瀛喜日本料理 (已結業)

成班老友咁耐無見，決定黎食放題，一來唔使煩叫咩菜，二來可以坐耐d吹下水。叉燒烏冬一班朋友想食乜都得，先黎個烏冬食食，呢份應該係讚埼烏冬，夠滑又煙勒，大家覺得一碗都係唔夠呀。牛肉豆腐鍋用料十足，牛肉夠簿，豆腐又滑，仲有金菇同蔬菜，成鍋都係健康之選。特色炸物食完健康野，係時候食下香口野，炸雞翼好香脆，而雞翼入晒味道。炸蠔包晒蠔汁係入面，一咬爆晒出黎，好鮮甜。仲有炸香芋，成粒甜品好食呀，芋頭味重而且好香，甜甜地幾過癮。雪糕放題各類雪糕好多選擇，連兒時最愛既大腳板都有，大班人一齊可以集體回憶，多美好。

蒜香牛柳粒幾好食, 牛肉幾’淋’, 配埋炸到脆既蒜粒 , 一軟一硬 , 口感好正 焗日本蕃薯仔D蕃薯仔細細粒, 粒粒都鋪滿左好重既牛油味 , 好香, 同蕃薯仔既甜味好夾 鹽燒三文魚頭燒得岩岩好, 調味不重,令三文魚本身的鮮味更突出 汁燒雞肉串燒有好多燒汁 令到雞肉好juicy, 完全唔乾,好好食

小妹又食放題啦由於當日極之肚餓 一坐低即時怒點最愛嘅天婦羅食！雖然有人話天婦羅只係點完炸粉就炸 可以令雪藏太耐既蝦都變得美味... 但真係有水準既炸蝦天婦羅 係炸完都係食到鮮蝦原本嘅鮮味同口感... 瀛喜正正就可以做到 炸粉唔會落得太厚 咬落去非常爽口食完熱氣嘢 係時候食沙律中和下... 出面日式食店(放題與否)嘅蟹籽沙律份量都好細兜 要食到夠喉最少要嗌2客... 但呢到啲沙律嘅份量係出面既1.5倍 (當然 細食嘅朋友要有心理準備 同人share就唔洗浪費啦) 重點：芒果同蟹籽亦非常足料！唔會妹仔(沙律醬/生菜)大過主人婆呢度嘅刺身也鮮甜可口 最正係一大碗上檯時擺到好次插出來嘅花盆咁靚 真係色香味俱全

同幾個朋友食飯，一個想食壽司，一個想食烏冬，一於去食放題，荃灣有間食放題幾出名，一於食呢間~由於平日，唔洗等位，可以直接入去食~ 選擇都算有好多，每人都點到自己鍾意食既~大大盤刺身拼盤外型非常吸引，而且刺身色澤靚，望落好新鮮，種類多到好似刺身大雜薈~ 個海膽好吸引，食落去果然冇令我失望，大大隻，又甜又鮮味，呑拿魚腩好滑好有口感，魚鮮味濃郁，仲有我最愛既甜蝦，甜蝦好鮮好甜，刺身最重要新鮮，所以呢度既刺身好正，放題有咁既質素，性價比超高~芝麻八爪魚前菜芝麻味香，個醬好入味，八爪魚爽口彈牙，不俗金翅海哲前菜出乎意料之外地好好食! 酸咪咪，海哲非常爽口，加上金翅，囗感好豐富，惹味，非常開胃～炸雞軟骨炸粉不太厚，而且有咬口，唔會太油膩蟹膏蟹棒壽司有一小舊蟹膏喺蟹棒上面，令到整件壽司好有蟹味，好特別~甜品大量雪糕，雪米糍，雪條供應，總有一樣大家鍾意!賣單毎人都係一百多少少，已經有咁既質素，超抵食，識食放題一定去灜喜~

天氣無咁凍可以唔打邊爐, 轉食日式放題, 就算食刺身都唔覺凍.去左荃灣比較新既瀛喜, 記得新開果陣好多FD都黎食過話OK, 但我咁耐都未有時間, 呢輪唔洗加班, 一於黎食.訂左較早時間既6點入坐, 就算加埋一都係唔洗2百蚊. 野食都有好多款, 十張八張野食紙任揀.一睇張刺身紙基本上都啱晒我口味, 加埋都成10款, 所以全部要D. 等左一陣個刺身拼盤就上枱, 刺身放得好整齊精美, 好新鮮. 北寄貝, 象拔蚌好爽口, 甜蝦帶子等好鮮甜, 三文魚吞拿魚好有魚油香, 而且好彈牙. 剩係食呢D刺身已經好滿足.跟住開始食熟食, 要左雞腎串燒, 爽口煙韌, 唔會咬唔開. 汁燒雞肉串燒個汁甜甜地, 雞肉夠嫩. 蒜心串有鹽響面頭燒, 咸咸地惹味得黎蒜心夠爽口. 燒翠玉瓜夠JUICY, 唔會乾晒.仲有蒜香牛柳粒, 一口牛好易食, 牛柳夠嫩有咬口, 夠JUICY.前菜既八爪魚, 呢個正常, 八爪魚爽口, 汁亦算多.海蝦天婦羅, 雪場蟹腳天婦羅, 炸皮唔會太厚亦唔油, 蝦爽口彈牙, 雪埸蟹肉夠軟熟, 無雪味.

是晚表姨甥生日，咪同佢食放題慶祝下。由卞我住沙田佢住天水圍既關係，咪揀左間喺荃灣既放題食下！當晚狂嗌野食，但因為好肚餓，結果都冇咩影過相。。。一入去，感覺唔差，至少裝修格局係我 BUY 既風格 (誤!)入返正題，嗌左 d 串燒，有雞腎、翠肉瓜等等，其實嗌左咩都唔太記得 lol但以燒物黎講，算唔錯~ 起碼唔會燒到乾爭爭先其實仲食左好多野，不過已經餓到相都冇影，一上檯就狂食...刺身方面，萬萬估唔到呢度有海膽食！！！即刻鯨吞！由於價錢關係，其實預計質素唔會太好。但又令我喜出望外 wo！日本放題必有既芝麻雞翼當然有嗌黎食，雞翼好入味，唔會整得太老搞到 d 肉「鞋」口。當然仲有我最愛既紫薯波波，真係不得了！花之戀、甜蝦、三文魚等等必食，三文魚夠新鮮，食落有少少油脂香，做到真正既齒頰留香！

一向都鍾意食放題，貪佢乜都有得食，而且仲可以任食，已經試左旺角尖沙嘴銅鑼灣既放題，今次一放去荃灣食，一心抱著應該差唔多既想法，但估唔到放題黎講，荃灣呢間都竟然做得咁出色!刺身拼盤賣相非常靚，仲要出哂煙，好夠凍，不過最重要係好多不同種類既刺身，三文魚口感新鮮，海膽非常鮮甜，呑拿魚腩鮮滑...有圖有真相，一望落就知正正正正!!!前菜:八爪魚仔八爪魚仔好爽口入味加上芝麻味，正，一個人食左兩碟仔芝士焗帶子好香濃芝士香味，加上帶子鮮甜彈牙，必食之選!天婦羅芝士輪/蕃薯/蟹棒個天婦羅粉比較薄，唔會好厚身同好粉，芝士輪一咬落去，芝士漿bit 哂出黎，熱辣辣，出面嗰層好彈牙，好有咬口~個蕃薯切到薄薄一片，有咬口得黎唔會濟~而個蟹棒鮮甜，又有少少彈牙~ 串燒蝦個蝦好彈牙同甜，肉質彈牙，一d都唔梅，以鹽燒方法，增加蝦既鮮味~大量飲品超正地有檸檬茶，仲有各式各樣既飲料~餐廳食物質素好，刺身新鮮，味道都煮得好好味，而且服務態度一流，完全冇甩單，又好有效率，放題黎講真係好有驚喜!

放工一班人路經荃灣搵野食，行下行下，見今日lunch食得唔飽，決定晚餐食返個放題滿足下。燒羊架，啖啖肉呀，小小蘇味先叫做羊肉呀。肉質唔鞋口，而且裡面充滿肉汁呀。特色壽司有左口魚壽司，魚油味唔重，但係魚質夠嫩。仲有火炙三文魚壽司，火炙味令三文魚魚油味無咁重，而且口感層次感增加。呢份迷你龍蝦沙律壽司，一啖就入口細細舊好易食。呢個配搭都幾fresh, 夠新穎呀。煲仔翅，雖然唔係真魚翅，但用料無馬虎，竹生，蟹柳，素翅，街邊碗仔翅絕對無得比。炸雞軟骨，炸得非常香口，裡面軟骨都好脆，外面就有椒鹽粒吊味，好惹味。日式炒雜菜，夠健康，而且軟軟淋淋，食完肉類再食返菜就清清腸胃啦。除左食品，飲品都係放題，款類超多，汽水又有，檸茶又有，滿足到好多人既選擇。

約左好姐妹食野, 唔出九龍近近地響返荃灣食, 佢提議食放題, 因為可以逐D叫, 有多款式. 佢咁講我就諗起路德圍有間放題開左一段時間都未食過, 一於訂定位. 6:30PM前入坐$198/位, 2小時任食.一上到去見地方好大, 卡位好多, 好闊落. 兩個人張枱都夠大, 放晒野食都夠位.至於種類夠多, 而且款都好多選擇, 花多眼亂.第一round個個都叫刺身, 我地都唔執輸, 先要左三文魚, 吞拿魚, 玉子, 馬刀貝, 甜蝦, 象拔蚌, 油甘魚, 鮑片, 八爪魚等等.  基本上樣樣都好新鮮, 無雪味. 最正係甜蝦, 好鮮甜有蝦味. 象拔蚌同馬刀貝好爽口, 魚類刺身亦都好彈牙.原隻帆立貝芝士焗, 芝士味唔算太濃, 淡淡地都好香, 帆立貝大大粒而且好爽口彈牙.前菜螺肉, 都好爽口, 唔辣, 份量少可以叫多幾轉.吉列蝦, 呢個炸得好脆口, 唔油膩, 再配埋蝦爽口, 又爽又脆好味.燒羊架, 肥瘦適中, 油脂豐富, 羊肉味濃, 又唔會太燶.翻叫左幾轉, 整體無漏單, 而且速度都幾快, 而且熱食食品夠熱, 真係即整.

今天同男友去荃灣行完街同男朋友去了瀛喜食放題，見到甘抵$93 蚊就食到放題真係好抵食。估唔到98 蚊放題都有好多野食首先食個花之卷花之卷的三文魚都厚唔會好薄而且好鮮味加上沙律醬好味喜之卷原來是甜蝦海膽魷魚反卷甜蝦鮮味海膽魷魚味道濃郁，如果反卷內有餡料就更加好瀛喜之卷是海膽吞拿魚紫菜反卷濃濃海膽好鮮甜，加上吞拿鱼味道不錯芒果大蝦紙米卷芒果大蝦卷 ，味道清新，芒果味鮮甜，大蝦彈牙，紙米卷好味banana反卷香蕉pan cake 當甜品一流刺身十分出色，味道好鮮味三文魚好厚切，脂肪均勻吞拿魚味道濃郁玉子好滑好好食帶子肉厚，鮮甜牡丹蝦好大隻好鮮味海膽味道好濃郁，完全無苦味墨魚，馬刀背，鮑魚都好味，唔會好難咬火灸三文魚火灸三文魚油脂好多配上蔥花令唔會太油膩辣炒魷魚不會太辣味道濃郁配上紅黃椒食彈牙可口最後食了榴槤雪條榴槤味好濃郁好好味!

近期好多日式放題店做優惠而且早食優惠更多今日係荃灣食完個brunch去到5點幾已經餓到顛見到瀛喜有2人同行1人半價的情況下立即排隊食返餐勁雖然時間尚早但已經人山人海食放題當然第一樣就叫刺身見到樣樣都好吸引就點了一個全餐 有三文魚 吞拿魚 凡立貝 甜蝦 玉子 八爪魚同象拔蚌個擺盤已經型哂已經食落十分鮮甜三文魚甘香八爪魚及象拔蚌唔會成件像膠咁不過甜蝦就細隻咗少少但都係鮮甜唯有食多幾隻補數到熟食一口氣叫左幾件羊架 肥美肉厚而且熱辣辣外表有焦香推介必叫食品另外炸物叫左芝麻雞翼同芝士紫薯波波 雞翼香脆係即叫即炸外脆而內裹肉質滑滑紫薯同芝士好夾一咸一甜好好食蔬菜類就有焗日本牛油蕃薯 一口一粒好易上引而燒菠蘿甜而多汁 埋單三百蚊唔洗可以食到飽飽可以encore 多幾次

情人節要同另一半吃什麼好，相信對一眾男士來說都是每年都要頭痛一次的問題。今年女友主動說，簡簡單單就可以，提議食放題，叫我物色地方。(聽到女友這樣說，問題即時解決，暗喜中)最後揀了荃灣瀛喜。中午時間來到，人不算太多。看了一輪菜單，店員主動詢問會否嘗試由店方為我們製作一個二人份的刺身拼盤，亦問了我們有什麼是不吃的。好吧，就試一試。二人份量的刺身拼盤，份量剛好，不會太多。而且賣相亦不錯，感覺食材都很新鮮。而解凍亦做得不錯，食物入口不會冰冷，有雪味。其中必食的應該是深海紅象拔刺身，口感爽脆味道鮮甜。吞拿魚赤身－賣相相當吸引，可惜我是不吃吞拿魚的，女友說味道不錯，口感結實但不韌。火炙三紋魚腩－總共點了三次，因為真的很好吃。三紋魚腩的油脂經火槍高溫快燒後，部分油脂溶入飯中，而魚腩表面略帶焦香。加上蔥白和沙律醬調和油膩感，相當不錯。燒鯖魚－這是個放題人必吃的，皮脆，不腥，但略為燒乾了一點，但整體都可以。海老天婦羅－醬汁少了點蘿蔔蓉，如有就更好。芝麻雞翼－皮炸得很脆，咬落仲有肉汁，本想再點，因為熱氣被人制止了。基本上一般的日式放題食物都有提供。雪糕就有雀巢系列（$148難道你想有哈根蒂斯嚒）因為早到關

放工約埋一班朋友去食飯，因為諗唔到食乜，最終揀咗食放題，所以今晚就嚟呢度試下～7點到達，唔算太多人，好彩唔駛等位。坐低即刻睇下order紙，種類都幾多，花多眼亂，就亂點一堆啦～～～ 襯未有野食，周圍睇下，附近有幾個大雪櫃放飲品，種類都有好多，啤酒、汽水、綠茶、果汁先生、蘋果茶等等，再望下雪糕櫃，種類好多，雪糕雪條糯米糍差不多有十幾款，好鬼吸引，最正係有細細個成日食嘅孖條呀～～～ 最值得推介嘅有刺身壽司，三文魚夠新鮮同肥美，壽司細細件，食完唔會頂住！紅蝦，大大隻，夠曬鮮甜！燒魚，燒得剛好，外脆內軟，不錯！炸物，炸得好乾身，好夠脆，正！羊架，又係燒得剛剛好，好林，好食！

食放題，指定動作 - 叫刺身！刺身有心思加一小杯乾冰出煙， 刺身新鮮厚身大件，有頭甜蝦，特別鮮甜！ 野飲方面，竟然有放題中好少見既支裝飲品，有菓汁先生有茶有汽水，讚喔！ 食小食，火雞腎，少少辣，好爽口入味，不知不覺就食晒啦！ 炸物新鮮出爐，件件都香脆可口又唔油膩，吉列蝦爽脆口，炸雞翼好入味，大小適中！ 推介日本蟹粥，一煲得一份蟹連蛋花同粟米粒，鮮味十足，粥底又綿，一鍋大約三碗仔，忍唔住encore 多一鍋呀！ 再黎個魷魚鬚，好惹味，又爽又香！ 仲漏左兩個好好食但唔記得影相既羊架，真心推介，平時個啲羊架少肉到好似係骨頭大個肉，呢個唔止啖啖肉，而且好香羊味但唔酥！另一個係一口牛，鬆軟多肉汁，仲好重牛味，加上少少炸蒜 ,正！ 甜點，䁔粒粒既芝麻糊好香好滑！ 雪糕太多選擇啦，點揀好！有我細個最愛既大腳板，還有一些韓國雪條！

荃灣放題依家好似好少咁！又或者質素麻麻！今次試下新野！就係路德園！地點方便！一定識路！佢係樓上鋪二樓！大家食開放題都知第一轉係大包園家啦，攞哂所有紙先！ 佢既款式好多，不同種類刺身真係每次放題既重點！如果唔新鮮真係唔會有下次！呢間比我想像中質素好好多，三文魚肥美，紋路平均，帶子雖然細粒，但鮮甜，唔會淋哂！蝦好大隻，呢個叫左幾次！質素全部都好好！ 沙律，食親放題都佢，呢個簡單，但有啲真係可以整得好難食！但呢到整得好好味，青瓜唔會乾身，保留水份，蟹柳一啲都唔小家，量都幾多，重點唔係好假既蟹柳做成！呢個叫左三次！真係好鐘意食！ 呢個係當晚既特別推介！阿根廷甜蝦，較大隻，夠甜！友人食左10隻！成日食放題都未必會食壽司，一黎太飽，二黎多數質素差啲，無謂佔左個肚既空間！呢間都係膽粗粗試下！有驚喜喎，和牛壽司堅好味！同行既都每人食左幾次！燒得岩岩好，肉質真係有啲似和牛！海膽手卷細細舊，一啖就食左！無奇怪味道！花之戀普普通通！燒物，好多款，青魚同三文魚頭都好好味，唔會整到好乾身，保留魚既滑身，加上檸檬！太好味啦！羊架都好推介，肉質唔會死實實！出奇地淋身，仲有少少肥痴埋一齊！呢個真係要食！