瀧宴日本料理

营业中

休息中

瀧宴，份於銅鑼灣糖街，餐廳走高格調日式鐵板燒路線，環境舒適優雅。餐廳服務確實一流，上每一碟菜都會細心講解，建議進食方法先後次序等等，賓至如歸的感覺。提前網上訂座，更有折扣優惠，物超所值。餐廳上每一碟菜都好似一幅藝術品，擺盤相當精美。前菜自家製醬汁煮南非鮑魚，鮑魚超級入味，軟嫩，連擺盤下面配菜粒蘿蔔都好好食。海鮮茶碗蒸，有別於一般茶碗蒸，海鮮比較濃，而且鮮甜。主菜有澳洲龍蝦，廚師傑作先將龍蝦膏挑出，鐵板燒龍蝦肉時再擺回龍蝦膏，味道超濃，龍蝦肉新鮮彈牙。香煎鵝肝配多士，鵝肝入口即溶，多士脆卜卜好食。美國頂級牛柳，有齊薄燒及厚切，牛肉味濃，厚切多汁、薄切配香蔥，口感味道不同。炒什菜，大大粒芽菜，脆嫩多汁好好食。

首先一入到餐廳好光猛舒適，採光好好，有落地大玻璃，餐廳樓層高望出去高過晒附近嘅大廈，好靚，唔會覺得密集壓迫。南非鮑魚好大隻，食落鮮嫩多汁，個自家袐製醬汁好味，香濃又唔會鹹，好欣賞已經切定咗一片片，方便食用。季節刺身有3款左口魚、油甘魚同埋吞拿魚，全部都好大片仲係厚切，好夠厚度，魚油分佈均勻，食落唔腥，唔會似平價食到有筋嘅位。淡雪鹽吞拿魚配飯有個花花形餅底，打卡一流，個擺盤都好靚好精緻，個吞拿魚特別有口感，味道啱啱好。另外要提一提個服務態度超好，食完個吞拿魚餅手有油，員工就注意到即刻比濕紙巾抹手仲會好及時添茶，又會問你茶夠唔夠濃。鵝肝多士，鵝肝油脂分布均勻，食落唔油膩，唔乾唔硬，有入口即化嘅感覺，有兩粒黑豆清味用，食完鵝肝多士先食，味道清清甜甜，幾好。澳洲龍蝦，好大隻，啖啖肉，肉質彈牙夠新鮮，食落啲汁好鮮甜。海鮮茶碗蒸，都幾大碗好足料，好啱鍾意食海鮮嘅人。海鮮蜆清湯好飲，海帶爽口，湯汁鹹鹹地然後味道回甘甜，正👍🏻煙肉香蒜炒飯，廚師個打蛋技巧好勁，夠晒香口，啱啱炒起特別好食。甜品巨峰提子果凍，巨峰提子味超濃，果凍本身食落無味道，配搭提子汁香濃得嚟又帶有清甜。

去完日本旅行之後對日本菜念念不忘，喺香港食返高質嘅日本菜都唔係咁簡單，今次就嚟咗瀧宴試下佢哋嘅dinner tasting menu，順便慰勞下努力工作嘅自己🙏🏼餐廳嘅位置喺Sugar+26樓全層，入到去發現現場只有~10個bar檯位，人少少好舒服，每個位都可以望到師傅處理食材1. 自家醬汁煮南非鮑魚- 大大隻，切開4件- 蘿蔔入味- 味道唔會太甜/太鹹2. 季節剌身- 雕魚、鯖魚、拖羅- 細心提示食用順序，每款剌身配唔同醬增加層次感，而且可以減輕魚嘅腥味- 每片都好有份量，拖羅冇筋👍🏼3. 金鎗魚腩手卷- 原來係蔥拖羅壽司- 但係配合糯米+日本和菓子威化餅，好特別嘅組合4. 海鮮茶碗蒸- 上面淋咗蟹肉醬汁- 蛋夠滑5. 澳洲龍蝦- 用龍蝦膏去炒- 每人足半隻開邊龍蝦份量- 肉質細嫩唔會癡牙6. 香煎鵝肝- 鵝肝好肥美juicy，厚厚一片- 好有心思地配襯入口清甜嘅日本黑豆，食完鵝肝可以解膩繼續食其他菜式🥰7. 厚燒+薄燒牛柳- 同朋友去就可以試晒厚燒同薄燒- 一如既往，肉質唔會痴牙- 個人更推薦薄燒8. 季節吸物- 店員介紹係鮮熬嘅鯛魚湯- 味道濃郁，湯料有山藥9. 煙肉香蒜炒飯-

瀧宴位於銅鑼灣，落地大玻璃俯瞰維港海景及球場景色，令人心曠神怡，返工一族午餐嚟依度放鬆一下即刻精神抖擻💪🏼餐廳食物行中高尚路線，套餐有多款不同海鮮，例如大虎蝦帆立貝等高級食材，絕對係返工辛苦想食餐好啲慰勞吓自己嘅首選！套餐先嚟一個季節前菜，非常爽口開胃。鵝肝燒得好香，鵝油慢慢滲落脆卜卜嘅香烤多士，令到多士都超香鵝肝味，而且兩者平衡得剛剛好，唔會太膩食到停唔到口😋太虎蝦真係大大隻，新鮮得來用烤嘅方法整逼曬啲蝦嘅鮮味出嚟，入口好香好惹味～而香草牛油帆立貝就用牛油燒，令帆立貝仲帶有油香，兩種食法都超好味，各有千秋。銀鱈魚燒得外脆內滑，入面魚肉鎖住肉汁，入口即溶，天然嘅魚油香都唔使再多落油已經香氣撲鼻，齒頰留香，食完有一種幸福滿瀉嘅感覺🤩美國頂級牛肉好嫩滑，口感一流，食材本身高質好有牛味，燒嘅火喉亦都拿捏得剛剛好，五成熟不多不少，將美味值推滿😍總括而言，成餐飯每一道菜都好高質，價錢亦都合理，最後仲有炒飯同埋炒雜菜，保證食得飽飽之餘又有均衡嘅營養，推介大家同埋男女朋友成班同事一齊試下~

呢日黎到CWB呢間瀧宴, 係食omakese 既! 朋友一早已經訂左位慶祝另一位朋友番黎香港~ 呢位朋友好耐都冇食高質日本野, 所以我地即刻搵間好野俾佢嘆下! OMAKASE 其中一個精髓係一定要坐吧枱, 因為可以望到師傅做既每個步驟,又可以同師傅傾下計, 一路睇一路食一路傾真係人生一大享受! 朋友超滿意, 佢既前菜一黎到我都已經覺得好吸引!真係好多唔同既口感,豐富到我地既味蕾! 刺身又夠新鮮, 好飽滿充滿油香, 新鮮都真係好重要!壽司同醃漬物都好岩我心水!個湯係魚湯,勁香魚味, 唔腥又超甜! YUMMY! 跟住就係鐵板, 係勁大舊既蟹肉, 真係好鮮甜既蟹味, 配埋D 汁估唔到咁夾! 魚又好食! 厚切牛同薄切牛都係咁好食!跟住就係個炒飯, 充滿油香又足料! 配埋最後個甜品作結真係好滿足, 朋友勁滿意!

開始是道新鮮爽口的季節前菜。主要由當季蔬菜搭日式醬汁，清爽！三款刺身 // 當日是新鮮肥美的八爪魚，質感軟嫩。其次是灸燒的金目鯛，魚皮焦香，魚肉仍保持柔滑濃郁。最後則是吞拿魚赤身，肉質緊實彈牙，透露出淡淡的海水味來到壽司部分，赤羽太比較罕見，即我們的赤石班魚，以獨特的味道為名 ，也是很稀少的種類，笛鯛，也名石蚌，油脂豐腴，魚味要透過咀嚼慢慢釋出來終於到鐵板燒上場，帶子肉質飽滿Q彈，搭配上鮮嫩的海苔湯，口感層次豐富香煎澳洲大蝦。這些大蝦經過精心處理，蝦頭已經煎香，可以直接食用。肉質鮮嫩彈牙，搭配餐廳特製的調味醬汁，味道鮮美醇厚香煎鵝肝伴藍莓醬，經過師傅細心煎製，鵝肝外焦內嫩，搭配清新酸甜的藍莓醬，口感層次豐富也不覺很膩，還可以再吃多口 。還有五成熟的美國安格斯牛柳，肉質鮮嫩多汁以鐵板炒飯和海帶面豉湯結尾，炒飯色澤金黃，軟硬適中，加入櫻花下後超級香濃得天獨厚的海景，無論是前菜、刺身、壽司還是主菜，整個用餐體驗流暢度很高，現時提早訂座還有八折優惠

瀧宴座位不多，環境優雅寧靜，偌大的落地窗加上柔和的燈光，營造出放鬆的氛圍。前菜三小碟餐廳嚴選來自時令食材，由前菜開始已經誠意滿滿，蟹肉啫喱、螢光魷魚、池魚三種鮮甜新鮮，醬汁清爽開胃。刺身拼盤這道菜口感味道層次都非常豐富，由鯛魚、池魚、到吞拿魚，口感不斷昇華，味鮮到油香過渡自然，滿足味蕾。壽司兩件黑陸魚、深海池魚壽司配上自家製醬汁，不但提鮮，更令魚生質感加倍，充滿驚喜。鐵板燒當然少不了熱盤，其中值得一提的是恰到好處的牛肉，外焦內軟，牛香滿溢。另一樣令人喜出望外的是燒魚，魚皮香脆味鮮！暖心主食作為圓滿的作結，炒飯、炒雜菜、海帶蜆湯簡直係暖心標配，大滿足！甜品自家製白桃果凍，又清新又解膩！服務極好服務人員不僅專業細緻,而且十分周到，他們會主動介紹菜品特色，整體來說,瀧宴在環境、菜品和服務上都表現優秀，是一家值得推薦的日本料理餐廳。

依度嘅鐵板燒omakase好受歡迎，但係刺身壽司嘅質素都不容忽視，趁住佢開業一年有8折，就試下晚市嘅sushi set。前菜有三款，有昆布、粟米番茄、黑梅貝，賣相精緻，昆布經師傅炒過特別香！五款刺身都非常新鮮，八爪魚吸盤口感爽脆，北寄貝新鮮帶甜，深海池魚同埋拖羅非常肥美，食材質素頗高👍🏼刺身之後就係蜆湯，味道清甜，喺中間做一個間場。接住落嚟到壽司部分，有8件，相比刺身部分就用多咗唔同嘅調味同處理手法去帶出食材嘅特質金目鯛炙燒完又香又滑，好食！自家製嘅醬油漬三文魚子冇平時食嘅咁重口味，鹹中帶甜😋北海道帶子同樣以炙燒方法處理，令到味道會再甜啲🆙吞拿魚經醬油漬後魚身更滑，柚子胡椒添加幾分辣味！然後到視覺效果一流嘅吞拿魚蓉海膽米通，層層分明，面頭以金箔點綴，師傅仲會即席灑上淡雪鹽，就如落雪一般，極盡視覺享受😎銀鱈魚西京燒嘅調味剛剛好👌🏼最後甜品係柚子雪葩🍧

當晚我造訪了瀧宴日本料理，這家鐵板燒餐廳位於商業大廈的26樓，環境明亮，讓人感到舒適愜意。我坐在窗邊位置，透過落地窗眺望著維多利亞公園的美麗夜景，燈光映照在球場上，宛如一幅水墨畫般的美景。餐廳的裝潢設計簡潔大方，木質桌椅搭配著懸掛在牆上的日本風格藝術品，營造出一種寧靜雅致的氛圍。在享受著美景的同時，我品嚐了一系列精緻的日本料理。吃鐵板燒，每一道菜都彷彿是一場美妙的旅程，帶領我穿越美食的海洋，品味不同的風味和文化。前菜中的自家制醬汁蘿蔔煮南非鮑魚，散發出微妙的香氣，鮮嫩多汁的口感令人難以抗拒，每一口都是一次味蕾的享受。刺身盤上的新鮮魚生更是讓我驚艷，當中waiter介紹我們由淡到濃吃（最後鯛魚包紫蘇葉吃原來特別有風味！）然後是金槍魚手卷，每一口都充滿了濃郁的海味，但是魚的味道卻不是太突出，手卷形態特別，比起傳統用紫菜包裹，這裏用了crunch來盛載魚生和飯，仿佛在口中綻放出一朵海洋的花朵。而主菜更是讓我感受到廚師的用心與技藝。海鮮茶碗蒸帶著清爽的湯汁，讓我感受到海洋的味道，尤其是濃濃的蟹肉及高湯，毫不吝惜，讓食客每一口都是一次對大海的回味！澳洲龍蝦和鵝肝伴自家制醬汁則展現了高級食材的獨特

慶祝嘅時候成日都諗去邊度食餐好，瀧宴日本料理 專貴鐵板燒鮑魚龍蝦鵝肝晚餐($880)人，有澳洲龍蝦都幾抵食！自家醬汁煮南非鮑魚 前菜用咗獨家秘製嘅醬汁煮南非鮑魚，鮑魚質地嫩滑，醬汁味道濃郁而不掩鮑魚嘅鮮味，口感豐富😌季節刺身中吞拿魚，深海池魚，石桓鯛魚首先食中吞拿魚刺身，色澤鮮紅，魚肉肥美細嫩，入口即溶，帶有少許油脂香味，令人一試難忘。深海池魚刺身 深海池魚刺身肉質細膩，味道清新，魚油含量適中，配上少許醬油同山葵，更加提升咗魚肉嘅鮮甜👍最後食石桓鯛魚刺身 肉質結實，帶有鮮明嘅海洋氣息，魚肉嘅甜味同海藻鹽同埋松露油油嘅鹹味同香氣互相交織，食落非常滿足😌海鮮茶碗蒸 茶碗蒸係用新鮮海鮮同雞蛋混合蒸製而成，蛋羹滑溜，海鮮嘅鮮味滲透其中，每一口都係濃郁嘅海洋風味，濃厚得有如湯羹，大滿足！蜆湯 清甜鮮美，湯底用咗大量新鮮蜆熬製，湯味濃郁但不油膩，飲落去有種回味無窮嘅感覺😚澳洲龍蝦膏炒龍蝦肉鐵板燒 呢道菜用新鮮龍蝦膏炒龍蝦肉，再用鐵板燒煮，龍蝦肉質鮮嫩，龍蝦膏嘅香味濃郁，每一口都係極致嘅享受🤤香煎鵝肝伴自家製醬汁 香煎鵝肝金黃誘人，外層的焦香與內裏的滑嫩形成強烈對比，佐以自家製的無花果核醬汁，平衡了

朋友請客來了「瀧宴」🥢 為了不想友人太破費便在精挑細選下選了正在做優惠活動的套餐，同樣豐富得捧著肚子走🐽▫️❥$𝟭𝟯𝟴𝟬 (ᴘʀᴏᴍᴏᴛɪᴏɴ ᴘʀɪᴄᴇ $𝟴𝟴𝟬)／ᴘᴇʀ ᴘᴇʀꜱᴏɴ 🍽️～～～～～～～～～～～～～～～～季節刺身：當晚三款分別為鯛魚／油甘魚／深海池魚🐟✂︎金鎗魚腩手卷：金鎗魚腩左了芝麻和青蔥，再撒上淡雪鹽，底下墊著白米飯，一口吃下很滋味🌯👍🏻✂︎自家製醬汁煮南非鮑魚：鮑魚肉質軟嫩🦪 底下的大根吸收了醬汁口感清新，入口即化😻✂︎海鮮茶碗蒸：熱乎乎又滑溜🥣✂︎澳洲龍蝦：用了龍蝦膏煮成，爽口的龍蝦肉顯得格外滋味🦞👍🏻✂︎香煎鵝肝半自家製醬汁：入口即化邪惡無比的鵝肝在無花果黑醋汁的配襯下油膩感大大減少🫶🏻 ✂︎美國頂級牛肉薄燒：加了不少的青蔥和炸蒜，美味無比🥩👍🏻西班牙黑毛豬：表面煎得焦香，肉質軟軟嫩嫩一咬爆汁，大愛🐷👍🏻✂︎季節吸物：看著那色澤已感覺到它的濃郁🫶🏻 龍蝦湯充滿著咸鮮味，熱乎乎來一碗最適合不過🦞🥣✂︎煙肉香蒜炒飯：蛋香撲鼻而來，粒粒分明的炒飯確實讓人無法抵抗🍚✂︎炒什菜：肥嘟嘟的芽菜清鮮爽口🥬✂︎精選甜品：冰爽Q彈的啫哩散發淡淡的水果香，清新美味🍧🫶🏻

Takiyan Dinner Tasting Menu日本南非鮑魚：鮑魚有半隻手掌咁大，肉質彈牙。季節刺身3款石桓魚：肉質鮮甜。深海大池魚：魚脂香味濃郁。吞拿魚：油脂充沛。吞拿魚一口酥：用最中餅載滿吞拿魚蓉，再灑上淡雪鹽，擺盤美得像幅畫。清湯：用大蜆熬製，湯頭鮮甜。海鮮茶碗蒸：蛋香滑溜，裡面仲有好多唔同既海鮮粒，滋味無窮。澳洲龍蝦：龍蝦肥美肉厚，師傅用埋蝦膏去煮個汁，再鋪三文魚子在上面，口感倍添層次。香煎鵝肝伴自家製醬汁：鵝肝煎得外脆內嫩，甘香美味，配上多士，食起嚟唔會有油膩感。美國頂級牛柳：牛柳肉質細嫩，肉汁豐富，配埋炸蒜片和青椒仔，份外惹味。炒什菜：有唔同種類既菇和芽菜，新鮮健康。煙肉香蒜炒飯：炒飯粒粒分明，材料豐富，每口都很滿足。巨峰提子啫喱：味道清爽。總結，餐廳食材高質，用餐環境舒服，又可以欣賞師傅手藝，雙重享受。

想食鐵板燒，第一時間就會諗起「瀧宴」，水準非常高👍🏻環境：在維多利亞港的映襯下，餐廳環境更顯氣派🌃食物每款都好滿意，當中最印象深刻就一定係以下呢幾款：口感有嚼勁的南非鮑魚，加上秘製醬汁，視覺和嗅覺的雙重享受😋嫰滑的牛柳入口即溶，肉汁豐富👍🏻龍蝦蝦肉好Q彈，食得出係新鮮的味道🦞炒飯粒粒分明，加左煙肉炒得又香又乾身好好味😋黎到尾聲的甜品是清涼的果凍，完美的一餐👍🏻👍🏻服務：會添加熱茶，做事夠晒細心💖

想試一間高質嘅日式料理❤️‍🔥就選擇咗位於銅鑼灣嘅瀧宴日式料理😆餐廳位於高層26樓高層位置景色開陽 好有氣氛今次就揀咗Takiyan Dinner Tasting Menu🙌🏻一共有超過10道菜式～✨自家製醬汁煮南非鮑魚鮑魚暖暖哋 自家醬汁唔會太過鹹 更加能夠提升鮑魚香味!!✨季節刺身三款當日提供咗鯛魚 深海池魚 吞拿魚🐟每個刺身都非常之新鮮～而且都係厚切 會更有口感師傅會即場喺面前客人面前切刺身💓✨金槍魚腩手卷超推薦呢一款金槍魚腩手卷❤️‍🔥超級多層次 最底嗰層係用米餅製成而米飯用咗有機米 再喺壽司面層灑上芝麻鹽等等作為點綴口感非常豐富😝 適合一啖過食✨海鮮茶碗蒸主要有蟹肉菇等配料 蒸蛋蛋質非常之幼滑 味道相對會甜味重少少✨澳洲龍蝦超推薦澳洲龍蝦🦞師傅會以鐵板燒嘅形式製作會喺客人面前即場將龍蝦肉起出龍蝦肉超級新鮮😆 不得不讚係個自家製醬料非常好味由海帶等製成鹹鹹地非常惹味😋✨香煎鵝肝伴自家製醬汁鵝肝會有兩塊 都係厚切油脂分布啱啱好😋 同多士超夾而且師傅會去少少油 食落口感唔會太過油膩✨美國頂級牛柳呢道菜會有兩個煮法～ 牛柳同肥牛分別以不同形式烹飪肥牛會包住自製餡料 口感層次豐富✨煙肉香蒜

⌇瀧 宴 日 本 料 理“ 🍱 “ Lunch Set ( $ 4 4 8 )瀧宴日本料理Lunch Set呢個價錢有9道菜，包括刺身、壽司同鐵板燒，超級大滿足🤩當日季節前菜有豆腐沙律，刺身有黑木魚同吞拿魚刺身，黑木魚香氣濃郁🎏然後精選壽司係依左木、池魚壽司，師傅已經為壽司調味，將魚嘅鮮味帶出🍣 接住到鐵板燒食物，首先有野生大虎蝦，非常有牛油香味，口感彈牙🍤 跟住係香草牛油帆立貝，底部有海帶汁襯托帆立貝嘅鮮味😋 下一道菜香煎鵝肝伴自家醬汁，睇到鵝肝係非常大！但唔會覺得膩😉 然後到牛嘅部份，食左米國頂級牛肉，厚燒同薄燒都試左，平時偏好厚燒嘅我覺得包住蔥嘅薄燒都非常出色，另有岩鹽同蒜片調味🥩 然後有炒什菜配自家製蒜蓉醬，蒜蓉醬味道好邖出！最後係鐵板櫻花蝦炒飯配麵豉湯完結美滿嘅一餐😋餐廳位於銅鑼灣Sugar+ 26樓，有落地玻璃飽覽維園同維港景色，光線充足，室內裝修亦有心思✨總括而言呢個午餐非常滿足，食物環境都好滿意，師傅亦細心解釋每一道菜，非常推薦👍🏻🦞瀧宴日本料理銅鑼灣糖街25-31號Sugar+ 26樓🍞#foodraah_cwb