火狐爐端燒 (已結業)

發現小街入面原來有間隱世爐端燒店入面裝修係簡約日本風，同兩三個朋友食野傾計幾舒服。三個人叫左11樣野食，有胡麻秋葵，豆腐唐揚，燒茄子，豚肉車厘茄，黑豚五花腩，雞軟骨黃金燒，雞翼，牛舌，汁燒翠肉瓜，鹽燒油甘魚鮫，蟹膏海鮮炒飯。整體黎講，全部野食都唔錯，其中黑豚五花腩係個人認為最好食，入口鬆化，好香好好味，食落又唔會覺得好肥膩。蟹膏海鮮炒飯，炒得好乾身，海鮮都有蝦，尤魚，如果多d蟹膏就更加好。胡麻秋葵都好食，胡麻醬無得輸。燒茄子係點蘿蔔溶食，食法幾特別，都唔錯。整體來講，野食真係唔錯，又坐得幾舒服，可以一試。

早前聽朋友講話荃灣有間新開的爐端燒唔錯，作為食藥嘅我冇理由唔來試下啦，入到呢個幾有特色的小店，小店約有8-9張枱，所以來食飯最好早少少來book 位, 一入門口就放左果結他及內裹擺設都幾型格，好啱同朋友食下野吹水的地方。我地就叫左1個小食，6串串燒及一個飯。蒲燒鰻魚飯 - 鰻魚燒得好香口直頭外脆內軟， 加埋D醬汁好夾，份量剛剛好。牛舌  - 食落好濃牛味加埋少許黑椒及海鹽，真係好正厚燒玉子 -  食落有少少味醂的調味甜甜地加埋蘿蔔蓉幾清新汁燒雞肝 -  雞肝燒得香口，配埋自家製醬汁真係幾好食胡麻秋葵 -  本身我好怕食秋葵因佢滑滑潺潺汁液，但呢個秋葵入口幾爽脆，加埋胡麻醬汁同本魚碎幾特別豚大腸山葵燒 - 呢個係我覺得食落好有驚喜，大腸燒得外皮勁香脆，內裹就好軟滑，加埋少少秘製山葵汁，食落一D都唔會好油膩

有個住荃灣的朋友約我，除了相聚也想靜靜地傾到計的餐廳，佢話四陂坊有間隱世的爐端燒想去。所以就黎左。鋪頭一入去好日本小店感覺，即刻覺得啲燒物應該好味，第一印象已經加分。雞翼燒是開邊，單骨，易食，外膽內軟，火狐的燒法唔會乜都用孜然，似似地炭燒的方法。個淹法好食。隔離牛舌通常是燒物的皇牌，呢間都唔例外。好冧，邊有香口。平時我唔太鐘意食茄子，因為我個咀對茄子有少少敏感會痕。但呢碟茄子無左呢種拿拿地既感覺。老實講唔望真啲唔知係茄子XD我自己都幾鐘意個味道既HHAHAAA豆腐唐揚：上碟很精緻，可以中和一下其他燒物的乾感。個醬汁唔錯。豆腐都好滑個翠肉都JUICE，師傅幾高質喎，火喉控制剛剛好，燒得香但不失水份，就燒蔬菜係有難。要讚一下^^。我老公唔食但我同個FD都鐘意既秋葵，好爽加調過既麻醬汁，我地兩個好快就食晒HAHAHA蟹膏海鮮炒飯：啲海鮮好充足絕無偷雞，由其是啲蝦，一碟有成5-6隻，隻隻都有肉地，爽口又有肉食。好野黎。稍有感個蟹膏可以再多少少，可能我鐘意食蟹，我老公就覺得夠味。呢個 豚肉車厘茄：個豚肉燒得好香，配左茄仔就好醒胃同埋一啲都唔漏。因豚肉偏有脂肪。看得出師傅有設計考慮過。好好食。可以

荃灣陂坊不嬲都係美食集中地，今次個friend介紹黎呢間有少少居酒屋feel嘅燒物店，店內裝修都相當骨子～由於兩個都不太餓，叫左少少野黎試汁燒雞腎 - 雞腎完全係我鍾意個種質感～超爽脆，個燒汁唔會太鹹，調得剛剛好牛仔骨 - 佢一份有三件，叫兩份GE決定係無錯GE，因為一咬落去完全無筋，好鬆化，唔係食開個隻濃味黑椒汁，而係帶甜味GE燒汁，更有日式風味黑豚五花腩 - 睇到每塊黑豚肉都係肥瘦相間，食落竟然無好油膩GE感覺，配埋檸檬汁更為清爽厚燒玉子 - 係小店個種純樸簡單GE蛋香，唔使咩明太子或者沙律醬都已經好夠味，唔係超綿密個種質感，但就有家常個種親和力冷簥麥麵 - 好細心，有齊所有正宗配料，包括蘿蔔蓉、wasabi同生鵪鶉蛋，麵質帶煙韌，十分高質

星期一約左老婆個朋友聚下，過左荃灣果邊就附近搵下食，比我地係巷仔搵到間燒物店，時間尚早七點無乜人就入到坐下小店鋪位唔大，得大概七枱到，除左menu,仲有是日推介會寫左上黑板。點完野食之後我地就坐低吹水野食好快就到，首先黎左秋葵，可能我唔好佢地食晒之後就黎左燒雞翼五花腩同牛舌，三樣最好食係五花腩，又脆又好味再黎燒茄子，抹左蘿蔔泥上面都唔錯豆腐，好滑，表皮炸得鬆脆，堅好食再之後黎左脆肉瓜雞軟骨同豚肉番茄仔，就一般小小，但送酒一流重頭戲油甘魚鮫，大大份，魚肉都滑。但略微有d濃，苦味多左，油脂唔太足。最後食個蟹膏炒飯作結，飯粒夠乾身，偏重醬油味，有少量蟹膏味，都唔錯三個人埋單$563，小店可以慢慢坐無人趕，食緊途中都爆左場，店員都趕我地

晚上一家人來到火狐食爐端燒，這裡的爐端燒是在廚房燒好才端出來，小店感覺優悠，適合三五之己來把酒談歡。叫了好幾款串燒，翠玉瓜（汁燒）做得不錯，厚切，咬一口還感覺到有水份，不會燒得太乾，火喉控制得不錯。面頭有木魚絲，醬汁偏濃味。豚肉車厘茄一串有三舊，用豚肉包着車厘茄燒，車厘茄保持到多汁，豚肉燒得香口，兩種口味二合為一都好好味。另外雞翼串燒有兩隻雞翼，醃得也夠味，而且燒得幾香口，唔錯！豆腐唐揚值得推介，外脆內軟，而且醬汁味道很配合，十分可口！雞軟骨黃金燒是另一個很喜歡的串燒，不只是普通地燒了，而且沾滿了鹹蛋黃碎，令口感層次提升，很好食。番薯條伴雪糕適合小朋友食，長而幼的番薯條吃得津津有味，番薯甜而不漏，雪糕雖然融得快但點番薯條來食，別有一番滋味。主菜選了鹽燒油甘魚鮫，魚肉細嫩而且味道不錯，點燒汁食的話又多一重口感，還有檸檬汁和蘿蔔蓉任君選擇。另外也叫了一個蟹膏海鮮炒飯，但略嫌蟹膏味不夠，配料有蝦、帶子和魷魚等，味道還可以。還有豚肉骨湯叉燒拉麵，有兩片很厚的叉燒，而且很腍，有椰菜、海帶等作配料，麵質彈牙，豚肉骨湯底好味。雖然食物整體份量不算多，但質素是頗好的。

是晚為結婚周年補足，嚟咗荃灣一間小店食爐端燒，裝修簡潔帶點和風味，牆上寫着各款美食選擇，店裏播放着日本音樂。喝着茶等待前菜送上，先有一份胡麻秋葵，秋葵上放有一些木魚絲加上胡麻汁，味道不錯。豆腐唐揚好好味，表面炸得脆脆但裏面仍保持豆腐的軟滑，加上醬汁好味，十分欣賞。還有燒茄子，一碟有三件，茄子夠腍身，還附上蘿蔔蓉，都是開胃之選。另外一串黑豚五花豚有4-5片，醃得相當入味，帶點蒜鹽在上面，加上檸檬汁，感覺並不肥膩，而且香口好味。一串雞翼由兩隻開邊變4份，燒得香口而且入味，正！雞軟骨黃金燒也很不錯，用了「黃金蝦」的做法，外面滿佈鹹蛋黃碎，雞軟骨脆卜卜很有咬感，都值得推介。番薯條伴雪糕相當吸引，雖然番薯條不算炸得很趣，但甜味十足，加上雪糕更滋味。鹽燒油甘魚鮫，估不到有這麼多魚肉好吃，魚肉本身有味道，再點附屬嘅燒汁更加提升一層，還可以加檸檬汁和蘿蔔蓉一起吃，好味。蟹膏海鮮炒飯有蝦、帶子、魷魚、蛋碎及蔥花，炒飯帶點濕氣，味道還可以。

幾經辛苦趕好份report，終於可以休息一下食返餐好既好好獎勵一下自己，咁啱係公司附近有間爐端一直想試，今日就係一個好日子去試下。一個人既晚餐當然要食豪d，先點左2款小食做開頭，炸豆腐感覺好精緻上層放上白蘿蔔蓉同椒絲食落唔會辣，豆腐下淋上天婦羅汁沾住食減低油膩感。試試水温後又幾滿意轉攻串燒，雞翼牛舌係我平時必點之選，果然無令我失望燒得香口又入味。汁燒墨魚咀有嚼口但容易咬開。胃仍然有空間就問左店員有咩推薦，是日推薦係燒芝士大啡菇。大啡菇仍然脹卜卜，切開內裏仲鎖住水份咬落好香菇味。大食既我都係要食返份主食先夠飽，最後點左份蟹膏炒飯做終結，見到金黃色既飯粒炒得又夠鬆散已經好滿意，咬落仲有蛋香加蟹膏味配搭得幾好。

第一次寫食評。今午同朋友經過，本來去食米線，見到隔離有間串燒，就入去試一下。叫了lunch set,鰻魚飯約$88，味道分量尚可以的。ps: 落了鰻魚飯，已入紙，無幾耐女侍應說賣哂，隔了約五分鐘，有位男待應出來，又說有番。我們照要。我們再order 了雞軟骨串，芝士磨菇。食物來到，我們真系呆左。收$20元的雞軟骨串，竟然比一串我們。收$38元的芝士磨菇是一舊。真想問良心何在呢？而芝士磨菇是水汪汪的。尖沙咀中環銅鑼灣都不會貴到今吧！住了荃灣幾十年，第一次遇上這類食店。各位，如果想感受一下，去吧！

荃灣多野食就係人都知，但原來四坡坊除左有間舊粥鋪同出名米線之外，仲有間隱蔽居酒屋架😍啱晒今日準備同家姐黎個girl's talk 嘅我地！先講裝修，入到黎鋪仔細細，配合簡潔的裝修，比人好簡單舒服嘅感覺，用左黃燈，暗暗地真係好岩傾計👍重點黎喇！厚燒玉子唔好講咩先，份量就贏左先，有成手掌咁大份，玉子軟滑，微微的甜，職員教可以用蘿蔔蓉配埋一齊食。一試，玉子帶出左蘿蔔啲清甜😍燒黑豚五花腩五花腩燒到外面脆口仲有少少焦香味，入面多汁，最緊要係將啲油逼哂出黎，加埋兩滴檸檬汁，一啲都唔油膩👍調味方面用左鹽同黑椒，最簡單，但最可以特出黑豚的香味😍燒牛仔骨串燒黎講，份量好多，用左燒汁去燒，甜甜地帶點焦香味，同五花腩又係完全不一樣嘅感覺燒雞腎雞腎燒得比較乾身，配埋甜嘅燒汁，愈食愈香，好岩配酒雞軟骨黃金燒黃金燒嘅意思係咸蛋黃，一拎起已經可以聞到好香嘅蛋黃味，入口微咸配埋雞軟骨，又一愈食愈香口的組合👍面對住出色嘅串燒，又點可以唔嗌杯酒呢？但酒量唔好嘅我只敢叫左杯梅酒梳打，因為溝左梳打，飲落有淡淡嘅梅酒香味，可以過下癮之餘又唔驚醉😂但飲得嘅你可能會覺得唔夠酒味喇！最後，用一個冷喬麥麵清一清個口，做個完美嘅endi

荃灣多餐廳係人都知,但荃灣多得黎唔會全部都係大型連鎖集團既餐廳,仍然有好多小店坐立.今日行過千色附近走入小巷內發現一間幾吸晴既爐端燒就入去試下.雖然係平日但晚市一樣爆滿外面仲等緊位,幸好等左大概幾分鐘就有位.唔洗諗當然係點爐端燒,牛舌係我每次必點之選.牛舌厚度唔會太簿,燒得啱啱好無過火,咬落爽彈易咬開.上層灑滿椒鹽加上牛舌油香👍🏻雞翼好貼心分開做單邊雞翼咬落外皮香脆內裏唔會乾,入口個有油脂慢慢滲出.大啡菇芝士燒原個大啡菇拎去燒,上層加上一塊芝士,燒出黎芝士經燒過後帶少少焦香及微微溶化包住成個啡菇既面.啡菇仍然鎖住水份一切開就同芝士融和為一變成芝士汁.豆腐唐揚浸住係淡甜醬油汁內炸得金黃既豆腐外脆內軟.汁燒墨魚咀煙煙靭靭入口彈牙又唔會好實.蟹膏海鮮炒飯用左珍珠米口感更爽彈,飯炒得粒粒分明又唔會太乾身.食落蟹膏味唔會好腥帶少少辣.海鮮十分足料,蝦肉肉質唔會霉同無雪味,內裏仲有帶子同魷魚.

今日突然想食下燒物就去了荃灣的火狐爐端燒環境幾適合幾個朋友吹水飲清酒聚會木製特色枱凳 四四方方 不過今日自己一個自己食。豆腐唐揚，全個豆腐都金香脆，浸住熱熱的湯汁，令豆腐唔會變凍，一道簡單又美味的前菜。雞軟骨黃金燒，有別於其他餐廳，店家既雞軟骨肉多骨少，真正咬唔到既硬位基本上係冇，係真正既雞軟骨。黃金燒就係鹹蛋黃，配上雞軟骨係非常match，好有咸香味。蟹膏海鮮炒飯，蟹膏味超出眾！有鮮味！海鮮有鮮魷同蝦。炒飯粒粒分明乾身，有水準！店家得一位侍應，一個人做曬，好快手，上菜同收碟超快，還會常常幫客人fill水，服務很好的。

今日一家三口決定接完諾諾放學去荃灣行下街同食飯，途經巷間見到有間餐廳望落好日本feel, 門口寫住今日有d咩推介（日文字，但我估係咁解😅）    因為唔係好餓，所以就點咗幾串時日串燒同一個炒飯嚟食... 忌廉薯餅 ：香脆可口，入面嘅忌廉薯蓉好好味，諾諾自己食咗一粒😅爸爸同媽咪share食一粒， 即刻再點多份。廣島蠔芝士燒：廣島蠔好新鮮，芝士加埋蠔汁好夾，食到舐舐脷😋😋不過有d貴🙈豚大腸生葵燒：豬大腸燒到脆口，入口有溶化感覺，鍾意食豬腸嘅必試👍雞軟骨黃金燒：雞軟骨串燒梗係好味，但今次呢個係加埋咸蛋黃，超惹味，可以食3，5串😅牛舌：正👍調味好濃，但依然食得出肉味，好味。蟹膏海鮮炒飯：炒得夠乾身，好入味，食到好鮮❤️，加埋其他新鮮海鮮，本身唔餓都食到餓😋🤣最欣賞係餐廳好有格調，有部電視播電影，同fd嚟吹水食嘢傾計一流👍有d男人浪漫feel💪 

鍾意日本的居酒屋的話會非常喜歡💕因爲入到去就好像去了日本一樣，食物方面及得住日本👍🏽每咬一口會令你再食多d😋店舖都好當眼好易揾👍🏽就算食午市價錢都不貴，可以食到有水準美食😋黑豚五花腩 $28牛舌 $40（五花腩咬落唔會覺好硬，超爽口味道一流👍🏽唔會覺太油。牛舌咬落都好爽😋😋）只係椒鹽粉多了一點點但都非常好味。厚燒玉子 $68(個玉子燒非常大同好厚，真正。口感好”暖”滑😋值得一試👍🏽）雞翼 $25（個燒雞翼都燒到剛剛好不會太乾，咬落又不會太油非常好。仲會將雞翼骨幫你分開兩邊令你容易咬😋😋非常細心）大啡菇芝士燒 $38（平時d芝士菇只會好細塊的，但他們做的真是好大塊👍🏽咬落會有好濃菇味，然後就會有好重的芝士香味😋非常正）一切開即刻溶出來呀😋😋蟹膏海鮮炒飯 $108（個炒飯炒得超香，海鮮都好足料有蝦有蟹肉😋好抵食。）

好鐘意食日式串燒，因為可以食燒出黎既香口野食之餘又唔洗好似韓燒或者BBQ咁燒到成頭都係啲煙味，淨係負責等廚師燒比你食就得🤤今次黎到火狐爐端燒度食，店舖位置比較隱蔽，唔算多人，好適合三五知己一齊黎吹吓水💕1️⃣豆腐唐揚 （$30）外皮微脆，咬落去豆腐好滑，配埋上面既蘿蔔蓉，同埋下面酸味味既汁，食落感覺冇咁熱氣😝2️⃣大啡菇芝士燒 （$38）大啡菇上面係燒過既芝士，溶溶地咁好邪惡🤤，而且大啡菇燒得唔會太乾，咬落去嗰時好juicy😍3️⃣汁燒墨魚咀 （$32）墨魚咀好有咬勁好香口👍🏻4️⃣雞翼 （$25）外表平平無奇，估唔到食落又幾脆🙈，仲好細心咁預早分開一半，好方便食5️⃣牛舌 （$40）咬落爽口唔會太韌，好惹味🤩6️⃣蟹膏海鮮炒飯（$108）啲飯炒到粒粒分明，每一粒飯都有蛋漿包住，有蟹膏既微香，而且啲蝦仲好大隻😋