澳門九記清湯腩王 (已結業)

路經此地，見呢度海南雞飯做緊推廣，三十八蚊減為三十三蚊，一於入去試吓。原來呢度以清湯腩做招牌菜，店名係「澳門九記清湯腩王」。不過既然一場嚟到都係為咗佢d海南雞飯，暫時唔叫清湯腩住，試試佢d海南雞飯先。不錯！真的不錯！呢度d海南雞飯，個附送的湯唔係一般的味精死鹹，帶有朕清甜的味道，仲有蘿白裡面，good！雞油飯夠入味，係硬咗d，美中不足！抵讚嘅係雞，手撕的雞肉肥瘦適中，又夠嫰滑，正！可惜呢間舖頭嘅食物質素雖然好，但係服務水平就麻麻地啦。因為呢度的地方較為狹窄，又要幾個人搭枱坐，經常被後面的人撞，後來見有枱有客埋單，咪話轉枱坐囉，但係個中年伙計竟然面露不悅之色，好勉強咁先俾自己轉枱，又問長問短自己叫咗咩食，態度又唔係咁好，真係俾佢d態度攪到火都嚟埋！呢樣嘢真係要改善吓。如果唔係佢d嘢好食，咁做簡直係趕客啦！下次再來，一於試佢d清湯腩同爽腩，順便睇吓佢d待客態度有冇改善先。