火狐爐端燒 (已結業)

成日都畀佢個型格招牌吸引住，今次請個朋友食生日飯，我決定試呢間，wts book 位好方便，接應既人好 nice 盡量滿足我既要求，因為我想夠鐘食飯前先放底小蛋糕雪住先，佢都話無問題清酒煮蜆，清酒味好濃，份量 OK 但美中不足係小部份既蜆有沙，影響左口感豚肉荔枝串燒，一串有 3 粒，但一開始唔記得影相，所以得返一粒係度。豚肉同荔枝係超夾既味，好正！荔枝既甜味好完美咁解左豚肉既油膩好盡興咁叫左一樽獺祭清酒 $280，好得意地揀左兩隻杯仔，朋友好鍾意飲呢個，話帶點甜味，好好飲燒帆立貝，個汁好鮮甜，肉質勁軟糯，呢個我好喜歡！燒雞皮，原本以為係一幅幅咁既形狀，但結果係散碎既雞皮串，味道不過不失明太子雞翼，帶點微辣既明太子同雞翼好夾味，燒得岩岩好，味道好惹味 燒和牛串，唔算好油膩既味，牛味唔算重，但係肉質好軟，口感 nice 芝士大啡菇，完全係我最愛，芝士味好濃，加埋個啡菇真係無得彈！點影都覺得勁似一隻葡撻，hahaha然後見到格離檯既人叫左鍋物，貪得意又叫左黎試下，泡菜豚肉鍋，好岩我地口味，豚肉肉質好爽口，好正呀！泡菜湯底幾好，微微既辣味好開胃最後我走入去 cashier 位置想拎返個小蛋糕，

居酒屋永遠都係放o左工飲兩杯撐下檯腳r 下水吹o既熱門之一，呢間爐端燒位於荃灣千色入少少，細細o既一間，設計簡約，帶點水泥粗獷o既感覺，附以一d 日本電影同埋清酒o既招紙作為佈置。爐端燒主要都係食串燒或者一d 煎炸類料理，先寫個豆腐唐揚($30 未加一)，亦即係日式炸豆腐。蘸上粉漿後拎去炸，外層少少薄脆，裡面非常之軟滑。加上少許蘿蔔蓉同紅椒絲伴碟，浸o係熱熱o既醬油入面，鹹鹹地，佐酒就最一流。牛舌($40) 一串只有三片，感覺高級，以黑椒同蒜粒調味，咬落去肉質爽口。雞翼($25) 相信加o左岩鹽去燒，充滿鹹香，亦可擠d 檸檬汁上去，酸酸地更教人口水直流～汁燒墨魚咀($32) 係店方o係黑板上列明o既是日推介之一，口感煙韌，連埋燒汁，眨下眼就俾人清晒。大啡菇芝士燒($38) 係朋友指定話要叫，賣相好吸引，上面一大pat 半溶芝士燒到燶燶地，侍應上檯o個陣特登叫我地趁熱快d 食。由上面切落去，芝士o既綿滑瞬間伸延到下層juicy o既肉菇之中，一齊食十分味美！另外我地都嗌o左一個飯，呢個蟹膏海鮮炒飯($108) 富有鑊氣，係炒香蝦殼o個類香氣。三隻蝦新鮮肉質結實，個飯連同蟹膏去炒，味道帶鹹

💁🏻‍♀️ 火狐爐端燒 (荃灣) 🍴-荃灣都真係幾多好西食，今次發掘到呢間系千色附近，平民價錢嘅居酒屋🏮，誠意推介啊喂汁燒墨魚🦑咀（$32）雞翼（$25）牛舌（$40）墨魚咀出面包住甜甜地嘅燒汁，好有咬口；雞翼兩隻開邊變四小份，調味有啲似土匪雞翼味，勁香口；牛舌唔會太厚，食落惹味加彈牙，配埋檸檬汁一流👍🏻 豆腐唐揚（$30）好特別嘅一道菜，系其他居酒屋🏮未食過。係外表脆脆地嘅豆腐浸系柴魚醬汁到，一咬落去勁軟熟大啡菇芝士燒（$38）必食！芝士足料到好似唔洗錢咁，燒到溶曬系大菇上面，咬落勁juicy，好邪惡但好上癮蟹膏海鮮炒飯（$108）大大兜炒飯，米飯唔會太乾身，加埋足料蟹膏同海鮮，啖啖滿足～食完勁飽，兩個人食夠曬兩個人食飽飽埋單都只係$300，真心高cp值，可以encore! /📍 火狐爐端燒 (荃灣)#荃灣 四陂坊12號雅緻大廈地舖#小丸子搵食記 #小丸子荃灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram

這餐廳的食物有中上的評級，食過返尋味。豆腐前菜清新自然，非常開胃。茄子燒得剛剛好，香口又多汁，而且份量十足。串燒選擇豐富，當中最吸引我的是牛舌，生熟程度完全符合我的口味，不會過份偏鹹，口感也是相當軟稔。另豚肉車厘茄也不錯，十分多汁。因即叫即燒，串燒非常熱，要慢慢咬才不會燙口。而縞花魚也是非常美味，魚肉十分肥美，口感香滑魚骨也很少。即使是不喜歡吃魚的朋友也大讚好吃。最後，最好味當然的是蟹膏海鮮炒飯，這炒飯鮮味十足，蟹味充足，食落去粒粒分明，蝦肉也很爽口，個人非常推薦這炒飯，cp值幾高。總括而言，這餐廳的食物質素不錯，喜歡吃串燒的朋友絕對可以一試！

首先講講個環境，一入到去，環境暗暗地，非有有情調，而且服務員好快就接待左我地，服務態度好，今日食嘅系日式串燒，成間鋪環境氣氛好岩同朋友聚會。首先串燒方面，呢間鋪做得好出色，有幾樣特別令人深刻。第一樣系燒牛舌，鋪頭將牛舌切得較厚，非常有口感，加上燒脆的表皮，正！第二樣就系海鮮炒飯，呢個無得頂真係，餐廳加左蟹膏落去炒，每淡都勁鮮！而且飯炒得乾身，真心推介！足料！夠味！鮮甜！第三樣系烤魚，我開頭以為就系普通魚一條，點知一擺落口，好好味呀！好鮮，皮脆，加上魚肉處理好，方便客人，一切盡在不言中啦，正！呢間餐廳，真心推介

今晚約了大嫂，送張溫暖羽絨被給她，順道去幫親她經常吃的粥舖，因她有其他事與我傾談，而粥舖不能久坐，所以走了去隔壁的食店吃，她說食店好像不同了，我沒去考究，就進去了！燒汁雞肝粉軟嫩口，中間仍有濕潤口感，加了燒汁，頗惹味。黑豚五花腩加了不少黑胡椒粒，咬下有微微的辛香，微鹹，這五花腩，不會有肥膩感，反而帶了軟微微的咬口。忌廉薯餅很香的熱燙燙薯餅，吃到軟綿的忌廉，香脆又軟熟，也不油膩。牛仔骨(3件)有肉味，有咬口，夠腍，牛仔骨的肉質就是這樣；少甜少鹹的燒汁又一次發揮提味的功效 。厚燒玉子夾開看到他的煙霧透出，裡面略熟(可能現在政府推廣吃全熟蛋，避免市民感染沙門氏菌所至) ，但仍柔軟，像玉子金磚多一點。😜冷喬麥麵清爽彈口的麵條(伴上白蘿蔔泥) ，蘸點一同端上枱的醬油汁(旁邊還擺上鵪鶉蛋，葱粒與日式芥末醬，可自由加在醬汁內)吃 ，沒味道的麵條，吸咐滿滿的醬汁，瞬間增添了豐富的味兒。

咁岩黎到荃灣，想食d香口野但又唔想太油膩太多，唔想好似放題咁食得太飽，就搵到間人少少既串燒店，可能係新開，但係食物質素有驚喜！首先，第一推介是牛舌！表面微烤，發出牛的油脂香味，火喉恰到好處，沒有過火，保持牛的肉汁同口感，一點乾也沒有。加上表面有鹽和粒粒胡椒，十分香口，好食！另外，叫了蟹膏炒飯，流心大啡菇，可惜掛住食唔記得影相蟹膏不算很多但仍有香味滲出，大啡菇的芝士香濃，值得一試。另外有唐揚豆腐和雞翼，豆腐的皮是炸過的，十分脆口。雞翼很多汁，火喉剛好不過火，聽聞老闆是到日本學藝的，小店的用心，讚！最後是不知道為什麼日式的店子的電視播放著美劇 明明歌是日文歌...

朋友一直介紹荃灣有一間唔錯ga小店，十足十好似日本D居酒屋咁，今日難得經過荃灣，一於就去試吓🤤🤤🤤去居酒屋當然唔少得串燒喇🤨餐牌上，串燒款式唔算有好多，所以一定要留意牆上面ga “今日精選”喇‼️‼️👆🏻忌廉薯餅😍正呀‼️👆🏻五花腩、牛舌、白鱔丶雞軟骨黃金燒👆🏻廣島蠔芝士燒所有野都係即叫即整，材料新鮮，最特別ga一定係個串雞軟骨黃金燒🙈雞軟骨上面有啖啖ga咸蛋味，又估佢唔到，原來佢哋係甘march ga wow🙈當然都可以少得我最愛ga白鱔同牛舌喇，燒得岩岩好，食落重好軟熟同好juicy🤤👆🏻蟹膏海鮮炒飯一上枱ga時候，已經比佢啖啖ga蟹膏味吸引，完全色香味俱全👍🏻👍🏻👍🏻強烈推介最後加埋e杯檸檬梳打，成餐飯就變得完滿🤤總括黎講，所有食物都令我非常滿意，加上侍應哥哥友善ga服務，值得推介👍🏻👍🏻👍🏻

今天工作來到荃灣，同事喜歡吃串燒，見到這間「火狐爐端燒」，便毫不猶豫地入去了。餐廳是串燒出名，但其他食物都很不錯，一問之下，得知老闆多次到訪日本學藝，把日本古法地道爐端燒帶來香港。店舖裝修雅致，食物種類多，尤其是串燒。《黑豚五花腩》$28雖然有些肥肉，望落好似好肥膩，但原來燒完後D肥油會出晒來，還很爽口，感覺一D都唔漏， 加兩滴檸檬汁食落更正。《蒜香雞軟骨》$20十分有咬口，粒粒都又香又惹味，塗上蛋黃醬更加令人食到停不了口。《厚燒玉子》$68玉子燒好滑，有很香的蛋味，把碟邊的白蘿蔔蓉放在玉子上面一起吃，一冷一熱，感覺清新。《忌廉薯餅》$30外脆內軟，忌廉和薯仔的味道很夾，很香濃，剛剛炸起的薯餅上枱時熱辣辣，好好吃。《燒牛仔骨》$78牛仔骨燒得很香，廚師把火喉控制得很好，剛剛熟，所以很軟腍多汁，好正。《冷喬麥麵》$68天氣雖然轉冷，但食碗冷的喬麥麵竟然感到痛快，軟滑的喬麥麵配上豉油和蔥花，令人回味。

今次去咗一間位於荃灣嘅爐端燒小店，地方唔大但係感覺好有人情味，裝修都重點以木系設計為主。嘢食我哋當然揀番一啲關於需要火候，新鮮食材同埋調味於一身嘅爐端燒烤物。豆腐唐場外皮非常香脆，食落去熱辣辣，見到金黃色，味道同樣香口又唔會太鹹，裏面嘅豆腐依然keep住嫩滑。大啡菇芝士燒芝士味道香濃，而且下面嘅大啡菇同樣保持應有的水份，兩者配搭起來係非常之美味，清新之餘帶點香濃。汁燒墨魚咀口感爽脆，鹹香十足，而且亦都唔會太硬所以食嘅時候都好方便。雞翼雖然唔係太大隻，不過個外皮好香脆，水份適中。黑豚五花腩帶啲肥肉，而且瘦肉肉質亦都唔會太鞋，加埋啲調味好香口好食。最後一定要食啲飯先覺得飽肚，蟹膏海鮮炒飯味道鹹香十足，而且份量都好夠，上面有幾款唔同嘅海鮮係包括左蝦及帶子等，作為晚餐完美的句號。

朋友轉新工，去咗葵興返工所以約佢收工過黎荃灣食飯加敍舊今次揀咗食日式爐端燒，店子不大，但非常乾淨企理忌廉薯餅外皮香脆鬆軟，忌廉餡料creamy,又有點薯仔味，很好味呢牛仔骨即點即整，肉質入口嫩滑，燒汁香濃，和牛肉一起吃，味道非常好～接住送上來的是兩串串燒，第一串是蒜香雞軟骨，蒜味香濃，雞軟骨入口咯咯聲，朋友非常喜歡這到雞軟骨串燒。而我則喜歡另一串黑豚五花腩串燒，帶有少許肥的五花腩豬肉，烤得香香的，豬肉間滲出來的油分令串燒的味道更上一層樓日式餐廳怎少得厚燒玉子呢，這道厚燒玉子以地道的日式造法，把蛋漿煎成嫩滑的蛋捲，配上一旁的蘿蔔蓉一起吃，很好味啊最後是冷稻庭，冰涼的烏冬配上豉油和蔥花，為這晚的晚餐畫上一個完美的句號。

朋友係附近返工，見到想試好耐，專登book定位約埋我一齊食餐飯傾下心事，餐廳環境舒服，就算坐滿人都唔會好嘈，而且播住音樂，放工有一個舒適既環境食餐飯，已經好滿足鹽酥河蝦好新鮮，好香脆，伴酒一流燒牛舌夠淋，加埋檸檬汁，酸酸地，好開胃豚肉車厘茄無諗過豚肉同車厘茄既味道可以咁夾燒蕃薯仔細細粒咁，上面甜甜地，好味大蔥雞肉燒香左既大蔥配雞肉，雞肉唔會因爲燒過而無曬水份，仲好juice冷蕃茄醬汁食到香柚子味，超好食，店主話係秘製醬汁和牛露荀炒飯飯粒分明，飯食落口感好，和牛有牛香，就算加左炸蒜，都唔會蓋過牛既香氣檸檬蜜糖本身我熱底，食小小炸野都會熱氣，店主推介我飲返杯檸檬蜜糖潤一下，好細心

呢日同同事放咗工之後出去行街，行到千色匯附近肚餓搵野食見到呢間日式餐廳門口已經好似去咗日本嘅感覺，好有特色！睇完餐牌見到價錢又唔貴啲野食又吸引就入去食啦～入到去雖然地方唔大，但坐得好舒服！餐牌方面，選擇都幾多下！晚餐時間時段嘅都係單點有肉類、蔬菜類串燒之外，仲有海鮮、小吃、主食等等！真係好多選擇！另外佢地牆果到會有每日精選，可以睇到店有啲咩推介好食！樓面雖然只係得一個人，但落單快而準，又好有禮貌！值得一讚！啤酒上完無耐，等咗一陣，好快就有野食！1.豆腐唐揚 $30食之前staff會介紹點樣食先最好，好細心！外皮炸出黎好脆，又唔會影響到豆腐嘅香滑，食落去唔會覺得熱氣好有口感！做到外脆內軟嘅感覺！好好食！2.蒜香雞軟骨 $20熱辣辣咁送上，好香口，本身落埋小小胡椒有香辣嘅感覺，一流！3.牛舌 $40牛舌係我係燒物入面最愛嘅一款，佢真係好大塊！食落去多汁肉質又唔會好鞋！加小小檸檬上面會令肉嘅味道更出！滿分之選！4.雞翼 $25雞翼係每次黎到燒物餐廳都會點嘅食物！呢到嘅雞翼大隻，燒得岩岩好！同樣汁多同肉地都好嫩！佢地嘅調味有小小辣，對住中意食辣嘅我勢覺得真係好好食！5.厚燒玉子 $68真係好大

今日週末放假 想去荃灣搵下有d咩小店美食 經openrice search就搵到依間居酒屋☺️一入去好彩仲有位 其他枱都比人預約哂嚕😚真係好彩set lunch 嗌左個 蟹膏海鮮炒飯 🦀 初初一食好似冇乜特別 但慢慢d蟹膏香味浸出黎🤤🤤幾好食haha 然後仲嗌左個燒魚一夜干 依個都係大大力推介的 好香又好味 份量又足夠🤤🤤🤤啊 set lunch仲有個前菜 係燒茄子 好好食🤤差d想再單點要多份燒茄子🍆😋😋😋本身想嗌埋個芝士大啡菇 點知咁岩賣哂🙁唯有下次黎再食啦🕺🏻

當小妹在荃灣區辛勞了一天，想出外食得舒服一點的時候，就經過四坡坊這一間好像新開了一陣子的【火狐路端燒】，放工後不應是怱怱忙忙的！應與好友或家人聚一聚，談談天，說說地！呢個說法套落用於日本菜也不錯吧。門面夠日式風格。進入店時右邊是水吧位。內裡都是偏日式風格，但係不算打正旗號全日系的，裝修以簡約為主，牆身是水泥牆般...空間細小但係可以感覺上暫時抽離在外邊世界既煩惱，慢慢食適當地調節一下心情。餐牌在牆上都睇到D招牌同餐廳推介，打開Menu，日系Design，如果有埋圖片會更好呢。由朋友發板。爐端燒方面點了幾樣野食。👉🏻豆腐唐揚 $30先到的是...豆腐唐揚，極少食呢樣野，豆腐搭配生蘿蔔泥和柴魚醬汁，清新爽口。簡單又好吃的日式炸豆腐。內裡係都估唔到係咁滑口，控製得好好。👉🏻大啡菇芝士燒 $38見到好多人都有叫，所以跟跟風，果然慢工出細貨，賣相已經很吸引，芝士燒得剛好。切落去個陣，好JUicy，D汁已經流緊出黎，但一口食落去會覺得大啡菇鎖到水分，好豐富，啖啖菇味同芝味係口。燒溶左既芝士真係好好食。👉🏻汁燒墨魚咀 $32朋友見到就即刻點了，都係居酒屋嘅主打食品，此咀並非常見乾身得個「脆」字那種，