濟州燒肉食堂

营业中

休息中

午餐去左北角食韓燒，環境好靚，窗邊見到藍天白雲好舒適～超多嘢食飽到夜晚😝韓牛拼盤$218醬油蟹set$258黑毛和牛$198黑毛五花$168人蔘雞湯$188濟洲特飲$32荔枝梳打$32韓式小菜有泡菜、芽菜、沙律、蘿蔔漬，可以refill的生菜、泡菜雞蛋、粟米芝士🧀利用醬油醃製的生蟹-醬油蟹，我第一次食😝 係好鮮﹑濃郁的蟹肉味，將鮮甜蟹肉和滑嫩蟹黃擺上熱騰騰的飯到食真係超好送飯～和牛當然無得輸，輕輕燒兩面就可以入口，和牛油花精美之餘保留到咬感，牛舌薄薄一片食落爽脆，黑毛五花肉搭配生菜食則味道最佳，有爽脆生菜中和腩肉的油膩，口感豐富人蔘雞湯以大煲上，邊用gas爐滾住，飲到熱騰騰的雞湯，是一大隻原隻大雞，勁足料，雞釀入栗子飯，還有淡淡人蔘味，好補身，減去了燒烤的熱氣飲品我個人好鐘意濟洲特飲，是柑橘果茶，好清新

已經不願評論服務員在幫顧客下單時，態度呆滯，沒有重複顧客所下的項目。居然在顧客用膳完畢，還沒指示要結賬前，已經在趕緊清理桌面，不只抹枱，收拾餐具及桌紙，還重新放置下位客人用的餐具，非常不尊重現有的顧客，感覺被受逐客一樣。真心拒絕再光顧。

餐廳：濟洲燒肉食堂地區：北角地址：北角渣華道123號北角匯2期2樓210號舖日期：26/10/2021時間：20:00人數：2人 等位：20 min價錢： ＄1027食堂韓牛拼盤 $218: 有齊牛舌、牛五花同牛小排，牛舌同牛五花都有經過醃製，食落又香又爽口😋牛小排就幾高質，睇紋路就知😍依個拼盤有三款肉，而且份量又多，真係抵食之選！特選黑毛和牛上貝身肉 $198: 肉質嫰滑，果然係和牛級數🤩一份六片，都有返咁上下厚度，價錢都算合理。濟洲豪快黑毛豬五花肉 $168: 超大塊嘅黑毛豬五花肉，打橫擺落過韓燒爐到都擺唔落😂食落肉質爽口，用生菜包住食真係正！😋一盒芝士生蠔 $88: 一盒有六隻生蠔，每隻都有濃厚嘅芝士包住非常邪惡😈五花肉部隊鍋 $198: 有豆腐、午餐肉、腸仔、年糕、五花肉、京蔥、芽菜同即食麵，非常豐富，部隊鍋嘅湯底唔算太辣，啱晒啲食唔到太辣嘅人☺️而且五花肉食落入口即化，搭配埋其他配料加埋類似辛辣麵嘅即食麵食，真係好滿足🥳柑橘梳打 $32、荔枝梳打 $32: 兩杯梳打嘅味道都好清甜、非常解膩，配住燒肉食簡直一流！

如果住喺港島區嘅朋友一定知道，北角滙呢一間商場開咗一段時間入邊除咗好多嘢買之外，餐廳都各有特色。呢一間韓式餐廳我自己都食過幾次，每次同朋友想食韓燒嘅時候就一定會諗起呢一間餐廳，佢仲要係對住海景，環境一流。首先就算你未點任何嘢食，各款前菜都已經放咗喺你面前仲可以任添，而且爐邊蛋同粟米芝士都可以refill一次，食前菜都已經夠晒正！首先講吓佢嘅黑毛豬五花腩，一大條咁燒，由於啲脂肪比例都幾多，所以會燒到好大火，但係燒完之後食落口係好香口，夾住生菜一齊食真係好正。以佢嘅韓牛拼盤價錢來講都幾抵食，個人認為佢嘅牛舌即使唔係好厚身，但係食落口都好爽口。就算未燒之前都見到佢牛肉嘅質素唔錯。佢嘅芝士生蠔真係必點，每隻生蠔都大大隻，而且仲要好有海水味，落埋啲芝士一齊燒，非常邪惡。人蔘雞湯冬天飲嘅時候，成個人都會好暖，佢嘅雞湯充滿人蔘味，而且佢隻雞肉質好滑身，入面亦都有啲糯米，呢款人蔘雞湯都整得幾正宗。

My wife has a sudden craving for Korean BBQ and since we were around North Point vicinity, we suggested to go to JEJU BULGOGI as they were quite popular. It was located at Harbour North Phase 2, few minutes walk from North Point MTR.They offered a wide range of grilled items such as pork, chicken, beef, seafood, vegetables, soup, fried chicken and drinks etc. Shortly after we ordered, they served us side dishes, consisting of kimchi, sliced cucumbers, bean sprouts and radish. They were crunchy a

之前喺九龍灣都試過食一次，記得果次淨係食咗個石頭鍋飯，但係已經覺得幾高質，所以今次決定再去北角分店試多一次，而今次就真係試燒肉🤣。不過去前大家可以喺OpenRice book咗位先，因為就算8點都幾full，有機會都要等，早去好過遲去喔💕。環境方面，每個卡位空間都幾大，坐得舒服既，而每個位置上方都有排煙管，所以一入到去都冇話太大嘅油煙味👍🏻。-🤍前菜🤍食堂韓牛拼盤 $218🤍濟州豪快黑毛豬五花肉 $168🤍特選黑毛和牛-上貝身肉 $198🤍一盒芝士生蠔 $88🤍人蔘雞湯 $188🤍柑橘梳打 $32🤍荔枝梳打 $32✨選擇套餐可以無限量提供前菜、爐邊蛋、大醬湯等。✨設加一服務費-🤍食堂韓牛拼盤(特選牛五花、食堂牛小排、大蔥切牛舌)［滿星］⭐⭐⭐⭐⭐‼ ️個人覺得依個拼盤真係幾值得一試😍‼️特選牛五花大理石油脂分布平均，油脂豐富、口感非常滑順濃郁，牛舌肉質爽脆濃郁☺️，牛小排肉質軟腍、油脂豐富多汁，牛小排同牛舌醃料都好入味👍🏻🥰。.🤍濟州豪快黑毛豬五花肉［滿星］⭐⭐⭐⭐⭐‼特長厚切黑毛豬五花肉🙊❗️，肉色油花分布平均，五花肉彈牙爽口，肉質嫩滑多汁，燒既時候豬油流不停，所以經常變到好大火，建議剪細啲

食開韓烤，就會上癮😮‍💨成日行過北角匯，見呢間燒肉食堂成日都要排隊，令我對佢好有幻想，今日決定一試！幸運地安排左坐係落地玻璃邊😍成餐飯向住東區走廊個海景🤩未食已經加分🤣 雖然今日得2個人👭🏻但因為咩都想試既關係，我地係咁喪order…然後食唔曬😂韓牛拼盤：入面有特選和牛上貝身肉、牛小排同埋大蔥切牛舌😍貝身肉本身已經處理得好入味，完全唔使再點任何醬，食落好嫩😍而牛小排既紋好靚，食落好重牛味！牛舌就超大塊，夠薄，食落好爽！黑毛豬五花肉：五花肉好厚切，肥瘦分明，再配埋生菜夾住食！燒一燒，油香出曬黎，放係生菜到再加埋泡菜，真係好惹味😍好邪惡😈一盒芝士生蠔：個賣相好吸引，底入面全部都係芝士，上面再加上滑嘟嘟既生蠔。燒完之後，芝士係拉絲咁，蠔食落鮮甜得黎又creamy，好滿足！但呢道真係好飽😂人蔘雞湯：有足足一隻雞，開頭就咁飲啖湯偏鹹，但將隻雞拆開後，入面有糯米、紅棗、粟子😍呢個時候飲湯，就鮮中帶甘，蔘味幾濃郁，味道比一開初清怡好多。人蔘份量都算幾足料，加上雞肉已經煲得幾軟腍，糯米走出黎湯到，湯變得有點濃稠，幾好食！環境：⭐⭐⭐⭐⭐價錢：⭐⭐⭐⭐味道：⭐⭐⭐⭐

環境舒適前菜 肉類 海鮮 飲品 無論賣相或質素都非常讚新鮮又足料 諗起都流口水🤤色香味俱全 超級滿足的一餐#韓牛拼盤：和牛五花辣大葱切牛舌牛小排(鹽燒)三個部位都非常可口牛舌 牛味濃郁 和牛五花 脂肪量較多 香軟入味牛小排 相對比較有咬口建議可以用生菜包住食減低油膩感#特選黑毛和牛上貝身肉雪花分佈平均 入口即溶的滋味#濟州黑毛豬五花肉客人隨自己喜好剪成小塊肥膏部份較多 油香四溢#芝士生蠔六隻蠔肉飽滿 非常Juicy配芝士食好夾#五花肉部隊窩非常足料 有香腸 豆腐 娃娃菜 芽菜 年糕辛辣度岩岩好

由觀塘坐船到北角碼頭一落船就會見到嘅北角匯有唔少好餐廳，今日我就試其中一間Bookmark咗好耐嘅韓國燒肉餐廳 ❗️❕ 濟州燒肉食堂 ❗️❕ 食晚餐。一坐低店員知我哋叫燒肉就會即刻倒粟米芝士同埋雞蛋液到個燒爐一旁，之後就可以即刻燒肉啦！呢到嘅肉類多選擇之餘仲好高質，點咗幾款肉類都相當唔錯。豪快濟州黑毛豬拼盤🔺$312食堂韓牛拼盤🔺$218特選黑毛和牛牛上貝身肉🔺$198濟州豪快黑毛豬五花肉🔺$168一盒芝士生蠔🔺$88人蔘雞湯🔺$188梅子打檸梳打🔺$32濟州特飲🔺$32呢到嘅肉類唔但只高質好食，而且燒肉汁同啲肉夾又唔會死咸。配埋韓國多種類小前菜例如芽菜，青瓜，泡菜真係好滋味！提提大家: 小前菜係可以免費refill㗎!一盒芝士生蠔係咁多樣入面我覺得CP值最高!啲蠔嘅鮮甜味走晒入芝士到，而且啲芝士係海量級咁多，好好味！ 另一樣我哋叫咗嘅鍋物係人蔘雞湯，呢個湯極濃又甜，同埋隻雞勁大隻，帶有些少藥材同糯米食完相當暖身啱晒轉天氣食。 📍北角渣華道123號北角匯2期2樓210號舖

濟州燒肉食堂係北角匯認真方便，呢度坐位好舒服，又有海景view，食物質素又高👍 特選黑毛和牛上貝身肉🥩高質黑毛和牛，油脂雪花平均，肉質幼嫩又煙韌，好香和牛香味👍 食堂韓牛拼盤🥩🐮牛舌、牛小排、牛五花～薄身切牛舌好軟身～牛小排醬料好入味～牛五花帶點脂肪好吸引😋 濟州豪快黑毛豬五花腩🐷濟州高質黑毛豬嘅五花腩，厚切肉質好有彈性 芝士生蠔🦪錫紙盛載生蠔，入面好多芝士，放係烤爐慢慢燒，蠔身嫩滑多汁 五花肉部隊鍋🥘好豐富嘅部隊鍋，餐肉、腸仔、年糕及五花腩，加埋個韓國麵🍜就真係好滿足😍，湯底微微辛辣及有好多芽菜，味道好滋味😋 濟州特飲🍹梅子青檸梳打🍸 韓燒又有鍋物，款式好多，而且CP值又高👍

濟洲燒肉食堂，位於北角匯商場，屬於區內極少數高質素韓式燒肉餐廳，故此閒日晚餐時間亦座無虛席，建議必需提前訂座。韓式燒烤最重要爐火，餐廳貼心服務，預設爐火大小，燒肉能夠最快速烤熟，鎖住肉汁，推介必點韓牛拼盤及黑毛和牛上貝身肉。韓牛拼盤有多款牛肉牛舌及已調味牛肋肉，款款不同，款款出色。黑毛和牛油花分明，牛肉味濃有咬口，上佳選擇。人蔘雞湯以明火上菜，可保持人蔘雞湯溫度，秋冬天時間飲一流，雞湯味極濃，雞肉仍能保持嫩滑。

好友剛搬過嚟北角匯,便相約在附近吃晚飯和house warming. 商場入面有好多chain store我都冇乜興趣,好友便建議這間星期一都要排隊的韓燒食餐好 🤩.店舖簇新同埋十分之乾淨, 每一枱都有自已的抽油煙管,唔會食完成身都係燒烤味. 我哋一口氣點完了牛豬雞海鮮之後,便慢慢享受可以無限refill嘅小菜, 同埋爐邊炒蛋和粟米芝士🌽.🐮食堂韓牛拼盤$218包括了特選牛五花,牛小排,同埋牛舌. 牛肉鮮嫩,有油脂香氣,灑上少許粗鹽和生菜吃最夾🥬牛舌已事先醃好,食落爽脆夠惹味👍.食韓燒唔少得要杯冰凍嘅啤酒或者特飲, 我們點了柑桔梳打和荔枝梳打🍊$32@, 係燒肉最好嘅配搭😎.🐖濟州豪快黑毛豬五花肉$168份量十足, 要剪開一半才能放在烤盤上. 五花肉脂肪豐富, 燒完之後外皮鬆脆啖啖肉 😋.最驚喜的是人蔘雞湯🐔$188, 原隻燉雞肉質非常軟滑完全唔會嚡口,人蔘湯唔會過於苦澀,飲落有一陣回甘,剛好中和燒肉熱氣的感覺 ☺️.🦪半打芝士生蠔只售$88，隻隻都佔據了錫紙兜的大半位置,cp值超標 🤑 鍾意食海鮮嘅朋友不容錯過！.⭐️性價比：4/5星💰人均：$300港元💕關注【香港美食餐廳攻略】，尋寶美

是日出北角外勤，又去左超多食肆嘅北角匯商場覓食！今次我地揀左一間韓國餐廳叫濟洲燒肉食堂，聽個名都知道係主打韓式烤肉嘅食店，不過由於午飯時間有限，即使我好想食烤肉亦不得不放棄呢個念頭，取而代之嘅係佢嘅韓式主食套餐~睇個餐牌都有好多個選擇，有常見嘅人蓼雞湯、辣炒年糕、傳統炒粉絲、石頭鍋飯等等，因為當日想食有湯嘅料理，所以最後我揀左大醬湯配白飯($58)。先講味道，大醬湯湯底味道濃烈，有住一股韓式醬油味，用嚟送飯一流；湯入面有少量豬肉同海鮮，亦有洋蔥、薯仔等等嘅配菜，配搭相宜。份量嚟講啱啱好，唔會覺得好飽或者唔夠食，尤其佢碗白飯裝到好滿，而且米粒粒粒分明，唔會好似某啲餐廳咁煮到啲飯爛哂，睇見都無哂胃口......再講下店內環境，由於我地獲安排坐喺一張近門口嘅四人卡座，所以對於店入面嘅環境唔算好了解，但我地三個人坐嘅卡座啱啱好，同其他枱嘅客人相距唔算近，都有一定嘅私人空間嘅！店內燈光偏暗，以黑色為主調，頗有情調，係一個情侶或者同知己慢慢食、密密斟嘅好地方！

今晚收工去左北角匯，揀左呢一間之前未黎過既濟洲燒肉食堂。顧名思義，當然係食韓式燒肉。餐牌有燒肉套餐，亦有散叫燒豬牛雞，燒海鮮，燒蔬菜，韓式料理，主食，同大鍋物。飲品有燒酒，米酒，梳打，果茶，冰沫等。今次第一次黎，一於乜都叫吓，食餐勁嘅。開爐之前，服務員先加少少泡菜落烤爐嘅一邊，之後加蛋汁。另一爐邊就加碎芝士同粟米。等個爐燒到咁上下就食得。粟米芝士已經夠特別，而泡菜蛋燒得好乾身，令個蛋外皮有少少脆，味道就帶微微泡菜味，我第一次食，好新奇，創意十足！服務員之後就上可以無限加添嘅辣泡菜，芽菜，甜漬柚子皮青瓜，甜漬白蘿蔔，仲有胡麻醬新鮮沙律菜同生菜包。泡菜質素唔錯，我哋特別鍾意佢哋味道唔會過鹹。食完第一轉，服務員仲主動幫我哋加添。服務員亦同時上埋醬汁三寶，分別係甜燒肉汁，鹽同麵豉醬。特選黑毛和牛上貝身肉  $198 另加一特選黑毛和牛上貝身肉一客6片，油花好靚，肉質好嫩，味道方面點醬汁食會好食啲。伴碟有兩塊蘋果同一舊大蔥。豪快濟州黑毛豬拼盤 $312 另加一豪快濟州黑毛豬拼盤有3款豬肉，包括五花肉3厚片，豬梅肉4片，同醬油豬肉12舊左右。伴碟有兩片蘋果，一舊大蔥同一舊菇。豬梅肉個樣好靚，肉汁超

食物一般般，但此店上上下下員工確係地球罕見。一入店一名便服大叔已經零笑容沒說話粗暴地安排座位比我同太太，之後叫食物舉手十分鐘冇人理直到埋單完全都係用呼喝態度，我地再留意一下所有店員，發現全部都係黑囗黑面，比錢消費最受氣都係呢一次。