炑八韓烤 (已結業)

男朋友升職，約佢去食炑八慶祝一下，坐底之後就叫咗個烤五花肉流心蛋飯，呢個係套餐有韓式清湯，重有前菜同飲品。加多個甜品snow ice冰沬(綠茶紅豆迷你冰沬)。初頭都驚啲五花肉好肥，但食落口一啲肥膩感覺都無，重好淋滑，撈埋隻蛋又香又好味！正個前菜都有幾碟，碟野都唔細！有泡菜、芽菜同蘿蔔，泡菜味道亦醃得唔錯！嗰個湯雖然叫清湯，嚟到原來係紫菜湯，不過味道淡咗啲。個冰沬綠茶味適中，紅豆ok唔太甜，味道尚可。

今日 dayoff 約埋一班朋友打波，打完波去食炑八，叫左幾個大家 share ，有牛肋骨煲配飯，有前菜同清湯跟埋，個牛肋骨煲都好濃味下，D牛肉幾淋身同鬆化都算幾入味，覺得呢個煲係濃咗啲，但係味道都唔錯，幾好味！另一個雞扒蛋包飯，同樣係有前菜同湯，雞扒好正好 juicy ，D蛋好滑。鐵板泡菜豬肉配粉絲D粉絲好好味，煙煙靱靱，有啲似韓式炒粉絲。加咗$12叫左杯 Detox Water薄荷青瓜，夠清新、士多啤梨藍莓。

放假無人煮飯..... 唯有落樓下商場食 順便買吓零食返屋企😂😂之前食過炑八韓燒 而家可以試吓lunch set自己毒食係頹啲.... 好彩有啲孤獨細檯每個set跟兩客前菜 我唔鍾意食蘿蔔 於是叫人收咗... 店員話換泡菜畀我 但我覺得會食唔哂 所以無要到... 呢碟芽菜幾爽口 酸酸哋 好開胃我要咗雞扒蛋包飯（$48） 因為menu上面見到塊蛋整到好似玫瑰花好靚 我最鍾意滑蛋 濕啲creamy啲好似豆腐咁... 仲有咁多塊雞扒！入面啲飯細細粒 炒得好香 用韓式醬料撈勻其實咁大碗我一個女仔真係唔太食得哂😂😂

新推薦既迷你冰，製作時間大約10分鐘，冰係由牛奶製成。外層係一塊塊oreo曲奇，曲奇裡面係cream，而最底層係朱古力碎。個冰好迷你，得手板咁大左右，至岩飯後飽飽地之後食。口感一拍即合，又睇得又食得，好岩少女心

先幾日下午去新都城呢間炑八食野，食物質素唔係話好好，算普通野，其實食物質素唔特別差的話，客人試吓都得嘅，但侍應服務唔得就好難令人返轉頭食。當日我見有個order等太耐，諗住叫侍應取消，於是叫左個高高地set晒頭嘅男侍應取消啦，一叫佢已經個樣串串地咁，再提出取消要求，佢即時就同其他同事大大聲講：「個靚仔話想取消order喎」，我即時覺得佢態度好有問題，幫人客取消咪取消，叫咩靚仔呢？我見呢度裝修都叫幾高級，但感覺好似仲差過去茶記大排檔，於是我問個高級d嘅唔知係咪經理，投訴佢地點教員工，可以咁無家教，觀察成間都係後生仔，主力想做到有活力，但個個後生員工唔係玩就聚埋吹水，無人做野，叫佢地做野就咁黑面服務態度，如果比呢類後生仔搞壞名聲，就算好好食都唔會再幫襯。

在tko同朋友行街，行完就去左食呢間韓燒既下午茶。好大間，可以容納好多人，無論係自己去食定一班朋友去食都可以。燈火就比較暗既，可能韓燒都係想比人一啲煙霧離漫嘅浪漫感覺。叫咗一個下午茶食，有一個main dish同一杯野飲，可以加$8配唔同嘅小食，包括有紫菜飯卷、韓式炒粉絲、魚糕卷、蜜糖年糕炸薯條，樣樣都好吸引。要咗個泡菜豬肉湯泡飯，份量好多，好抵食。煲湯唔會好辣，酸辣程度啱啱好，我比較怕食辣都接受得到。豆腐好嫩滑，好入味；豬肉好爽口；整個湯飯都十分可口。小食要左個魚糕串，成日睇韓劇見到啲明星食都好想試下，估唔到口感幾煙銀，食落辣辣地，幾開胃。推薦大家經開將軍澳可以黎試下！

我哋最近試咗一間韓燒餐廳，有牛、豬、海鮮等等，我地就叫咗個霜降小牛排($190)油脂雖然好多，但係燒完之後個樣望落去都ok，食一啖之後，嘩！超多汁非常 juicy ,又嫩滑，其實燒烤係要咁嘅油脂分佈先好食。另一個薄切牛舌($118)味道幾好又入味兼夾爽口，重有個炑八特製護心肉($118)呢個好特別，我都未食過，一試之下真係好味，唔知點形容，真係要試下。爐邊D泡菜蛋同芝士好好食，我哋都加咗幾次。總括嚟講呢餐唔錯，朋友話下次再試過，會唔會呢間野變咗係我地既聚腳點

放假訓到成點鐘 得返我同老豆 阿媽又無煮定飯 於是同老豆落商場食lunch今日試吓以前未幫襯過嘅炑八環境幾闊落幾好坐每檯有調味料和一張教你配搭的memo我要咗烤五花肉流心蛋飯 $52包兩個前菜 肉嘅份量超多 菜都唔少 幾均衡 唔太鹹 調味適中 其實唔需要再自己落攪混之後 估唔到啲醬汁唔算多到浸哂啲飯 可以平均地品嚐到白米、五花肉和生菜的獨特味道半熟蛋嘅蛋汁令米飯黏黏的飯後我哋要多個Oreo朱古力迷你冰沫 有五、六塊Oreo咁多！老豆唔鍾意嘢食太甜爺爺 只係食下面啲冰沫 話好香滑 口感好正 又有香濃可可味咁話wor

今次叫咗個4人餐，3個人食係多咗少少，都食得哂！原來啲牛肉咁好食，對牛肉興趣薄弱嘅媽媽都覺得好好味！今次仲係第一次食呢度嘅芝士生蠔，唔知之前有冇？我覺得都唔錯喎！個餐仲有八爪魚，蝦，雞同多春魚等等。另外啲 side dishes 大碟咗！啲泡菜實在太正啦！辣得嚟又唔會過咸，之前喺街買果啲完全係唔掂，辣又唔夠辣，咸又咸過人！係食過果啲先知道原來泡菜可以係咁咸囉！韓牛牛味極重, 將表面烤一烤再放入口, 就輕易食到牛本身既原汁原味好食！5花肉唔會好肥膩, 肉汁鮮甜, 攞生菜、蒜片、辣椒片、包住一齊再點韓式醬食, 識食一定係咁食。

四個人去食叫咗個三至四人套餐  有蝦有牛肉 有牛舌  厚切豬五花  跟餐有薄餅之類嘅嘢  啲肉同蝦係真係好香好好食  不過薄餅就麻麻啦！因為當然有朋友生日  有預早訂台  送咗海帶湯  炸雞  同一張有相嘅生日卡  但炸雞同海帶湯都唔好食  所以覺得炑八可以改善下  或者專心做好韓燒就算  btw未食之前見到食評話服務態度差  但當日去到覺得並冇出現呢個問題  員工幾好服務  有笑容  仲會講下笑  幾nice   如果大家去食嘅話  推介佢地肉類韓燒  真心正

牌早餐午餐下午茶一TAKE過，一次過食三餐當然要豐富D啦~今次就黎試下食韓國餐做BRUNCH第一餐當然唔係食韓燒咁重口味啦，佢D LUNCH SET都幾多選擇，仲可以加錢配D輕食同特式飲品，飲品有前排好HIT既DETOX WATER，仲包湯同前菜，絕對係又健康又飽肚。我地揀左韓牛雪濃湯配飯同埋烤五花肉流心蛋飯，兩個賣相都好靚，烤五花肉烤得岩岩好，唔會過老變柴皮，油脂同肉比例大約五五，以為食落會好肥膩，但係加埋D生菜伴飯，竟然一D都唔覺膩~韓牛雪湯個湯好奶好好飲，D牛肉煲到好淋，勁易就令到骨肉分離，但係又好神奇地D肉仲保持咬口~

炑八主打韓燒 下午亦有提供定食套餐 今日同同事嚟食lunch 我試咗個烤五花肉流心蛋飯 $52連兩道開胃菜（泡菜、大豆芽菜）和餐湯 幾豐富啊餸嘅份量多到蓋住哂啲飯！飯面先鋪上一層清脆的新鮮生菜 上面係微辣、帶麻香、切得好薄嘅烤五花肉... 刺破流心蛋後 蛋白汁流出來 被肉的熱力煮熱成蛋膜 包著肉片套餐加$12有可美顏瘦身嘅健康飲品Detox Water 有四種口味選擇 我要咗士多啤梨藍莓 杯入面除咗有鮮果粒 還有清涼薄荷葉我哋再加$68要咗半隻蜂蜜咖啡炸雞 唔算大隻 但有齊雞翼、雞尖、雞胸等最正嘅parts 雞皮脆卜卜、蘸滿調味粉... 原來雞塊下仲有薯條做side dish😍😍 第一次幫襯 印象唔錯 抵食得嚟好味 值得再來！

見最近開左間新韓燒, 講左好耐終於去試下。下午六點去到岩岩好唔使等位, 安排左我地一行四人坐圓枱, 入到去比我想像中多人, 而D 位又比我想像中窄。我地叫左一個牛肉燒肉拼盤，一碟泡菜煎餅, 一碟五花腩同埋一碟雞。泡菜煎餅分量多, 但係好多粉.... 唔係咁好食。爐邊D 泡菜蛋同芝士可以任加, 我地加左次泡菜蛋~ 都唔錯燒肉就OK 啦, 五花腩幾好味, D 牛有D 好大件就要自己剪開, 咁就唔會驚燒到太熟。不過燒牛肉撈蛋個個就出事啦, 燒燒下有D油彈上塊面度.. 而個位比較窄我又唔小心隻手點到個爐邊...依方面希望餐廳會改善下四個人埋單平均一個人二百多D 整體黎講燒肉都OK 既 之後DL埋個app可以儲分

上星期同朋友去左黃大仙分店，食到尾聲見到隔離枱既oreo冰好吸引，好想試下但個陣食到好飽所以冇叫嚟食。前兩日夜晚同男朋友係寶林睇完戲見有啲餓開左openrice睇有咩好食，原來開左間炑八。入到去打算簡簡單單食個冰填下肚，點知冰機壞左有啲失望。最後叫左個帶子二人餐同薄切牛舌仲有份牛臉肉。其實一啲都唔平，不過係值得嘅……先評價下整潔度，餐具算係乾淨，唔似黃大仙，但地下好多油，希望可以注意下。員工方面值得讚嘅地方係比較細心，餐廳冷氣凍到喊，某個侍應主動問我要唔要熱水。自己燒左舊帶子燒到爛哂，又有另一個侍應走埋黎幫我燒。食物方面還可以，牛舌好好食好入味，豬頸肉都幾厚肉下啖啖肉正，牛肋骨就好多根好難咬

早幾日喺天水圍幫襯完「炑八」 非常回味 呢日喺將軍澳見到有分店 梗係再食啦！「午市韓式定食」價錢同下午茶差唔多 但有其他小食和甜品揀 一樣免收加一小妹今次試「雞扒蛋包飯」 $48 一樣有湯有前菜賣相真係好吸引！大碗不在話下 個蛋皮係亮黃色 蛋黃蛋白勻循 口感又薄又滑 應該加咗奶 雞扒切得細細塊 無骨 方便食 唔洗切 加上黑椒煎香佢 正！連伴碟嘅生菜和車厘茄都好新鮮 仲係綠色（好多時啲菜係煮爛哂或者焗到黃）上次試咗美顏嘅「Detox Water」 今次再加$12試另一隻味——「士多啤梨藍莓」 同樣加入薄荷葉 特別冰涼清新個餐唔包甜品 要散叫 小妹要咗「Oreo朱古力迷你冰沫」 即係類似刨冰 上面有5塊Orea咁多！下面就係朱古力味「冰沫」 可可味超濃郁 冰粒磨得又細又滑 十足雪花咁軟綿綿