炊豕店 (曉悅) (已結業)

其實喺隔離餐廳食緊飯，但見到呢間就即刻唔食咁多野然後再過嚟嗌嘢食！所以我哋唔係嗌咗好多嘢食有最低消費，每人好似40-$50最低 消費啦咁我哋就叫多杯嘢飲🧃如果我肚餓嘅話一定覺得好好食！我食飽咗再食都覺得唔錯！係有少少似台灣風味但我覺得比台灣更好食～始終迎合返香港人口味，唔會好鹹！豬扒揸得啱啱好！炸豬扒撈麵好正，有平時八爪魚丸嗰啲木魚碎個面度～非常之夾呢個組合！ 撈麵上面有啲炸蒜好香！如果個飯同埋嗰個面我會揀撈麵先！ 個炸雞都好食！如果唔係點沙律醬我會更鍾意、如果係泰式辣醬就好啦！位置唔係坐得舒服～高櫈嗰啲坐得有少少辛苦，食完就要走嘅快餐囉～

站在門外睇以為佢係一間Cafe，有戶外座位，門口有兩道大窗，是現時大行其道嘅裝修風格。再望吓門外嘅餐牌同招牌，先發現佢原來係台式餐廳🤩。店舖獨沽一味只賣豬，可能係老闆由細到大都熱愛食豬🐷，呢點大家都知😂。今日唔食佢嘅招牌蔥油豬扒飯，反而想試吓沖繩豬軟骨肉飯。可以選多/少飯、轉撈麵、加配菜、加飲品，價錢屬親民價，唔怪得大受打工仔歡迎。沖繩豬軟骨飯🍛，分量非常充足，又肉又有蔬菜🥬。採用珍珠米，圓潤短小，甘甜美味。豬軟骨肉質有腍又有實，雙重口感，鹵水汁又入味。甜醬汁濃郁惹味，配飯一流，食過不停。蔬菜有蘿蔔、蓮藕、小棠菜，全部高纖有益。

疫情暖和咗，趁無飯開，就約表姨甥女聚聚舊，不過，佢算喺插畫界及出版界有啲名氣嘅人，呢排佢久唔久就入咗去荔枝窩耕田，又或主持啲網上研討會，所以，約佢食餐飯都幾難。最近攝到個一日俾我，近近哋就佢，就晌佢屋企附近嘅「炊豕店」短聚食餐晚飯。 佢話呢家餐廳新開無耐，門口仲貼住紙仔試業緊，但就已經喺第三家分店，風評不俗，食物嘅水準有保證。走入餐廳內，個鋪位都幾深，枱櫈亦唔算排得密，加上樓底高，空間感都唔錯。裝修雖然簡約，但鋪尾嘅紅磚牆，及地下嘅細格仔地磚，都有啲特色。當然，較搶眼喺牆上嘅手繪啦！ 睇餐廳名，就知佢哋主打喺食炸豬扒啦，幾款秘製豬扒飯，賣$60-$64，仲有其他跟豬有關嘅飯，賣$58-$68，所有飯品可以免費轉粗麵或幼麵，更可以額外加配料或汁底。此外，仲有少少小食提供，飲品亦有優惠價加配，剔好紙仔落單，跟住店員就會送上食物，但又唔收加一喎，讚！ 筷子、匙羹、醬油及辣油已放晒晌枱上，自由取用，不過，如果俾杯熱水淥吓啲餐具就更好。此外，整體嘅服務都幾好，店員有禮，亦好醒目，主動拎多隻碟俾朋友載起啲豬扒，方便食用。 秘製豬扒飯（蔥油汁）$64唔食過飯都唔知，原來表姨甥女喺蔥油粉絲，食親燒味就

平時都好少來長沙灣，發現咗附近間戲院原來咁平就來咗🤣🤣點知就俾我發現呢間懷舊台式小店～門口裝修都有種懷舊感，連櫈都係學生櫈～，而且地板都係好似舊冰室咁，播放嘅歌都係8-90年代！一睇就知呢間最靚就係佢啲豬扒豬肉🙈所以即刻叫咗碗招牌蔥油大大塊豬扒飯，又叫埋小食！食到啖啖蝦肉，而且新鮮炸起，十分酥脆！脆到連蝦尾都可以就咁食埋🤣🤣配埋附上嘅醬 件事好香口呢碟酥炸鳳尾蝦正啊！一拎到過來塊豬扒真係嚇死人呀！完全蓋過成個碗，之後一堆蔥油淋上面！撥撥開塊豬扒撈飯有好香嘅油香味！豬扒口感紮實，肥瘦適中！事先炸起都唔會俾汁搞到太淋～友人就叫咗咖喱豬扒飯，其實塊豬扒都係一樣，只不過咖喱另上！總括而言又飽肚又好食！環境都舒服

之前同過友人特登過海食呢間炊豕店覺得幾好食 今日經過長沙灣見到佢新開咗間分店就入去試吓😚呢間餐廳舖面成長形 一邊係半卡位 另一邊係高檯 有少少文青cafe嘅感覺 而且完全冇壓逼感😺我同友人一人叫咗一個飯 各加咗一塊厚切午餐肉同汽水🥤招牌蔥油豬扒飯 餐牌上寫呢個係人氣之選 豬扒上面嘅蔥油真係好多🙀 好鍾意蔥油撈飯嘅我見到咁澎湃嘅蔥油真係食慾大振🙊 豬扒炸得啱啱好 咬落係有肉汁嘅 一啲都唔乾 而且半肥瘦 岩晒我呢胃口😚 厚切午餐肉有足足兩厘米厚 好適合食肉獸 好彩都有條菜平衡返少少🥬大阪燒豬扒飯 非常之特別嘅配搭 將大阪燒上面嘅醬汁同木魚絲放咗喺豬扒上面 賣相真係好似食大阪燒🙊 出奇地又幾夾 有少少類似吉列豬扒蘸醬之後嘅味道 豬扒質感真係好軟身 友人本身麻麻地食豬扒 怕好硬 好難咬 但食完呢個豬扒都話令佢對豬扒改觀🐷呢個飯價錢相宜 又好食 真係好值得推介🙈

之前去過銅鑼灣食過一間豬扒飯十分好味，原來這餐廳都係長沙灣開了新店，十分近我。今日就和同事過來吃晚餐，來到六點多，都有不少人在吃飯。這裡裝潢不錯，出面有戶外一張桌，入面都有四人桌和吧桌。來到當然食秘製豬扒啦，一個叫咗肉燥汁另一個就叫蔥油撈麵。小食肉燥凍豆腐，可以加錢配飲品豆漿和熱柚子蜜。豬扒來到勁厚身，皮又脆肉啖啖肉，同事都讚不錯，我都覺得保持到水準，飯加上肉燥送飯一流，份量都不少幸好同事叫了小飯。撈面加上勁多蔥好香又惹味，不過面真的實在太足料，最後都食不完。朋友講豬扒好足料，淨食豬扒都好飽肚。小食豆腐滑身配上醬汁幾清新。這裡仲要不用加一每人$80就可以十分抵食，勁大份都吃不完，坐得又舒服乾淨。

今天中午和媽媽到長沙灣新開嘅炊豕店食豬扒飯。舖頭比較現代化，富有時代感， 裝修很舒服。這裏最出名是豬扒飯，有幾種選擇。 有咖哩豬扒，有蔥油豬扒， 有肉燥豬扒， 又有大阪燒豬扒 。真係樣樣都想試勻曬。 佢仲不同種類嘅小食可供選擇。 飯又可以加配唔同嘅配料。喺張紙度睇啱食乜嘢自己就tick。tick完就交俾店員。我叫了大阪燒豬扒飯， 一食就愛上了， 香濃嘅大阪燒醬， 再加上木魚， 配上炸豬扒， 簡直係絕配 ，豬扒香脆， 肉質鮮嫩， 感覺自置身喺日本食緊章魚燒咁。點主菜只需要加六蚊,就可以有一杯野飲。我媽媽點了蔥油炸豬扒，味道也非常惹味。佢嘅小食炸蝦，非常之香脆可口， 蝦非常之新鮮 ，食落去好爽口彈牙。 呢間嘅炸物係非常之出色。

今日同朋友去咗長沙灣新開嘅炊豕店。係香港嘅第3分店。一去到覺得個環境好靚好舒服，店外面都有兩枱露天嘅座位～好chill既感覺☀️店入面都滿座，好出名既一間店😍我同朋友每人點左一個主菜同埋小食：1. 秘製豬扒飯 （咖喱汁）$64豬扒飯份量好多！😍一大塊豬扒可以切開四大嚿～咖喱汁連薯仔會另上一碗俾你。塊豬扒皮皮薄肉厚，炸漿嘅厚薄啱啱好。肉質鮮嫩，好入味，好juicy😋炊豕店嘅台式豬扒真係同其他店嘅好唔同，佢嘅外皮有啲似唐楊炸雞嘅外皮，所以我覺得好好味！而且性價比超高，$64係食得好滿足之餘又好飽肚🤩2. 沖繩豬軟骨飯 $64 成個飯都有好多配料～除咗豬軟骨，仲有白蘿蔔，蓮藕同埋蔥。豬軟骨好入味，吸收晒醬汁嘅精華🤤肉質鬆軟，豬軟骨好軟稔，幾乎係入口即化，好好味！豬軟骨控一定要試🥘3. 肉燥凍豆腐 $22賣相好好，好多醬汁，份量都好大。豆腐好滑溜～$22又係性價比好高🤩炊豕店既豬扒飯真係好掂！以後我想食豬扒飯，第一時間一定會諗起炊豕店😋推薦大家要試🥰

不久前在上環食過，覺得很不錯，最近在長沙灣開了分店，剛巧在長沙灣MCL隔離，睇戲前來食個飯。這邊鋪位的設計和上環有明顯分別，新鮮感十足。店入面播住Youtuber Cover的廣東話歌，對80後的我來說可說非常啱聽，很有品味。我不喜歡聽住韓文歌食野。餐牌較簡單，主力都是豬扒，不過在點菜紙上發現了餐牌沒有的新菜式（應該好快會更新）就是我這個大阪燒豬扒。加了炒蛋。好像章魚燒的感覺，有很多薄薄的章魚片在上面，受到熱力影響會捲曲變化，真的好像八爪魚在動。豬扒和上次吃一樣，又厚又嫩。咬下去很鮮味，厚實得來又軟，而且夠大塊，非常滿足。大阪燒風味的調味有酸酸甜甜的感覺，超開胃，和豬扒也很夾。米飯也很優秀，雖然現在很多店都會用珍珠米，但這裡比起我吃過的其他地方較軟熟，很易咬，有些地方的珍珠米吃到下巴很累。炒蛋需要加錢，但能完整覆蓋整碗飯，也是物超所值。炒得都很滑，沾到一些豬扒的醬汁更惹味。有健康的青菜。熱飲均是自家材料炮製，蜂蜜生薑茶暖胃又順氣，喝到底可以看到薑片。望出去窗外是長沙灣區的唐樓，這個選址結合新舊社區，一邊有MCL戲院這種新潮去處，另一邊是一些傳統的工業和住宅，很能體現變化中的香港特色。

真係好耐無晚市堂食，堂食梗係要食返d熱辣辣即食嘅野啦！之前係銅鑼灣就食過，覺得唔錯，見呢度都開左，鋪頭裝修又新淨，又企理，就揀佢黎試下啦！餐牌都有好多選擇，諗左好耐要試fusion定係招牌嘅蔥油，哈哈！最後揀左特別啲嘅大阪燒豬扒（$64），仲轉左撈粗面個面黎到個陣，我絕對有因為佢個高度驚訝左一下佢個大阪燒嘅感覺絕對無得輸，豬扒更家唔洗講，水準無變，入味juicy，至於粗面，可以再多dd汁同埋佢係似伊面個種。朋友就叫左秘制豬扒（咖喱汁）撈粗面 （$64）咖哩汁係另上嘅仲有薯仔，豬扒都一樣好味。仲有仲有就係小食，唐揚炸雞（$32）賣相真係唔錯，而我就覺得炸豬扒更加出色。兩個人埋單都係$160，唔錯呀！最後就係我覺得佢服務都幾唔錯！

之前經過另外分店已經想食但係次次都好多人排隊 見openrie評價好高依家開咗喺長沙灣又就腳 終於有機會試一下新開張堂食仲要有九折 正 店舖細細 裝修得幾有格調食物種類唔多 睇照片已經好有食慾揀咗人氣最高嘅蔥油豬扒飯 一上到枱果下 哇咗聲好多蔥油 好多豬扒 仲要每件都好大另外嗰邊就見到棵菜 我要左小飯同埋加咗炒蛋 感覺上會冇咁（漏）豬扒好厚肥瘦岩岩好 咬落去一咬就斷皮炸得好香脆 肉質好嫩滑唔會乾 喺香港未食過比呢度好食嘅炸豬扒蔥油超級無敵爆香 用嚟送飯真係一流以前會食蔥油都係食燒味飯嘅時候估唔到同豬扒飯都咁夾炒蛋亦都炒到啱啱好 份量好足覺得好油嘅時候就食啖蛋+飯中和下味蕾好彩叫咗小飯 最後都只係食晒啲餸已經好飽食剩少少飯蘋果汁正常冇乜特別 解油膩唔錯記得要加少少甜豉油 成個飯好味好多安排咗坐係出面 對住啲植物有少少去咗台灣旅行感覺整體黎講絕對會返嚟再食 應該話想食豬扒飯嘅時候就一定會諗起呢度希望之後唔會排好多人

今日去香工行街，順路睇吓有冇邊度食午餐好。見到這間專門食豬扒的餐廳，佢應該係新開試業中，我哋入去試吓餐牌上面嘅選擇唔多，我哋點左蔥油豬扒飯，以及叉粒豆角蔥花炒滑蛋飯。蔥油豬扒飯豬扒都好大塊，感覺新鮮炸起，都幾香脆。呢度蔥油味道有點自家感覺，佢唔會好鹹，蔥碎新鮮爽口，蔥油中仲有少少嘅薑味，送飯一流。叉粒豆角蔥花炒滑蛋飯叉燒粒同埋豆角粒都切得夠細碎，蛋都炒得好滑，有住家餸嘅感覺。多點左一個小食：酥炸鳳尾蝦鳳尾蝦外邊炸衣好酥脆，好香口，配合埋沙律醬一齊食幾好味。另外夾去咗汽水，食煎炸野後飲汽水好夾，哈哈（肥。。。）總結來講呢度嘅食物都唔錯，兩個人食兩碗飯連同一個小食真係都好飽🐖 如果下次再嚟，試吓佢哋嘅肉醋汁先，好似都幾吸引😊

所有誇張嘅形容詞留返比其他人寫啦。豬扒用唐揚炸雞嘅炸法炸，豬扒掂，其他炸物可以慳返。話梅花雕豬手，名大於實，我整好食過佢。飯普通，汁普通極。勝在長沙灣店唔洗排隊，再食只食豬扒。

本身想食壽司朗🍣點知條隊長過排廁所🚽周圍行就見到新開就入左去肉燥凍豆腐：$22豆腐上面舖左一啲生蒜🧄而旁邊就用肉燥作為醬汁，連醬汁一齊食，口味又凍又熱，而且仲有小小辣辣地。蔥油豬扒飯（人氣推介）：$64我唔知道係咪我唔識定咩，因為我每塊豬扒都係透過既野多過肉，我唔知道我食梗豬脂肪定豬扒，太可怕😱