瀧(日韓越) (已結業)

呢間餐廳只係做外賣,我地買左個三文魚刺身丼飯,入面有好多片三文魚好抵食,價錢都算平,韓式小食叫左個紫菜粉絲卷,不過就覺得佢炸得唔夠香脆,可能因為拎走所以就已經淋左,唯一既唔好就係呢樣,其他都OK。

油塘鯉魚門街市入邊有好多外賣美食，今次幫襯咗瀧(日韓越)，顧名思義就係日式韓式越式美食都有😆韓式牛肉炒粉絲🐄 $43超級大碗夠兩個人食，牛肉同配菜都好多，粉絲彈牙。章魚燒🐙 $42有10粒章魚燒，攞到返屋企都熱辣辣，咬開係好紮實嘅一大粒，入邊有大大粒章魚。三文魚角切飯🍣 $61魚生同飯係分開擺嘅幾好，魚生都幾厚切同份量多，同埋佢個wasabi超級辣，記得唔好一次過落咁多。吞拿魚飯卷🍙 $35依個無魚生嘅小朋友都食得，食落去有港式壽司嘅感覺，簡單而美味。

呢間餐廳只係做外賣,但食物款式選擇就好多,多國菜唔同款都有,日本既刺身,壽司,丼飯等等仲有多款小食都有得賣,我地叫左一份三文魚刺身丼飯,入面有好多片三文魚好抵食,價錢都算平,呢度所有食物都係即叫即整,保証新觧同可以睇住店員即場制作食物,制作食物速度都好快,好抵食,我地仲叫左一份韓式小食紫菜粉絲卷呢個都炸到好脆身同埋入面有好多粉絲涵咁,都有5-6件,另外仲有一份三文魚,花之戀好厚身,厚燒玉子好香蛋味,池魚同螺肉既刺身拼盤。

放工返嚟攰攰地有時都真係唔想煮飯食🙌🏻經過街市就入去，諗住買外賣一入到去街市就見到瀧餐廳係正正大門口有好多野食揀有晒日韓越三款🤭岩晒我同先生仲可以喺一間店裏面都嗌晒唔同款式嘅嘢食🙌🏻非常方便❤️今日我地就叫左先生喜歡既日式三文魚角飯$61 +加洲卷$28而我就喜歡食韓式野～叫左個泡菜豬飲炒粉絲便當 $52再叫多個鴨胸做小食❤️日式三文魚飯都好大兜🥰 有成盒魚生! 份量絕對唔少~超級抵食!加州卷都唔錯!! 我自己就鍾意食去地個粉絲, 惹咪爽口! 再加埋泡菜豬飲, 兩樣撈埋嚟食就更加好味啦!!鴨胸都好抵食, 份量都唔少 睇落舊舊都好靚但價錢只係 $25兩個人食有主餐又有小食都唔駛$200, 真係好抵食呀❤️❤️

午餐要搵外賣食，緊係去街市搵啦，一入門口就見到呢間主打「日韓越」外賣店，野食咁多選擇，緊係要試一試啦。🐷豬扒飯卷🐷$38份量好多好抵食，飯軟硬適中，配上玉子蟹柳青瓜等，而且仲加埋吉列豬扒醬，酸味味好開胃。🍣三文魚角切飯🍣$61魚生同飯分開放，而且好貼心咁俾埋冰你，以保持新鮮。三文魚好厚身，夠哂肥美，白飯軟硬適中，日本米仲有香濃醋味，好好食。🐷韓式豬肉炒粉絲🐷$43粉絲即叫即炒，而且份量超級多，亦都夠乾身唔油膩！豚肉夾緊極都有，肥瘦均勻，粉絲麻油味香濃，配菜有紅蘿蔔同菜，粉絲口感煙韌，一齊食口感豐富。🦐吉列炸蝦紙米卷🦐$28米卷大份到傻左，配上開胃酸辣汁，而且店員好貼心咁將醬汁包好保鮮紙，唔會驚漏。包住好多紅蘿蔔青瓜等，吉列炸蝦好脆口，炸粉都唔太厚，一啖食哂落口夠哂爽口新鮮。評語食物種類選擇多性價比高店員服務貼心友善🐵推介🍌🍌🍌🍌🍌（5🍌為滿分）📌 瀧（日韓越）地址：油塘鯉魚門道80號鯉魚門廣場地下鯉魚門市場40-41，71-72號鋪#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #ig

呢日同大大細細去完油塘playHouse玩，就行咗去鯉魚門廣場嗰邊搵食，因為大家都玩到攰，所以想買外賣返屋企嘆。一日到廣場下層，就見到呢間外賣店。望一望，有日式、粵式、韓式嘅菜式，再望一望餐牌，好多選擇，就比佢哋各自各揀嘢食。香茅雞扒撈檬雞扒夠大塊，肉質嫩滑多汁，而且仲已經切開一嚿嚿，好貼心。檬粉煙靭，酸汁酸酸辣辣，食落感覺好開胃。燒汁牛肉飯牛肉多，仲有蔬菜、冬菇等配料，燒汁加埋隻煎流心蛋撈飯，好好食。韓國豬肉餅韓國豬肉餅，煎得好香，嗰邊脆脆地，入口好鬆化，推介！醉雞翼醉雞翼好貼心，切開變單骨，醃得入味，食唔停口。酸蘿蔔酸蘿蔔夠爽脆，酸酸甜甜，食落開胃醒神。

岩岩喺日本返黎，又掛住日本野，但又想食得惹味D，Why not both🤣 今晚決定兩樣都食，黎個日式韓式都有嘅晚飯🤗🧆明太子章魚燒 $46／10粒普通章魚燒食得多，加埋明太子又比較少😆粒粒都好飽滿好大粒🤗即使拎到返屋企仍然脆口，入面又有彈牙章魚，出面加上明太子醬同紫菜，濃味又香口岩哂我😁🐮韓式牛肉炒粉絲 $43呢個都真係好足料🤤，一夾起已經齊哂牛肉，粉絲同其他配菜🥰味道黎講都幾唔錯，唔會太油或者漿住口，仍然有口感👍😚🐖泡菜豬肉炒飯 $46呢個係一打開，泡菜味已經湧埋黎，超級香噴噴🤩上面塊煎蛋係超搶focus🤣又圓又大超開心😁同炒粉絲一樣係好足料，而且超惹味，有洋蔥有切片菇同豬肉，口感十足，又唔會太辣，好食！🦀忌廉蟹肉餅 $22三塊蟹肉餅拎到返屋企都仍然脆身，一分開佢入面餡料已經超多🤣夠creamy，而且都夠蟹肉味，咬落去外脆內軟，滿足😁總括黎講成餐都好味，所有食物都係即整出黎，返到嚟再係熱辣辣有煙😍最驚喜連炸物都脆卜卜，店員服務友善有禮，價錢亦都幾實惠，夠大份，性價比都高😉可以再翻Take試下佢其他越式食品同刺身😚

瀧(日韓越)今次嚟到鯉魚門唔係食海鮮，係去咗街市買外賣食，呢間小店「瀧」係賣日韓越野食，買完之後拎去鯉魚門邨嘅公園坐喺度食！1.越南扎肉撈檬$43（9/10）呢個撈檬份量好多，入面有扎肉、青瓜絲、紅蘿蔔絲、少量花生碎同蔥，再加入酸辣汁，食落酸酸地辣辣地，感覺好清新，檬粉好爽滑！👍2.香茅雞中翼飯$40（9.5/10）呢個香茅雞翼飯雞翼有4隻，香茅味突出，雞翼肉質鮮嫩，保留到香脆口感，生菜底下面仲有幾條 酸甜嘅白蘿蔔，飯唔係劣質米，好味！😋3.鮮蝦紙米卷$35（10/10）呢個紙米卷個皮好薄，入面有1隻大鮮蝦、生菜、紅蘿蔔絲同少量花生碎，再加入酸辣汁食落酸酸辣辣好開胃，口感亦好豐富！😍4.燒鯖魚$28（9/10）呢條鯖魚好大條，魚肉質好厚，倒入鰻魚燒汁令鯖魚更好味！❤2人總共價錢$146個人口味總評分：9.375/10地址：油塘鯉魚門道80號鯉魚門廣場地下鯉魚門巿場40-41,71-72號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#瀧 #鯉魚門 #鯉魚門好去

行過油塘鯉魚門廣場街市門口，呢間可以買到日、韓、越菜式，而且外賣價錢唔貴，好抵食，門口好多外賣小食，唔少人都唔係蝦片小食，星期日趁工人放假，做「無飯煮婦」買外賣返屋企外賣包得乾淨企理，要讚下湯麵完全冇漏滑蛋牛肉飯牛肉飯都幾大碗，牛肉份量都幾多好足料，加埋滑蛋送飯一流香茅雞扒湯粉雞扒非常大塊，肉質軟淋，而且醃得都幾香，檬粉份量都幾多日式章魚小丸子學生年代經常食到小丸子，而家好少地方有得食，小丸子有粒大大章魚，加上沙律醬同燒汁，真係兒時回憶返晒黎.Menu

街市尋食🌸酸甜蘿蔔🌟🌟🌟🌟🌟大大盒，爽脆新鮮蘿蔔，還有一大塊檸檬調味，超fresh，解油膩一流。🌸炸紫菜粉絲卷🌟🌟🌟🌟🌟一盒有6件，炸得香脆紫菜包裹著滿滿粉絲，再沾埋泰國酸辣醬，超惹味。🌸泡菜豚肉飯🌟🌟🌟🌟🌟份量十足，自家制泡菜，味道調到啱啱好，豚肉肉質有咬口又唔會嚡口，夠拌好整個飯。🌸香茅豬扒飯🌟🌟🌟🌟🌟份量十足，超香濃香茅味，豬扒夠入味，肉質嫩，仲有點薑蔥可以拌飯，唔錯。======詳情======瀧(日韓越) (油塘)油塘鯉魚門道80號鯉魚門廣場地下鯉魚門巿場40-41,71-72號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #油塘美食 #油塘好去處 #香港美食探店 #香港探店 #我是吃貨 #打卡熱點 #打卡美食 #著數報料 #夏日打卡日常 #街市尋食 #日韓越菜 #酸甜蘿蔔 #炸紫菜粉絲卷 #泡菜 #泡菜豚肉飯 #香茅豬扒飯 #份量十足 #鯉魚門廣場 #鯉魚門市場 #瀧

今次同朋友第二次黎鯉魚門廣場呢間外賣店到買外賣返屋企食，因為上次食過覺得性價比幾高，所以今次又再幫襯。韓式豬肉炒粉絲（$43）呢嗰炒粉絲份量好多，而且好香口，唔會覺得好油，有芝麻，蔬菜同蘿蔔，增加口感，粉絲口感煙韌，很滋味。烤牛肉拌飯（$42）呢嗰飯配有紅色嘅拌飯醬，微辣，非常惹味，牛肉飯配了很多有蔬菜，蘿蔔，洋蔥同埋菇，仲有一隻煎得好靚嘅蛋，蛋味很香濃，牛肉份量好多，而且一啲都唔韌。原味炸雞粒（$35）有8粒，好豐富，炸粉很薄，雞肉很juicy，配上沙律醬非常美味。吉列豬扒小食（$28）賣相非常靚，豬扒很厚身 而且炸粉輕型，豬扒亦很多汁，豬肉味甜。買左咁多野食都只係148蚊，真係好抵食，而且又好食，返屋企都仲熱辣辣，小食有啲食唔哂，可以留番第日繼續食。

呢間響油塘站鯉魚門廣場嘅外賣店，經地鐵站行過去，雨都唔使淋，外賣好選擇。😊同事推介我嚟，一入到廣場，好易就搵到。呢度好多嘢食揀，日式、韓式、越式都有，而且價錢親民，值得推介。韓國泡菜五花腩拌飯呢飯好有驚喜，份量十足之餘，好有誠意。泡菜酸酸辣辣，醒神開胃。五花腩夠厚肉，脂肪比例平均，食落有口感！連菜都有香濃麻油味！重有一隻香煎流心蛋，蛋汁加埋泡菜拌飯，簡直係味覺享受。韓國豬肉餅豬肉餅煎得外脆內軟，內有香蔥同蘿蔔，好味！精選紫菜飯卷便當呢個便當有齊我鍾意食嘅嘢。炸雞炸香脆 ，酸酸甜甜；紫菜包住粉絲炸，煙煙韌韌；沙律菜夠清新；手寫大大嚿；食完好滿足！原味章魚燒章魚燒好大粒，唔會太粉，又唔會太漿，外層烘得香脆。內層章魚大粒又彈牙，正！醉雞翼師傅好細心，將雞翼切成單骨，花雕酒醃得好入味，肉質仍然好滑，不錯！

約左朋友喺油塘交收，搞掂就順便去附近買埋外賣先返屋企。喺鯉魚門市場搵到間主打日韓越菜嘅小店，牆上鑲有餐牌，食物包羅萬有，而且定價親民，一於試下。  辣味章魚燒 $30章魚燒大大粒，金黃渾圓，面頭鋪滿木魚碎，咬落質感好軟滑，帶微微辣勁，入面嘅章魚粒爽口彈牙，配上燒汁，夠晒惹味。 甜辣炸雞粒 $38炸雞粒好出色，採用正宗韓式甜辣醬醃製，外層頗酥脆，而內裡嘅雞肉仍然保持嫩滑，入口甜甜辣辣，每一啖盡是滿足滋味。 汁燒牛肉飯 $42 牛肉飯幾有睇頭，頂層放左隻煎蛋，牛肉醃得好入味，肉嫩又多汁，配料有紅蘿蔔、椰菜、洋蔥同冬菇絲等，份量十足，夾埋底層軟熟嘅白飯一齊食，口感好豐富，推介。 香茅雞扒撈檬 $43雞扒煎得好香口，肉質鮮嫩，香茅味突出，檬粉質感爽滑，自行加入撈檬汁，味道啱啱好，酸酸甜甜，非常醒胃，好易入口。

今日經過鯉魚門市埸既時候,一望入去就見到呢間日越韓既外賣店🥡食物款式多選擇,而且價錢親民,非常抵食😍⭐️香茅豬頸肉撈檬🐽豬頸肉咬口夾脆彈牙,食落口唔會乾爭爭,檬粉份量好多,加埋蘿蔔絲同青瓜絲,配上酸辣醬汁,酸酸辣辣,十分開胃🤤⭐️咖喱唐掦雞蛋包飯🐥咖喱味道好香濃,炸雞食落去好香口,肉質juicy,滑蛋整到好嫩滑,味道一流🤩⭐️章魚燒🐙章魚丸粒粒都大大粒,咬落吾會成口粉,加埋沙律醬,木魚絲,紫菜呢啲精華,熱辣辣好好食😋⭐️炸紫菜粉絲卷,外皮炸到脆卜卜,卷內粉絲份量好足料,食落去口感香脆可口😍

唔想煮就要買外賣，位於油塘港鐵站嘅鯉魚門街市門口一入就有一間多國菜色外賣店。佢哋嘅菜單有日式、韓式同越式，多種選擇而且大件夾抵食，總有一款岩你！香茅豬扒飯，大塊豬扒入味，特製嘅香茅令豬扒食落香口。滑蛋豬扒飯，雖然滑蛋包住豬扒，但仍然feel到豬扒炸得脆口。魚餅，炸得乾身又厚實，加埋店家特製嘅甜酸醬，口感豐富美味。醉雞翼，大大盒，肉質嫩滑，酒味濃郁。每一口都散發住香氣，好開胃。呢間外賣店深受街坊喜愛，外賣嘅等候時間可能會長一啲。要耐心等候先可以拎到外賣。不過，店員好好禮貌絕對值得等待。