皇豬手招牌菜之一 以秘製秘方細燉慢熬三至四小時火喉掌握得剛剛好 非常入味而且入口即化 仲有滿滿膠質感 真係好好味

而家多左好多餐室，冰室，炯記餐室都有好多分店。今日係北角食個晚餐，地點好方便，落左地鐵沿住英皇道行一陣就見到。主打係燒味，同埋佢個鵝油撈面真係好吸引，所以叫左個燒鵝撈面轉鵝胸，果然係啖啖肉，好滿足，最緊要係有甜酸醬自己點，岩哂中意多醬既我。叫左個油菜，鵝油生菜，食落好香，菜又好新鮮，食到好甜既菜。另外有得追加小食，佢個醬皇豬手咁吸引當然要試下，果然係好入味，大隻得黎又多肉，小食黎講幾抵食。最後叫多個脆皮燒腩仔例牌，例牌都勁大份，皮超級脆，仲要五花腩，雖然好邪惡，一層肥一層肉，但就係要咁先夠juicy😋主打燒味但其實仲有好多野食，而且選擇又多，可以有好多唔同既配搭，下次一定要再試下其他。脆皮燒腩仔 例牌 $68炯記煙燻燒鵝撈麵(轉鵝胸) $62 + $10凍奶茶 +$5醬皇豬手(2只) $24鵝油生菜 $18

之前來過食下午茶（燒鵝，鵝油撈粗，义燒煎蛋飯，加個生菜冬菇，好味又扺食，今次晚飯一行三人，一坐低已經送三碗例湯，然叫咗兩人餐，麻辣手撕雞，醬豬手，涼拌雲耳，灼菜芯，鹽焗雞腎，再加碟义燒燒鵝飯，麻辣手撕雞幾惹味，鹽焗雞腎我覺得淡味咗啲，醬豬手都可以（可能我食嘢比較重口味）反而我係最欣賞個涼拌雲耳，帶點酸味好醒胃，义燒同燒鵝依然好好味，燒鵝皮係好脆，仲有點煙燻香味，最主要醃鵝的調味和香科好足（唔知點解現在主打燒鵝的餐廳係醃唔夠味，皮亦唔脆）呢間我食一次已經愛上了（似返细個時吃的味道呀)

無論係邊度嘅燒味都唔及得香港燒味咁地道！！返到嚟香港，第一時間去食港式燒味～ 炯記餐室。.叫咗🐷炯記叉燒米粉、🦆煙熏燒鵝瀨粉同一款🐔鹽焗手撕雞小食。🐷炯記叉燒米粉叉燒分碟另上，份量好足，燶邊肉嫩+ 半肥瘦，有蜜汁係上面鮮澤光鮮，入口甘香，食到舔舔脷😋。🦆煙熏燒鵝瀨粉燒鵝棗紅色澤❤️，皮脆肉嫩，咬落仲有肉汁，證明火喉掌握得好好👍，煙熏味適中，而且超級幸運，送上嘅竟然係燒鵝脾((((oﾟ▽ﾟ︎)o)))🐔鹽焗手撕雞將嫩滑雞肉撕成一塊塊，食落啖啖肉，味道香濃鮮嫩，鹹香撲鼻。.食物質素Good Good 👍，價錢又合理，份量又足，值得一試😋。.好味指數：😋😋😋😋4/5推介指數：😋😋😋😋😋5/5抵食指數：😋😋😋😋4/5.🍽 炯記餐室 📍北角英皇道376-380號美麗閣地舖

二人套餐好抵食 份量足夠3-4個女仔食🔸麻辣手撕雞 半隻炯記嘅麻辣手撕雞係招牌菜夠哂麻辣 好入味 好刺激🔹太子鵝油撈麵 兩碗同麻辣手撕雞係絕配鵝油好香滑 粗麵好彈牙🔸麻辣雞腎 及 酸辣雲耳套餐有兩款小食 （同平時叫嘅size一樣)雞腎好爽口 夠香辣雲耳酸辣汁好開胃🔹冬菇醬皇豬手豬手經長時間慢火炆煮過充滿膠質 豬皮好腍滑 入口即溶配秘製嘅醬皇 冬菇同豬手都好入味🔸油菜🔹例湯🔸飲品炯記二人套餐份量十足 味道又有保證未食過一定要試下 😉

早前吃過近日紅透半邊天的炯記燒味，念念不忘，今日工作路經北角，發現原來有間炯記在， 馬上走進去點一些燒味醫肚裝潢跟一般茶餐廳沒兩樣， 不過就比較乾淨企理，地面沒有油漬服務意想不到地好，兩名侍應服務夠細心，亦有禮貌值得一讚出品煙燻燒鵝飯$60份量不小，燒鵝毫不吝嗇有十分多塊，肉質彈牙，皮與皮之間脂香濃郁，入口油香甘醇，配超大份量的飯，令人吃得很滿足醬皇叉燒 例牌$68五層腩，外脆內稔，鬆化無筋，這質素直迫西班牙黑豚肉，又不會太肥又油，是層肥層瘦，非常高質桂香白切雞半隻$70非常滑嫩！是連雞胸肉都不鞋的口感，別以為是春雞的份量，是多到根本吃不了完！$70這質素份量非常不錯結論：除了二人餐，堂食燒味也值得一試

今日lunch想食叉燒飯，lunch只有1個鐘時間，Google map話行10分鐘到，點知行左20分鐘，如果唔好食就慘啦，坐底未叫野食，侍應好快比左個例湯我，紅蘿蔔合掌瓜粟米湯，粟米算甜，跟住叫左個半肥瘦叉燒飯，黎到賣相好靚，50蚊份量算正常，附上蔥油，叉燒肥瘦好均勻，完全唔會過肥，雖然叉燒同飯微暖，但叉燒依然齒頰留香，咬落柔軟，肥位岩岩好，邊位燒到香脆，甜甜地，少少痴牙，如果熱多少少就更加正，飯係少少乾身有咬口既，少少叉燒豉油甜味，不枉行左廿分鐘，不過要忍忍落單阿姐比較直，同用平板電腦落單時間