瀧(日韓越) (已結業)

呢日同大大細細去完油塘playHouse玩，就行咗去鯉魚門廣場嗰邊搵食，因為大家都玩到攰，所以想買外賣返屋企嘆。一日到廣場下層，就見到呢間外賣店。望一望，有日式、粵式、韓式嘅菜式，再望一望餐牌，好多選擇，就比佢哋各自各揀嘢食。香茅雞扒撈檬雞扒夠大塊，肉質嫩滑多汁，而且仲已經切開一嚿嚿，好貼心。檬粉煙靭，酸汁酸酸辣辣，食落感覺好開胃。燒汁牛肉飯牛肉多，仲有蔬菜、冬菇等配料，燒汁加埋隻煎流心蛋撈飯，好好食。韓國豬肉餅韓國豬肉餅，煎得好香，嗰邊脆脆地，入口好鬆化，推介！醉雞翼醉雞翼好貼心，切開變單骨，醃得入味，食唔停口。酸蘿蔔酸蘿蔔夠爽脆，酸酸甜甜，食落開胃醒神。