炑八韓烤 (已結業)

今日同屋企人食生日飯，去左我最愛之一既韓燒，今次已經第二次黎呢間分店食，本來仲諗住應該唔會有啲咩唔妥😒屋企人好鐘意食餐前小食海帶，三催四請叫佢幫我refill, 叫3次先黎到、但其實店裡當時一啲都唔多人，由於屋企人唔食牛，所以叫左個食豬既set ，寫明話包埋龍蝦...點知上枱變左魷魚，我問個侍應點解，佢就話無晒龍蝦喇、我問落單前又唔講聲？？跟住佢無答我、仲要態度唔太好咁問我，咁你要唔要？.....一句唔好意思之類既說話都無，不過最正都係啲魷魚一啲味都無、合埋眼既話真係估唔到自己食緊咩，個蝦都唔係好得去邊...無味😣個豬set除左個豬腩肉同豬護心好味啲之外其他既野食...如果無點啲sauce..都唔知自己食緊咩，好彩啲菜夠新鮮囉，同埋圍邊既芝士keep住好食之外，總之就已經無以前咁好食喇...所以都唔會有下次。

趕住番學想食個快快既午餐，就去左樓下炑八。一點左右去到，入面唔算多人，淨係坐左四份一，之前食台灣野果個位仲熄埋燈。侍應都幾夠，一坐落就有人招呼，比左兩碟伴菜比我，一碟係泡菜，一碟係海帶，海帶之前都無試過食到，食落酸酸地，幾開胃。無幾耐又比埋湯我，今次個湯同之前唔同，之前食落果D係得胡椒同海帶咁，今次果個就甜甜地又再濃少少，有蘿蔔粒同椰菜絲。主菜叫左大醬湯紫菜飯，好快就上菜，上黎果陣仲熱辣辣冒曬煙。味道就普通啦，都係鹹鹹地咁，料都OK多，有豆腐、菇、肉碎、峴。最後埋單42蚊，唔洗加一，食到好飽，算係好抵下！

今時今日 ，韓式燒烤當道， 平時晚市就試得多， 今日午餐就嚟會一會呢間連鎖式經營嘅韓式燒肉店。呢間韓式燒肉店午餐花款都唔少， 除咗有正路嘅韓式燒烤set之外， 仲有好多飯類嘅午餐 ，而且價錢仲好平添。同其他韓式餐廳一樣， 未嗌餸之前已經供應定泡菜等等嘅前菜畀顧客享用， 呢度嘅泡菜唔算辣， 鹹味適中， 我覺得唔錯。 大豆芽似乎係用蒜頭醃製， 食落好香口。今次我就同我嘅最愛買咗個泡菜豆腐鍋配紫菜飯， 再加個雞扒蛋包飯， 同埋半客甜酸醬韓式炸雞。泡菜豆腐鍋配紫菜飯，個鍋其實就唔係太夠味， 但就好香大豆芽味， 而且豆腐都好足， 而且好滑， 配埋飯食其實都算唔錯。雞扒蛋包飯， 雞扒煎得幾香而且有肉汁， 蛋包飯嘅蛋係佢平時用嚟整爐邊蛋嘅蛋漿製作， 所以係比較淡口， 飯就普通啦。甜酸醬韓式炸雞， 炸雞比較乾比較柴， 炸粉亦落得太多， 雞皮同炸粉撈埋 咬落得啖油。 配以薯條， 薯條全部偏向軟身， 呢味菜整體普通。不過整體唔算貴， 我見到唔少學生都會嚟食， 大家可以一試。

放左工想食韓式燒烤, 就諗起呢間。由於屋企人一早已經食飽, 所以今次晚餐佢只係陪我食, 今餐九成食物都係由我一個人食既。 黎到新都城呢個最角落唔起眼既舖位, 由於係平日夜晚既關係, 成間店只有兩三枱客。當我地喺外面睇緊餐牌既時候, 店員已經好熱情咁招呼我地。一坐底, 未開始叫野食, 店員就好快咁放底六七碟配菜(免費), 仲立即開爐同埋加粟米芝士同泡菜雞蛋入爐。除左大沙律之外, 所有配菜同芝士都係無限再加既。我叫左碟 $148既特選五花肉。 肉好靚, 燒好之後甘香, 見到層油令立立幾靚!!!   配埋大豆醬同生菜或者芝麻葉食, 會覺得清新唔油膩。呢度比較特別既係,配菜入面有兩塊芝麻葉, 之前聽呢度員工講, 話係由韓國運黎香港既。芝麻葉香味獨特,我初試時都唔係咁鐘意, 之後食食吓又覺得OK喎。 我呢個芝士控食咗兩三次芝士, 成碟五花肉, 同埋無限既菜之後, 好滿足咁離開咗。

聽人講炑八韓國野幾好食，一直都無試過，今天下午茶時段經過，見到原來幾抵食的，就一於試下啦。點了一個泡菜豬肉鐵板燒飯，同一個清湯牛骨飯，兩個都好好味！首先一坐低已經送來前菜，有泡菜同芽菜，仲有清湯，前菜更時任添的。泡茶豬肉燒一送來已很香，燒過的豬肉很香口，加上甜甜辣辣的泡菜，愈食愈好味呢！清湯燉牛肋骨更是驚喜！一飲第一口湯已充滿牛味，牛肉很嫩，牛骨很大但又很多肉，加上蘿蔔和飯，份量都很多，食得很滿足呢！下次會再來試試燒肉的！

早幾日去左越南都冇啖好食，一返到香港即刻要食餐好🐷首選係我最愛既韓食🤤之前都見到有人食炑八新出既下午茶，見到48蚊又包勁多野！唔係唔食呀🥳👉🏿✨成個tea set 會包一款主食同小食，無限任加前菜，仲有埋韓式清湯同飲品，堅48蚊就食到👍🏿大家快啲去食唔該！😊👉🏿✨迷你烤牛肉流心蛋飯📌超中意佢牛肉既醬汁同甜甜既洋蔥！肉既分量絕對唔惹小🐷加埋啲蛋汁撈勻一齊食真係正到傻了🥰勁full勁開胃勁滿足！👉🏿✨蛋包飯📌係越南冇飯食，返到香港食餐飽🤣雖然淨係得蛋，但見到佢雞蛋既色水都好開胃！超滑溜，係正既😍👉🏿✨安東雞脾📌趁熱食真心冇得輸😋佢個雞皮入晒味，好味到傻！入面既肉質又夠嫩滑唔鞋口，堅得👉🏿✨無骨炸雞📌唔係講笑，呢款又係正既！佢啲炸雞有成5-6嚿，一個人真係唔會食得晒！薯條係厚切，加埋酸甜既醬汁，不錯不錯，岩晒食肉獸啦！👉🏿✨柚子冰茶📌唔會太甜，飲落好fresh，係我中意個味野🤣好飲喎👌🏽（說好的戒凍野呢🤢

連鎖韓烤店今次又係利用”某” apps 嘅 5 折優惠，所以晨咁早就開餐（下午5:30）！~ 厚切五花腩配蒜葉標榜用韓國濟州島的黑毛豬，肉質很有嚼頭而不羶，送酒一流，好味。～ 韓式 LA 骨牛扒其實等於我地食開嘅牛仔骨部位，個人覺得無乜肉味、而且燒烤後有啲油，可能配合白米飯食會好小小，整體來說肉質同調味都麻麻地，下次或者試試第二個部位。～ 原切上等鹽烤牛舌牛舌係我個人至愛嘅部位之一，每次有機會都一定會選擇厚切，貪佢大大件放入口之後再用力咀嚼讓肉汁停留係口腔及舌頭味蕾上的感受。好可惜今次好失望、牛舌燒好後又係淡茂茂咁、點解嘅？真心覺得好失望，或者下次試試薄切牛舌，加D葱、加D蒜片一齊食。。。整體食物價錢親民、前菜味道不過不失（合格），成餐個人最喜愛嘅最後原來係圍爐嘅蛋，肉類嘅質素雖然唔係話咁特出，不過以價錢來說都可以啦，當然最大部分嘅原因係有 5 折優惠，餐廳內大部分嘅侍應都主動同你講可以免費添加前菜、圍爐嘅蛋、芝士栗米同有禮，推薦！

之前黎食過午餐，感覺5錯，所以今晚又黎試晚餐。餐廳面積同位置好大，可以坐百幾人，裝修都算有特色。侍應服務有d唔錯，有d就麻麻。我同朋友2個人叫左一個600幾既套餐，有送好多前菜，有5-6種，前菜味道唔錯，大多食落去都令人好開胃。至於圍爐既芝士同蛋係可以仼食，可以一直加既。我地叫既係牛肉套餐，佢真係擺到成隻牛咁黎，而且d肉都有對應返相關部位放，感覺幾得意幾特別，不過d肉食落去普通，唔知會唔會係我地唔識燒呢？🤔不過晚餐價錢真係幾貴，試過一次就夠🙈

非常喜歡光顧炑八的午餐抵食！好食！🤤🤤牛肉入味，比得唔孤寒，蛋都夠滑，食落整個combination 好正！醉翁之意在於佢個蜜糖汁，無論係點雞定薯條都好正！係咁蘸係咁蘸！❤️❤️❤️kimbap正常發揮！

原本同家人開開心心黎呢度食生日飯，因為上一次剛開張覺得服務同食物都好好，值得再一次到訪，但事情總係事與願違，黎到店面首先被門口的男職員呼叫幾多位，入到坐下想叫食物，舉手加唔該左成5-6次職員都當你透明，好不容易終於有人回應落單，幫我們立即打開火爐抽煙筒拉到貼近爐面，就立即跑走，我們只好又舉手5-6次請貴店職員高抬貴手幫我地拉起抽煙筒，當中離不開被職員訓話幾句仲咩拉到咁低，原本開開心心既生日飯，已經被佢地態度影響到心情，只好快快食完閃人！強烈建議大家不要幫襯，以免食到一肚氣

黎炑八唔食韓烤仲可以食乜？！喉嚨有啲痛又想食韓烤？！真係太矛盾啦，好彩比我醒起呢度除咗食烤肉之外，仲有其他傳統韓式飯食㗎嘛我叫咗個韓式牛肋骨煲加迷你蟹膏拌飯韓式牛肋骨煲味道真係好鮮甜，因為佢係牛肋骨位置，所以個牛味特別濃，而且又煮得好林，好入味。唔單止牛肉其實嗰啲蘿蔔同紅蘿蔔都好入味，完全索晒啲牛肉同醬汁味，再加上蘿蔔自己嘅清甜真係食到停唔到囗。另外，呢個汁就係並通的醬油，甜甜地，無什麼特別，但加埋牛肋骨同蘿蔔一齊煮，牛肉同蘿蔔嘅鮮味落晒去啲汁入面，用啲汁來撈飯其實都真係一流。除咗牛肋骨煲之外仲有一個蟹膏拌飯，其實呢個牛肋骨煲啲汁攞嚟撈白飯已經好正，今次叫咗個蟹膏拌飯，反而令到我唔可以用汁撈飯，不過你放心，單單用個蟹膏嚟撈飯已經好好味，更何況除咗蟹膏之外返面仲有蟹子同蟹柳呢！就係因為以上呢國牛肋骨煲斤蟹膏拌飯嘅配搭，令到我將成份午餐都食晒，真係肥c我喇😂其實值得一提嘅仲有佢嘅前菜，一坐低就已經放上一碗熱湯同韓式泡菜俾你食，真係都幾貼心😊講個小秘密比大家知呀，原來啲泡菜係可以添食㗎🤫所以話去炑八，唔食烤肉叫下啲韓式定食都幾好呀，下次喉嚨痛同朋友去食炑八大家就唔使驚冇選擇啦😝

一入嚟都未點餐，已經有熱嘅海帶湯個湯得胡椒味，唔使特別飲點咗兩個tea，一個係烤肉，一個係餃子定食之後就有人嚟開爐同加鍋邊蛋叫咗個五花肉套餐，有四片五花腩片，梅頭肉，豬頸肉同埋護心肉仲有啲南瓜，同埋一片切成豬嘅形狀嘅薯仔啲肉都幾靚，油脂均勻跟餐配白飯，可以自己加鍋邊蛋一齊食仲有一兜生菜，俾我哋包住啲肉食另外一個餐揀咗牛肉蛋包飯，本身都會驚食太多蛋但係食落個飯又有蕃茄醬嘅味，有少少似西炒飯牛肉煮得幾好唔韌，醃料甜甜地，仲有沙律最後上嘅係跟定食餐嘅炸餃子，餃子餡有啲粉絲，肉碎同韭菜，仲有個醬點食到最後先發現，佢一開始冇俾前菜我哋，隔離枱全部都有不過呢個下午茶嘅價錢，兩個人$160都幾抵，食完好飽

之前幫襯過，因為服務太差都無再幫襯，隔咗一排又試吓，職員好似換哂，服務好咗，速度又快咗，要讚吓！一坐低已經派湯派前菜，前菜除咗之前嘅泡茶同大豆芽，仲多咗薯仔同蘿蔔兩款本身唔食得辣，食咗泡菜都覺得辣辣地，點知飲埋個湯仲辣，可能個湯有好多黑椒之前幫襯想refill前菜簡直難過登天，今次一叫就即刻有我覺得雞扒蛋包飯最抵食，賣相都最靚牛肉粉絲味道都好，但粉絲得好少份量餃子拉麵，其實只係即食麵，淥得過淋整體都算ok, 價錢又唔貴但飲品由加$6變咗$8就貴咗啲啦

之前第ㄧ次来食係唔錯,套餐食物很多,抵食,係飽的。服務也唔錯,唔叫,的侍應也會不停加水,加泡菜蛋及芝士粟米在爐边。但今次去食,係差!差!差! 服務差!食物差!又貴又唔抵食! 因前菜,泡菜,蔬菜,芝士粟米係可以添,但叫左好多次,都係只加過ㄧ次!水又唔加! 叫到我都唔好意思! 想自己出去攞,又無!這次經歷係食得不開心。如果的侍應忙,為何可添加的食物不放在ㄧ處給客人自己取?如果你怕客攞得多,就不如不準添加! 叫左個3-4人套餐$788係無嘢食,唯有要再散叫。

今日和太太大約兩時許到新都城，本來是來吃午飯，因為要辦一些事才延至這時間吃飯。一出電梯看到此店，多次來商場都想過來試試，今日不如撞日就入去體驗。甫一坐下，還未拿起餐單店員已奉上兩碟前菜和湯，服務好像快了一點。正看著餐單之際，店員又速速來到面前，二話不說從我手中換了另一張餐單，原來剛剛轉了下午茶時段，心正暗高興可以便宜些時，一看餐單對比午餐的價錢，除了有些菜式不同，同樣菜式的價錢其實一樣。我們叫了炑八烤牛肉半熟蛋薰飯、牛骨雪濃湯配紫菜飯及一杯荔枝梳打（少甜）。牛骨雪份量十分小，和餐單的圖差天共地，此餐是下午茶中最貴，但牛骨只有三、四件，每件骨沒有太多肉，湯亦不濃，。 炑八烤牛肉半熟蛋薰飯，份量雖好，但牛肉肉質劣，烤得尤其，蛋亦不是半熟。荔枝梳打叫了少甜還是很十分甜，而奉送的清湯是很濃的味精湯。服務我們的店員雖然很努力，但有點亂。我們要求再添前菜要催兩次。之後問她有否辢醬，催了兩次還未有，再催第三次，女店員有禮貌地來到桌前，卻完全忘記我們之前要什麼了。我時常不明白，是否今時今日我們的要求改變了，此店裝修花費非常，但食物和服務卻十分一般，但我們好像很受落，覺得食物質素「就是這樣的」。很可惜，