火狐爐端燒 (已結業)

發現小街入面原來有間隱世爐端燒店入面裝修係簡約日本風，同兩三個朋友食野傾計幾舒服。三個人叫左11樣野食，有胡麻秋葵，豆腐唐揚，燒茄子，豚肉車厘茄，黑豚五花腩，雞軟骨黃金燒，雞翼，牛舌，汁燒翠肉瓜，鹽燒油甘魚鮫，蟹膏海鮮炒飯。整體黎講，全部野食都唔錯，其中黑豚五花腩係個人認為最好食，入口鬆化，好香好好味，食落又唔會覺得好肥膩。蟹膏海鮮炒飯，炒得好乾身，海鮮都有蝦，尤魚，如果多d蟹膏就更加好。胡麻秋葵都好食，胡麻醬無得輸。燒茄子係點蘿蔔溶食，食法幾特別，都唔錯。整體來講，野食真係唔錯，又坐得幾舒服，可以一試。