炊豕店 (加路連山道) (已結業)

呢間野D豬扒好食就出晒名，我亦都成日食今日就想測試下其他野食係咪都同樣高質果然冇令我失望！睇menu已經好吸引~外賣自取仲要有88折叉粒豆角蔥花炒滑蛋飯頗有驚喜炒蛋可以見到上面有少少半生既蛋汁，令佢食落好滑溜叉燒作為味道擔當，佢既惹味既咸香令你食完又食加上清爽既豆角，令成件事都做到完美既平衡酥炸鳳尾蝦外層金黃香脆，入面既蝦身爽彈有鮮味涼拌大豆芽天氣咁熱最岩就係食返ｄ清爽既食物呢個大豆芽酸酸味味咁勁開胃食落又清涼，口感又爽口夏天食真係一流蘋果汁、橙汁連果汁亦唔係ｈｅａ野兩支都好有鮮果香

📍 炊豖店之前係中環返工成日都經過炊豕店。今日weekend同男朋友黎到銅鑼灣行街，行完街決定去希雲街個邊覓食。因為成日想試下炊豕店嘅豬扒，門口又唔係有好多人，餐牌選擇都幾多，價錢合理。➖➖📌 招牌蔥油豬扒飯 $64豬扒粉炸得好薄，唔會食到成口粉，好厚肉，高溫炸完鎖住肉汁，咬落外脆內嫩。蔥油足料，有齊蔥粒，蒜片同薑絲，油就唔算好多，淋上豬扒都唔會好油膩。珍珠米飯煙韌適中，撈勻豉油同蔥油一齊食，有齊咸香同蔥油香。➖➖📌 沖繩豬軟骨飯 $58豬軟骨燜得好淋好入味，醬汁幾香甜，有日式風味。配料有蘿蔔，蓮藕：蓮藕咬落幾香脆，但蘿蔔就煮得唔算淋。豬軟骨係補充骨膠原嘅恩物➖➖📌 大阪燒豬扒飯 （轉粗麵）$64之後lunch又再去食多次，今次嗌左同日式有crossover嘅飯。面頭灑上份量唔少嘅木魚，差唔多鋪滿左塊豬扒，今次食粗麵，份量一量好多，可能冇乜醬汁嘅關係，麵同豬扒食落都好厚實好頂肚。下次燒汁再多啲用黎撈麵會好啲。➖➖📌 蘋果汁 橙汁 跟餐加$10，正常發揮➖➖地址: 銅鑼灣加路連山道11號地下➖➖人均消費：$70 (no service charge)好食指數：4.5/5抵食指數：4.3

唔係好識得讀嗰店名 我淨係知道佢呢度係食豬豬仲要係一啲好港式嘅豬豬我同寶寶 叫咗一個大板燒豬豬 同埋焗豬豬 再加多一份炸雞 價錢當然係相當合理。而且味道首先介紹下個大阪燒豬豬啲炸豬扒當然係厚切而且鬆軟 入邊被保留咗好多肉汁 我鍾意佢嘅炸法唔係沾麵包糠個種吉列嘅炸法，而去我哋香港嘅特色沾少少蛋漿就去炸 簡稱生炸 咁樣先至唔會淨係食到啲脆脆 食唔到入邊啲肉肉 。厚切炸豬扒再加大阪燒嘅醬汁 原來好夾另外就係煎蛋焗豬豬 塊豬扒都一樣係咁正 而且佢個茄汁係有一種童年嘅味 總之就好似細個屋企人帶你去食焗豬扒飯嘅茄汁味 係回憶嘅味道👍

是日港島遊～ 鐘情炸豬扒嘅男朋友帶我黎食呢間人氣炊豕（音-始）店，平時佢份人要求高，所以跟佢搵食就無錯喇！日晏晝去有短人龍，果然有啲名氣～係等入座嘅時候就諗定食乜嘢，入座等食就得了☺️餐廳懷舊嘅裝潢，份外有感覺♥️黎到緊係要點炸豬扒啦！秘製豬扒配豬骨湯米線🍜豬扒炸到外脆內軟，而且份量超級大，勁滿足！米線又煮得啱啱好，我個人唔係太鍾意食好淋嘅米線，佢呢個啱晒我要求😆👍🏻另外小食都好吸引，所以叫咗滷水雞腎、肉燥凍豆腐、酥炸鳳尾蝦～凍豆腐上面啲香蒜茸配合得好好🤤重口味啱晒～估唔到佢個雞腎蚊到好林，一啲都唔硬😮😮好驚喜♥️酥炸鳳尾蝦都炸到好香脆，有鮮味👍🏻真係好滿足，所有食物都熱辣辣，而且份量有好大，好抵食呀♥️

聽過好多人讚所以我都好想試下之前見成日都有人係舖頭門口排隊咁啱遇到無人排 即刻入得 所以我都唔考慮 入去食左先不過係估唔到帶著失望既感覺走出舖頭門口炸豬排個賣相真係相當唔錯好吸引 好大塊 炸到金黃色 好賣相令我覺得佢味道一定好正但食落真係好差劣味道同口感都唔多好咬落去好多油好黐口我望下咬開左既位置唔係好見到有肉… 食食下懷疑人生究竟佢係唔係豬排 定係咩份子料理個飯同葱油都ok可惜我放左好多期望落塊豬排度而佢又唔係個飯出名所以我整體黎講都係失望服務態度都ok

好耐都無食過炊豕店嘅豬扒好懷念呀~銅鑼灣店雖然唔算大，但依然人流滿滿。如果想食嘅話可能都要等下位，不過店員都好快就安排到位置俾我哋啦哈哈！•蔥油豬扒撈麵🐷•-最掛住嘅就係呢度嘅蔥油，香蔥爽口，而且加埋炸蒜更為香口。配搭埋香脆豬扒，真係食唔停口呀～～～不過呢度嘅嘢食份量十足，好似唔洗錢咁啲豬扒搭到咁高哈哈！另外用咗撈麵做底，醬油均勻，唔會話太鹹。•秘製豬扒飯🐷 （肉燥汁）•-唔好以為係淨豬扒飯呀其實暗藏著肉燥汁!!!利用咗較為瘦嘅豬肉做嘅肉燥，但一啲都唔韌而且好入味，簡直係白飯神偷哈哈。而且豬扒本身都醃好，即使唔配蔥油都已經好夠味！•涼拌芽菜🥗•-麻油味好香呀！！！食炸物店都要配返啲涼拌解下膩咁先食得多咖嘛哈哈

幾年冇嚟，諗住重溫下招牌嘅葱油豬扒飯，點知由重溫變成永別中午嚟到，叫咗葱油豬扒飯+厚切餐肉（冇影），五分鐘上枱，影咗張相後就夾嚿豬扒嚟食， 一食就發覺厚切豬扒原來已經變為厚切粉漿豬扒，粉漿嘅厚道比豬扒足足有2倍之多，加上油溫控制失敗，令厚厚嘅粉漿吸滿油份，最重要嘅係由我坐位望過去（今次我坐吧枱），就會發現炸爐內嘅油竟比我架車嘅機油更黑，使胃部內充斥著濃厚嘅油益味。到塊豬扒本身，可能生意太好嘅關係，所以豬扒解凍及腌嘅時間不足，令豬扒本身只淨低雪味，80蚊一餐午飯，都唔會要求有黑毛豬，但只要用心一點，急凍巴西豬扒都可以變得出色，重點係身為一間專賣豬扒嘅店舖，夠膽拎塊咁出色嘅豬扒嚟奉客，只可以講網絡打手世界真係有威力。到另一個餸，厚切餐肉， 可能由於生意太好吧，竟然將塊餐肉沾上粉漿又拎去炸...可能佢地對於個炸漿太有信心，但餐肉係要用心煎到外脆內軟先算好食。再加上佢本身塊餐肉品質一般，咬落去係外脆（粉漿嘅關係）內爛，係腐爛嘅爛，我好想請教一下係咩牌子嘅餐肉，等我可以避之則吉最後到葱油，葱油只可用合格嚟形容，我第一次嚟嘅時候，佢地個葱油真的出色，新鮮嘅葱粒，加上適當嘅調味，係食到葱嘅鮮味同爽脆

在銅鑼灣逛街，消耗太多體力，要找吃的充充電。上網找到附近有人氣食肆炊豕店，轉賣豬扒飯的，下午茶時間應該較易取位，二話不說跟朋友去了。真的幸運，第一次來，不用排隊便可以入座，說人少也不算少，有8成入座率。這裏的主菜就是大大份炸豬扒，在餐單上畫上喜歡的口味，還可加配料如蛋、蔥油等，除了主菜，還有鹵水小吃選擇。人氣推介蔥油豬扒飯$64,可轉撈麵，是必吃之選，豬扒大塊得比湯碗還大， 炸得酥香又脆，肉質爽口，怪不得網上人人都讚！價錢超值，沒有加一。女士可能怕一大堆的蔥油，但親身試過，香而不油膩，超好吃！而且多吃也不咸，完全不是燒味店那種又咸又多油的。我們把飯轉成了撈幼麵， 加$10炒滑蛋，炒滑蛋真的很幼滑，配幼麵的醬汁咸香，拌蔥油更香！很快便吃完了。限量供應的新出品，秘製豬扒配胡椒豬肚湯米線$64, 一場來到當然試試新品，覺得胡椒豬肚湯味道比較淡，算是清湯米線，加$8一隻鹵水蛋，鹵水蛋煮得很入味呢！米線份量依然很多，味道夠清，配香濃的炸豬扒，香味更突出。手掌般大的豬扒，香酥鬆化，與滑嘟嘟的米線一起吃，很能滿足多重口感，喜歡吃米線的話可以一試。餐飲加$6,飲柚子蜜和生薑蜜，我和朋友都喜歡這些滋潤的

聽聞炊豕店好出名，其中一個朋友推薦我去依間餐廳，咁我就入去試試啦～等候時間唔耐，我等埋朋友黎，當人齊就入得～店內環境雖然有少少狹窄但無阻礙食客等待大碗飯既心情🤤佢地類似拉麵店咁，開放式廚房，可以望下廚師整緊你碗飯未🤣🐷蔥油豬扒飯 $64 （-$1少飯、加$10滑蛋、加$10 一枝豆漿）淨係計碗豬扒飯係銅鑼灣黎講，我認為價錢算平，平時夜晚食個飯都百幾啦，最驚喜係我至愛既蔥好似唔洗錢咁比勁多🤤送埋條小棠菜～豬扒做到好脆卜卜，每咬一啖都覺得好有滿足感🥴而飯配上豉油再將所有撈埋一齊食，令你不停食完一啖又一啖🤤最好笑係我明明寫少飯😂點解碗飯仲咁大碗？我建議2個女仔可以叫1個飯加小食，都好夠飽🤣男仔可能1個人食1碗飯加小食先飽～🐷蔥油豬扒飯 $64（加$8煎蛋、加$10一枝豆漿）整體而言，蔥油豬扒飯價錢既合理又大碗夾好食😋我地開始食既時間，開始好多人排隊食，可想言之炊豕店係幾咁出名🤤正正👍🏻

係南❌會篤完波🎱，見附近都幾多野食，就打算搵間試下 ，咁岩見到呢間都幾多人排隊，一於就試試佢，估唔到有啲驚喜‼️呢間主打豬扒飯，但除左豬扒，其他都好吸引，而且價錢合理💰，於是就叫左好多野，飽到完全食唔哂！☺️🐖大阪燒豬扒飯$64 ❗️期間限定❗️我超鐘意食大阪燒，尤其係大阪燒上面嘅木魚，呢款豬扒飯就完全滿足到我對一阪燒嘅熱愛！超大塊嘅炸豬扒，配上海量木魚！！ 估唔到都幾夾！🐖煎蛋焗豬扒飯$68 對佢最冇期望，點知佢先係最驚喜！係超多新鮮番茄🍅嘅焗豬扒飯！比起一般食開嘅焗豬鮮甜好多！而飯亦都冇偷懶！用咗蛋炒飯！加分！💯🐖沖繩豬軟骨飯 $64 豬軟骨非常入味而且夠哂𣺉！加埋個汁，送飯一流！而且豬軟骨嘅分量都唔少架，絕對係好食又抵食之選！😍🐖 唐楊炸雞🍗$32睇圖以為好細件，點知上到枱5件炸雞都好大舊，有啲驚喜🤤🤤🤤🐖 酥炸鳳尾蝦 $28 蝦鮮甜，炸粉唔厚。有3隻，3個人share，岩岩好！🤤餐廳環境唔算大，但每個位嘅空間感好夠，好似我地咁叫多2個小食都唔會覺得迫。

朋友講過話呢度嘅豬扒好好味，所以就決定今晚晚餐嚟試吓，入去之前都要喺出邊排隊排咗15分鐘左右，期間店員會俾咗張菜單我哋填嘢食先，本身我哋都諗住試吓粗麵。但係因為夜晚已經賣晒，所以我哋就焗住食幼麵啦。由於間舖頭主要都係豬扒為主要Menu食物，入到去，坐咗冇幾耐就好快上食物喇，豬扒睇落大塊而且厚身，但係咬落去就發現個炸粉好厚，而且豬扒骨佔左好多，感覺有啲失望。右面住得太過淋身，一夾就斷，你冇平時食雲吞麵嘅嗰種爽口感，食到有啲無奈 $60來講呢碗麵嘅質素性價比實在太低

假日銅鑼灣揾嘢食，食lunch想好食兼夾抵食，真系唔容易，不過行吓行吓見到呢間小店，價錢相宜，又有人排隊，證明一定有水準，所以試一試！等咗5-10分鐘就有枱，裡面有D台灣X日式感覺，感覺舒服！佢地餐牌好多選擇，主打豬扒，價錢大概$58-$68，相當抵食，唔鍾意飯仲可以轉粗或幼麵。我地就叫咗兩個主菜加小食同嘢飲試試。蔥油豬扒粗麵豬扒炸得鬆脆，豬扒都好厚身，麵既硬軟度剛剛好，好有去咗台灣既感覺！份量都好大份，男仔一定夠飽！肉燥滷蛋粗麵醬汁好好味，肉燥好入味，真系好有台灣既味道，滷蛋入味之餘又唔會un，推介推介！肉燥凍豆腐天氣咁熱，呢個小食真係好合適，豆腐上面有木魚片，加埋一口食，入口融化，好味之餘又消暑！餐飲我地就叫咗蘋果汁，成支上，夠曬凍依家咁熱就最適合！ 呢間小店用心製作，十個推介，絕對係銅鑼灣既hidden gem!

好耐冇嚟過炊豕店，都預咗要排隊，好彩大概等咗20幾分鐘左右就有位。今次同朋友嚟，叫咗兩個飯同一個小食。《蔥油豬扒飯》每次嚟呢度都一定係叫呢個蔥油豬扒飯，因為佢哋嘅炸豬扒真係超好食。個豬扒炸粉唔會過厚，又唔會乾，份量又多，仲有個重點係個蔥油係好香，每次嚟都令到我食咗好多飯😂，其實而家坊間都好多地方有蔥油豬扒飯食，但係唯獨是炊豕店嘅炸粉真係做得好好👍🏼《大阪燒豬扒飯》朋友本身係超鍾意食大阪燒，結果嚟到係冇令到佢失望，因為真係有大阪燒既醬，沙律醬，同埋勁多木魚。我都偷食咗少少，配埋個炸豬扒食個感覺其實好得意，好似食緊用豬扒做底嘅大阪燒咁，鍾意大阪燒嘅朋友都可以一試啊！《酥炸鳳尾蝦》因為叫咗兩個都係豬，所以想食吓其他種類嘅小食，個蝦其實都有驚喜喎，本身諗住佢哋出名做豬，其他都只不過係配角，雖然唔係好大隻，但係個炸蝦蝦肉本身係爽嘅，亦炸到好鬆脆，真係同個豬有得fight啊，雖然唔係特別抵食，但都推介一試😋

This is in fact my second visit to this diner. If you look at the menu it is quite affordable, cheap even to some. However, it is one of the best pork chop rice in Hk. The pork chop is very crispy on the outside, full of flavour and tender and juicy on the inside. And for the rice, it is full of aroma from shallot oil. Do go for this option over offers as it sublimes the taste. The quality really outweighed the shortcomings like it might need queue and the less than ideal seatingsWould recommend

去完南華會碌ling 去附近搵野食🤤見到呢間小店排哂隊 又幾平就試下我地一行三人 碗碗都好大碗 最後又係食唔哂🥶-沖繩豬軟骨飯 $64 超正！ 我最中意食呢個！ 豬軟骨超香超冧 重要有成4大舊豬軟骨！ 然後佢d汁 超好送飯！ 不過我建議大家可以試下轉撈面🤤 應該好襯😍-大阪燒豬扒飯$64 一大大塊炸豬扒 然後超爆勁多木魚！！ 超打卡able ! 塊豬扒果然係招牌！ 真係炸得好好！ 唔厚粉 炸完重好juicy ! -煎蛋焗豬扒飯$68 絕對同一哥唔同lv! 炒飯底係必須🥴 然後佢勁多配料 鮮茄超級好食！！！ 然後個豬扒好軟熟 好正🤤 -酥炸鳳尾蝦 $28 @2 正呀😍 必叫！ 舊蝦好肥美🤤🤤 炸粉又係勁少！