火山石石鍋手打烏冬專門店 (已結業)

海鮮鍋巴 <-- 幾得意, 米通上面加d 沙律 柚子蜜 <-- 味道ok (大杯d仲好~ 哈哈) 豚肉黑芝麻烏冬 <-- 黑芝麻湯底幾得特別, 芝麻味濃, 正~!!胡麻豬扒烏冬 <-- 估佢唔到, 原來外面係脆既, 味道唔錯為左食烏冬而來, 總算無失望本身我對烏冬興趣不大, 但女友鐘意食睇完個餐牌見到有個黑芝麻湯底, 幾特別, 點都要試一試佢上菜時, 比佢嚇親, d湯滾到好似火山爆發咁waiter 仲叫我地小心熱........... (我知架啦, 睇得出好熱)食落.......又幾ok 喎, 有d似芝麻糊味, 好香芝麻味, 正~!!!食到咁上下, 見到隔離檯叫左個豬手烏冬, 隻豬手勁大隻, 好似好好味咁.....(因為隔離檯, 所以無影相)下次一定要試下

近來超級喜歡吃烏冬..看到火山石,非試不可~~正如之前的食評,烏冬一上時,bu loo bu loo 咁滾...咖哩牛肉烏冬: 咖哩味不是太濃, ok ar~~牛肉就比普通肥牛厚少少..可以既~豬手豚肉湯烏冬: 極似雞脾的豬手,非常抵食...兩大件....略嫌湯底較咸...海鮮鍋巴: 睇menu覺得好吸引!~ 食落,又係好普通...配法飽應該會好味d~~成篇食評都顯示出普通啦~一定唔係差,想食烏冬o既都可以再o黎既..服務都幾好~

睇到咁多人讚，我都去食左濃湯海鮮烏冬啦不過真係幾失望，d海鮮唔得~~因為無乜味，d 湯就幾特別，我個人覺得$72 一碗唔係咁值！

昨天在OR遊走...忽然間被我發現了這一家石鍋手打烏冬店...以前在赫德道吃過味道不錯的石鍋烏冬...只是每一次都未能嚐到海鮮濃湯烏冬...每一次都沽清...後來失望太多...已經很久很久沒去過了....本著想吃就要吃到的原則...本來是晚是要到銅鑼灣吃蠔的...蠔當然要吃...結果急急去吃完生蠔之後...就立即坐巴士回到旺角...那時候已經將近九點半了...人不算媭多...可能已經過了晚飯時間吧...~一坐下來已經想到要點海鮮濃湯石鍋烏冬...在小食和石地獄烏冬之間我和友人選了後者...因為有蜆有蠔好像很吸引似的...而且辣烏冬一向是我們的心頭愛..~可惜的是...石地獄烏冬已經沽清了..~晴天霹靂...失望得不得了...所以店員提議我不如選別的烏冬我也一口拒絕了...有些時候吃東西就是要堅持...~吃不到想吃的就寧願不要吃了哦~烏冬製作需時...看著飲食男女釜山的海鮮介紹...在嘩嘩聲之中等了十分鐘...期待了一整個下午的海鮮濃湯石鍋烏冬終於上場...名乎其實的新鮮滚熱辣....海鮮配料一點也不吝嗇...四隻大蜆...鮮甜無沙...兩隻蝦仔...半條蟹柳...一隻大帶子...~如果

契女生日就到, 預早同佢慶祝, 於是再次黎到呢間火山石食我至愛o既海鮮濃湯手打烏冬海鮮濃湯手打烏冬:唔洗再講, 真係一試難忘。炸軟殼蟹:上次食過好回味, 所以今次再食。一口豬: 鐵板上o既一口豬, 豬肉好嫩滑, 表面煎得好香脆所以食落好香口。一口牛:鐵板上o既一口牛, 牛肉一d都唔會"硬"及"鞋", 但覺得牛味唔夠, 有d啖。黑胡麻豬扒手打烏冬:侍應上檯時, 見到塊豬扒黑蚊蚊, 賣相唔多討好, 但食落時發現係另一回事, 豬扒好淋身, 一d都唔"鞋", 芝麻好香口, 初時以為會好重黑胡椒味, 但原來食落唔係胡椒味亦唔辣。照燒雞扒手打烏冬:雞扒都幾大塊, 肉質都算滑。山地獄手打烏冬 (豬肉):上次試過石地獄, 所以今次試新野, 泡菜辛辣湯底依然好味,唔知點解覺得今次個湯地較上次辣, 所以我都好鐘意, 豬肉用腩肉, 所以肥瘦適中。燒野菜:即是炒什菜, 冇乜特別。炸蠔, 依然係我必叫小食之一, 外脆內嫩兼多汁鮮甜, 正。泡菜豬肉卷:泡菜味濃, 辣辣地, 好惹味!

有個fd聽見我話呢到好食又要黎，咁就同佢再食多次。今次試左胡麻豬扒，同推薦我上次食過的海鮮濃湯烏冬比個fd。胡麻豬扒ok，海鮮濃湯烏冬自己睇片！

好似好耐冇行女人街, 開左唔少我唔識既舖頭.... 男友見火山石好似ok咁, 就入左去試.叫左2個手打烏冬:1. 豬骨湯底胡麻豬扒手打烏冬2. 胡麻湯底豚肉手打烏冬(係丫, 冇錯, 我地叫左2個十分相似既食物...... )當食物送上既時候, 個石頭鍋仲滾下滾下, 夠曬熱! 豬骨湯底唔係太濃, 但係清清地好好味~ 反之胡麻湯底唔係咁好, 好似用d 碎胡麻開水咁... (咪即係好似好稀同咸咸地既芝麻糊 =="") 胡麻豬扒好食, 但係再熱d 會好味d.. 豚肉就一般, 似豬"展". 手打烏冬幾好食, 夠煙韌 另一樣, 我幾鐘意既係, 豬骨湯底胡麻豬扒手打烏冬隻蛋係溫泉蛋, 而胡麻湯底豚肉手打烏冬係烚蛋. 溫泉蛋好食d!因為男友本身唔係太鐘意胡麻, 佢叫錯左個胡麻湯之後, 立即覺得佢果個係地獄, 我果碗係天堂.. (雖則我都覺得胡麻湯底真係唔係咁好食....) 所以呢一餐係天堂同地獄既晚餐

‧突然想食手打烏冬，上黎一搵就睇到呢間，唔諗咁多就揀佢。‧1230PM 去到，場內一個客都冇，侍應話新開張，嗌烏冬送餐飲。‧照燒雞扒烏冬 & 燒鰻魚烏冬："食送" 同烏冬係分開上。‧烏冬係用石鍋裝住，仲滾既！烏冬唔會太腍，而且冇平時個種酸味。‧豬骨湯底好好味，唔會太咸。雞扒都幾大塊，仲好滑；鰻魚都好好味！‧侍應 Service 好好，主動提議咩好食，食完會即刻收走唔會阻住張檯。‧同朋友都決定會再去幫襯。

見到新開的手打烏冬店，冇乜心水就入去試試。友人叫了豬手烏冬，豬手好入味，韌度剛剛好。我叫了店員推薦的海鮮濃湯烏冬，個湯真係好濃，仲有D似龍蝦湯味，海鮮都好足料。叫左個小食一口豚，好有獲氣好香，都唔錯。呢到D手打烏冬用石頭碗上，上台時碗烏冬仲滾住的，店員亦細心提醒小心熱。

行緊街經過，從落地玻璃見到環境唔錯，就入去食午餐入去店內感覺好舒服!先點左D小食：沙律（聽講菜是空運過來的,加上秘制醬汁，好好味！）鍋巴，系必點菜色，一碟有三個，鍋巴上是蝦，還有蟹肉沙律，好岩細路仔食。雞翼，咬落多汁，惹味。仲有鐵板豬和牛肉，連蒜片一齊食，香口惹味，根本唔得停口。再來D主食：點左手打烏冬，咖喱豬扒飯，鰻魚飯。用石頭鍋載著烏冬上，送上時仲系不斷滾緊，湯是奶白色的，飲一啖，滿口系豬骨濃湯，再試烏冬，煙煙韌韌，好得意！而其他主食，不過不失，下次一定要再食手打烏冬，真系好好味。餐廳服務好好，店員有禮貌，而且收碟有效率。

今日約左幾個fd食飯, 有個fd話女人街新開左間食手打烏冬嘅舖頭, 所以就去試下我地幾個人, 都叫左好多野食...haha海鮮鍋巴: 冷盤小食一流, 鍋巴咬落去脆卜卜, 三文魚配沙律醬加埋個鍋巴, 味道好正.海鮮濃湯手打烏冬: 侍應上枱時, 個烏冬d湯仲滾緊, 個湯真係好濃郁好鮮味, 好似飲緊龍蝦湯嘅感覺, 烏冬好滑好彈牙, 個烏冬食到一半時, 個湯仲好熱, 烏冬亦唔會淋, 依然好滑好彈牙, 食到尾時, 烏冬有d"痴"底, 不過冇燶, 值得一讚.忌廉大蜆: 對於勁鐘意食海鮮嘅我, 當然會試下呢個忌廉大蜆, 雖然用忌廉煮, 但忌廉味唔濃, 所以都唔會太蓋過D蜆嘅鮮味, 不過食左隻蜆有少少沙, 希望下次唔好喇.炸軟殼蟹: 用杯裝軟殼蟹都幾過癮, 初時以為一杯一梳腳, 原來佢有分開的, 所以我地幾個人食都好易分, 軟殼蟹咬落去唔會油, 亦唔會太乾身, 有啖啖肉嘅感覺.一口豬: 味道都算幾好, 咬落去亦好淋, 雖然有d油, 但佢唔係大大舊肥豬肉果d.泡菜豬肉卷: 本身我鐘意食泡菜, 食落去好濃烈泡菜味, 所以呢個配搭我好鐘意.石地獄手打烏冬: 見到地獄兩個字, 就知呢個烏冬係用辛辣湯底, 不過

星期五晚好彩係八點前去到，因為坐低一陣後發現門口好多人等位，舖頭唔算大不過Ｄ位都坐得好舒服。打開餐牌見石鍋烏冬有四個湯底，最多配搭都係豬骨湯底，所以先點一個豬骨湯烏冬配醬油豬手，另一個就點了辛辣湯牛肉烏冬，再另加日式餃子及海鮮鍋巴壽司，其實都有飯食嘅不過都係留返下次先試。兩個石鍋烏冬先後都滾住泡咁上枱，不過唔食住都要等埋餃子及鍋巴壽司做前菜先，到鍋巴壽司上埋枱就即刻試吓先，吖！食落都幾好味同特別喎！下次嚟要再叫過先，到食烏冬時都仲熱辣辣，可想而知個石鍋幾咁燙手，先飲啖豬骨湯，咦！好甜喎！再食埋烏冬發覺雖然等耐咗但係都仲好彈吖！隻醬油豬手都好大隻，食咗仲膠住個咀好難再食其他，不過另外個辛辣湯就唔夠辣，如果鍾意食辣就嫌唔夠喉囉！最後叫嘢飲就冇乜選擇，得奶茶、檸茶、汽水，希望下次有多Ｄ飲品揀啦！

平時我係食開快餐店, 但今日真係想搵個地方食野, 咁見到上野鉄板燒專門店, 好似有抵食既餐咪入去囉, 間鋪幾有特色, 但係我問佢特價餐o個d 又話要 7.30前先有, 個時八點鐘, 但明明我見無時間限制, 咁咪叫佢拎返來睇下張野有無寫, 之後佢直頭走左去, 感覺服務太差喇, 所以都係起身走人.其實我見到上野好多人食好多野, 我估係好多好野食, 但服務咁..走左去呢間火山石, 因為都有幾多位, 同埋其實我係好想食湯麵之類既野, 點知上野無, 都係我起身走既原因, 咁坐低叫左 一個豬手跟手拉烏冬(好似$55), 一個銀鱈魚手拉烏冬 ($68), 再加個炒菜 ($38), 我自己就覺得真係食到name name 利, 豬手d 肥膏味真係好香, 銀鱈魚真係有d 細份, 不過好好味, 來貨可能好貴, 唔理喇, 炒菜, 預左係咁上下, 但咁既份量食得飽我兩公婆. 服務都幾好, 一見你有吉碗/碟都會走來執走. 唔知係咪新開, 兩個人都坐到四人位, 我覺得價錢都算合理, 至少食得開心真係好緊要架! 或者之前上野比我感覺太差... =_=