火山燒 (已結業)

一去到差唔多有十幾20個人排隊，好彩我一早打電話過咗嚟book枱，但係老闆都要我哋等咗差唔多5-10分鐘不過坐低之後冇令我哋失望嘅聖安娜安格斯封門柳 —— $128石板燒嘅好處就係可以自己控制到幾成熟，點少少鹽已經好好食而且喺香港唔係周圍都可以食到，值得推介英式紅酒肉碎汁極上燒豬肋骨蛋包飯 —- $98100分推薦 ！ 首先豬肋骨一啲都唔韌，而且同個汁好夾，我覺得好食過我喺荷蘭食嘅豬肋骨(・∀・) 另外蛋包飯都好好食，蛋唔會過熟，下次再去一定再點過！ 茉莉花茶海鹽奶蓋 —— +$24 個人覺得個奶蓋唔好飲，想飲茶嘅話可以叫返普通花茶唔使加咁多錢

今晚放咗工去了荃灣廣場附近影聖誕公仔， 順便在附近搵食，見到一間門面光猛的和式食店，有我至愛的蛋包飯和燒肉， 非常吸引。燒千層安格斯肋腰背忌廉滑蛋丼雖然我不知道肋腰背是牛的哪個部位，但應該是好嘢， 這部位非常嫩滑。 廚師把它燒得剛剛好， 在外層微微燒焦裏面還是粉紅色的。而滑蛋應該加了忌廉也同樣嫩滑。主餐牌加29蚊可以變升級 套餐四選三， 選擇有餐湯、沙律、串燒、餐牌上的飲品。 我覺得非常化算，因為散叫一杯特飲也要三十幾蚊。我叫了一杯彩虹棉花糖特濃朱古力， 雖然是凍飲，濃濃朱古力味也很出，配上忌廉和七彩棉花糖，好好味。

來到火山燒晚餐，叫了兩個主菜，其中一個升級為套餐。香煎牛肉餅溫泉蛋丼($88)： 牛肉餅肉味頗濃，亦都不會夾雜很多肥豬肉。不過就比較細塊。吉列芝士豚柳咖喱蛋包飯：($88) 吉列芝士豚柳炸得十分熱，亦都好香脆，肉質唔會好乾。芝士其實就無咩芝士香味，亦都覺得偏酸，做唔到昇華的作用。 咖哩汁是日本咖哩，味道偏甜，亦都有加多紅羅白，羊蔥作為配料。不過汁的份量就比較少。+ 29 升級超級套餐： 升級套餐最吸引人的地方是可以選擇任何飲品。我地間左湯，串燒和炭培烏龍茶玫瑰海鹽奶蓋。忌廉湯令人好失望，與其說是湯，不如說是忌廉汁，質地太厚，亦都無加入任何配料，其實加小小粟米會好味好多。雞肉串燒不過不失，其實就係超市買到個啲用熱水浸熱就食得的即食雞肉串。炭培烏龍茶玫瑰海鹽奶蓋： 茶底唔會太甜，奶蓋有陣牛奶糖味，唔錯。總括而言，火山燒的食物味道不過不失，不過價錢太貴，性價比不足，主菜的份量亦不足夠 （ 牛肉餅和豬扒唔夠大份） ，埋單每人110 ，呢個價錢可以食到更好味，更滿足的晚餐！

推開餐廳門口，已經傳來陣陣肉香， 原來餐廳主打熱石燒牛肉， 餐廳冷氣強勁， 不會太大油煙， 裝修明亮、簡潔， 環境不錯。金標和牛肩胛肉眼(200g)配珍珠米飯$98厚切和牛肩胛肉眼， 放在熱石上， 發出吱吱聲， 肉香十足， 令人垂涎， 牛肉沒有多餘的調味，餐廳提供岩鹽調味 ，自己 DIY 個人喜歡口味， 及控制幾多成熟， 還提供圍裙， 十分貼心， 先將牛柳四邊煎封，鎖住肉汁， 慢慢燒至五成熟 ，用刀切開 ，呈現粉紅色， 牛肉味濃郁富嚼勁， 沾上燒汁後， 拌飯一流 ，讓人津津回味。野菜天婦羅湯烏冬$55野菜天婦羅， 被薄薄的粉漿包裹著，質感濕潤，南瓜和茄子口感綿密，油而不膩，秋葵爽脆，沒有滑潺潺的感覺，湯烏冬滑溜， 口感彈牙， 簡單而滋味。忌廉湯(餐湯)忌廉湯口感順滑， 滿滿的奶香，十分誘人。彩虹棉花糖特濃朱古力、炭焙烏龍茶玫瑰海鹽奶蓋($加12)香濃朱古力配上悅目彩棉花糖， 賣相吸引， 香甜順滑 ， 令人甜絲絲。 烏龍茶玫瑰海鹽奶蓋， 馥郁的玫瑰花香與幽幽的烏龍茶香 ，十分搭配。 煎芝士三文治配豬肋骨(下午 茶)$55牛油方包烤得香脆，還散發著牛油香氣， 最喜歡夾著中間的半熟芝士，邪惡

良心店💛本身諗住食另一間但比佢既menu同價錢吸引左😆(仲有一個原因係等客交收等左40分鐘🥺餓到唔想再搵靚cafe打卡🤦🏻‍♀️大家交收既唔好遲到啦☹️)Anyway!!今次試左佢地既tea set真係抵到爛😌質素一般啦對得住價錢🤓⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔺蒲燒日本鰻魚粒忌廉滑蛋丼($58)𝕽𝖆𝖙𝖎𝖓𝖌: 3.7/5下午餐既滑蛋井其實都寫明係鰻魚粒唔係原條🤓(午餐就係原條😏)有5-6舊鰻魚，食到最後都夠食既~滑蛋加左忌廉都幾香滑☺️仲有絲係面郁下郁下好得意🤣🔺泡菜五花肉湯烏冬($48)𝕽𝖆𝖙𝖎𝖓𝖌: 3.5/5呢個圖文不符有少少嚴重🤣本身手打烏冬係有個盤係上面放餸(睇最後既menu🧐)但上菜就冇左🥺感覺上頹頹地😳不過味道ok👌🏻烏冬夠彈牙一啖啜哂入口😝五花肉就唔會好油🔺彩虹綿花糖特濃朱古力(+$12)𝕽𝖆𝖙𝖎𝖓𝖌: 3.5/5朱古力就圖文相符少少🤏朱古力味道濃郁又唔會過甜！唔錯🥰👧🏻：整體味道唔錯，但鰻魚丼同五花肉烏冬都有少少圖文不符，同埋環境都有啲迫、枱面又有啲痴笠笠🙈但見到員工好忙啊長期滿座，可能都會清潔唔切🧐

之前經過見到呢間小店嘅餐牌晚餐有石燒牛食，價錢合理，琴晚就去試試。我地點了一個石燒牛、一個丼飯，加了$29升級要一個套餐：有湯、沙律、串燒、飲品四揀三，我地有石燒牛就冇揀串燒。點完嘢食，好快就送來了湯和沙律，湯係忌廉湯，不膩比較淡口，另一款選擇是麵豉湯。湯好迷你，用小鍋子裝着，好可愛。沙律味道不錯，日式麻醬香，配上爽口火箭菜、生菜同埋一啲蟹子，清新好味。1855頂級高腰西冷$138用300度的熱石送上，油脂吱吱響，店員貼心送上圍裙，唔怕d油四圍彈。我地選了200克，西冷是厚切，將牛扒切成小件，喺熱石上面煎封四邊，變得外層焦香內裏粉嫩juicy，肉質鬆軟有咬口。配有兩款醬汁，一款係日式照燒牛肉汁，另一款係泰式酸辣汁，各有特色。個人比較鍾意日式照燒汁，同牛嘅油脂香很夾，餸飯一流。蒲燒雙層日本鰻魚忌廉滑蛋珍珠米丼$98有兩件鰻魚， size雖然唔算大，但係肥美冇骨，唔腥好味，如果鰻魚大件啲或者多一件就更加好了。忌廉滑蛋又香又滑，配上紫菜、木魚，伴入蒲燒汁佐飯好滋味。蒲燒鰻魚汁夠多，一整碗飯都夠汁，唔會冇味食白飯。彩虹棉花糖特濃朱古力賣相好繽紛，特濃朱古力味道很好，唔會太甜，加上cream要加

  荃灣有好多美食，係大壩街呢間餐廳成日都大排長龍，咁啱當日無咁多人排，排兩張就有得坐；餐廳走日式風格，餐牌食物似日本嘅西餐廳。  我點咗蛋白煎芝士夾心雙層三文治配奈良手打牛肉，份量比較的骰，好適合女生胃口；三文治吸滿蛋汁煎香，軟軟綿綿，配埋芝士鹹香好夾；手打牛肉黑椒味香濃，肉汁juicy，漢堡啖啖肉，正！飲品方面：彩虹棉花糖特濃朱古力，一聽個名就知好味，朱古力味果然香濃，加埋棉花糖都唔會過甜，如果有多d棉花糖就100分。  朋友點嘅千層麵份量適中，賣相靚仔，芝士溶化得剛好，蕃茄蓉打成嘅醬汁酸甜開胃，好味；飲品：茉莉花茶海鹽奶蓋，清新解渴，茉莉花香配奶蓋，朋友好欣賞👍

睇完戲行過對面經過呢間餐廳見到餐牌好似幾啱食就入去試下。我地2個人各叫左1個套餐，朋友鐘意食牛，呢度就有各款招牌石板燒牛，我地揀左聖安娜安格斯封門柳，有200同300g揀，我地 驚食唔曬，所以就揀左200g。呢度好貼心，上石板牛時會俾圍裙，同埋用紙蓋住牛扒，以免啲熱油彈到客人。牛扒上枱已經聞到超級香，賣相吸引，封門柳肉質嫩滑，又不失牛肉濃香味，用石板慢慢將牛扒燒熱保證唔會令肉質太鞋。除咗牛扒之外，我哋另一個主菜叫咗吉列芝士夾心豚柳咖喱蛋包飯，賣相相當及晴，用嚟打卡一流！日式咖喱非常香，豚柳分量十足，一切開芝士即刻湧出嚟，配埋超級滑蛋，真係非常滿足！值得一提，每個主菜加$29便可升級套餐，沙律、串燒、湯及飲品四選三，非常抵食！而且飲品仲可以揀特飲，我哋就揀咗烘焙烏龍茶玫瑰海鹽奶蓋同埋茉莉花海鹽奶蓋，兩杯都好好飲，奶蓋打得十分香滑。

琴晚放工同朋友去左荃灣聚一聚，我地去左火山燒食晚餐；餐廳人數幾多，相信食物一定有所保證呢！服務方面，每個員工態度吾錯；而且餐廳內環境幾乾淨。200G聖安娜安格斯封門柳 (HKD 128.00)：200G同朋友share食可以過下口癮，板上既溫度好夠熱，就算慢慢食也可以將切好既牛片燒熟，吾洗麻煩換板。味道方面，牛既味道好香口，口感嫩滑，同時更有牛肉汁滲出；真的很推介啊！另外，餐廳更提供兩款既醬汁比客人點用。燒牛配有白飯享用，飯粒軟熟，連用牛片一同食用，味道好夾。吉列芝士豚柳咖哩蛋包飯 (HKD 88.00)：見到周圍既食客刀order左蛋包飯，令我忍吾住一試。先講賣相好精緻，似足日本風。咖哩味道好香，只帶有丁點辣，配埋白飯食，味道一流！而蛋口感好嫩口，蛋味也很香。吉列芝士豚外層好脆口，同時又吾會太油膩；芝士只有極少，岩晒吾想食甘漏既我。每個主食只需加 HKD29.00就可以轉成套餐，轉為套餐吾單止只有飲品，而系可以四選三：沙律，飲品，串燒，餐湯。餐湯：揀了忌廉湯，細細碗作為前菜也不錯；味道甜甜地。飲品：飲品吾系普通既檸檬茶，而系吾洗額外再收費既特飲！我地就Order左彩虹棉花糖特濃朱古力

荃灣廣場出面條街有好多餐廳，今次揀咗呢間💛店，主打300°C火山燒，亦都有其他日式旋風蛋包飯、丼飯同意大利麵可供選擇。所有嘢食都可以加$29可以轉套餐， 四選三，有沙律、餐湯、飲品、串燒揀。食物都幾高質，而且價錢好實惠。🥩聖安娜安格斯封門柳 200g ($128)300°C熱石真係超級熱🤯 好多好熱既肉汁濺出嚟🙈 好彩店員有提供圍裙，同埋上菜時有用牛油紙蓋住肉同熱石😐店員推介封門柳比較腍身，果然真係好香好重牛味，好軟腍，唔洗點醬都已經好好味，果然冇介紹錯👍🏼 係好高質嘅牛🤤 熱石可以自由控制生熟，鍾意食幾多成熟都可以自己決定😚 仲有配飯，一定夠飽🤣🍛香煎奈良手打芝士牛肉餅旋風蛋包飯($88)牛肉餅係手打嘅好特別，上面鋪咗一片芝士，咖喱係日式咖喱，香濃但唔會好辣，旋風蛋包飯個賣相好靚😍加配左奶蓋茉莉花茶😋 茶味清香，但奶蓋稍甜，忌廉湯同串燒正常發揮冇乜特別，串燒有少少凍😅 店員服務都幾細心同快手，值得一讚🥰———————————————————————可以 Like & Follow 埋我地其他Channel 😉 以便得到最新吃喝玩樂資訊💕

放工相約家姐在荃灣行街，家姐又想吃牛扒，於是選擇了這間火山燒。火山燒肉類有200克和300克兩個重量可選，我們太想吃肉，所以選擇了300克的重量。上枱的時候有塊大紙蓋著，好讓食客有心理準備😂打開煙霧彌漫，急不及待要燒肉食了，石是非常熱的，要眼明手快切開肉再燒，分秒必爭非常好玩🤪肉質非常嫩滑，牛味香濃，不得不讚讚自己燒得好，當然肉的質素也非常捧啦！蛋包飯的份量十足，蛋是滑滑的，咖喱汁香濃而不辣，每一口都食到咖喱汁蛋加飯，啖啖回味。雞扒煎得外皮脆脆的👍🏼配上木魚碎，賣相和味道都升華呢！加$29可升級做套餐，四選一，有湯、沙律、串燒和飲品，我們加了兩個套餐，串燒有兩串剛好每人一串，湯我們選了粟米湯，粒粒粟米，甜甜的。這杯濃香茶味，頂層奶蓋奶滑，少甜的甜度剛好👍🏼我較喜歡這杯淡淡的茉莉香，奶蓋的味道也是一樣香滑。

今晚收工同老婆去到荃灣撐枱腳，見到呢間火山燒門口有條人龍排緊隊，而且全部都係後生仔，睇完menu覺得幾吸引之後決定排埋一份試一試。各人叫咗一個主菜，加$29可以有套餐，沙律同湯雖然份量唔多，不過味道唔差。至於串燒就係日式雞肉串，我覺得如果可以轉做雞軟骨的話應該會更加引。金標和牛肩胛肉眼200g牛肉嘅生熟程度，任由自己發揮，可以一邊食一邊煮，確實係一種樂趣。塊肉眼牛味非常濃烈，煎到5-7成熟就最好攞起件牛扒等佢rest下。因為如果繼續放喺石上面燒，好快就會燒到全熟，肉質就會變韌。另外牛肉配有兩隻醬料，一隻似燒汁，一隻似泰式酸辣醬，不過我自己習慣食牛扒盡量唔加醬汁，因為我比較喜歡食到牛嘅味道。安格斯肋腰背滑蛋丼呢碗飯真係要讚，啲安格斯非常好食，我覺得好食過塊肉眼，肉嘅熟度大約係7成，食落好有肉汁，牛味重，而且牛肉厚薄適中。滑蛋就略嫌有少少失色，食落唔太滑，有少少過咗火喉。不過整體都好食，因為啲牛真心好食。服務質素唔錯，侍應反應都好快，值得一提嘅係上菜速度非常快，基本上兩個人食半個鐘就食完😂下次再去的話，我會試下食蛋包飯，望落都幾吸引👍🏻

晚上七時多，遠遠看見有人龍在店外，幸好預先訂枱，稍等一會兒便有位，店內的裝潢與眾不同，收銀位置用木框組成，很別緻，餐桌上有美美的圖案。在OpenRice看到飲品有朱古力特飲及奶蓋特飲，兩個人便點了兩個套餐，順便試試它的飲品。.聖安娜安格斯封門柳牛扒200g | $128牛扒🥩上枱時用牛油紙鋪面，避免熱油濺開。過了十秒多便可取走牛油紙，牛扒兩面完全煎封，徹底鎖住肉汁切開後再煎多一會兒，牛扒很厚身，但完全不韌，好腍，沒有過多的油份，牛扒餸飯🍚一流。原條蟹柳68度溫泉蛋明太子忌廉意大利粉 | $88有一條超長的蟹柳，蟹柳下面其實放了一大堆明太子，溫泉蛋十分水潤，把流出的蛋汁混和忌廉意粉及明太子吃，有很香的蛋味，意粉十分creamy。(右) 彩虹棉花糖特濃朱古力 | 跟餐飲品 +$0(左) 彩虹棉花糖焦糖朱古力 | 跟餐飲品 +$0兩杯朱古力上面都加上了彩虹色的棉花糖， 夠夢幻特濃朱古力的味道比焦糖朱古力少甜，朱古力味較為濃郁。焦糖朱古力有焦糖香甜味，適合嗜甜的我。每個套餐跟餐可於飲品、沙律、串燒及湯四款選三樣。串燒有兩串，餐湯可選忌廉湯或麵豉湯，感覺有很多選擇。整間餐廳的碗碟有不同款式及形狀

本來想食同一條街嘅另一間餐廳但實在太多人等位所以試左呢間同樣係黃店嘅火山燒______________________________極黑安格斯肋腰背 300g HK$228份牛一上枱已經覺得好吸引色澤粉嫩粉嫩咁🤤聽住嘅"滋滋"聲流哂口水燒到自己想要嘅熟度就可以開餐咁就有配一碗白飯嘅所以唔洗驚唔夠飽👍🏻而且可以加29蚊升級做套餐可以係(飲品，沙律，串燒，湯）四樣入面揀三樣咁我嗰日唔太餓，所以就揀左唔升級但我略嫌塊石板嘅熱度keep得唔夠耐如果要食全熟嘅朋友可能就要諗一諗______________________________

星期六出黎想食好d 唔想食茶記，見下午茶唔太多人等就入卡位勁迫，身高155坐底都要推返前張枱叫左鰻魚粒忌廉滑蛋飯，送湯 熱飲 $58點完餐聽到後面位話「岩岩杯野飲有小強，唔要喇唔洗再沖比佢」心諗咁伏？野食就話姐，飲品入面都有，呢間野到底有幾唔衛生😂個湯waiter 一野掉落黎，鐵碗應聲一響轉身咁就走左，癱仔姐姐都好服務過呢度，個湯味道係超市買一盒5包沖出黎嘅忌廉湯，水唔夠熱 飲落口仲有粉鰻魚粒飯，門口睇圖已經知應該鰻魚唔會多，圖就三舊啦，真實係手指尾咁大粒鰻魚擺埋一邊成個碗一邊，重點鰻魚係凍嘅，蛋冇蛋味，汁又多又唔夾，成碗野好難食，本身起身第一餐好肚餓，最後只食左幾淡走人餐廳擺設好多塵，植物乾枯生晒青苔，收銀個門簾亦痴左勁多塵一舊舊，隨時冷氣吹大少少都會送幾舊塵落你碗野度加料埋單出黎原來行前二個鋪位有紅茶，早知食常餐冇咁sad