濟州燒肉食堂

营业中

休息中

Absolutely delicious authentic Korean food coupled with an awesome lively vibrant and spacious atmosphere. Booth seating by the window was very comfortable and the staff was friendly and eager to accomodate. The dishes were reasonably priced and the generous portions of Wagyu beef left us satisfied. Overall well worth the experience. Needless to say i will be going back again to try other menu items.

今晚約了N吃晚飯，她很喜歡吃韓燒，我即時諗起 “濟州燒肉食堂“，之前食過一次，覺得食物質素頗高。餐廳面積相當大，座位寬敞舒適， 每一個座位都有獨立抽氣系統，沒有太大油煙味，乾淨整齊。前菜~好豐富的前菜，有生菜沙律，醃青瓜，大豆芽，醃蘿白和泡菜，又健康又開胃，仲可以無限添加，正！另外還附上生鮮生菜一碟，用以包肉食。未開始燒肉前，店員先在爐的两邊放上芝士粟米和泡菜蛋，大約30分鐘後就食到拉絲芝士粟米和滑捋捋的泡菜蛋，很滋味呢！食堂韓牛拼盤$218~3款牛分別係牛小排，牛五花和牛舌。牛舌又大塊又塊又薄身，口感爽脆，牛舌味香濃，好好味。牛小排油脂含量豐富，肉質軟嫩多汁，用生菜包住食真的非常滋味。牛五花~油花細膩， 肥瘦適中，肉味濃厚鮮甜。特選黑毛和牛貝身肉$198~ 油花豐富，肉質軟嫩， 口感嫩滑，入口即溶，肉味香濃，好好味呀！芝士生蠔$88~蠔又大隻又飽滿，以大量芝士墊底，放於爐上大約十分鐘就可以食得，蠔十分新鮮，帶海水的甘甜，啖啖肉，再加上芝士味香濃的拉絲芝士，真係好好味呀！濟州豪塊快毛豬五花肉$168~表面燒得焦香， 肥瘦相間，口感爽脆彈牙, 肉味香甜。人參雞湯$188~落左成隻雞，以爐

因餐廳滿座，第一次要體驗坐室外吃韓燒。樓上住宅滴水在餐枱上，感覺很不舒服。其中一張椅是濕的，褲子都弄濕了。要求坐回室內，老細推搪說要等，無奈繼續點餐。燒豬肉，五花腩都無乜味道。最後因蛋漿不能凝固，不能吃。另外，真的受不住上面住宅大廈滴水至爐邊蛋漿，再次要求坐回室內。這次要員工幫口，老細最後才批准坐回室內。這算是本人最差一次的韓燒經歷。如果不是冬天或下雨之後，被安排要坐室外用餐的話，強烈建議不要試。

門口接待台，等了很久才有人，而且態度亦不太好。到我們入坐的時候，我們點了3個飲品，啤酒不用5分鐘就到，特飲問了2次，過了10分鐘才到。。。而可樂，😅問了5次，吃完晚飯才到。小朋友那天只喝了餐廳提供的水。食物不過不失，但是不建議叫豬皮，燒完後好像吃漿糊一樣，應該醃製時間太長 。生菜及前菜可以加叫，我們叫了服務員加生菜，問了2次也末提供，再問時態度超級差。我們當天也叫了炒粉絲，但太多黑胡椒，而且好似炒到漿糊咁⋯小朋友完全吃不到，第一次吃加了黑胡椒粒的炒粉絲。我們加了單及叫了一碗白飯，但是，到我們吃完所有燒肉也沒到。與尖沙咀店相比，此店整體服務質素簡直非常差⋯⋯真是非常差的一次體驗。

又打風啦！天氣不似預期，但係呢度都仲會開，而且總要食飯㗎🤩呢間韓燒有套餐又有得散叫，食堂韓牛拼盤（$218）有好香口嘅醬燒牛舌、牛五花、牛小排，通通都好有牛味！特選黑毛和牛上貝身肉（$198）食落軟身好多肉汁。人蔘雞湯（$168）最適合秋冬，飲完個人暖粒粒🥰一盒芝士生蠔($88)有六大盒，成盒放上去燒方便又快熟，鍾意海鮮嘅你就唔好錯過啦！旁邊仲有任食嘅爐邊蛋同埋芝士粟米，食晒記得叫佢添加，實在係好滿足呀🤩

今日放工已經聽到明日有機會掛8號風球，今日當然要大吃一頓，今日食既係韓式燒肉，但食完身上一d味都冇，證明抽風吾錯。食堂韓牛拼盤大蔥切牛舌，牛小排，特選牛五花。三款肉各有千秋，牛舌超大一片，肉質一流，牛小排上，睇到牛肉既紋路已經知道好味，燒一燒牛味已經好出。黑毛和牛上貝身肉我身邊既牛魔王又點會放過和牛，一定要叫一碟，和牛，油花好靚，一放落爐，好快已經燒到好香，肉汁超豐富，加上其實靠窗邊坐係無敵大海景，真正既美食美景。濟洲豪快黑毛豬五花肉五花肉，好脆，燒兩燒好脆，夾生菜就岩岩好，中和一下，再夾少少韓色豆瓣醬。一盒芝士生蠔驚訝的是只是$88，真係超值，超超超值，6隻咁大既蠔，每隻都用錫紙裝著，與厚厚既芝士一齊煮到熟，一口芝士一口蠔，蠔又新鮮。人蔘雞湯韓國料理之選，加紅棗，蔘雞裡面本身有糯米，可以話係做法好正宗。職員會細心幫你剪開隻雞，慢慢嘆，湯完全冇油，超好味。最後整兩杯，梅子青檸梳打濟洲特飲，一杯飲一邊食，睇海景

星期日放假，一家人輕輕鬆鬆出街食下嘢， 喺openrice網上預約了這間韓燒， 好彩有預約， 如果唔係就要排隊等位。 訂位的時候request 窗口位, 不過入咗嘅時候佢話full曬, 最後坐近門口。今次叫咗個「濟洲五花肉套餐」， 套餐包大八爪魚鬚丶濟州五花腩丶 牛小排丶 醬油梅花肉丶 牛脷和韓式炒粉絲， 套餐唔包嘢飲和白飯。 佢哋上菜嘅速度超快， 食物質素可以， 都算新鮮， 不過佢哋嘅員工係完全冇笑容， 除咗幫你落單， 係唔會講嘅， 例如ok, 多謝一句都冇， 依度用餐限時90分鐘， 如果你唔需要任何服務而想食韓國嘢， 都可以考慮。 今次三個人埋單連加一，HKD646. 5😄

濟洲燒肉食堂 今晚過左黎開飯,派左消費券,食豪D囉今次朋友訂左位,北角匯商場中有間正宗韓式燒肉專門店今次睇完餐牌決定試呢幾款,食盡韓牛,日本和牛,仲有黑毛豬腩肉食堂韓牛拼盤  韓牛厚切牛舌片, 特選牛小排 牛五花 每款4件一碟就有12件韓牛肉, 牛舌厚切脆爽,燒完食落不用調味,已經夠濃味牛味濃郁,口感脆爽鮮嫩,牛小排油花平衡分佈,燒至5成熟味道剛好,又濃又香,口感軟嫩另一款係醬油醃左既牛五花肉,帶淡淡甜味,口感帶脂香之餘好重牛肉味道特選黑毛和牛肉 黑毛和牛,接近一半以上都係油花,燒約30秒就食得,又肥又嫩滑,入口即溶濟州豪快黑毛豬五花肉  原條豬五花腩,肥瘦平均,油脂多,燒得黎好搶火食到8成熟就可以剪細件放爐邊燒多一陣,油脂甘香肥美,脂味鮮甜,肉味甘香,配生菜泡菜一齊食味道不會油膩仲好鮮味芝士生蠔  滿滿既芝士加上飽滿蠔肉,燒到收乾水就食得,一口蠔鮮又帶芝士濃醇滋味人蔘雞湯 呢個我覺得係必食之選,好正宗,原隻雞放滿人參同各種食材,雞肉鮮嫩雞湯香甜清新,完全唔油膩仲好好飲,糯米吸曬雞湯好似食緊粥底,好香又綿抵食又正宗,服務都唔錯,仲有海景,值得一試消費$800評分8/10

本身因為見有outdoor所以book呢間餐廳但因為雨天問題 outdoor唔開（都好理解）Book 8:30 枱，等左一陣就入座。➖環境Indoor 既座位環境都幾好抽風一般 ，一入到鋪見到好大煙👎🏻➖服務一般👎🏻👎🏻👎🏻👎🏻態度麻麻 由入座直至關門前6分鐘先提10點關門 ，然後一到10點（已經拿拿林走人）仲有5-6枱客食緊 即刻熄哂全場抽風 冷氣。由其個經理催食客淨返6分鐘&夠10點 語氣都好差。👎🏻另外，係食野其間 職員開我地枱邊櫃桶拎餐具去set隔離啲枱（至少有3-4轉），其實係咪真係要係呢個櫃桶先有餐具？（明明見另外幾張枱無客 同樣有餐具櫃桶，點解唔係其他位到拎，同埋已經9點幾 真係要趕坐set隔離枱？咁樣真係好騷擾食客。）➖食物一般 👎🏻👎🏻👎🏻👎🏻海鮮湯：足料，但淡到清湯咁海鮮煎餅：足料，但一夾就散🙃黃金厚5花腩：勁瘦&好‘鞋’*食材sold out 直接換第二樣野上枱🙃然後問staff ，先至講賣哂 （正常唔係應該通知食客 sold out既咩，點會換其他食材取代🤯）➖衛生差👎🏻👎🏻👎🏻👎🏻👎🏻一坐低 見到張枱好多一達達 自己拎濕紙巾抹 成張濕紙巾都係啡色🙃 （明顯係

好掛住韓國，有一晚電視做韓國旅游節目，已經心癢癢好想食韓國嘢，又想起濟州旅行食嗰啲豬腩肉真係好好味，上網搵到呢間人氣高既海景🏖️燒烤餐廳，一早網上預約，食好西一定要預約，walk in 無位，到時好掃興，預約晚上7點，6：45分到都要等位，限時⏲️90分鐘！店員安排座卡位，海景🏖️，正呀！點了店員推介“濟州燒肉”4人燒烤套餐，套餐入面“墨魚”我哋唔食，店員給我們換了豬護心肉，夠細心，加分無論你點什麼菜式，都已經包左芝士粟米，燒蛋，各種泡菜燒肉上菜，未食己經好吸晴，樣樣賣相一流煙肉燒大蝦估唔到未到咁夾，隻蝦勁大隻跟餐送炸醬麵，好友去咗韓國嘅感覺追加韓國海鮮湯，好多海鮮好足料，好鮮甜啲肉燒完，基本上樣樣都好味，食到每樣肉類，都用唔如醬汁醃製，感想💝: 呢間餐廳，令我走到韓國既感覺，氣氛好好，不過人手唔係好夠，建議一次過點菜！

揀咗食餐好嘅，最開心就係叫到成枱嘢食，之前已經黎過濟洲燒肉食堂食晚飯，冇黎一排質素一樣都係咁正正～ •🥩食堂韓牛拼盤 特選黑毛和牛上貝身肉 🍖濟州豪快黑毛豬五花肉 芝士生蠔 🥘人蔘雞湯去食韓燒最開心一坐低服務員就會fill滿燒烤爐旁邊嘅芝士粟米同埋泡菜蛋，仲有好多可refill嘅韓式小食，每款食物都好夠份量，肉質鮮嫩，食堂韓牛拼盤入邊包括有精選牛五花，牛小排，大蔥切牛舌！ 濟州豪快黑毛豬五花肉，超好味，肥得黎無肥膩感，芝士生蠔更加係覺得出色，隻隻生蠔都肥肥滿滿，勁好食❤️人蔘雞湯，有成隻雞喺裏面，入口甘甜，鍾意雞湯嘅人一定會鍾意呢一款😗🍹荔枝梳打柑橘梳打•最後買單大約$1000左右平均每個人五百幾蚊食到飽飽好滿足•

坦白講韓燒都好多間都很出色，今次專登由九龍走過來試食，是因為這間店有海景，跟朋友分開訂位註明要求海景位，去到同接待查詢，他說未能安排，結果坐在門口兩旁的卡位，唔好意思都沒有一句，我們兩家人利用這個平台訂位，很多時餐廳都會致電說明可以安排到有利位置，或者有交帶，這都算了，成間店的服務員，我形容他們的工作態度是無奈，好像不願意服務，都體諒應該人手唔夠，叫服務員沒有禮貌都算了，每次起碼要叫第三次才有人走過來，坦白講都不想再加食物，其實食物質素不錯的，不過點解韓燒沒有前菜提供，沒有泡菜品嚐，因為服務員關係，我們都不想查詢，坦白講都不會再幫襯，比預期真的有點失望！

由於openrice訂位時間唔太岩，諗住早d去揾位，點知企左門口好耐冇人理，取票又唔係自助，企左十幾分鐘以為咁快有得入啦，點知，入到去俾個勁怪既廚房位，好嘈又污污糟糟咁但唯一優點係一叫人就有人理，個水吧同事都好好既，好快幫手落單開爐，但係始終太近，好嘈！成個menu其實唔多野，2至3人套餐都588，但d散叫燒肉每款都2xx起，感覺好似迫住要揀套餐先抵，但其實唔算好多野食，所以埋單加一640，其實好貴。個d肉其實唔差，一定好過漢和，個五花肉冇咩肥，牛小排都好食唔肥，但係得4舊仔

觀塘放工行去碼頭搭船去北角，緊係要食餐燒肉啦。呢間濟洲燒肉真係一如既往，都係咁高質，事前好在有訂位，所以唔使點等。呢間啲小碟好好食，例如泡菜，蔔葡，芽菜等等都好正。事不宜遲，先介紹返今次食嘅肉類，有食堂韓牛拼盤，特選黑毛和牛上貝身肉，滿足鍾意食牛嘅朋友仔，上枱時望落都好靚好新鮮，燒起上黎啲牛味好出，有啲可以點啲鹽調味，有啲本身醃好左夠哂味。而豬肉方面，濟州豪快黑毛豬五花肉好大塊，燒嘅時候都要剪開兩塊先至擺到上烤爐，熱力迫出油脂好搶火，燒到金黃色之後再剪多啲細塊嘅，第一啖已經好感動，被佢嘅油脂打動左。之後就係海鮮環節，芝士生蠔一客有6隻，隻隻都好大粒，經過加熱後啲芝士溶哂浸滿哂成隻生蠔，之後連埋芝士一野啪入口，正到不得了。而濟州海鮮鍋裡面有鮑魚，青口，帶子，蝦等食材，豐富到一個點。整體上，呢間嘅野食種類繁多，總有一樣岩你心水，間中過黎北角呢邊食燒肉都咪話唔過癮。

九月興中秋，梗係捉埋屋企人過嚟一齊食燒肉啦🤩 依間餐廳之前食過一次，味道非常高質，隔咗咁耐，今次再嚟試吓，睇吓有冇意外驚喜先🤣同以往一樣，餐廳人氣超級高，嚟到已經好多人，所以想食嘅朋友，記住要早啲book位啦！因為真係好搶手！餐廳環境勁闊落，而且抽風做得好好，就算食咗全程，都唔會成身油煙味👍🏻我哋叫咗一個食堂韓牛拼盤估唔到份量十足！嚟到先知原來係咁大份，雖然份量好多，但係質素亦都好高質，尤其是裏面嘅韓牛，超濃嘅牛味，脂肪同埋肉嘅比例啱啱好，做到入口即溶嘅感覺🤩另外仲叫咗特選黑毛和牛上貝身肉，同埋濟州豪塊黑毛豬五花肉兩樣都10分出色，用非常鮮嫩，就算燒過之後都唔會流失肉汁一盒芝士生蠔🦪強烈推介必食！生蠔超大隻超級鮮甜濟州海鮮鍋🦞材料10分豐富💕最後仲有兩杯梳打，唔會太甜，清熱解渴