火山燒 (已結業)

在荃灣廣場旁邊有一間新開的餐廳—火山燒。午餐時段都需要排隊一陣子，挺受歡迎！今次點了午市套餐，嚐嚐他們的特色300度火山燒和丼飯，另外還可以加錢轉特色飲料。點餐後，侍應很快便遞上燒肉的醬汁：燒汁和薑汁，另外還附上燒肉用的圍裙，非常貼心！🥢忌廉湯的材料有打碎薯仔煙肉，口感非常creamy。另外麵豉湯有豆腐，味增味濃厚仍不會太咸。🥢鮮雜果冷泡茉莉花茶：茶裡有菠蘿、椰果、車厘子、蜜桃。就算有不同的水果，茶味依然香濃和甜度適中。🥢彩虹棉花糖特濃朱古力：有一層超厚wiping cream配上朱古力醬和棉花糖，雖然有超邪惡的toppings，但是因為是特濃朱古力，所以可以balance整杯飲料的甜度。🥢蒲燒雙層日本鰻魚忌廉滑蛋珍珠米丼：底層有滑蛋，再來雙層日本鰻魚，最頂層是紫菜和木魚，配上鰻魚燒汁令整個飯錦上添花。🥢金標和牛肩胛肉200g配日本珍珠米飯：一開始肉會比較生，因為鐵板會不停燒，防止牛肉會過熟導致肉質煙韌，要一些時間讓牛肉先燒熟。牛肉味濃，口感有咬口。

搬來年半荃灣，也在附近覓食了好一段日子，疫情嘅關係令到好多店舖都少了客人光顧，亦令到不少店舖結業，逆市下開業的店舖寥寥可數。今天路經大壩街，出現了新生兒「火山燒」，主打日本丼飯、手打烏冬，還有最出名的旋風蛋包飯，更加唔會少嘅係近期最Hit嘅火山石板燒，鐘情食牛嘅我 更加一定要試過明白。一行二人我試封門柳，朋友仔試和牛肩胛肉眼，先講封門柳，應該就係另一個名「牛橫隔膜肉」較為多人識，肉味重D，無乜油花，鍾意食肉就啱曬我喇，朋友仔分左兩粒和牛肩胛肉眼俾我，睇個價錢應該係美國或者澳洲和牛，正常口感，嫩滑有咬口，算係選料不錯，同埋成條街比較凸出嘅一間店，有返單！

金標和牛肩胛肉60度溫泉蛋珍珠米丼 $68牛肉味濃，中心就保留粉紅色，唔會過熟，非常柔軟，珍珠米軟，混合甜醬油及溫泉蛋黃汁，更好味。香燒宮崎叉燒溫泉蛋飯 $59多數日式叉燒配拉麵，不過而個配搭都幾夾，煎得香口，邊位有小小焦香，叉燒肉口感香嫩入味，不會覺得太肥膩，只是略厭太多醬汁，令到米飯過於濕潤。特飲: 蘋果冷泡茉莉花茶 大部分餐廳只用蘋果味青色糖漿，好少見會用上新鮮蘋果粒，口感爽脆，真材實料，茉莉花味濃。 荔枝冷泡茉莉花茶 由於當日荔枝缺貨，落單前告知會轉為龍眼，大粒爽甜，美中不足太多冰，飲到最尾兩杯飲品，有半碗冰，下次要少冰。這間日式西餐的午餐價位，配有餐湯(南瓜湯)及飲品，性價比高，是一個不錯的選擇。小插曲: 兩杯特飲上枱後，過了十分鐘，其中一個餐漏左杯凍奶茶，告知女侍應後，熊度冷淡，亦無話幫我跟進一下，然後第二次同男侍應講，態度截然不同，感覺主動殷勤，送上奶茶時大聲道歉「對唔住，而個位做得唔好。 」雖然唔係男侍應落單，但佢都勇於承擔，做到以客為本，一間新開餐廳，除了食物質素外，口碑及服務態度亦十分重要，否則在荃灣激烈競爭下，難以

天氣開始轉熱去左荃灣買風扇，順到食埋晚飯先返歸。本身都無咩idea想食咩，行來行去，就見到呢間火山燒，見到價錢同野食都ok咁就食呢間吧!等了5分鐘就有位，因為太肚餓入坐前已經睇定食咩，我地已選定905金標和牛肩胛肉眼200g和915 香煎奈良手打牛肉餅芝士咖喱蛋包飯，同另加了29蚊可以4選3，湯，沙律，串燒同野飲，我地當然照加每人一份，選要了沙律，串燒同野飲。首先沙律出場係蟹籽沙律，但奇怪有黑色蟹籽兩溝。。得家姐果份有，佢話黑色有些少腥，但整都ok.之後串燒上場，原來係雞肉串燒，每人都有兩枝都幾好食。再來就係蛋包飯，都足料，牛肉餅好食夠牛味又夠軟連埋個芝士係面，正，飯多但炒得唔夠香，咖哩汁可以再多，蛋夠滑。最後石燒牛同野飲一起到。石燒牛較厚身，有點難切，如果對想食較生既人就真係要快手快腳，如果唔係就好熟，所以好熟既牛就由我來食，雖然係硬左d但我接受到夠牛香同食到油脂，所以係好味。野飲就叫左彩虹棉涷花朱古力有蕉糖同朱古力醬，每款叫左一杯，唔太甜，但唔夠凍無咩冰，但都好飲。呢間火山燒，家姐見到枱花紋都問起係咪大壹，原來真係轉左營，但而家呢間有收加一服務費。整體來講都唔錯，可以再encore

大壹冰室既前身，裝修完轉左菜式後抱著希望既心態試食下。結果都係意料之內既失望。首先菜色方面，日式按重量計既牛扒，牛肉丼飯，咖哩蛋包飯，基本上已經將對面街荃灣廣場餐廳Cow Bean, 牛角次男坊既菜式囊括。試左佢地既蛋包飯同埋牛肉丼飯。牛肉雪味甚重，最重要飯係凍既，汁完全冇咩味，真係唔值130蚊。鐘意食牛既朋友，唔太建議點。蘑菇叉燒咖喱蛋包飯個汁完全冇咖哩味，好甜。叉燒都只係薄薄幾塊。最重要係抗疫限制令期間，枱與枱坐到密密麻麻，入座率超過九成。唔太推介呢間餐廳，轉左菜式後感覺更差。

Lunch time 來支持下疫市下開業的小店。應該係新開頭幾日，大家都想試新野，都要排隊等位，等左大約20分鐘。Lunch menu 包一杯熱飲一碗濃湯，飲品加錢可以有特飲，價錢中等啦。先來餐湯，黑松露忌廉湯，果然係濃湯，幾好飲，個碗幾靚幾特別，可以相機食先😂叫左香煎泰國無激素雞扒蛋包飯，個名好長😂佢個蛋係宜家好興既旋風蛋包飯，個賣相都唔錯日式咖哩有少少微辣，啲汁都夠多送飯，雞扒份量好足夠，面頭有啲燒汁，飯亦都好多，我同同事都食唔晒，女仔可以考慮少飯，唔好浪費。唔洗加一，有湯又有野飲真係算抵！見到仲有烏冬有燒肉，下次會再試其他！好食👍🏻