澳洲牛奶公司

营业中

休息中

今日和同事去佐敦辦事, 同事對此店情有獨鍾, 雖然已有好些日子沒來此店, 但感覺始終如一。我們到達時是下午二時, 店內仍然人來人往, 還好不用等位, 仕應迅速地招呼入內, 在這裡一齊都要快, 快快快, 行要快, 落單要快, 食也要快, 落單到食物上枱不消10秒鐘, 果然有效率。 午餐 - $301. 火腿煎蛋厚多士 - 仍然好味, 尤其兩塊厚多士, 入口鬆軟2. 义意湯意 - 較以往失色少許, 意粉過稔, 义燒無乜味道 3. 咖啡 - 還可以, 但不及奶茶好這裡經常被受批評沒禮貌, 但其實只要你目標清晰, 知道自己想吃什麼, 這裡不失為一個作為「極速快餐」的好地方, 但如要講求情調、殷勤服務、舒適環境, 這些通通欠奉, 請另覓高級餐廳罷了。

受老闆所託，復活節假期途中也要充當送貨員到佐敦取貨，難得自己一個人去到佐敦，就順道拜訪一下久違了的澳洲牛奶公司吧！黃昏六時多來到澳牛的門外，雖然是公眾假期，但可能還未到晚飯時間吧？不用等位，餐廳內也不是滿座，不過由於我只有一個人，所以仍然需要搭檯。快速地點了快餐～不用兩分鐘就全部送到檯面（這種速度真是叫人又愛又恨呢！）今天最令我感到驚喜的是，由於我是搭檯，旁邊都有其他客人坐，而我的手袋及幫公司取的貨品（一個大紙袋）實在不想放在地上，所以我就把手袋和紙袋放在膝蓋上抱在前面，吃東西時會有點被擋住不太方便，但也在可以接受的範圍內喇！（應該說，去澳牛前已經做好心理準備了）但有一名細心的伙計留意到，主動跟我說搬一張摺凳來給我放東西，雖然這只是一件小事，但沒想到在一間出名服務麻麻的餐廳得到細心的服務，真的讓人很驚喜呢～食物方面倒是沒什麼驚喜喇，因為澳牛仍然保持著一貫水準，快餐炒蛋非常滑，加上火腿，配上塗滿牛油的厚多士一起吃，除了「好味」以外，真的找不到別的形容詞了！最開心的是多士有兩塊，而蛋的份量足夠分開鋪滿兩塊多士，感覺上好似吃了兩份三文治似的～叉燒湯通粉，一向很喜歡他的金寶湯湯底，平常吃茶餐廳

噚晚去文化中心,見時間尚早6:15pm入去澳洲牛奶食過常餐,今次試個叉燒湯通粉,d通粉冇咬口淋嫁炒旦無旦香味囉但火煺同厚多士依然好味價錢已經$2蚊2蚊地加上啦要好好保持食物質數,才可吸引食客

近年已經少去，因為質數大不如前。。。記得四五年前食，真係幾好味，就算排長龍，伙記態度不好，都值得忍一忍。。咁o岩行過，係平日2，3點，見唔洗等位，所以再試一試不過換來既都係再一次既失望。。湯意 ﹣ 除左咸，原全無鮮味，翠D 早餐湯底仲好味。。叉燒 ﹣ 薄， 又無咩肉味。。。炒旦 ﹣ 碎濕濕, 唔夠滑, 同無旦香味囉麵飽 ﹣ 多士最好，可能流量快， 夠熱，鬆軟。。奶茶 ﹣ 一般茶餐惑質數， 唔係特別好，但都唔差 但咁既質數，仲要1）收我＄40。。。2）又要排長龍（雖然我呢次唔洗）3）伙記們態度奇差，好似黎乞食。。。4）坐位起窄，如果所有既嘢食一齊到晒，一定擺唔晒我估都係留返比自由行去食算了。。PS： 食嘢其間，見到有個亞伯叫嘢食，D伙記態度以經好差，佢叫慢D， 都比D伙記佢勁鬧,.... 唉， 話晒人地都係客人, 唔係乞兒， 叫慢D阻到你幾耐，多一分鐘好未？？洗唔洗咁？！。。。唉，算。。。應該唔會再黎。。。

今天，我特意去澳洲牛奶公司。我以爲早上不會太多人，但是結果.........也等了大概15分鐘之後，我就叫了一個早餐！火腿通粉~通粉和湯底很match！！炒蛋~超滑，很有蛋味！！！厚多士~實在很棒。上面凃上牛油，很香！！！！！！整體來説，十分出色！！！！！！

這是我在書中所學的一間公司一開始服務和品質都很好, 之後生意就慢慢好起來, 但因為名氣大了, 生意易做了 , 因為不用主動招客人, 就沒有了對待客人的心和改善的心, 這是持寵生驕, 為了賣出更多產品 , 品質就下降了 , 又因為生意易做, 之後對客人很沒禮貌 , 服務很差, 久而久之, 客人就少了, 我就是這個客人....以前這間荼記是很好食的, 伙計大聲但也有說有笑 , 但現在品質下降了, 而且換過的伙計服飾很差不過還是有弋(情, 三個月後再來沒有改善 , 就以後不用來了

已經幫襯過10萬8026次, 今年年初開始, 已經覺得佢變了... 昨天再食, 可以confirm 佢真的不同了. 一句到尾, 以前好食D. 炒旦碎濕濕, 叉唔起, 唔夠滑, 同無旦香味囉麵飽還可以, 但通粉又唔熱, 雖然門口長期有長龍啫, 但都要留意下D質素囉. 另外, 伙記們D趕客態度亦令人震驚 !!!!!!!! 明白lee 間係平民化茶餐廳, 唔係5星級酒店coffee shop, 但伙記們,.... 我地始終係客人, 唔係乞兒喎!!! 請不要再呼喝我們!!!

醫生常叫我少吃蛋類,可是每次經過還是不其然走入去食埋"次次都一樣的東西"---快餐炒蛋多士/凍奶茶........加鹽落多士上,加胡椒粉落蛋上,食罷總是反問自己,為何自己炒不到咁"滑"...........真底死..........無耐地"贵"...還是要俾$幫襯

這間餐廳我由細食到大所以佢地既作風我都慣左佢地係要快唔坐得耐因為真係好多人等位我並不介意因為佢既茶餐真係好味最愛佢煎既太陽蛋個蛋黃流出來簡直正仲有佢既厚多士好味好少茶餐廳有架啦佢雖然只由早到晚都只做茶餐同燉蛋燉奶不過真係好多人幫襯架

講食物素質，老老實實，普通野嚟者，味道唔見得驚喜。地方窄小，成日感覺要趕你走，我覺得唔自在。招呼真係好差，我唔小心撞到嗰伙計，眼神凌厲望住我，差D想打我，我只好猛話唔意思，拿拿聲走人，我未見到呢D咁巴閉嘅伙計。抵唔抵食，性價比唔講得高咯。No next time，純屬私人意見。

見open rice咁多好食評, 想食好耐, 見無咩人即入去食!可惜要搭枱, 叫左常餐, 其實都幾貴, 成$30蚊, 炒蛋真係幾香, 但其實唔係好特別美味, 但值得一讚多士, 真係好新鮮, 牛油薄薄一層, 正!

相信不少人跟我一樣, 將澳洲牛奶公司定為最top的favourite但新年來卻越食越普通 慢慢都不再是唯一今日去過做gym之後, 因為趕不上巴士, 結果心內無形力量驅使慢慢推我行去澳洲牛奶公司為早餐火腿湯通粉一般水準 唯湯底做得比外間creamy, 值得食過所有火腿跟通粉後再一氣過飲晒湯之後重點個炒蛋, 真係一次比一次差從前好creamy好滑溜的半熟蛋今日出來的是9成熟的蛋再咬一口 想不到咁"鞋口"有種炒老了的口感 我想是不是蛋價貴了澳牛也被迫用平蛋 如果我的估計是真也真的是澳牛fan的悲哀之後奶茶 也是尋常不過的貨色可肯定我食開的美心 絕對更好以前澳洲牛奶公司獨一無二 加上橫行香江的實力是抵佢有咁多fan排長隊但之前食過金魚街民華 食品水準 選擇 環境上都大大勝過真希望澳牛不要再跌watt

火滾，真係火滾，出街食飯最氣頂就係被服務生寸，成日聽班Friend講落佐敦牛奶公司開餐，既然揸車經過，點都要試下你下晝三點幾，好多人塞在門口，使唔使咁多人以為有好嘢，等左十分鐘，終於有得”搭枱”點了個快餐，叉燒湯意加煎蛋，個阿叔係咁催我點茶，點咩啫，都未諗到想嘆咖啡定奶茶湯意粉好似唔使煮咁，極速送上，果位阿叔係咁埋嚟抹枱執牙籤筒，擺明催我食快d交枱，態度極差，又周不時故意大聲同另一待應講d有骨說話咁寸，好，睬你都傻，慢慢食就係咁，”搭枱”食客一個接一個，差不多換到第三位客人時，阿叔又走埋嚟問”哥仔，諗到想飲咩未？”聽到我話”未”就黑面走開如是者，我嘆慢板咁坐足一粒鐘，唔係標位夠鐘，都唔使旨意我會起身一間餐廳要留客，真係要顧及好多，好似呢位阿叔，好明顯要再培訓

今日一於要見識這間人氣快餐店看看牠胡盧裡賣什麼藥，一直以嚟維持人氣磅十大 。餐牌都未看就俾吹落order,大佬啊，我鬼知你有咩食咩！細看之下原本來真係冇咩食，只得常餐和一個不記得叫什麼的餐。最後我要了個叉墝通粉炒蛋餐。不消一分鐘食物就送到。通粉多士火腿樣樣晋通，唯獨是炒蛋香滑軟熟教我刮目相看！但有時真的不明白為何這麼多香港人喜歡食這類形的常餐？價錢又不是便宜，一食完又要俾人吹埋單，除了炒蛋外根本全部都可以係屋企整到更美味的，真不用在這兒貼錢買難受。

我相信全香港冇乜邊間RESTAURANT可以快得過佢.... 我地4個人入去, 點左4個餐, 食埋, 比埋錢, 出返門口唔唔超過10分鐘~~~ 我地落完ORDER, 唔夠一分鐘, 到晒~ 雖然係快, 但係味道一D都唔馬虎~!! 雖然入面成日都坐滿人, 但係幾多人都好, 你都唔需要等好耐... 的確係香港人既餐廳, 勁快~!