炊豕店 (曉悅) (已結業)

滷水牛展（＄38）有五塊，都叫厚身，咬落唔韌係值得一讚嘅點。佢唔係切啲頭頭尾尾比你，啖啖肉夠哂滿足。食落唔咸，滷水香料味唔算太搶。天氣熱熱所以冇乜胃口，想要啲凍冰冰嘅野黎開胃，叫左小食涼拌大豆芽（＄22）。呢個小食令我喜出望外。食落涼浸浸，大豆芽爽脆，味道多層次兼夠入味。食到有麻油、蒜，食到尾有微微嘅酸，開胃一流。然後就到呢度嘅人氣推介，葱油豬排飯（＄64），炸豬排個炸漿唔會過厚，入口香脆，就算放左一陣再食都唔會淋左。雖然係炸豬排，但唔會咬到成口油。豬排厚身，手掌咁大塊，有成1cm咁厚，肉質軟嫩，一啲都唔硬唔柴，唔係嗰啲落鬆肉粉落到淋哂嘅肉質。就咁豬排嘅調味已經好夠，加埋港式蔥油，送飯一流！飯嘅份量都多，女仔食嘅話可以叫少飯，可以減一蚊。飯底係珍珠米，粒粒分明，唔會煮到好爛，好好食。除左飯底仲可以揀轉粗麵或者幼麵，兩樣都唔洗加錢，唔鐘意食飯嘅人唔洗擔心。加錢要左隻滷水雞蛋，正常同都幾入味嘅。

我們都是食豬大的，長沙灣新開左間食🐷專門店，咁啱係附近就同朋友一齊試下味道如何。沖繩豬軟骨飯 $64少飯就減$1，叫左少飯，但餸嘅份量真係太豐盛啦，最後都係食唔曬啲飯，有兩舊大蘿蔔，超清甜🤤豬軟骨份量超多，秘製豬排飯 肉燥汁 $60豬排大過塊面，食得出有醃製過，但因為係生炸就咁食會有啲口乾，配嘢飲或者點醬食會更佳。鹵水雞翼 $25呢度鹵水汁嘅中式料酒非常突出，唔鍾意酒味嘅朋友就唔好選擇。每隻雞翼都唔細，而且夠入味。

因為睇戲所以係附近搵下有咩好嘢食、同一條街多了cafe, 日式餐廳、仲有呢間專食豬的店舖！12:05 分入到店舖、店內位不多，所以未到12:30 已經full 了、門口有一張枱見到可供帶寵物前來、依家新開張尚有九折優惠！分量十足，一個女仔未必吃得唒，豬扒好鬆脆

今日去咗長沙灣睇電影🎬見到炊豕店嘅外表好吸引，似日式餐廳入邊嘅環境好靚，令人覺得好舒服同埋價錢適中🥰上網一查係好出名真係真心推薦！一定要食一次👍🏻同埋呢一個標語好得意😳我們都是豬長大的🐷我同朋友一樣都叫咗招牌蔥油豬扒飯🍚🥩我超鍾意食蔥油😍蔥油拌飯都已經夠先讚一讚佢嘅蔥油先😳好香，啲蔥好新鮮👍🏻夠濃郁唔會太鹹😍😍送飯食100分🤣重點黎啦就係佢嘅豬扒😍我真係未食過咁好食嘅炸豬扒😍💯💯💯非常之有驚喜👍🏻係一咬落去外脆內軟脆到係有卜卜聲👍🏻然後咬落去係好軟熟唔會好硬，豬扒味好濃，好鬆軟👍🏻唔係誇張真係好食過好多出邊嘅炸豬扒飯🥰而且佢性價比超高，60幾蚊咁高質🥰希望佢可以起更多區開多啲分店😳但係我都會去長沙灣Encore食㗎🥰如果你鍾意食多啲蔥油你可以加錢～ 亦都可以加咖喱汁～🍛聽店員講咖喱汁都好受歡迎🐷😍另外我同朋友嗌左個滷水拼盤，有滷水雞翼、豬腸、豬耳、雞腎同滷水雞蛋🥚都唔錯嘅👍🏻唔會好鹹，同埋都好多種類👍🏻飲品加咗錢要豆漿～👍🏻

今日同朋友行街，行到肚餓想簡簡單單食個晚飯。見到門口寫住“我們都是食豬大的”，覺得好得意，咁我哋就行咗入去啦。呢度環境裝修簡約，木枱木櫈，畀人感覺舒服整齊。餐牌亦好簡單，一頁睇晒，乾淨俐落，唔花巧，門口都講到明，呢度當然全部都係豬啦。我叫左個蔥油豬扒飯，真係勁大碗。豬扒又多又大塊，咬落軟熟，調味都ok，唔會太鹹。蔥油好香，鹹鹹地，食到滿口油香。呢度啲飯係用珍珠米，黏口得嚟又唔會太爛。朋友就叫左個秘製豬扒咖哩汁，飯就轉咗粗麵，另外再加咗塊厚午餐肉。佢話個麵好多，呢個係撈麵，麵爽口彈牙，用咗蠔油做醬汁，食起上嚟好入味。再加埋個咖哩汁一齊撈，就更加惹味。午餐肉好厚，咬落有口質，夠晒味道。呢度嘅飲品係罐裝汽水，或者係果汁，豆漿，仲有熱飲。朋友就嗌咗罐coke zero，我就嗌左蘋果汁。呢隻蘋果汁都幾飲喎，唔會太甜。

收工去MCL睇平戲，場次7:45⋯⋯所以要揀一間可以快食的餐廳。當日朋友喺街度行咗個圈，見到有呢間新開嘅餐廳，影咗餐牌俾我之後，就決定咗食佢😆😆✨✨餐廳裝修明亮，樓底高有空間感，感覺小店都幾舒服。✨✨試咗類似大阪燒味道的豬扒飯。豬扒份量好多，一個人基本上食唔晒😂😂另外朋友試咗沖繩豬軟骨同滷肉豬扒飯，雖然唔算特別有驚喜，不過味道合格。我相信附近返工嘅人都會去食lunch🤭唔知有冇記錯，買單嘅時候仲有折添😜😜

揀咗一間 位於cpl中電隔離平日需要排隊今日唔需要排隊嘅餐廳炊，意思係燒火做飯豕， 意思係豬 ( 偏厚切，但唔會硬 ) 多數都係後生女，好好笑容反應快都好細心今日呢兩個餐都唔係梅頭肉，但好好食呢間係專門食''豬''主題餐廳 每個餐都有豬 包括有豬扒。豬手。五餐肉。豬軟骨。滷肉。肉燥秘製豬扒配胡椒豬骨湯米線 64hkdcoke zero 6hkd炒滑蛋 10hkd (另上) 炒得軟綿綿 都ok先要讚一讚辣椒醬原來辣椒醬加呢個豬骨米線湯好好好好好夾份量剛剛好適中胡椒味似胡椒豬肚湯湯好味已切好哂幫豬扒影左幾張相煎蛋焗豬扒飯即叫即焗(十分鐘) 68hkd原味豆漿10hkd一上臺非常燙手豬扒大概切左做五到六條一上枱就聞到青椒紅椒味好香好吸引食慾豬扒:飯嘅份量大概係1:1因為都好夠熱所以芝士可以拖到成條絲出黎大牌子壹品豆漿: 幾夠甜total 158hkd新店開張期間另有九折

話說「炊豕店」仲喺禮頓道舊舖嘅時候我已經幫襯過，當年喺銅鑼灣返煙腸🤓，午餐成日食。不過返完之後就少食咗，因為如果去嗰邊食晚飯，都會搵間可以坐耐啲嘅餐廳同朋友慢慢吹水。最近喺長沙灣覓食，比我發現咗佢喺呢區開店🎊，於是我同朋友星期五飯聚嘅地點就揀咗呢度。小店環境唔錯，座位唔迫，坐高枱更加感受到空間感。炊豕店，即係指專門烹調豬肉嘅小店，所以呢度大部份菜式都係同豬有關🐷，例如招牌豬扒、豬軟骨、肉燥同豬手等。不過小食類就唔係全豬。秘製豬扒飯(咖哩汁)($64)，🍛豬扒飯同咖哩汁係分開上的。豬扒好厚好大塊，我相信厚切絕對係佢一大特式，肉質鬆軟唔韌，但就絕非用鬆肉粉醃到過哂火嗰種🥩。再者，炸皮同肉身緊貼，唔會各有各分開，但個皮都淋得幾快，建議襯佢仲脆時快啲食。咖哩汁唔辣，不過幾香，入面仲放有薯仔🥔，其中有一嚿係心形嚟，唔通個廚想同我示愛❤，哈哈️🤣。白飯用上珍珠米🍚，每粒都好渾圓。沖繩豬軟骨幼麵($64)，🦴豬軟骨同樣係巨無霸呎吋，每件都超大，而且炆得好軟稔同入味，爆多骨膠原，勁正😋。除咗豬軟骨外，配料仲有小棠菜、蘿蔔同蓮藕，好豐富。🍜呢碗我哋搭咗幼麵，麵條好長，稍有彈性，但無論麵定飯，份量同樣多，就

嘩，原來分店開到長沙灣。 以前只係知佢係銅鑼灣既店, 所以專程過黎試下。 黎到門口好得意, 好有台或風範。 而舖頭入面牆上隻豬都好搞笑。 舖頭雖唔係好大, 都有好多位。 早左黎食, 冇咩人, 坐得安靜又舒服。今日天氣超熱, 所以冇食炸豬排。 叫左個燥肉凍豆腐, 話梅豬手飯, 再加個柚子蜜茶。 個凍豆腐真係幾大磚。 可能今日太熱, 所以覺得特別好食。 凍豆腐唔係硬個種, 係水豆腐個款，入口好滑, 但又輕輕可以夾得起, 配埋個燥肉醬好野味。 話梅豬手飯, 想要少飯既朋友都可簡少飯。 好貼心。 豬手好稔甜。 而且仲有淡淡既話梅味。 冇諗過話梅同豬手會咁夾。 唔似一般滷水咁膠感。 而佢既蔥同飯都好夾。 如果食得蔥一定要配飯食。 今日食到餐豐富既消暑餐。 希望下次可以試埋炸豬排。

🔸秘製蔥油豬扒飯🐷由銅鑼灣店食到長沙灣新店😛而家唔使過海，近近地可以嚟食飯一碗🤪照舊叫返呢個招牌啦！蔥油多到核爆，邪惡到呢😈😈唔緊要，食左先講🤣豬扒即炸熱辣辣，外脆內軟🥺小心焫焫焫焫焫焫著個嘴🤣撈勻蔥油同豉油食，無得輸！同埋份量好多，男仔食都一定夠飽！🔸胡椒雞湯豬扒米線有新野就試試佢，個湯都ok 有胡椒味，不過再重口味啲就好😆米線軟硬度適中🆗我覺得多左米線揀幾好，唔想食飯既有多個選擇😎🔸滷水雞翼正正常常，純粹想食😛整體黎講，佢塊炸豬扒係幾正既，唔怪得可以開到幾間分店！新店裝修好簡潔，木枱木凳帶點文青感覺，又有靚靚壁畫打下卡🤪

Lunch發現公司旁邊新開左間餐廳Oh! 原來就係大名鼎鼎嘅炊豕店 😌😌以前喺銅鑼灣經過幾次都冇食到 開到嚟公司樓下冇理由唔試吓嘅門口已經夠晒IGable 有晒打卡位我們都是食豬大的 🐷呢句字印咗喺店舖門口位夠晒eye catching 同事都忍唔住喺門口打咗個卡 😂😂舖頭真係名副其實係大部份餸菜都係食豬既最後我同我同事 一個揀咗佢馳名嘅豬扒飯肉燥汁 而我就揀咗口餐肉煎蛋飯小提醒如果好似女仔細食啲嘅話可以叫小飯㗎 咁就就可以唔使嘥嘢啦😆😆😆個飯嚟嚟到俾佢豬扒嘅份量嚇一嚇 忍唔住喺同事嗰度偷食咗一舊個豬扒十分之厚實 外殼又炸得好脆卜卜 咬落去個口感十分之正 😍😍😍個肉燥汁都好足料 好在叫咗小飯咪時一定食唔晒😂😂因為舊豬扒真係好足料我就叫左呢個黯然銷魂既厚餐肉煎蛋飯巧巧食 🥰🥰🥰個蛋煎得啱啱好 篤穿佢撈飯一流個餐肉厚度一個點仲要兩塊 😋😋😋食完之後真係十分之滿足呀 呢個餐肉絕對會令我再幫襯😇開喺公司附近日後有好地方食嘢啦🤣🤣🤣

今日過咗嚟長沙灣食飯，😍竟然比我發現咗炊豕店！之前喺銅鑼灣食過，性價比超高，啲豬扒又好食！仲記得上次叫咗飯，😝食完之後就話要下次試埋個粗麵！今日機會終於嚟到！⭐️秘製豬扒撈粗 咖喱汁❤️佢個豬扒真係招牌！❤️又厚又鬆軟！如果肚餓嘅話呢就可以叫飯，我就食粗麵，粗麵本身都調咗味，就咁食都OK。我就直情撈埋啲咖喱汁落去！超正！🤤⭐️大阪燒豬扒飯🍛好搞笑，每一啖都真係好似食緊大阪燒咁！上邊都真係放咗郁郁下嘅木魚。⭐️炸蝦🍤個炸蝦賣相同味道都好好！超大隻！⭐️蘋果汁🧃

是日·蔥油豬🐷🐷由細到大最好中意食豬扒見到有新店開就去上下先😂😂原本想入去舖頭入邊食不過我都見到幾多人排隊呀都係外賣就算😂由外賣去到返屋企都用咗九個字🤪已經冇乜奢望點知一打開都有驚喜見到豬扒冇變得淋身咬落去都係卜卜趣而且肉質冇醃到好林都充滿彈性🤗🤗而蔥油都算比得多而且夠味❤️整體而言其實都幾好食😬不過份量我會覺得女仔食係夠食男仔就唔係好夠

荔枝角麗新商場附近最近開咗好多間特色小店，有文清風格嘅咖啡室，網紅打卡嘅西餐廳，仲有幾間日式同台式嘅餐廳。今次就試下炊豕店，價錢非常之親民，裝修都好有風味。叫咗個沖繩豬軟骨飯，豬軟骨滷得好冧好入味，基本上唔使點樣咀嚼，就已經喺口入面溶化，而且味道恰到好處，唔會太濃味。但配菜蘿蔔相對地就比較遜色，烹調時間唔夠，所以有啲硬身，而且冇乜味道。另外仲叫咗秘製豬扒飯配肉燥汁，豬扒非常之大塊份量有好多，肉質亦都唔會太過乾柴。但係略嫌表面嘅炸皮有啲硬唔夠鬆脆。

食肉獸有福了!!! 呢間秘製豬扒飯專門店緊係必點厚豬扒飯啦我就揀左配咖哩汁用嚟轉撈粗面, 咖哩汁香濃帶少少微辣，粗面沾滿哂咖哩汁真係好正!!!$64嘅豬扒飯真係超高性價比，咁鍾意呢間秘製豬扒飯專門店係因為佢d豬扒係夠鬆軟多肉汁，超厚。佢d炸粉雖然唔係薄但就係鍾意佢有d咬口, 少少煙un另一個豬扒飯就揀左肉燥汁，肉燥非常開胃，幾有台灣特色心思思都係叫埋麻辣炸魚蛋，有d炸蒜, 魚蛋爽彈好香口,如果可以辣d仲正