濟州燒肉食堂

营业中

休息中

懷孕之後一直都無乜大飲大食，不過踏入孕中期就突然好想食好多肉，所以就去左食韓燒。.🍴豪快濟洲黑毛豬拼盤拼盤有3款肉：五花肉，豬梅頭同豬脊肉，肥A最愛豬脊肉，好彈牙爽口，豬梅頭都好嫩滑，五花肉就略嫌肥左啲，不過就好耐燒。所以都有再encore多一條。🍴特選黑毛和牛上貝身肉好薄好嫩滑，友人大叫好juicy🍴芝士生蠔一碟有6隻，隻隻都好肥美，上火慢慢燒，睇住啲芝士溶再卜卜咁滾跳，好正呀。🍴濟洲海鮮鍋入面超豐富，有蟹、大蝦、鮑魚、大硯、青口，塾底有海量嘅荳芽，中間仲有半隻雞，湯底睇落好辣，但係其實好清甜，一啲都唔辣。豆腐吸左啲湯汁，好好味。如果有粉絲就更佳。🍴韓式前菜肥A最愛個泡菜，甜甜地又唔會好辣，涼拌荳芽都不錯，小青瓜就比較兒童口味，有果汁味，蘿蔔就不好了，個人覺得太辣。🍴梅子青檸梳打梅子同青檸原來幾夾，食左咁多肉，都解膩，不過就愈飲愈淡.🍴柑橘梳打呢個一飲就好淡，但係愈飲就愈濃味，柑橘都好清新解渴，果肉仲好甜。

好耐未食過燒肉，幾個朋友今日去放肆食返餐好既。好在有book位，聽到店員同walk in既客人講滿座個刻我都好驚訝，7點半就滿晒!食堂韓牛拼盤，包特選牛五花，食堂牛小排同大蔥切牛舌。牛五花厚度適中，牛小排入口軟腍，有埋醬汁醃過好味，牛舌香濃牛味，好薄易入口。豪快黑毛豬五花肉，非常大塊又夠長，用胶剪將佢切成一舊舊燒，非常搶火，脂肪入口即融。最後分左3次先燒完，整做生菜包最正。特選黑毛和牛上貝身肉，紋理均勻脂肪分佈平均，非常嫩滑香濃牛味。大八爪魚鬚，非常肥美粗壯又有嚼口。人蔘雞湯，好大鍋，全隻雞慢慢燒，店員仲好好按時幫手剪好雞件，雞肉嫩滑! 仲釀左糯米，有特色!食燒肉都係要飲凍野先爽，所以叫左柑橘梳打同荔枝梳打，兩杯都有配果肉，亦調得好飲夠味亦清新，唔係只有甜味糖漿。一開爐仲有四款韓式前菜同埋沙律、生菜籃。除左燒汁，鹽同燒肉醬外，每邊爐仲加上粟米芝士同泡菜蛋，鍾意點樣配搭黎食都可以。

今日約左朋友去北角匯到食左一餐CP值勁高既韓燒。首先要講一講配菜有成4種咁多「泡菜，芽菜，青瓜，桃」仲有沙律 同 生菜。今餐真係不得了，叫左個食堂韓牛拼盤，特選黑毛和牛上貝身肉，濟州豪快黑毛豬五花肉，芝士生蠔，濟州海鮮鍋，叫左兩杯野飲，荔枝梳打，甘橘梳打。D 肉類新鮮到不得了，我最欣賞就係嗰個芝士生蠔，芝士勁多，超爽！海鮮鍋都好足料，鮑魚青口蟹蝦乜都有！勁大煲。食到捧住個肚走…呢間餐廳絕對適合食肉獸去！

好耐無去北角，發現新開既北角匯外面裝修極似韓國既地標商場‼️一去到吸睛度十足🌟而且地面就見到大大間Chef & Taste💥係一間食品種類極多既韓國百貨商店🏬除左乾貨、零食、急凍食品仲有熟食同自家製泡菜，好多係外面都好少見😍行完之後發現商場有間濟州燒肉食堂，配料同芝士粟米🌽同爐邊蛋🥚同一般燒肉一樣係任添既，配菜尤其係泡菜甜辣度岩岩好幾正🔥🥓🥩❐ 大八爪魚鬚⟰第一次燒肉叫大八爪魚鬚🐙一黎到已經嚇親因為真係💥超大！⟰剪開一粒粒再放上去燒慢慢會有燒八爪魚香，有d似街邊香噴噴燒魷魚♨️⟰一入口層脆口Q彈，內層吾會靭到咬吾開反而d汁鎖左係入面好Juicy💦加左檸檬汁🍋再燒更鮮味有少少海水味🌊❐ 濟州海鮮湯⟰黎到個石鍋仲滾緊🔥好足料左大大隻蝦🦐同青口同蜆仲有入哂味既雞蛋🍳食堂韓牛拼盤-有特選牛五花、大蔥切牛舌同牛小排⟰ 牛五花雪花分佈多🥩油花豐富入口即溶，燒耐少少油脂味更香🌟⟰ 大蔥切牛舌薄切之餘醃製得好入味✨惹味十足🌶⟰ 醃製過既牛小排好軟淋🥓醬汁甜甜地好開胃❐ 黃金厚切五花肉⟰好厚切，脂肪同肉層層分明💥⟰驚喜點係本身有先炸過，剪開個陣外層已經好脆🔥有d似燒腩仔❐ 特選牛小排⟰牛小排脂肪分布平均，牛

韓燒係永遠都唔會食厭既，尤其係當你搵到一間高質既韓式燒肉時，真係會想一食再食。依度最抵食既一定係食堂韓牛拼盤，大約二百蚊就有多款高級牛肉。有特選牛五花，食堂牛小排同大蔥切牛舌。牛小排好有牛味。特選黑毛和牛上貝身肉黎得燒肉就揀係要食最高級既牛肉啦，和牛油花好靚，未燒已經覺得好好食，輕輕燒一燒牛油香味就出哂黎，牛肉相當腍身，入口即溶，絕對係高級享受。濟州豪快黑無豬五花肉韓式燒烤必食既肉，黑毛豬五花肉口感結實得黎唔韌，點少少韓式辣醬再加生菜，充滿韓式風味。一盒芝士生蠔我都係第一次試依個配搭，芝士既咸香更加帶出生豪既鮮味，不過剩低既芝士真係食唔哂，太膩了。人蔘雞湯健康之選，雞肉都相當嫩滑，人蔘湯相當濃郁，飲落非常舒服食燒肉就梗係要配番杯冰凍既韓式特飲啦。

平時食開連鎖韓燒餐廳，今次試吓呢間濟州燒肉食堂。地點都算近地鐵站，而且位置都好鬆動，咁岩仲可以坐窗邊。🌊濟州五花肉套餐套餐有齊海鮮、豬肉、牛肉，份量都好夠兩至三個人分享！而且韓燒唔少得小菜、泡菜蛋同埋粟米芝士，而且呢度都係可以refill！😋大八爪魚鬚好厚身嘅八爪魚，燒完都唔會太乾身，食落都仲好Juice！而且鮮味都好夠！😋牛小排油脂平均，牛味重，亦都做到入口即溶！😋牛舌牛舌好厚身，但係食落唔會好韌，好有驚喜！😋五花肉平時去食五花肉，都好驚肥肉太多，太邪惡，但係今次食嘅五花肉就啱啱好，燒完之後脆卜卜咁食！😋醬油梅花肉醬油醃過嘅梅花肉，食落甜甜地，而且口感好鬆軟！😋韓式炒粉絲套餐包左一份炒粉絲，呢度嘅炒粉絲唔會太油，而且調味啱啱好，配埋啲肉食都好夾！😋柑橘梳打、荔枝梳打兩杯嘢飲都唔會好假，夠晒清新！

.‼️❤️ 記得CLICK我PROFILE關注我呀 ❤️‼️.🔥 P̾r̾e̾m̾i̾u̾m̾ K̾o̾r̾e̾a̾n̾ B̾B̾Q̾ @ 🌟 濟洲燒肉食堂《👽食神大媽食烤肉》.💁‍♀️ 圖片展示美食為：食堂韓牛拼盤 HKD 218 🐂- 特選牛五花- 大蔥切牛舌- 食堂牛小排濟州梅花肉 HKD 120 🐖黃金厚切五花肉 HKD 198 大八爪魚鬚 HKD 116 🐙韓式炒粉絲 HKD 82 🍛梅子青檸梳打 HKD 32 🍋濟州特飲 HKD 32 🍊.👀 成台美食咁豐富嘅？！係咪滿漢全席呀？係韓燒盛宴呀！！！🤩.😋 前菜款款經典、美味！成圈泡菜蛋同芝士仲可以無限添加，真係惹味非常！但大媽覺得淨係一份已經好飽，因為份量十足架！.🐂 主菜先黎個優質牛牛拼盤，油花均勻，無筋嫩滑，仲可以一次過試曬不同部位，及不同等級種類嘅牛肉，實在太了解我地呢類咩都想試有選擇困難症嘅朋友仔嘅心情啦！😍.再額外點選「黃金厚切五花肉」同「濟州梅花肉」可以試埋優質豬肉，真係非常滿足呢！.🐙 肉類以外，就當然唔少得海鮮啦！「大八爪魚鬚」好大份，同肉類穿插咁食特別開胃！.仲要有韓食必點嘅炒粉絲，真係非常惹味香口超滿足！.😌 一路食嘅時候仲可以一路嘆特飲「梅子青

朋友推薦呢間位於北角匯既濟洲燒肉食堂，由我踏入北角匯，我見到大部分餐廳都坐唔滿，唯獨係呢間門口有人等位，高下立見。餐廳既window seat係唔錯既，向北角碼頭方向，睇到海景同日落。但如果唔係，其他位置就有啲逼。韓式前菜、爐邊既芝士粟米同泡菜蛋都係無限添加。🥢濟洲五花肉套餐🥓食之前我有做功課，已經plan好叫佢個2-3人用既濟洲五花肉套餐 ($588)，入面有我最想食既黑毛和牛上貝身肉。點知去到個餐唔同左，黑毛和牛上貝身肉變左牛小排。雖說有啲失望，但我都照order個套餐，因為可以試多幾款。雖然冇左黑毛和牛上貝身肉，但個餐都好豐富，包左特選牛小排、濟洲牛五花、醬油梅花肉、豪快嚴選牛舌、大八爪魚。不過，大八爪魚冇鮮味同有啲硬。而主食，我地揀左韓式炒粉絲，味道不過不失。🥢甜辣炸雞🍗我地只係點左半份，但份量都好多，炸雞下面有薯條鋪底。炸雞既醬汁有少少太甜，差咁啲正宗韓國味道。

今日嚟到北角匯行🤓 睇完戲之後，心思思想食燒肉，就入咗去呢間🤤🇰🇷豪快和牛燒肉🐂 $298肉質嫩滑軟腍，紋理分明，入口即溶😋壺漬牛肋骨🐃 $238醃製醬汁甜甜地，好好入口😆食堂黑毛豬五花(鹽燒) $118油脂感充足，肥瘦相間，肉質厚，建議配合生菜包住食🥬濟州豬梅肉🐷 $120一大塊豬梅扒，過足燒肉癮，而且口感豐富。大蔥切牛舌👅(醬油) $132牛味獨特，食落似爽口不韌，大蔥配牛舌，清新之選💫大八爪魚鬚🐙 $116新鮮彈牙爽口，建議剪成一片片去燒，口感更佳😆海鮮豆腐湯🥘海鮮配料豐富，有青口，蜆，大蝦🤩。大蝦爽甜彈牙，湯底味道鮮甜😚飲品柑橘梳打🍹 $32荔枝梳打🍸 $32飲住梳打食韓燒，一個字 爽🤤！配菜方面 (免費，隨意refill)🍄🥬👀芝士粟米🧀🌽咸香甜甜的，作佐料一流👍泡菜滑蛋🥚雞蛋綿滑，好過癮🤫另有蘋果片，生菜，菇類作解膩之用🤩👏餐廳款式甚多，必能滿足肉類愛好者🤫濟洲燒肉食堂(北角)北角渣華道123號北角匯2期2樓210號舖

✨#濟州燒肉食堂 🦋🦋今日嚟到一間有海景嘅韓國燒肉餐廳 喺港島區嘅係十分方便我 感覺裝修同埋 格局 都係比較高級嘅 坐單邊卡位睇到北角嘅海景書服位置寬敞 💗濟州五花肉配什錦燒肉套餐🥩有好靚嘅濟州五花肉同埋海鮮有個八爪魚腳非常之 🥩🥩大分 中有其他海鮮好似大隻嘅鮮蝦🦐魷魚 🦑五花腩十分之新鮮綠色粉嫩 好肥美 肉同埋海鮮㗎喇都好多一個set兩個人食都真係👍💗大醬湯🥩牛肉非常之新鮮熱辣辣仲有豆腐 感覺非常之韓式 🍽️💗荔枝梳打特飲🧋 熱辣辣梗係要飲啲凍嘢啦個梳打非常之refreshing好新鮮 🧊🧊🥂💗配菜有青瓜🥒🥗泡菜同埋牙菜可以任添爐邊仲有埋雞蛋都係可以免費 添加 仲有我最鍾意食嘅就係芝士啦🧀 熱到岩漿似的 芝士係最好食嘅🍒地點方便喺地鐵站行出嚟兩分鐘就到喺商場入面我去唔到韓國旅行都真係上嚟感受下個韓國嘅食返啲地道嘢食呀🍑🍑🦋#燒肉 #美食 #香港 #jejubulgogi #제주불고기#九龍灣 #北角 💥餐廳資料餐廳：濟洲燒肉食堂(北角)地址：北角渣華道123號北角匯2期2樓210號舖Openrice：https://bit.ly/30wOwtD

今日放左工後book左位黎食韓燒，好彩book左位，如果唔係就要等好耐坐係窗邊位，想讚一讚既係環境好闊落👍一坐低就會有各種前菜同埋我最愛既爐邊蛋同芝士粟米先叫左個食堂韓牛拼盤有三種牛，分別係牛五花，牛小排同牛舌個人最鍾意係牛舌，醃得夠味，薄薄一片，食落有點入口即溶既感覺！特選黑毛和牛上貝身肉，滿滿既雪花，油脂分佈平均，稍稍燒下就食得！濟州豪快黑毛豬五花肉，五花肉肉味濃郁，肥而不膩芝士生蠔芝士味夠哂濃，而生蠔都算新鮮，唔會有好腥既味道最後叫左個海鮮鍋，內有鮑魚，蝦，蜆，青口同埋雞個湯好鮮甜，而且份量十足！兩杯野飲，橘子綠茶，岩哂清下d油膩感！

超級無敵海景 韓國 濟州燒肉食堂 🔥🔥在香港 韓國烤肉店 各區都有 數目亦不少 但食過多間烤肉 始終都係 濟洲燒肉食堂 最正 真材實料 食材新鮮 味道最好 🍖🍖我是二次來吃的 同樣是選 午市剛過才來 客人較少 這店人氣極高 午市基本都 客滿 ！！這次點了份 商務和牛燒肉套餐 🐂🐂特選黑毛和牛上貝身肉 食堂牛小排 牛舌 食堂黑毛豬五花肉 (醬油) 蘋果梨汁單骨雞翼 🐥🐥相隔了一段日子 再來吃韓國烤肉 發現餐牌上的食品有些改動 套餐好像增加了 選擇較多 水準保持 價格也沒有增加 加點了其中的 柑橘炸雞 超級好吃 高質 絕不像 冰鮮雞做的 😍😍個人最喜歡 黑毛豬五花肉 已用醬油 醃漬過 燒炙後 油脂逼出 整塊油香味濃 剪成條狀 沾些辣醬 用生菜包著吃 滋味無窮 讓人愉悦 🐖🐖

好友就生日，揀左最愛既燒肉慶生，今晚黎到濟洲燒肉食堂(北角)，望住海景食燒肉特別好FEEL～今晚揀左食堂韓牛拼盤、特選黑毛和牛上貝身肉、濟州豪快黑毛豬五花肉、一盒芝士生蠔、人蔘雞湯。食堂韓牛拼盤有齊特選牛五花、食堂牛小排、大蔥切牛舌，一上枱就好吸晴，款款都好新鮮！特選牛五花油花豐富，肉汁鮮甜好Q彈～食堂牛小排肉質軟嫩汁多味美富油花；大蔥切牛舌柔軟有嚼勁又多汁。特選黑毛和牛上貝身肉口感嫩滑，脂肪味道濃郁，軟腍細膩。濟州豪快黑毛豬五花肉無腥羶味，肥瘦相間，口感軟嫩，肥而不膩好juicy。一盒芝士生蠔生蠔新鮮又肥嫩，佐香濃芝士，濃郁又鮮美～人蔘雞湯湯頭清甜味鮮充滿人蔘味，雞件肉質細綿嫩滑啖啖肉，滋補又養生，好岩女士們～最後再叫兩杯梅子青檸梳打同荔枝梳打，酸酸甜甜開胃又解膩，大滿足！

我從未如此中伏過！😡😡😡由服務、衛生、食物都可以用一字嚟形容「伏」。今日係北角匯揾午餐食，見有200幾個正評、門口又有人排隊等，睇咗午餐餐牌都覺得ok。點知中伏就由取飛開始😣，13:25左右開始係門口喺咁揮手都無職員出嚟派飛，揾到一個清緊枱面嘅女職員，佢又叫我哋等陣。嗰度都有四、五個職員係有行近過門口位置，就係當睇你唔到咁，好似唔想接客。等咗唔知幾耐，原本係收銀櫃嘅男職員終於肯出嚟派飛同叫飛號碼。唉！唔明派飛咁簡單嘅嘢要個位高權重嘅收銀做？等到1:50左右，終於有枱。唔係呀！入面大把吉枱，有6、7張二人枱係無人坐。係吉枱、唔係食完嘢未執枱嗰種。唉！坐低就見到有醬汁滴左落張凳，個杯入邊有油漬，夾肉嘅鉗內側有污漬，鉸剪又污糟。唉！😣我哋兩個人叫咗$358 商務和牛燒肉餐（2人份）個份量簡直係超級少離譜，我無諗過$358嘅2人餐份量係咁嘅。唉！（一）11片肉分開兩隻碟放：2片豬腩片、2支單骨雞翼［即係得一隻雞翼］、1片醃咗嘅大少少嘅牛肉［要用鉸剪分］、4塊粉紅色嘅牛肉、2片牛舌），旁邊有4片蘋果、半隻菇、2道大葱。（二） 菜：3片生菜、1片紫紫哋嘅生菜，共4片。（三）飯：兩碗。啲飯係唔熱，係

消費券的威力真的很強勁, 雖然只係星期三, 濟州燒肉食堂座無虛席, 好在哥哥很早已book位， 雖然今次不能坐近窗邊望海景， 但係這裏環境優雅， 位置舒適乾淨， 重點是通風良好， 不用擔心 用餐後滿身油煙。近來ig介紹的 韓燒熱點。特選黑毛和牛上貝身肉雪花分佈均勻, 非常漂亮的油脂網紋， 肉質鮮嫩有光澤， 輕輕在火焰上烤幾分鐘， 微焦半熟的狀態最好吃。 肉質軟嫩 牛味香濃。食堂韓牛拼盤韓牛拼盤有四款肉， 牛舌質素不錯， 四款當中我最鍾意就是這個。 牛舌用韓式醬汁醃製加上少許蔥花， 微甜帶果汁味道， 牛舌肉質爽嫩， 厚薄適中。大八爪魚鬚鮮豔奪目的顏色, 好大條觸鬚啊。 實在不知怎樣處理， 所以請來店員幫幫忙， 原來簡簡單單剪開一片片燒就可以了。濟州豬梅肉韓國豬肉味比較香濃， 肉質彈牙 沒有騷味 ，不用醃製直接燒烤便可， 點上少許 鹽粒已經好吃。黃金厚切五花腩外層金黃色的五花腩， 烤起來更加香脆， 保持肉質嫩滑多汁。 這個都幾特別， 包生菜 泡菜一齊食更加美味。韓式炒粉絲韓式炒粉絲煙煙靭靭， 菠菜牛肉等配料， 味道也不錯。 加點韓式辣椒醬 更加刺激味蕾。青檸梅子梳打+濟州特飲韓式特製飲品，