炑八韓烤 (已結業)

我同朋友係到食飯🤮食左千七元同食垃圾冇分別⋯⋯同之前食嘅所有肉都完全唔同😑牛脷咬唔到…八爪魚🐙冇味😓豬肉😓我叫咗兩個set🤦🏻‍♂️一個牛一個豬另外再加個牛小排同八爪魚但係唔知點解而家係冇一樣野好食🤮🤮以後都唔會再嚟🤮🤮

約左朋友去寶琳食晏，朋友到先，㨂左呢間餐廳，我去到見到已經有幾碗湯喺枱面，朋友話係送既，唔知係咪因爲我遲左幾分鐘到，碗湯已經唔熱，味道一般，好彩係送既😂其他食物都係一般，不過不失，價錢唔貴，所以可以接受！

Lunch time係最抵嘅，因為$48已經有前菜、湯、主菜。前菜更可以追加湯就清清地嘅海帶湯青瓜，泡菜可以免費追加五花肉流心蛋飯只可就ok,因為除左菜面有少少沙律醬外，就冇其他醬，令到個飯唔夠味，五花肉有少少泡菜味，但未至於濃到拌飯食都ok主要扣分位係唔夠味烤牛肉粉絲呢個味道唔錯，只可惜份量唔夠，粉絲食左幾啖就冇。牛肉係甜甜地嘅醬煮牛肉味，都算入味，粉絲味道幾正宗又彈牙炒得幾香，但只可惜份量太少了

之前同男朋友去大新都城行街，去埋個到飯午餐，揀左間韓國餐廳嚟食，原來呢間餐廳的午餐都不會太貴，有一杯飲品加一個雞扒飯。飲品我揀左西柚特飲，因為佢無得走甜，我已經問佢邊個無咁甜，果然呢個西柚特飲真係不會太甜，加上有少少西柚的酸，好適合做夏日特飲，因為都幾消暑同解渴。而雞扒飯的雞扒件一啲都不少，而且細細件，食起來相對比較方便，仲有呢個雞扒餐不會太單調，因為佢仲有配滑蛋包飯，啲蛋煮得啱啱好，好滑，伴飯一齊食好正，同埋佢又有啲配菜比人，都有啲菜蔬落肚，仲要味道還不錯。總括來講，估唔到呢間韓國餐廳會有呢種不太貴又幾好食的飯餐。

好耐冇食過韓國燒！老公今晚話要食所以就去咗寶琳食啦！等左大約15-20分鐘就有位。假期，最少要叫三份全份嘅食物，熟食唔計。本身諗住叫set，但唔係好啱食所以最後都係散叫。炑八最正就係unlimited free refill 泡菜蛋同粟米芝士，😋熱辣辣梗係飲杯凍野啦！西柚梳打，爽🤗無限免費refill嘅前菜，有生菜，蘿蔔，青瓜，泡菜，芽菜 。。。正正正👍🏻👍🏻👍🏻醬汁牛肋骨 - 原來仲有兩隻蝦 🤣燒鰻魚 😋 - 落啲鹽，勁好食！雞肉 - 正常

小編弟弟是一位芝士愛好者，喜愛食芝士，但係無奈很少韓燒店可以免費加芝士給客人，經朋友介紹下便去了炑八吃韓燒，因為在這裡可以不停免費加芝士及泡菜蛋，所以好適合愛食芝士既人去食。除此以外，店內的食物亦有好多選擇，有一般韓燒必備既牛同豬外，還有少量韓式美食，例如甜酸醬炸雞薯條，這雞是即叫即炸的，雞塊內脆外軟，好多汁，薯條亦是即叫即炸的，熱辣辣，所以自己都好鐘意食。另外，店內既牛肉亦十分可口，肉質嫩滑，軟軟的，容易進食，加上佢用韓式醬料醃製牛肉，令牛肉味道濃厚，燒起來有陣陣醬料香味，因此誠意推介大家一試。最後，環境方面，雖然店鋪寬闊，但坐位較狹窄，而且濃煙大，令眼睛不太舒服，但整體而言，這間韓燒店是值得一試，小編會給會更高評價。

炑八燒烤，相信大家都聽唔少。但普遍都係貴嘅，但係今次唔同了, 佢嘅午餐非常抵食，質素真係大讚比手指公先得，佢嘅牛骨湯真係好正，濃味得黎唔係味精湯。另外雞扒午餐set又平又抵食。

朋友推介app訂位1730入座可以有半價優惠，咁抵緊係要試試😆叫完野食之後黎左碟沙律，沙律配上袖子醬酸酸甜甜，好開胃。另外，仲有碟豆芽同泡菜，仲有生菜同蒜for包肉食。以下價錢係原價：🍴芝士泡菜煎餅 hkd90泡菜煎餅配上芝士好味，但黎到已經凍左，完全唔脆，食落好粉漿！🍴霜降牛小排 hkd190🍴條切特級牛五花 hkd128🍴炑八特製護心肉 hkd128所有肉都好食，肉質嫩滑，最正係爐邊蛋同芝士粟米無限refill😆😆！因為有半價優惠，所以真係好抵食！

有親戚朋友生日...所以揀咗嚟呢度食晚餐...一行七個人....都好好會比兩個爐厚切牛舌...講真同我認知嘅牛舌完全唔一樣...其實係食完數返轉頭先知佢牛舌😂😂依個係侍應介紹嘅貝刀肉$220 ...但係睇圖都見到佢啲牛脂好平均... 基本上平均得有啲唔太合理...... 而且食落牛味唔係好重只係好嫩...而且叫全份得4片 蜂蜜牛油炸雞但係完全冇蜂蜜整體上偏乾...而且我哋當時係叫一份唔知點解只係嚟咗半分牛肋骨... 啲肉黐住舊骨好難燒得熟但整體來講調味OK而且好香牛味其實個人最鍾意都係食護心肉...有咬勁而且好香肉味...整體：其實我哋當時仲帶咗好多其他肉買單連加一係$千九....但係必須講佢限時90分鐘真係好唔合理.....佢過爐燒得勁慢....當佢提我地啦仲有十五分鐘既時候...我哋成個牛肋肉都未開始燒...但係個火已經開到最大... 臨尾係塞晒所有嘢入口咁....實在食得太急嘢食調味係唔錯....Waiter 亦都好殷勤咁加蛋同埋芝士... 但係如果用餐時間可以長少少會好好多...我明白趕住做多幾輪....但係整體嘅經驗因為趕頭趕命所以唔係好好

因為老公細妹想食肉所以就揀咗依間韓式燒烤，第一次嚟食見到有apps預約五點半嘅時間有半價優惠。入到去因為驚啲職員唔記得同我登記預約所以我都睇咗佢哋兩三次。佢個優惠係成個Menu都可以半價除咗飲品,我哋要左五花肉牛舌又有蠔。佢啲配菜有大豆芽有泡菜又有一個酸酸地嘅青瓜，可以無限refill。佢個腦呢邊仲有芝士粟米同埋泡菜蛋，又係可以無限refill,配菜都可以食飽。佢嗰啲肉類都好新鮮，調味剛剛好。店員服務好餐廳又乾淨唔會有好大陣味。

這裡其實不一定要食韓燒，想食韓式鍋，都可以來。因為同朋友都係住將軍澳，今日想搵啲都近大家的，又想食暖暖地既鍋，就黎左炑八。這裡都是有最基本既韓式小炒，湯鍋，或鍋飯，選擇已經好夠我地今晚既心情。在我等緊朋友到達既時候，小碟前菜已經先送黎，佢本來仲有個麻油芽菜，但好快俾我食曬，😭點知當晚無曬無得添...其他前菜都有，係芽菜無，這個有點失望，入座時話任添，至少都俾我添一次也好吧🙈不過算吧，除此之外，其他都不錯既。朋友叫左個石鍋飯，佢好喜歡熱辣辣既飯，最特別既係，這個bibimbab居然有飯焦😛平時食開既都好少會咁，突然佢多了一絲香港風味。我自己就考慮要人參雞湯定牛骨清湯好，兩個都好想食，這晚就是想要一點湯。😬最後還是算了人參雞，好開心，成隻雞都俾我吃光了。下次應該把我清得乾乾淨淨既結果影下先得lol 你話佢特別出眾又不是，但絕對是可以接受的。啲肉夠淋但唔會”hai” or “靭”, 裡面亦有啲小條既人參，當然我覺得佢人參味可以再重點，如果唔係就變左普通雞鍋。

除夕打算韓燒 揀咗炑八其實肉質好好唔會太失望亦都好食 即使唔使太多醃製了 也覺得味道很足夠牛五花係最好食不過泡菜煎餅就麻麻地了 凍咗更加難以入口唯有擺上鑊到煎兩煎 咁就食得落肚喇跟住嘢飲真係好靚好有驚喜首先佢成杯嘢嘅顏色整得好好睇同埋佢有一支飲管做裝飾三個人share都真係幾開心㗎 加上味道又好又唔會太假甜同埋超級加分嘅係芝士粟米爐邊蛋任加 真係好好食好吸引其實整體嚟講都好食嘅不過就真係要帶多啲錢去先試到更加多嘢有次試過 午市食其實就更加抵不過大時大節都可以試下再加上炑八成日有優惠

是日年初二，同朋友食開年飯，揀左韓燒，食晚上7點，冇訂位，但去到完全唔洗等直接入得。坐得好近門口，見店員好熱情甘不斷拉客，不停講恭喜發財同歡迎光臨。我地一行四人，有朋友唔食牛所以叫左一個新春豬拼盤黎食，除左不同豬既部位有五花腩、豬排、豬頸肉同豬大腸，佢仲包龍蝦，不過到果燒烤拼盤黎左後變左魷魚，但落單果陣，店員冇講到龍蝦會改做魷魚。我個人就覺得可以既，因為魷魚都幾鮮，燒出黎又好食。拼盤仲包一個泡菜煎餅同一個新春限定韓式九層塔。先講韓式九層塔啦，起初我問朋友呢個野點食呀，點知店員行過聽到，即刻行埋黎話係呀，我聽到你問呀，於是店員就開始解釋啦。佢話呢個係韓國人新年會食既賀年食品，亦係佢地店新春限定菜式。甘食汰就係中間果皮夾自己中意食既野，再點果辣醬食。我就問左店員果D係咪牛黎，店員話係，所以唔食牛既人要留意一下啦。中間塊皮我地幾個都一致覺得似北京填鴨果塊皮，至於D蔬菜同肉或蟹柳夾埋一齊再點辣醬食，都幾清新，可以解一下燒烤既油膩感。到果泡菜煎餅，令我都幾失望。果餅好薄，冇左泡菜煎餅應有厚度，正常泡菜煎餅夠厚先會夾埋D泡菜係入邊，食落啖啖泡菜，所以呢個嚴格黎講並唔係泡菜煎餅，而係泡菜粉漿煎餅。其

<炑八韓燒 >炑八真係好多分店，幾乎每一區都有! 今次我地去試將軍澳分店，由於吾係開左好耐，地方好新淨舒適。最鐘意炑八係佢 d前菜同燒烤爐側面嘅粟米芝士同 kimchi蛋都係任加嘅，真係包你飽到棒住個肚走😂Hkgalxfoodlover點選菜式：🥢炑八特製護心肉配韓式魚醬Hkd 128 哩個係我每次必點嘅，貪佢 d肉夠林身，同埋醃咗韓式魚醬甜甜地好好味👍👍👍👍👍🥢新年先有嘅蔥蒜牛五花 Hkd98 哩味都 OK, 用蔥蒜醃左夠香同都幾多件下，抵食👍👍👍👍🥢賀年炸雞(半份) Hkd98 哩個應該都係新年先有。平時其實都有炸雞，不過平時嗰 d係有骨嘅，而賀年版係去左骨嘅。炸雞我個得炸得剛剛好，炸粉夠薄，雞肉仲好 juicy, 有水準。唯一美中不足係個醬吾夠惹味，同我想像嘅有落差。炸雞仲配埋薯條，堅飽👍👍👍🥂莫乞里生米酒 Hkd138 應該即係馬格利酒。我食韓燒好鐘意飲哩隻酒，貪佢甜甜地易入口，有d似益力多定乳酪咁嘅味，勁正👍👍👍👍👍總括黎講我覺得炑八質數吾錯，價錢都合理，絕對值得推介！回頭率：100％比讚指數（Max5👍) :味道：👍👍👍👍環境：👍👍👍👍服務：👍👍👍👍

午餐都算多選擇，有燒烤午餐，主菜加配菜的午餐。是次選了大醬湯配蟹膏飯(60元)，(配紫菜飯則48元)。點菜後，很快來了兩小碟前菜:泡菜和芽菜。芽菜不太特別，泡菜就有些特色。本不想一開始就吃些凍菜，還想起泡菜的酸一，更不想先吃。飯送來後，就動手夾了一片泡菜，咦，是甜甜辣辣的，很特別，而且吃下是新鮮做那種，不是放久了菜也變透明那種。主菜方面，大醬湯內有鮮味的蜆，滑滑的豆腐，還有雜菇粒，味道整體不錯。蟹膏飯的蟹膏都有一湯匙，旁邊伴有蟹柳和蟹子，配搭不錯。