火間土 (已結業)

上次到火開土是在六月,电話BOOK位時,他們耍求我們要達到最低消費HK500. 我唸住一定無問題,是關一般刺身拼盆也要兩三百元。去到先被環境吸引，入到房間(雖然真的很細),看見尖沙咀海境但卻不及樓上的AQUA全天侯無敵海境，但房間很喑很有Feel。最緊耍有私隱。但食物品種卻不及和民或魚一了或壽司亭。尤其是刺身種類太少。我和朋友二人想盡方法才可剛達到HK500以上。總括來說，環境,氣氛,食物也不錯。但並不能與一流的日本料理相比。

我都有去過火間土度食嘢,我聽D朋友講,嗰度要排好耐隊先有得食,我嗰次係同屋企人去食,但係係好早就去到所以都唔係等咗好耐就有得入去,未入去之前覺得間嘢都幾黑,但係入到去之後又覺得幾光猛喎。見到佢哋個設計唔係tatami房就係大廳,我嗰次因為係冇Book枱嘅關係,喺門口嗰個應該係經理嘅人(原來係日本人嚟,都幾有禮貌)就話多數坐大廳(其實我係好想坐tatami房架)不過冇所謂啦,坐大廳都好有境睇,不過嗰陣時仲係六點幾個天仲係好光所以嗰境就冇咩嘢睇,佢哋D嘢食好多都唔錯,幾好食。講返個設計其實佢哋嘅大廳係木枱同木櫈,枱同枱之間我都覺得幾逼,如果話再放架BB車喺度,我想D侍應都唔駛行了,仲有我想都幾危險吓,D侍應又攞住D熱嘢,淋到你個BB咪仲衰,我都知你個BB係需要有地方休息,但係嗰度係餐廳嚟架,人哋D侍應冇理由為咗你一個客人而妨礙到其他客人架,仲有我想如果你係Booking嘅話應該係坐tatami,因為據我所知Booking係冇得坐大廳嘅。但係如果你坐tatami嘅話根本冇需要有架BB車喺度。我睇完你個食評之後都覺得你都幾無理取鬧！仲有你最尾嗰幾句好似咒人哋間鋪要摺埋咁。

呢間咁日本餐廳, 簡直不知所謂, 侍應態度非常差, 又冇禮貌, 明明冇嗌到樣食, 個女侍應妹妹仔錯仲冇禮貌話"乜你冇嗌到咩"之後轉頭走人,大佬呀, 呃妳咩, 冇嗌就冇嗌啦, 簡直不知所謂!!! 仲有魚生非常唔新鮮, 有冇見過吞拿魚係啡色?? 其他亦係唔新鮮, 又細碟, 呢間係貴價日本餐廳架, 咁樣點出比人食呀!!! 比咁價錢食咁?! 我勸大家都唔駛專登走試囉!!!

食物質數:--並唔係每樣食物質數都係咁好味, 不過味道都唔算係差.--我比較喜歡佢地米酒(sake),種類比起"和民"多好多,可以因應唔同口味,選擇唔同o既甜辣度. 我當晚試了四種唔同既米酒,在食下雞軟骨送酒,係tatami房裡面,同一班朋友傾下計, 真係幾享受下.服務質數:--個日有個waiter(四眼哥哥仔), 太度親切,服務周到,唔錯架.--之前booking, 到時唔洗等位,咁就冇夠鐘比人趕走o既煩惱la--望到海當然好,望唔到唔緊要係tatami房有私人空間,感覺唔錯總結: 想食好野,火間土未必係好選擇,但如個去cafe去到悶,或者想係特別小小環境同朋友飲返杯傾下計, it will be a good choice!

有FD話要去~咁去啦~7點3個字去到,我地張飛十幾號~咁問下要等幾耐~佢話要一個鐘左右~點知8點返黎~已經去到四十幾囉~~~之後仲要我地由頭等過~~入左去之後~~D侍應勁黑人憎~我地覺得大堂多人好嘈~咁就問可唔可以坐有D屏封O個D啦~個男侍應超勁狗眼看人低話最低消費700先可以坐入去~咪玩啦~O個個話係俾2個人既一個小角落~2個人點食700呀~如果係要食700 我會選擇更high class~起碼揀d有禮貌d既侍應既餐廳囉~~~之後食飯又唔俾齊d用具人嘛~下下都要問d態度極差既侍應拎~

新開張果時幫襯過一次....因為知佢要勁排隊....所以一直都冇再去....直至前晚...九點去到.....都仲要等位...但係第二張就到我....由於晏晝係Holiday Inn 食左個tea buffet...所以唔係好肚餓...兩個人只係要左軟殼蟹沙律卷(有8件咁多架)...同什錦魚生飯(大).....兩樣都不過不失....尤其果個什錦魚生飯...勁多料...佢跟埋果舊WASABI超勁呀.....少少已經好攻鼻...但係味道好好.....值得流眼水架.....可能已經好夜冇人等位....所以都冇發生趕客走事件.....侍應姐姐仲好主動不停咁幫我地加茶....雖然坐唔到窗口位....但係都睇到海景....記得上次食過綠茶XXXX(甜品)...印象中唔錯...可惜真係好飽....食唔落...

久仰大名, 終於在昨晚有機會一試. 很可惜, 一踏入這餐廳便一肚氣. 一位面目如深圳關員一般嚴肅的女侍應三番四次說我的BB車不可放在身邊, 因我們必須要有地方給BB休息, 我們已在BOOK位時提出這要求. 雖然擾攘了15分鐘後終可保留BB車在身邊, 但來吃飯的雅興盡失. 但我們都盡最大努力在餘下的個多小時將晚飯吃完. 事實上, 在一頓晚餐中, 食物的質素只是眾多因素其中之一, 如果在不舒服的環境裡, 在急趕的氣氛中, 食物怎樣好吃也沒有用. 在這方面和民比火間土優勝得多. 再過多一年半載, 待新鮮感漸漸減退後, 看看這店可否再做下去...

好想試呢間野好耐o架啦，但係打極電話都無人聽，一係就唔通，上個星期終於比我同事打通o左訂位，我地一行四人大約6:45p.m.到達，門口唔係好多人等位，個帶位員已經提醒我地食到9:00p.m.要交檯，我地叫o左魚生拼盤、蜜糖番薯、雞軟骨、海鮮薄餅、吉烈蝦卷、鹽燒鯖魚等，魚生拼盤味道一般，價錢唔平，都要成$155一客，而雞軟骨炸得好脆，但個人覺得都係和民好食d，吉烈蝦卷好大條，我地四個人都可以每人有兩件，d 蝦炸得好脆，味道唔錯，鹽燒鯖魚幾鮮味，肉質唔"鞋"，蜜糖番薯個皮炸得好脆，混埋d蜜糖甜味好有口感，值得一試，食到差唔多8:30p.m.，個侍應已經行埋o黎問我地重叫唔叫野食，佢話係last order，我地見食得好飽，所以無叫到，搭正9:00p.m.，個侍應好準時咁叫我地埋單啦，總括來講，食物一般，價錢唔平，如果要我再用2-3星期時間訂位先有得食的話，我唔會再試o羅!

如果唔係有朋友生日指定要o黎依間，我真係唔o黎，仲要兩星期前book，打電話o黎book台，打到電話爛咁擘，都唔知解究咁多人食，又唔係特別好食過人，其實咪同和民、魚一丁差不多，和民平過佢，魚一丁好食過佢。仲要限制食兩粒鐘，我o地應該食到9點，都未夠8點半，問我o地last order仲有咩野要，之後仲問我o地兩次要唔要甜品，十足趕人走。講番食物過，最突出係三文魚芒果卷，口感好清新，好o岩夏天食，芒果與三文魚好match；海鮮春卷用米紙包住三文魚、八爪魚等刺身粒，加埋d生菜，又係好o岩夏天食；什錦魚生壽司飯都唔錯，魚生都唔少，不過成碗飯最好食就係d酸薑。刺身併盤、燒魷魚筒、薄餅燒雞蛋同火間士沙律就一般喇，最唔掂就天婦羅烏冬，唔係天婦羅同烏冬分開上，所以整到天婦羅淋晒。埋單就唔貴600幾，不過以前咪駛只意我再o黎。

看過很多的食評，很多人都說北京道一號火間土的服務九流和食物一般，上星期六我終於有機會嘗到。我去之前特別沒有向我朋友提及這間食店的食評，希望可以客觀地給他評分。傍晚六點的時候，已經有一條長人龍在門前等，幸好我的朋友已經在三星期前訂好位，我才可以舒舒服服走到裡面。服務員都是比較年輕，在這算有點高級的餐廳他們的經驗是不足，例如沒有笑容、不會主動幫你清碟等，不過算可以，因為那個服務員不厭其煩地幫我們照了四五張照片。我們有九個人，所以我點了很多道菜，大部分都是小食、壽司、炸物、魚生等，並沒有點飯或麵。他們的鰻魚壽司卷、三文魚腩壽司、沙律是非常好吃，但炸物炸得太焦了，連裡面的肉都炸乾。因為他好吃的菜都很大碟，我建議不要太少人去，而且不要點他們的飯。他們的飯並沒有特色，又容易塞飽肚子。整體來說，比食評所描述的好很多，可能他們的服務已經有改善。

我極力推介海胆意粉、超好味、次次去都一定會叫。

朋友的男朋友趁lunch time時去訂位.因為電話永遠唔通.四個人坐榻榻米位,都幾舒服.而且好有privacy.落好單侍應會將簾放下.唔係好記得要左咩,我記得就有串燒.好乾身.幾好味.但係有一串雞唔係好熟.壽司拼盆.正.食得出好新鮮,而且都好大件下.三文魚子海膽飯.海膽入口即溶,好好味.不過最好味都係果個蕃薯.好甜美.個做法都幾特別.overall食物係有水準. 本人去的時候都已經開業一段時間.我覺得部份員工態度是有問題.我見到隔離枱有個婆婆唔知要除鞋坐榻榻米,個侍應就好大聲同好rude咁話個婆婆.唔係好岩囉.

侍應生服務不知所謂!! 佢手快快, 又唔問客人究竟食完檯面的野未就收野, 我朋友好聲好氣講一句, 話"唔好意思, 未食完架", 個侍應生就好晦氣咁講, "得喇得喇!! 我知道喇!!"呢個人連做人都未識, 學咩人做侍應！.

友人竟然能夠接通佢o地o既電話而訂到位,勁! 同其他食評相近,火間土o既食物質素好過和民,但價錢真係唔係太抵. 我o地五大一細,食o左:海胆飯/三文魚三文魚子飯/雜錦魚生飯-用料新鮮.ok.芥辣蟹子軟殼蟹卷/三文魚子??飯卷-穩鎮大路o既選擇.炸甜薯仔-外脆內軟,好味.串燒拼盤-豬肉串/多春魚/雞翼都ok.刺身拼盤-赤貝同帶子最得.蟹子蟹羔-鮮味.叫o左五杯飲品-只記得西柚巨峰cocktail&西柚蘋果cocktail,好味/berry berry mix甜品-可以skip..服務... 既然冇,我覺得佢o地唔應該收service charge!埋單要$1300; 友人覺得呢個價錢可以去居酒屋!

我係在5月頭來食lunch,我同小熊一人叫一個set,咩set就唔係好記得,我只係記得有一個係什錦三文魚子飯,我只可以說佢d野食好過和民,但和民價錢平過佢,而魚一丁價錢同佢差唔多,但野食就好過佢,佢個海景都比前面遮了少少,無aqua個果敢好,服務一般啦,都係果句,黎lee到又係食景,想食好d都係唔好黎.