瀧(日韓越) (已結業)

有時無咩時間就會想去叫外賣，聽講鯉魚門市場都有好多外賣店，於是去睇下有咩食，在正中間就發現到呢間外賣店😳🍱雜錦便當 $55便當内有刺身，日式唐揚雞，中華沙律，加州卷。刺身有三文魚、八爪魚和劍魚腩，三文魚厚身而且油脂分布均勻。魚生食落都鮮味，滿足。🥙刺身丼飯滿滿既一層魚生飯🤩，有三文魚、熟蝦、蟹柳、帆立貝、玉子、芝麻八爪魚、味付螺肉。醋飯粒粒鮮明，醋既甜酸味唔會話好濃，岩岩好。🫔大蟹柳芝士卷（卷物三件）$38採用珍寶蟹柳👍🏽，卷物上面有芝士蟹籽，帶點鹹香。🍗韓式炸雞髀 $30熱辣辣卜卜脆顏色金黃，肉質鮮嫩而且大大隻，份量十足。位於鯉魚門市場，一入門口就見到，好方便。而且選擇多有韓國料理、日本料理仲有越南料理。想食咩都可以搵到👍🏽價錢仲好實惠🤩

有睇開我的食評，都知我鍾意食日本野，今日收工有點晏，唔夠時間煮飯，係時候去買外賣俾屋企人醫肚。今日去左屋企附近的油塘廣場行左一圈，見瀧買日式料理外賣，都有唔少人幫襯，香港人願意排隊同等，多數質素都唔錯。雜錦角切魚生飯魚生好大塊，都算厚身，油脂分佈均勻，都算吸引。食落幾鮮甜，好滑，滿滿一口魚的鮮味，好滿足！飯粒粒飽滿，充分醋的甜酸味，唔會太濃，味道剛好。韓式炸雞翼炸得好焦香金黃，肉質仍嫩滑唔會老，仲好JUICY！大大隻，份量好足。日式冷麵+原味6粒章魚燒冷麵口感算唔錯，我覺得沙律醬過多，會更好味，因為可食到麵香及清D。配料有一件壽司加炸蝦，好味，多重享受。章魚燒外香酥，內料足，每啖都好滋味，值得再叫！整體而言，買咩多野都係百幾蚊，好實惠，味道亦唔差！店員服務亦好細心，令人好滿意！

行街市除咗買餸，有陣時都會意外發掘到啲唔錯嘅小食店，雖然隱身喺街市入邊，但係壽司刺身質素都唔差喎🤩 刺身盛D $178一共有四款刺身，包括吞拿魚、三文魚、油甘魚同埋北海道帶子，每款有三至四件，而且係厚切，魚刺身帶有油花，帶子都鮮甜😆 四款入面個人覺得最值得食係油甘魚，魚味同油咪中間有個平衡👍🏻壽司盛D $168一共有20舊壽司，有吞拿魚、油甘魚、三文魚、赤蝦、帶子同北寄貝，三文魚同北寄貝各有四件，都係穩打穩扎嘅選擇🤭 同場加映花雕雞翼😂😂 估唔到花雕雞翼竟然食到酒樓水準，雞翼醃到好入味，花雕味唔會太搶👍🏻平時收工唔想煮飯，又諗唔到食咩，可以簡單叫個盛合加小食🤭

大隻仔今次覓食嘅店舖就係💥 瀧（日韓越）💥 油塘朋友注意，$9 一隻手掌大雞全翼超好食！大隻仔今日去野餐，喺朋友屋企樓下街市熟食店買完便當就出發，買外賣便當係一個好好嘅選擇，方便快捷又整理。大隻仔真係要力推餐廳嘅炸物，估唔到街市隱藏住「炸物高手」，每一件炸物都炸得夠乾身而又保持到肉汁，真正做到外脆內嫩滑，食落唔會成口油，真係值得一讚師傅嘅迫油功夫一流。另外餐廳仲有日式壽司、刺身、丼飯供應。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 韓式炸雞全翼 $18 兩隻雞翼岩岩炸起，靚姐姐捧住出嚟，新鮮熱辣，而且非常大隻，比手掌仲要大。靚姐姐誠意推介，期間限定新產品 ，韓式炸雞全翼可以選原味/辣味。雞翼本身有醃製過，食落唔會只係外皮有味道而肉質冇味，雞翼有調過味，帶少少甜味，炸到外皮好香脆，雞肉仍然保持到好多汁，非常嫩滑，真係好好食。可以選擇加入原味韓式調味粉或者加入辣味粉。😋😋🔥 炸芝士年糕 $22 三件炸到外皮少少脆，而內裏軟淋淋，芝士年糕

今日去咗油塘探朋友，本來諗住同佢買餸煮飯，去到鯉魚門廣場地下鯉魚門巿場，見到好多熟食店鋪，我提議不如買外賣返去食，唔洗又買又煮咁麻煩。朋友都話好。市場入口有間瀧（日韓越）外賣店，供應店前玻璃櫃內放滿不同的食物，各式各樣的日、韓、越食物擺放整齊，乾淨衛生，另外餐牌上重有即叫即做的食物。真係多元化選擇，梗有一款啱自己的口味！自選刺身丼飯，有帆立貝、三文魚腩、有頭赤蝦、油甘魚、赤貝、味付螺肉、芝麻八爪魚、蔥、海苔絲。滿滿地鋪在壽司飯面上,魚生刺身好新鮮，壽司飯軟硬適中。韓式牛肉炒粉絲：即叫即炒有鑊氣，粉絲彈牙，加入蔬菜絲和牛肉絲，無論口感和味道都超正！忌廉蟹肉餅，蟹肉配以牛奶味忌廉餡料，軟滑細膩, 外層香脆而不太油膩。炸蝦卷非常有口感，做到內脆外軟的效果。

第一次試食呢間日韓外賣小店，買返屋企慢慢食，點知有驚喜！佢嘅價錢唔貴，魚生飯大概$50 ，魚生冷麵都只係$40幾蚊，但份量非常足夠，而且魚生都好有質素。魚生飯尚有多款配料，有三文魚同、魚子、帆立貝和螺頭，飯味香，落少少豉油已經好夠味。😋冷麵係配芝麻醬，面頭有青瓜、蟹柳、蛋絲同蟹籽，配上魚生都只係賣$40多 ，都算非常抵食。麵質爽，味道好好。❤️韓式炸脾脆而嫩滑，推介！另外仲要左個鰻魚卷，鰻魚味道好出，而且一盒有成六大件，魚同飯嘅比例好好，食落有鰻魚香！😃冇諗過街市都會有一間性價比咁高嘅小店！以後唔想煮飯，又可以有好選擇。

同朋友去大本型行街,之後係平台行下行下,行去鯉魚門市場,發現原來有個鯉魚門市場好多熟食可以外賣番屋食,而且有好多選擇,一入到去就俾依間 瀧(日韓越) 食品店吸引左啦~佢有好多便當選擇,而且又有刺身同埋飯卷,全部都係我鐘意食既野。今日叫左:1. 韓國烤肉拌飯+紫菜粉絲卷 ($53)喜歡佢好香既烤牛肉同埋配料都好足。2. 韓國牛肉炒粉絲 ($43) 炒絲有好香既麻油味,而且炒得好好,就算外賣都保持到質素。3. 刺身拼盆 ($150)新鮮!! 擺放得好靚,門面功夫絕對不差,口感不錯~服務好,製作時間都好快,好適合買其他餸之前落單,買完就可以回來取。

唔想成日出街食🤔，咁就決定收工買外賣回家，順便煲吓劇先🤗！今日去咗位於油塘嘅鯉魚門市場，呢間《瀧》日韓越美食店，店舖整潔又衛生，店員對客人又有禮貌，一於外賣🍱試試先！韓式部隊卷 $30一聽個名就知道餡料夠晒多，果然口感亦不錯，簡簡單單又夠飽肚👍🏻！泡菜豬肉炒粉絲便當 $52家常的味道，大大盒👍🏻泡菜豬肉夠惹味，而粉絲配料都相當多，口感很好，但唯一美中不足的是有點油膩感！自選魚生飯 $50粟米、八爪魚、蟹柳、玉子等等．．配料超級多，性價比甚高，以粒狀切法的三文魚，夠哂新鮮之餘，食落口感亦好好，底層放滿壽司飯，超滿足的一碗魚生飯，必食😋😋！原味炸雞粒(8粒）$35即點即炸，雖然回到家先食，但外層亦帶點脆口，雞肉充滿肉汁😋帶點鹹香味道！

成日出街食飯，今日就懶得出去，響屋企附近是但買啲外賣，點知都幾有驚喜瀧 開響鯉魚門市集內，一入去就會見到唔好見呢間舖頭門面細，其實都好多食物選擇我地叫左:韓式雞肉炒粉絲: 份量好夠，亦有唔少配菜，口感豐富加州卷拼盤: 呢個拼盤有唔同冷盤，滿足貪心嘅我，除左有加州卷，仲有三文魚刺身、魷魚刺身、漢堡扒蛋，中華沙律、螺肉部隊卷: 部隊鍋就聽得多，呢個部隊卷嘅涵都係雜不甩野，味道又唔錯喎，推介大家一試炸雞粒: 炸粉少所以啖啖肉，而且非常香雖然外賣，但番到屋企都仲好好食啊

今日放工去左買外賣食，叫左一個自選便當及冷麵，再加兩個小食：原味炸雞粒及辣味章魚燒。🌟自選便當我揀左魚生壽司飯，三文魚和蝦好新鮮好Juicy，無腥味，厚身。壽司飯質好好，粒粒沾有醋味，好開胃，粒粒仲要分明唔鬆散。份量足，牛油果，八爪魚和螺肉都好好吃🤤🌟冷麵食材一樣都好新鮮，三文魚厚身鮮甜，入口即滑，正。呢個份量真係好大份，配料足，麵質好Q彈，呢個天氣最岩食下開胃的冷麵，口味亦好岩香港人嘅口味。🌟小食：原味炸雞粒及辣味章魚燒雞肉好香好惹味，肉質軟腍多汁，做得好出色。我好鍾意食辣味章魚燒，外皮香脆，裹裡足料，可以再Encore😌屋企人食完都讚，真係好唔錯，想食質素較好的壽司外賣，不妨試下呢間！

間唔時都會偷下懶唔想煮飯食，經過油塘就買個外賣翻屋企食，天氣開始熱食啲壽司都幾岩，見到呢間瀧又有日本嘢又有韓國同越南，都有幾個人買緊就試下。🍣🍴三文魚角切飯 ＄61壽司飯嘅份量好多！爭啲食唔曬，三文角切成一粒粒，油脂分佈都唔錯，新鮮嘅，仲有蝦同蟹柳，又有沙律，中意刺身丼飯要試下，價錢又扺。🍴壽司冷面 ＄44又想食壽司又想食冷面，一於兩個都叫。有兩舊三文魚壽司，三文魚夠大塊！一件芥末章魚壽司，冷面都唔會癡埋一舊，配芝麻醬好開胃！🤤🍴大阪風章魚燒 ＄18 🐙拎到翻屋企冇咁靚，但仍然濃濃章魚燒香味，18蚊六粒好平，每粒都有兩三粒章魚，下次再食！

今日星期日， 工人放假， 同囡囡老公出咗－日街， 夜晚又唔想出街煮， 又唔想排隊等位， 梗係外賣啦.我地去開油塘玩， 順便係附近買埋先返屋企， 行下行下經過鯉魚門街市， 原來入面有好多熟食賣， 野食都幾多元化.－入去見到《瀧》d 間餐廳， 有齊日韓越既食品， 超多選擇， 咁就係d 間－次過快曬.叫咗日式便當$55，韓式雜菜炒粉絲$40，炒年糕（大）$48，大阪風章魚丸$18， 夾埋埋單都係$161, 都幾扺， 味道整體唔錯，咁就一餐.其實重有其他野食想試， 下次啦.

今日早放工，同男朋友去番之前幫襯過既外賣店買外賣一齊上屋企食，一人點一個餐share。肥牛肉胡麻醬冷麵一人份量都幾多，凍既拉麵混上胡麻醬，味道好味幾清爽，食落好爽彈口。肥牛都有質素，肥瘦適中，配料有洋蔥冬菇及紅蘿蔔絲，都幾惹味，男朋友特別鍾意熱肥牛，所以加熱咗d肥牛再同冷麵一齊食，味道更佳。壽司刺身便當便當有3件雞塊小食，食落都幾脆，另外有d螺肉，味道正常，刺身有5件，2件三文魚、北寄貝、希靈魚、八爪魚各一，食落不過不失，壽司係三文魚反卷，三文魚都幾大件，壽司卷一樣大份，唔怕唔夠飽。今次食日本嘢，下次再買佢嘅韓式外賣。

早2日放工返屋企途中諗唔到食咩 經過呢間就買左返屋企食🤪🔸中華冷麵 $44冷麵有青瓜絲, 蟹柳絲, 火腿絲, 蛋絲😍再加Ma醬, 本身個冷麵已經夠大份仲配3件壽司🤪呢個價錢真係幾抵👍🏻🔸三文魚茸飯 $61見佢另外俾左幾塊紫菜我, 問店員點食😆佢教我用塊紫菜包住D飯再夾埋三文魚茸包住咁食🤪呢個食法配搭又幾得意🤪而三文魚片切得好厚身, 刺身都幾新鮮👍🏻冇諗過屋企樓下都可以有咁既水準😆下次要試埋佢韓國同越南菜🤣

到左油塘鯉魚門廣場行下，行到街市見呢間外賣專門店，食物款式都幾多， 雪柜擺放左好多日本刺身，魚生飯，另有精選晚飯套餐，真係花多眼亂😅。價錢親民，經過口痕又可買番啲嘆下，非常之方便。點左壽司拼盤，各7款共有2件 ，分別是鮮甜爽口的帶子、北寄貝同赤蝦，油分適中的油甘魚同三文魚，無筋的拖羅，蔥花吞那魚卷，款款高質好味😋。蟹籽吞拿魚卷，卷物內有吞拿魚同青瓜，食落柔軟又爽脆口感。韓式炸餃子🥟，拎回家仲好脆口架。