炯記餐室 (美麗閣)

营业中

休息中

抵食之《炯記餐室》lunch係北角開完會食咩好？見到呢間茶記幾人幫襯，咁唔打唔撞就入左呢間《炯記餐室》，我同同事叫左個二人套餐 $198：鹽焗手撕雞：份量非常誇張，雞肉非常滑，味道唔算太鹹，雞肉面好多花生同芝麻，真係足足半隻雞，冬茹醬皇豬手：豬手超大件，豬皮處理得幾好唔會有毛，成隻都好淋，咬入口好膠質，，冬茹仔好爽好香，鹽焗雞腎：份量多，超級爽同有口感酸辣雲耳：呢個雲耳唔算辣，十分good，酸酸尾尾好開胃，油菜(一碟)：菜心都好翠綠，唔老，不錯，太子鵝油撈麵：呢個面真心正，鵝油好香，但入口一d都唔油膩，個麵好爽口，獎汁一d都鹹，同個麵好夾，呢個二人套餐超量真係超級多同抵，3個女仔都夠哂食。