影片
更多
2019-01-28
65 浏览
上星期日嚟到荃灣廣場行街，見到場內的餐廳都大排長龍，我同女朋友都幾肚餓，唔係咁想等，就去左享和街嗰邊揾下有咩食，俾瀛燒好有日本在地居酒屋既外觀吸引左，見d價錢又唔貴就入去揾位坐！今晚天氣幾凍，坐底無耐就有杯茶味香濃既綠茶飲下，暖暖胃！我哋行左成個下晝，都成隻餓鬼咁，見到餐牌有鍾意既野食就係咁點！點完睇睇張單我哋都俾落單姐姐手靚字嚇親，好耐無見過落單都會寫咁靚既字！落完單先有時間睇下間鋪既環境，餐廳分樓上樓下，樓下主要有一張廚師bar檯同幾張圍住bar檯既4人檯，樓底勁高空間感十足！裝修同喺日本一般既居酒屋極似！播住輕快既日本樂曲，我有少少去左日本在地居酒屋既感覺！bar檯除左有同廚師互動既機會，仲會聞到啖啖既梅香，細心d睇下原來係自家製既梅酒，最衰食完之後要揸車，唔係既話$45咁平，真係想試返杯串燒好快送到，好有咬口既雞軟骨同賢先嚟到，除了焦香外，仲有淡淡既鹽燒味道，跟本唔雖要加任何調味，已經好好味！下一個到既係燒原隻魷魚筒，賣相吸引，份量十足，$88 好抵食下！肉味幾鮮甜爽口，相信都係新鮮製作！跟住要強烈呢兩串串燒，就係燒牛舌芯同燒鱔，厚切牛脷燒得有咬口，肉汁完整保留，牛味香！另外燒
今晚天氣幾凍，坐底無耐就有杯茶味香濃既綠茶飲下，暖暖胃！
我哋行左成個下晝，都成隻餓鬼咁，見到餐牌有鍾意既野食就係咁點！點完睇睇張單我哋都俾落單姐姐手靚字嚇親，好耐無見過落單都會寫咁靚既字！
落完單先有時間睇下間鋪既環境，餐廳分樓上樓下，樓下主要有一張廚師bar檯同幾張圍住bar檯既4人檯，樓底勁高空間感十足！裝修同喺日本一般既居酒屋極似！播住輕快既日本樂曲，我有少少去左日本在地居酒屋既感覺！
bar檯除左有同廚師互動既機會，仲會聞到啖啖既梅香，細心d睇下原來係自家製既梅酒，最衰食完之後要揸車，唔係既話$45咁平，真係想試返杯
串燒好快送到，好有咬口既雞軟骨同賢先嚟到，除了焦香外，仲有淡淡既鹽燒味道，跟本唔雖要加任何調味，已經好好味！
下一個到既係燒原隻魷魚筒，賣相吸引，份量十足，$88 好抵食下！肉味幾鮮甜爽口，相信都係新鮮製作！
跟住要強烈呢兩串串燒，就係燒牛舌芯同燒鱔，厚切牛脷燒得有咬口，肉汁完整保留，牛味香！另外燒鱔做得外皮香脆，入就嫩滑有加，而且鮮味十足，趁熱加少少檸檬汁仲正！
食過串燒，主菜開始陸續出場，先嚟到既係極上御前壽司盛合(廚師發版壽司盤) ，賣相非常吸引，份量咁大一次個食勻咁多種魚都係$200左右，件件魚生都大大件，睇落非常新鮮，食落都好鮮甜，壽司盤入面有拖羅腩，金目鯛，三文魚，比目魚，油甘魚，海膽等，真係精心炮製！尤其件拖羅，入口即溶，唔係講笑！
食完盤壽司，我好期待既鐵板鰻魚飯就出場了！ 熱辣辣既鐵板令鰻魚上既醬油香味四溢，賣相又吸引！
待應好快幫我哋撈起d飯，令到整個飯底都變左帶點焦香既飯焦同充滿醬油既香味！鰻魚燒得幾惹味，皮脆肉嫩，$100 都唔駛就可以食到呢個飯真係抵到爛！
其實食完鰻魚飯都已經好飽，不過見到隔離檯叫左個賣相好吸引既海膽玉子燒，又忍唔住叫多份嚟食！層層香甜既玉子包住鮮甜既海膽，真係令人回味！可能玉子燒製作工序頗多，呢個後加既美食要稍為等多一陣，不過我哋都覺得好值得！ 食返去日本旅行時既味道！
埋單700 幾蚊，我同女友都覺得好抵食，皆因食物質素到環境都係值回票價，我仲馬上話俾我住荃灣既朋友知有呢間咁正既居酒屋添！
张贴
