炊豕店 (曉悅) (已結業)

確確實實我是為「🐷豬」而來的！一件好味😋嘅豬扒你估咁易做到㗎咩？望到炊豕店主打一件件厚切豬扒，係吸引㗎喎～今次就試左2款主食，一款超掂👍🏻一款麻麻喇～「秘製豬扒撈粗麵蔥油」雖然係外賣，但蔥油嘅份量真係唔可以睇小～滿滿嘅一盒，而且覺得有新鮮手剁嘅感覺～超香蔥油味，未加落豬扒度都想大啖大啖單食～至於重點嘅秘製豬扒，有一定厚度，但都做到外脆內軟，亦都鎖到肉汁～至於撈粗麵，味道剛好，麵質都彈牙～所有野撈埋蔥油一齊食，味道即時再升級⬆️⬆️果然係皇牌必點之選👑「沖繩豬軟骨飯」比我想像中有點落差，所有食物都好入味～帶一種日式🇯🇵嘅甜味，係我鐘意嘅味道～特別配菜嘅蘿蔔同蓮藕，如果份量可以再多d我覺得會更滿足～但一當轉食豬軟骨嘅時候就⋯⋯🤔🤔同樣係非常入味，而且有好多件～但件件都好鞋口，有幾分似食緊煲湯瘦肉嘅感覺～肉味濃調味好都掩蓋唔到呢個事實～如果佢可以軟滑返d成件事會完美得多～現在質素只能達到中規中矩而已～

網上睇，這是炊豕店第三家分店，記得喺中環店食過驚為天『飯』，而宜家喺長沙灣開咗第三間，都幾近我屋企，冇理由唔來幫襯吖。記得中環店裝修似舊時的屋企，即係懷舊feel，而長沙灣呢間裝修就現代啲，簡潔啲，幾有文青feel。門口有大大隻家寫住『我們都是食豬長大的』又确實係，除非你有某D信仰，不可以食豬，否則，有邊個唔係食豬長大嘅呢?人氣推介嘅『葱油豬扒飯』，再加件『加厚午餐肉』，事關呢日朝早冇食早餐，都幾肚餓，而上到檯嘅豬扒飯係切開一件件炸出來嘅，面有一層薄脆，似足天婦羅，可否叫佢做『豬扒天婦羅』呢，呢個『天婦羅』内裡juice，外表鬆脆，加上面頭多多的葱油，實在好食，平時食嘢走葱嘅我，呢日因太好味反而想要多D，多D葱。『話梅花雕豬手』加滷水雞蛋亦唔錯。飲品『熱蜂蜜柚子』雖然係普通嘢，但調教得好味；『橙汁』係葡萄牙産地嘅玻璃樽裝飲品，都好好飲吖。

今日係麗新業中心睇完戲之後就行咗去後街搵食就見到呢間炊豕店，門口望入去好文青好乾淨好企理，佢仲有室外嘅座位，裏面嘅位置寬敞，尤其坐高枱，內裏還有一部古舊嘅收銀機，正，講返正題，落單係用鉛筆寫紙仔嘅，甘我地就叫咗個秘製豬扒配米線，一個鹵水牛展，一個鹵水豬大腸，一個唐揚炸雞，同埋一個肉燥凍豆腐。一上個秘製豬扒，豬扒好大塊好厚身，，食落香脆可口，米線都算幾大碗，個鹵水牛展同鹵水豬大腸都唔算好咸，但係分量就少左dd，個唐揚炸雞就有5粒，粒粒都好大粒，粉唔太厚同埋好滑好juicy，同埋個肉燥凍豆腐真係好滑，再搭埋肉燥一齊食感覺真係好正。下次黎一定要試下個蔥油豬扒飯同埋個肉燥凍豆腐，，原來除咗呢度中有兩間分店，，下次留意下先

炊豕店，一間令你食完會再想食嘅豬扒店。之前同朋友去過銅鑼灣總店，排隊都要等15分鐘以上，最近長沙灣開了一間，立即叫阿媽嚟一齊試。店舖在曉悅地下，昌華街車站過來才3分鐘，非常方便。長方形的店舖，一邊是一隻大肥豬的壁畫，另一邊是安全燈的佈置，設計簡約，樓底高坐得好舒服，冷氣非常足夠，播放著我熟悉的台灣香港流行音樂，幻想自己短暫飛越到台灣食美食。秘製豬扒配胡椒豬骨湯米線，他很好把豬扒另外碟上，因為豬扒太吸引了，第一時間筷子就去了豬扒碟上，半吋豬扒才被0.05mm炸漿所覆蓋，豬扒肉質鮮嫩，絕不鞋，味道剛剛好，不會太咸。把筷子放回米線碗內班農一下才見到碗底有著豆芽菜和豆卜，豆芽菜飯有一點點酸味應該是醃製過的。再來試試湯底，胡椒味是有的但是不會像胡椒豬肚湯那樣辣，基本上你只會見到清澈的湯底看不到胡椒半點痕跡。蔥油豬扒飯，加上蔥油豬扒份外香濃。跟米線是一樣他在碗內放了半棵小棠菜，配上珍珠米，煙煙靭靭，配上蔥油，非常非常滋味。如果是首次來這裏食飯，十分建議選擇這一個人氣推介。鹵水豬大腸，他的分量不會很多，但是我覺得是非常足夠，因為對於一個健康人來說豬大腸亦不宜食得太多。我們是重質不重量的。豬大腸下面放

<炊豕店>嘅招牌菜炸豬扒飯，之前在中環店食過，一直念念不忘，知道原來長沙灣都開了新的分店，今晚終於有機會來試下啦！!~新店地店好方便，就係長沙灣地鐵站附近5分鐘路程左右。餐廳有4人枱，又有high chair，地方比舊店更為闊落，都坐得幾舒適。餐廳嘅餐牌貴精不貴多，主打招牌菜係炸豬扒，除此之外，仲有肉燥飯、豬手飯、同埋沖繩豬軟骨飯等。<秘製豬扒配肉燥汁 轉撈粗麵 $60>一場嚟到，我當然要食佢哋嘅招牌秘製豬扒啦！今次就order左秘製豬扒配肉燥汁轉撈粗麵，豬扒係厚切嘅，足足有成寸厚，仲要鋪滿成個大飯碗甘大塊，豬扒係即叫即炸，外面炸得極為香脆，咬落去豬扒肉非常嫩腍，亦夠juicy好味。肉燥汁嘅肉燥份量都好多，半肥瘦肉燥，同撈麵一齊撈埋來食，味道夠濃，而且非常惹味。粗麵底份量勁多，仲有兩大條小棠菜做伴菜。<沖繩豬軟骨 轉撈幼麵 $64>沖繩豬軟骨足足有三大塊，而且好厚，豬軟骨煮得非常夠火喉，炆得非常入味，而且肉質係又腍又嫩，膠質豐富，仲有蓮藕片同大大塊白蘿蔔做拌菜，製作非常認真。幼麵麵底份量非常多，而且夠滑又夠彈牙，值得推薦吖！！～<

晚上去食飯叫了三道菜。第一個係蔥油炸豬扒飯加煎蛋，豬扒肉質鬆軟，外層脆漿厚度適中，配上最強蔥油，正！豬扒看上去非常份量十足，不過有一件是全部肥膏，減少少分。第二個係豬軟骨撈粗麵，豬軟骨煮得非常淋，不過肉質部分稍嫌有少許乾，欠缺油脂豐潤嘅感覺，如多一點汁更好。勝在份量十足，配上蘿蔔蓮藕，整體都合格。最後係前菜，肉燥豆腐，豆腐質感滑而結實，配上肉燥及木魚碎，整體不錯整體上滿意，食物好吃，環境衛生，絕對會再幫襯

炸豬扒都可以炸到開分店，可以炸到出神入化？我本身就唔係幾相信嘅，不過朋友介紹依間本身係銅鑼灣嘅總店，而家開到長沙灣嘅分店，好似幾勁咁，所以我都想試吓。佢又唔算太貴喎， 60幾蚊一碗飯，但係佢嘅豬扒份量好大，豬扒應該大過我隻手，誇張！叫左一個葱油豬扒飯，一個肉燥汁豬扒飯，再加6蚊飲杯野，total 161! 都唔錯啦葱油豬扒飯好多葱真係🤣如果唔中意食葱油既朋友仔唔好叫依個，因為你唔會覺得好食，佢既葱油撈落去飯到真心正，每啖都有葱，加上佢豬扒勁勁勁爆脆！而家諗緊都肚餓了佢真係炸得好好食，真係值得為左佢出長沙灣食嘢！肉燥汁豬扒飯肉燥都係正常啦，但同樣豬扒都係好食，配埋可樂gur 1 gur!!! 我都叫埋杯柚子蜜潤返喉嚨🤣🤣🤣🤣

秘製豬扒（咖喱汁）粗麵如果你夜晚唔係一定要食飯嘅話，都幾推介食麵，仲要係粗麵！因為佢所謂嘅粗麵，可以做到嘅效果係咪好粗（闊）而薄身～😍 最欣賞呢點。入口好爽口😋 丁丁彈牙豬扒炸到外脆內軟，雖然影落去，睇得出係加咗粉皮去炸，但係就係感覺係香酥、而唔係難食嘅麵粉。感覺有啲似大埔熟食街市樓頂會食到嘅嗰種炸豬扒、但要再好食啲，豬扒再大塊啲。正豆 咖喱汁 感覺都幾惹味， 忡送你有一舊薯仔🥔 味道比較似⋯⋯唔識形容。可能係馬來西亞嗰種？唔似泰式咖喱。但係因為佢係分開上，就算口味唔啱，佢本身個醬汁都夠味大阪燒豬扒 飯大阪燒塊豬扒其實就同上面塊豬扒一樣。不過加埋大阪燒，加埋太魚同埋沙律醬，感覺就更加適合呢種炸物😍 一上枱嘅時候，木魚嘅味道真係好正！

從店名就知道依間係一間專門烹調豬肉嘅餐廳，餐廳嘅菜式主要圍繞豬扒、豬軟骨、豬手、肉燥、午餐肉、滷水等，第一次嚟就試下人氣推介嘅蔥油豬扒飯～蔥油豬扒飯🍚一嚟到首先就要試下豬扒合唔合格～炸豬扒嘅顏色望落唔錯，唔會太乾太燶，炸粉雖然同豬扒有少少分離，但係鍾意炸粉夠薄而且炸得香脆，豬扒厚切之餘肉質鬆軟，調味適中，唔會食到好誇張嘅鬆肉粉或者醃料嘅味道，整體嚟講炸豬扒有一定水準👍蔥油亦都好適合送飯，如果嗌少飯可以減$1炒滑蛋🍳 (加$10)炒滑蛋中規中矩，想食得豐富少少都可以加嘅👌蜂蜜柚子茶🍵食物價錢唔貴，即使加埋飲品小食都係大概$100內店內有一半係普通枱，一半係高枱，不過坐近門口嘅話就有啲熱簡潔嘅裝潢配上玩味壁畫，感覺都舒服今次嚟到都滿座，繁忙時間就可能要等下位

開到第三間分店,應該有番咁上下水準吧?！個friend話可以去試下喎。新張期內,堂食全單9️⃣折,外賣8️⃣8️⃣折,免加1️⃣服務費👍《豕》店當然吾係只有豬啦,仲有自家制滷水牛展、雞腎、雞翼,小食同飲品。🔸秘制豬扒(咖喱汁)撈粗麵🔸蔥油豬扒撈粗麵🔸原味豆漿原味豆漿百份之百香港製造,無任何防腐劑、添加劑,少少甜够冰涼又健康！炎炎夏日,點撈粗麵會較易入口。粗麵：麵條爽身吾糊口,食落有嚼勁、彈牙。豬扒：厚切、外層薄脆金黃肉腍軟,香口得嚟吾覺油膩！咖喱汁：分開上,自家制,味道獨有够香吾太辣,刺激食欲！蔥油：蔥、油比例到位,吾似燒臘店果啲油浸蔥花,甘甘香香好提香。小棠菜：差不多成隻手掌咁大,叫大棠菜比較貼切😜,口感清脆。唐揚炸雞,鹹酥香脆嘅外皮,包住鮮嫩雞肉,鍾意佢無骨啖啖肉！🐷🐷你好受歡迎呀,有你真好,多謝你陪我哋成長！

今日到訪長沙灣，打算食壽司朗，點知人太多，又見格離開左間專門食炸豬扒既小店。呢間之前有听過，好似中環主店開過泥，呢間係第三分店，加上做緊新張優惠為88折，當食個tea 都抵食！主打食豬，當然叫左個秘制豬扒飯配咖喱汁，加滷水蛋，值得一讚係呢度少飯可減$1，咁唔洗浪費食物，因為份量望落都幾多。豬扒新鮮炸起，好香脆，肉質腍嫩，個咖哩汁辣度適中好惹味，仲有幾舊薯仔添，好鬼入味，送飯一流。另一碗要左豬軟骨撈粗面，份量好多，粗面都夠彈牙，撈埋秘制醬汁，掛面度一流，豬軟骨厚切大大舊，好有膠質夠入味，超好味。再叫左個小食麻辣炸魚蛋，好香花椒味，魚蛋大大粒夠彈牙，整體泥講性價比高，好味又抵食。

突然好想食油炸嘢…朋友介紹黎咗呢間新店食嘢!鋪頭雖然唔算太大，但望落去環境光線都好舒服!店員安排了最入面餐枱兩人座位比我地坐，呢度係用點餐紙落單!食物種類唔算太多，食物主食係豬扒!而小食選擇較多有雞翼，炸雞，雞腎，牛展，厚午餐肉，豆腐，鳳尾蝦及自家鹵水....真係樣樣都好吸引呀!仲可以加$6加配罐裝飲品嫁!我點咗秘製豬扒撈粗麵(咖哩汁)加咗塊厚午餐肉及人氣推介:葱油豬扒飯!等咗陣食物就送到黎...咖哩汁會另上!見到塊…炸豬扒好有份量哦!而咖哩汁仲配有薯仔添味道很好!咖哩唔會太辣!重點炸豬扒入口很香脆，肉質鮮及口感豐富!超大塊及底食呀!而另一碗...睇下d葱花多到爆呀!份量真係唔少!最啱大食人口胃哦!

去到長沙灣, 係曉尚呢楝新樓附近行下，見到呢間新店，就入去try try.我首先就要左咖哩豬扒飯，連埋豆腐。朋友就叫左豬扒米線，配上厚切午餐肉。豬扒的炸粉好薄好靚， 一大大 咬落去好鬆化 唔覺太油膩 但豬扒 就真係太大件 建議可以接細塊啲， 咁樣會容易入口。咖哩汁 淡 淡地 用上港式咖哩汁， 送 飯 就最啱。 咖哩汁仲有 薯仔附送。米飯 的粘性好高 甘香 彈牙。餐肉都好大塊 厚切 咬落豬肉味 濃 旭味道。米線大大 碗， 湯底幾鮮甜。 米 味 濃郁的米線 座位舒適 適合兩三個朋友 嚟呢度吹水食飯。

之前在中環試過這店的滋味，可惜平時很少到港島，一直未有機會再次品嚐。直到近來長沙灣新分店開張，便在佛誕前夕的晚上，和先生一同到來用膳。除了招牌豬扒飯，還有豬軟骨等選擇。另外，不想吃飯的話，是可以改為麵和米線等主食。這夜我倆熱得幾乎食欲盡失，都轉為享用豕の麵食。葱油豬扒飯被轉做撈幼麵。豬扒香酥並且大塊，非常抵食。蔥油份量十足，撈麵時蔥香四溢。蒜粒的份量亦多，掛麵分佈得恰到好處。沖繩豬軟骨飯則被轉做撈粗麵。豬軟骨份量多，很入味，咸淡得宜；豬肉煮得軟稔，口感和豬軟骨很夾。小食是酥炸鳯尾蝦，一客共有三隻，即叫即炸，香脆可口。加上沙律醬，味道更加豐富。飲品分別有可樂和豆漿，都是原樽上枱，感覺衛生。

今日同朋友去開附近睇電腦產品，就係番呢頭搵食，之前已經bookmark左呢間，所以就順便試埋蔥油豬扒飯：見佢寫住人氣推介就毫不猶豫咁揀左，黎到真係超香，一路影相一路想快啲食，豬扒肉質鬆軟，而且炸到好酥脆，啲肉汁鎖住晒係入面，食落去唔油膩，最欣賞係肥膏唔多蔥油就俾得超多，大愛多蔥！覺得唔夠汁嘅話，佢枱面都有提供豉油自己落大阪燒豬扒飯：個名又幾得意，黎到原來係好似整大阪燒咁加左醬汁、沙律醬、木魚、紫菜碎咁好似大板燒嘅配搭，出奇地好味，只係大阪燒個底變左脆豬扒。佢地啲豬扒真係好大件，女仔食唔晒可以叫少飯都得麻辣炸魚蛋：麻辣味好香，唔會太辣，少少麻，上面加左炸蒜，小食黎講都唔錯飲品就有幾款揀，豆漿、蜂蜜茶等等。我就揀左橙汁（加配價$10），因為健康啲，朋友就揀左+C(加配價$6）整體黎講都唔錯，呢間野有三間分店，長沙灣就係第三分店。其餘兩間都係港島，希望遲啲開多幾間係其他區