火間土 (已結業)

呢度主力sell環境，野食就一般。- 燒鯖魚，不錯，啖啖肉，好香- 上壽司雜錦，成90元得八件度，唔夠新鮮，失望- 炸雞軟骨，大大舊，唔夠和民炸得好味- 雜錦串燒，雞翼同多春魚ok，朱肉唔得，雞肉難食，只食了一口兩人埋單$270。仲有呢度好多靓位一早俾人book晒，要walk in食，最好差不多6:00PM攞位，唔係就要排長龍。

我和另外兩個朋友去火間土食晚飯. 事先沒有訂位. 但去到亦只係等了10分鐘左右就可入去飯. 我地點了串燒, pizza等. 我地和隔離枱差不多同時間點菜, 但係人地好開心咁食緊時候, 我地仲係度等.在我地不斷催促下,終於係半個鐘以後才有得食. 中途我地再叫沙律,亦係要不斷問侍應咁耐未到.最離譜係我地忍唔住埋單時才有人告訴我們漏單.食物水準只係一般, 但就要食到成肚火咁出來. 我地以後唔會再去幫襯.

個電話打幾個月都可以唔通, 冇哂心機, 幾好食幾好view我都冇權知道, 仲慘過打電話問人借錢, 問人借錢起碼都有人接你電話, 最多cup你線, 睇黎要去到火間土都要好講緣份, 火間土, 我諗我同你無緣見面了, walk in我又怕妳請我食檸檬......

都係o個句, 勁正海景~waiters服務幾好, 埋單仲會跪o係地下!食物就只係可以講ok, 石頭飯麻麻, 海鮮pizza燶左d, 燒八爪魚丸太少八爪魚粒, 仲正都係日式串燒冬菇, 唔乾又厚肉, 比我食過既其他地方好...

同兩個朋友食lunch。1. 因為今日係星期日, 所以冇set lunch 食。2. 叫左三個dish:~ 薄餅式煎蛋: d日式醬汁好野味, 但係d豬肉就好肥,扣哂分。~ 石頭飯: 個dish上枱的時候, 個waiter 淋d 蛋上去, "喳"一聲, 當時覺得個飯應該會好正。d 蛋隨住石頭o既熱力凝固, 所以裝飯o既時候就要用d 力分開d 飯同個石頭。初初食落就覺得佢好淡, 仲有衝動想要淋d 豉油上面tim, 但係食食o下就覺得個飯好咸, 唉, 個飯得"聲""色", 味就欠奉啦。個飯有少少碎肉粒同d 蛋, 真係好plain。所以我冇食哂d 飯。~ 白汁雞肉磨菇焗飯: d cheese 味好香好重, 份量又夠大, 抵食過和民同款菜式。埋單$160。食火間土只係食個景同個裝修, d 食物就好一般, 試過一次就夠啦。

可以一試食物真係普通價錢食景..high class

成間餐廳最剎食就係個view，食物一般嚟講ok啦，刺身拼盤個帶子唔錯囉，且比較抵食，其他就一般啦！餐廳裡面分成好多個細房(冇view)，好似好有特色咁，但我個人不太喜歡，要除鞋，好麻煩！同埋感覺上唔係好衛生，個個都"隊"隻腳落個"窿"到，又睇唔到個"窿"裡面乾唔乾淨，有D驚！

Last time I celebrate my friend's birthday and we booked a VIP room at the corner which requirs min. charge of $1300. This is OK but we are totally disapointed on their service. Because we wanted to give the birthday girl a surpise by giving her a birthday cake, so we asked the restaurant to keep the cake until we told them to bring out after the meal. However, one of the waitress told us in front of the birthday girl that they would charge us extra for the cake at $50. In fact, we weren't not c

Good view. But the food was very average. My friend's comment can be a good summary: "Don't expect me to come back...". I won't be as harsh as she. However, there are certainly some better choices in 1 Peking Road.

Sunday同朋友去食lunch, 竟然無咩人, 直入之餘仲可以坐廂座~ 望o下menu先知原來係因為無set lunch少o左好多人~ 我地order o左: 司牡丹清酒180ml ($55) - 清而唔甜兼無米味~任選三款魚生盒($100) - 當然唔可以選擇海膽啦, 選擇o左三文魚, 鱆紅魚同帶子, 全部一早切定放入雪櫃, 失望~ 仲要只係得帶子鮮甜, 其他唔得~ 今日什錦串燒5串($58) - 有雞肉, 雞腎, 雞翼, 多春魚同豬肉, 味道ok但燒得乾o左d~鐵鍋牛肉排($68) - ok啦白汁焗蟹肉飯($48) - 蟹咩鬼肉, 得d蟹柳咋, 唔好以為平就可以呃人o架, 貨不對辦!! 見味道ok, 算埋單$36x~ 初初開時服務好鬼好o架, 依家就ok啦, 無以前咁好, 但係門口位manager依然咁鬼好禮貌, 90度角鞠躬呀!!Photos:http://community.webshots.com/album/91166914QhBMAV

13/4，同朋友2人6:30pm o黎到，今次係我第一次o黎，覺得幾正，因為無book位(其實係個電話打極都無人聽)，所以去到個待應就話：而家有張吸煙區窗口位o既台，但要8點交台！我當然無問題，因為時間尚早！入到去覺得個裝修、環境都好正，最緊要係唔嘈，可以好舒服咁傾下計，而且仲有海景o忝，都唔錯！食物方面：火間土沙律($56)都幾好食，又有D魚生o係面，D菜又夠多，又大兜！牛扒($68)有牛味，都夠淋！薯餅好鬆脆，有好多椰菜絲，夾埋一齊食就唔覺膩o勒！正！曼魚石頭飯($68)都幾好，o黎到已經好香，曼魚肥大肉厚，飯又夠香！埋單$250，都ok！服務方面：待應笑容唔夠，但都算有禮貌！

今晚（５號）三人吃晚飯，點了鹽燒鯖魚，印尼炒飯，三文魚芒果卷，迷你卷，凱撒沙律，三文魚壽司，串燒雞肉和海鮮卷，甜品則點了雜錦雪糕和日式ｔｉｒａｍｉｓｕ．先彈：炒飯太濕身，沒有鑊氣，味道很淡，沙律的煙肉不夠脆（和民的和民沙律較好吃）；後贊：三文魚芒果卷味道特別，雜錦雪糕和日式ｔｉｒａｍｉｓｕ也十分好吃；其他的食品質素也中規中矩．環境不俗，雖然不是坐海境位，但坐廂房位子也很舒服．服務亦不錯．上述食品共費約＄４９０，價錢屬中上．

尋日去試，book唔到海景房但坐common area都係對住個維港，景觀真係唔錯！講番d野食，我地兩個人點左唔係好多野食，因為book太早，唔太肚餓。點左：日式薯餅-d 汁好咸，一d薯味都冇，唔太好食。雞柳明太子串燒-係胸肉，好鞋但好有雞味，明太子好咸，下次唔唔會再叫。焗蟹肉飯-d汁太多飯太少，好"漏"，我唔鍾意。京蔥牛俐-好好味！好香，必食推介。燒鯖魚-好肥美好香，有魚味。埋單$210,唔算貴，可以一試！雖然比和民貴dd，但portion比和民大一點，但menu的食物選擇太少。

繼前幾日去過呢度食晚餐，今日就試下佢個set lunch。唔算太貴，$68一個餐，我就叫個芝士蟹柳焗飯(見圖)，而我個friend就叫個燒鯖魚set lunch. 我個蟹柳焗飯都幾好食，芝士份量剛剛好，唔會太漏，而D飯亦都冇焗得好焦的感覺。而我個friend 個鯖魚餐，佢就話唔係太好味。呢到個午餐係包括有一款unlimited free drink ，但基本上你食午餐飲一杯餐後drink已經夠。可以一提，就係個餐冇麵豉湯，晒我，唔駛飲味精。

聽到好多網友都講過呢度，今晚去試一試。去到門口，等左一陣，見到佢地D經理應該係日本人，完全可以用流利日文講野。佢個門口都幾好，好有"火" feel。入到去坐左個窗口海境二人位，正。Order 左: 三文魚芒果卷、燒鯖魚、燒花魚、辣椒沙律帶子、明太子菌烏東、同日式tiramisu。講到最特別，都算係三文魚芒果卷，呢個我冇在其他地方試過，所以覺得佢整得幾特別，芒果同三文魚包住D飯，而D飯又有好似係黑芝麻在裡面，好好食。而其他野食，我覺得比和民好D。有一樣野發現到，就係呢到都幾多日本人食野，可能夠正宗。埋單兩個人$320，以日本餐廳來講，呢個價錢都合理。