澳門九記清湯腩王 (已結業)

之前去過幾次MACAU, 都未聽過這個名. 下次一定要留意下. ANYWAY...回到這間店的食物. 我叫咗午餐（咖哩牛腩飯＋凍奶茶）可能食唔到出名的牛腩爽，我覺得牛腩Ｄ肉質比較ＲＯＵＧＨ，　說不上特別。　不過，　咖哩又幾好。　有咖哩香味再加小小辣。。一流！凍奶茶一般。。。喜歡食咖哩的朋友，　可以一試。

今晚去食晚飯,叫了海南雞鈑和豬手飯.雞和豬手都很好吃,只是那些飯真的比較硬.服務態度是滿意的.若店主能再弄好啲飯很好了.

行過這裡數十次都沒有意欲幫襯, 因為天生有兩樣食物是死歒,一是清湯腩另一是雞胸!因為無論試過許多出名的店舖感覺都是一樣.雖未致於去到抗拒地步,但自己一個食飯的話就唔會專登去試!今日趁住上午保外就醫,順便找友人午飯,竟然話食呢間!茄汁牛腩飯----話係重點推介, 果然又真係唔錯!蕃茄洋葱煮到溶溶地,茄汁味道甜酸適中,牛腩有肥有瘦都幾淋!(雖然硬係覺得係用清湯腩嚟煮,但又幾好食...無得詐型)咖喱雞飯----只有雞中翼４隻,咖喱還咖喱,雞翼還雞翼!可以用貌合神離形容,咖喱汁味道本身不錯但雞翼完全不入味!只有咸味.海南雞例牌----去骨的雞肉切成條狀,一碟分兩層,上層有部份嫩滑部份有點靭而且帶生.下層死敵出現...全部雞胸!整體係OK嘅!即係耐唔耐一次無妨,但唔會專登嚟食果隻囉!

呢日行開呢頭，專登入去試吓佢d牛腩，去到己經夜晚七點幾，雖然都估到佢d爽腩應該賣晒，都姑且問吓啦，結果真係賣晒，唯有退而求其次，試吓佢d普通牛腩。來一碗清湯腩撈麵，唔連嘢飲，都要成$35，其實都幾貴！清湯腩撈麵到，一望見到d牛腩就知正！肥瘦合度，半肥半瘦，份量又多，值得一讚！一試之下， 發覺味道不算太濃，但係咬落鬆化腍軟，口感甚佳。d麵用醬油撈過，唔會淡而無味，佳！個湯好似無上次第一次試咁清甜，但都算唔錯，裡面的蘿白也夠腍而無渣，咬落去帶有清甜味，同樣係高質素的出品。今次d招呼雖然都係普普通通，但已比上次有進步了。（起碼離開時有人在門口講「多謝，下次再來幫襯啦！」）

路經此地，見呢度海南雞飯做緊推廣，三十八蚊減為三十三蚊，一於入去試吓。原來呢度以清湯腩做招牌菜，店名係「澳門九記清湯腩王」。不過既然一場嚟到都係為咗佢d海南雞飯，暫時唔叫清湯腩住，試試佢d海南雞飯先。不錯！真的不錯！呢度d海南雞飯，個附送的湯唔係一般的味精死鹹，帶有朕清甜的味道，仲有蘿白裡面，good！雞油飯夠入味，係硬咗d，美中不足！抵讚嘅係雞，手撕的雞肉肥瘦適中，又夠嫰滑，正！可惜呢間舖頭嘅食物質素雖然好，但係服務水平就麻麻地啦。因為呢度的地方較為狹窄，又要幾個人搭枱坐，經常被後面的人撞，後來見有枱有客埋單，咪話轉枱坐囉，但係個中年伙計竟然面露不悅之色，好勉強咁先俾自己轉枱，又問長問短自己叫咗咩食，態度又唔係咁好，真係俾佢d態度攪到火都嚟埋！呢樣嘢真係要改善吓。如果唔係佢d嘢好食，咁做簡直係趕客啦！下次再來，一於試佢d清湯腩同爽腩，順便睇吓佢d待客態度有冇改善先。

香港九記牛腩聞名遐爾,澳門亦有間九記是賣牛腩.梳打埠的九記,又如何呢?無須過大海,去砵蘭街也能夠一試這間九記.下午茶時間來,第一次來,沒有爽腩,便要個肥腩伊麵.小弟吃清湯腩,最愛的還是配伊麵,記得年前友人I兄說過:{吃清湯腩梗係配米粉或河粉啦,配伊麵吃會下地獄架!}如果照我朋友的理論,我一早打落十八層地獄了.哈哈.肥腩果然肥,肥膏位很甘香,肥肉之外的腩肉食落鬆化腩熟,再喝口湯底,牛味濃郁,喝下去有點甘味.最特別的是加了瑤柱在內,這少少Tricky,令到個牛湯,多了一點點"海鮮味",海鮮同肉類是匹配的,大家都聽過魚羊鮮這道菜,但瑤柱加牛湯,我倒是第一次見識見識.牛腩內還奉送蘿蔔,吸收湯汁的蘿蔔,味道香甜.於是再淨叫一碗淨蘿蔔,吃得過癮.第二次同樣時間來,終於吃到爽腩,叫得爽腩,吃下去當然爽,尤其是筋膜位.腩位做得鬆化可口,絕對有水準.下次第三次來,就試下其海南雞飯,我也想知道,以牛腩打正旗號的食店,做出來的海南雞飯會是什麼一回事.

九月廿一‧晴吃清湯腩，幾時我也注重「湯」多過「腩」。這裡說是「清湯腩專家」的，當然要來一吃。 如前文大惡男所言，來這裡的客人，大多也是吃海南雞飯或豬手飯，不然的話，也會是吃咖哩，吃招牌菜清湯腩的不多。一問之下，又是沒有爽腩，不要緊，就來個半肥腩河吧！ 湯河上檯，看賣相是熱辣辣的，不錯。喝一口湯，以牛湯計，不算是很甘美濃郁，深度亦不夠。簡單點說，是有點過淡的；半肥腩不算很肥，可幸吃起來是幾鬆化，帶肥脂的部份甘腴，廋肉的部份也不韌，算是有水準的。以牛腩作招牌菜，也有其道理；河粉幾爽滑，幼身薄底，也很不錯。如果能配上鮮濃一點的牛骨湯，就真的完美了；在旁的一件白蘿蔔味道甜美，吃起來有點渣。 侍應的服務一般，以效率為主。始終在這地段又不是貴價錢，也是如此。 埋單25蚊，算是水準不錯的牛腩麵，一試無妨。

話說前幾日25號聖誕節..我同一班fd係家中搞左個party跟住一人帶幾樣野去食..我就叫左呢間野既雞同豬脾肉原本都以為其他人會不太受落的..點知個個搶住食...d雞真係好正..好有口感..佢個海南雞汁好明顯有落足料..好入味d豬脾仲正...佢腌得d脾岩岩好..蚊得又岩岩好..林得黎又滑所以味道我比佢5分 ..係就係貴左少少...成7-8條友食果兩盤野都要20-30蚊所以整體黎講會扣左唔少分..但都總算係間食得過既食店

昨日老公突然想出外食飯，佢同事提意去九記食海南雞飯。因為唔知有咩好食，朋友只介紹海南雞飯，所以我地叫咗兩個，包括一個蘿蔔湯 - 正及飲品。初時見到另外個碟醬料唔似食開個啲，有啲擔心，但估唔到咁好味。我點咗雞脾，雞肉夠味同滑。無食雞皮好耐，因為怕肥，但都忍唔住食咗少少，實在好耐無食過咁好味嘅海南雞飯。下次會試下牛腩！

兩個人.....食左:泰式海南雞飯 - 例牌地只要雞胸....雞夠滑....面頭的薑蓉略嫌多左D....蔥油有D辣...而且混左蒜.....食完個口好大浸味....飯唔夠熱....而且好似有D硬...但整體 OK....同勝利有得揮....但勝利仍勝一籌.....套餐送一碗雞湯...裡面的蘿蔔勁好味....加兩蚊有飲品.....成個餐只賣 $35....另外叫左個泰式豬脾飯套餐 ($38)....豬脾個汁好正.....同勝利有得揮....雖然臨走見到牆上有隻小強....但下次會再試清湯腩同埋咖喱.....

上次試過佢地d牛腩同豬脾，都唔錯，今次試下佢地既咖哩。其實佢地標榜清湯腩，但又賣埋海南雞飯、豬脾飯、咖哩咁，好似有少少唔"啦更"咁，不過都明既，多d食物選擇比客人就多d客源，總之好食就得！講番正題，佢地既咖哩幾岩我口味。好香濃但又唔會成陣椰奶味，少少甜甜地，食到後尾原來都幾辣！仲有最好既係成兜咖哩汁比你一d都唔姑寒，我勁撈汁都仲有汁剩，舊薯仔又粉又林，好味！不過咖哩雞係用雞翼，有4隻，我鍾意食雞翼所以無所謂，其他人可能會expect係雞件卦？！不過d雞翼係蚊到林晒唔洗用力咬，我最like呢種 : )下次想食咖哩我諗我會番黎呢到

國慶日，經朋友介紹下同家人去試下。入到去，裝修普普通通，清潔尚算OK。點了三樣招牌菜：清湯腩撈麵($35)、海南雞飯($33)同豬脾飯($38)。後兩者加兩蚊有野飲。既然夠膽叫自已"清湯腩王"，仲要咁串牛腩唔做餐，一開始對佢o既清湯腩都有D期望。不過事實證明，期望越大，失望越大。碗牛腩撈麵一o黎到、就知中伏。碗面D牛腩唔多、算OK入味，但係好dry，有一塊dry到好似食緊瘦肉....=_="不過，佢D海南雞飯同豬脾飯反而令人喜出望外。海南雞唔係面粉雞，好有咬口，味道唔錯，好過之前食o個間泰國人海南雞。豬脾亦好入味，D豬皮一D都唔肥膩。晚餐時段，$35 一個海南雞飯連湯連凍飲，抵到爛啦。

經過砵蘭街口發現開左間清湯腩，平時食開柱候牛腩既我就想試下清湯牛腩係點，兼且男友鐘意食海南雞，見到呢到都有賣海南雞，所以就入左去幫襯~我地叫左個清湯腩撈，d腩炆得好夠淋唔會痴牙，d麵係用d汁撈勻晒，唔似得平時食開既就咁係上面比pat蠔油而海南雞飯一樣好好味，d雞皮好爽，d飯又香，碗雞湯都好好飲，三十幾蚊有埋野飲，呢個我覺得幾抵最好味既竟然係碗蘿蔔！真係好甜，見到有d瑤柱仔，唔怪得咁甜，老板真係捨得，用瑤柱仔煮蘿蔔。之前飲碗雞湯已經覺得好清甜，呢個蘿蔔湯就更加無得頂。飲時心諗咁甜會唔會係用味精，但食完野之後成晚不覺口乾，證明真係無落味精。見到隔離檯碟魚皮咁靚仔，我地都忍唔住整左碟。真係好厚！未食過咁厚既魚皮，又脆，good！今餐好滿意，下次想試下佢地既咖哩！

路過發現金麥招牌寫著清湯腩王，又試試澳門過江龍賣的清湯腩是怎個樣子？環境企理光猛，這風格又諗起三盞燈，看看餐牌，在泰式海南雞、牛腩、咖喱同丸類幾個系列挑了招牌清湯腩，想要爽腩但售罄，改叫半肥腩跟河，又加了五元要了牛丸雙併。已近打佯，客仍半滿，難以想像大部份客點的是海南雞同豬髀飯，吃腩河的就只得自己一檯客。等了等有得吃，小碗牛腩河有五件半肥腩、兩件大蘿蔔，加五元又多三粒牛丸，湯底依稀的喝到牛鮮，要靠小元貝補足湯底味道，略略覺得有師傅成份，是平生首嚐的海鮮清湯腩，半肥腩肥的部份帶著甘香油脂，然而瘦的部份炆得不夠腍，應該叫爽腩比較穩陣，細滑的本地河粉，唔錯，蘿蔔甘甜沒渣，而牛丸爽口，但帶著怪怪的酸味，壞了吧？三十元的經濟抵食雙併腩河，湯底不算出色，卻很特別，路過不仿一試，再來會試試那邊的泰式海南雞及豬髀。