澳洲牛奶公司

营业中

休息中

心想香港地, 茶餐廳周圍都有, 呢間又有幾神奇?特別帶了2個外國朋友, 一齊試吓香港茶餐廳的風味!平日下午6時多, 店舖不大, 但人頭湧湧, 很多OL及西裝友都來幫襯, 可見深得民心!我們真的是來見識見識一下, 所以3個人點了一個茶餐, 加一杯鴛鴦咁多, 還好這裡沒有設每人最低消費或齋飲雙計 叉燒意粉, 看似平平無奇, 外國朋友居然食出有點雞湯底味道, 真的這麼神奇? 炒蛋加火腿, 再普通不過, 但一口吃下, WOW, 真的超級滑, 是有加秘方的吧! 多士是厚片的, 不是一般街邊常見的薄多士, 一口咬下, 真的有用心, 不是行貨啊!凍鴛鴦亦令2個鬼佬讚不絕口!這樣的平民價錢, 這樣的快捷服務, 這樣的'木口木面'的表情, 雖然笑容欠奉, 卻客氣有加, 這不就是我們香港人的特色嗎?

從前係佐敦返工,經常都會去食,離開左佐敦後都好耐冇食過,而呢日就專程出去食,唔知係咪因為假日,所以要大排長龍,又或者平時我返工既時間食都係朝早啦,一入到去D侍應照舊咁企係食隔離等你落單,我都照舊叫左炒蛋,叉燒意粉,一黎到我就食佢炒蛋,冇錯,份量仲係好多,但一叉起D蛋散晒,同以前唔同左,味道?好似冇咩蛋香喎.....跟住埋個多士,E?"淋"晒既,又唔熱,好似放左好耐咁,唯一KEEP到水準既咪係佢個叉燒意囉,係咪真係做出名左之後就變到咁差呢?相信舊有既食客食過佢而家既食品之後都覺得好失望!!

去之前都预左要排队，點知我地等左兩三分鐘就聽到嗌『第一個三位嘅』～ 真係好彩啦今次～～D侍者真係訓練有素，寫野，上菜，收碟，埋單，都好快手。。。仲要間隔2秒就有人過嚟睇下咁～。。。食物真係好味！名不虛傳！食量唔大，都係就左快餐：炒蛋香滑而不油膩，正！牛油多士唔係好韌，鬆軟之餘，烘得啱啱好，正！加多杯熱鮮奶，暖粒粒～個胃好舒服～～

本人是澳洲牛奶公司的忠實顧客，食左十幾廿年，年年都食幾次，總知一經過佐敦就食佢，但這一年實在太多人排隊，要等得太久食少左。當天要到尖沙咀 hair cut，早幾個站下車，試試運氣，見到有位即坐下，我通常都是食茶餐，這次都一樣：义燒通，味道比以前差，通粉好軟，唔好食；炒蛋ok、火腿一般﹠多士就林左；但係杯奶茶，就係真係差左，無茶味和唔夠滑。需然客路無休，因大把國內同胞去食，但都唔可以唔理食物質數嘅～

早兩年食過, 覺得佢D野都幾好食, 同茶餐廳有少少分別係, 佢D粉好彈牙, 但係今次食完之後有少少失望, 叫左個常餐, 唔洗一分鐘D野就上齊哂, 感覺好想趕我走咁... 我都知黎間野, 不嬲都多人食, 佢當然想做多轉啦, 但係砰砰砰咁上哂, 感覺真係有D差... 講返我最欣賞佢既粉仔, 今次我食通粉, 好林, 好似OVER COOK咁, 同以前唔同左, 最重要係個湯冇味... 大不如前>_< 不過佢D炒蛋就仲KEEP到... 好滑架, 唔知係唔係因為用左少少MILK去炒呢~ 一杯普通既凍咖啡冇咩特別, 唔難飲囉~

昨天諗住去廟街髮品店買個hair straightener, 好耐之前已經想去澳牛試下, 但一直未行動, 咁啱去開附近, 一於食返個"brunch" 先! 16:00 到達, 有 7-8人等緊. 等左5min左右就入去.天氣熱, 兼唔想食咁飽, 所以散叫了炒蛋多士+凍鴛鴦.炒蛋 ==> 啲蛋好滑, 有蛋汁, 正!多士 ==> 外脆內軟, 搽左少少牛油. 好!凍鴛鴦 ==> 普通, 冇特別.waiters 好似好趕時間咁, 不過尚算有禮貌及態度良好.

之前成日睇D人介紹呢間食肆，終於食到第一次因為工作要同同事去佐敦附近，做完野大家講起不如食TEA我就問起澳洲牛奶公司，兩位同事都 OK 便由佢地帶隊 (原來得我未食過 )係OPENRICE 有人話佢地D SERVICE 好差又趕人走我就冇咁既經驗，D STAFF 仲比我地慢慢睇個餐牌 (可能係下午四點幾唔多人 - 唔FULL，所以佢地都冇催我地)女同事A 叫左個燉奶, 男同事B 叫左個快餐，我第一次試就食個午餐 (係比快餐多個通粉)炒蛋確實滑 & 有蛋香，通粉也不錯，奶茶亦很正！吃得很飽呢~期待下次再出去行時再食~

一直聽人講又好睇食評又好都話澳洲牛奶公司有幾好食不過好少經過個區有一日終於經過可以去試下個時大概6點幾左右唔洗等位就有得坐叫左個常餐上餐速度勁快唔洗幾秒就黎到叉燒湯意普普通通,冇乜特別,如果要讚就係意粉軟硬適中火腿蛋+厚多士炒蛋咸左少少,不過還可接受火腿GOOD厚多士VERY GOOD,好鬆軟COT不過不失,不過用熱飲杯有點兒少左D...= =總括黎講真係唔係好似外界講到咁好食好普通既茶餐廳常餐...

d 炒蛋多士好好味啊！但是d 伙计就恶o左d 啦......话说我同老公第一次光顾, 又不是香港人, 所以就问点样order....点知个伙计就大大声话 "么野点order 啊??!' 真是给他吓倒.....

夜晚八點幾去到，全場爆滿，好彩岩岩有人走，於是乎坐左二人卡座我地叫左兩個餐，所以就盡量轉唔同款兩個人分黎食叉燒湯意同叉燒通粉基本上無咩分別，有人話呢度通粉好好食，但基本上我地唔覺得有咩特別，如果只係無煮過火就值得歌頌，咁呢度算係唔錯囉，至於個湯... 典型茶餐廳雞粉豉油湯。火腿雙蛋方飽正常黎左一份，另一份我地轉左炒蛋治，我之前無幫襯過唔知澳牛炒蛋可以幾出神入化，但就我食到呢份炒蛋治同煎蛋黎講算新嫩多汁有蛋香，屬中上品計價錢當然係叫茶餐比較抵，勉強可以當一餐。如果你只想食好食野，炒蛋治加茶應該係唯一選擇，就係貴左少少又唔飽咁啫有人話呢度既甜品同義順有得比，我無食過澳牛甜品，之但係你入去眼見食炒蛋既人數同甜品既人數，就知道嗌咩食應該最有質素

本來都唔係來食野但因為今日落雨,男朋友唔駛踢波就跟住決定來試下, 因為佐敦唔係成日會來來到，夜晚6.30pm 到.入到去，都已經好多人，但仲有一兩個位一坐低就叫野食， 茶餐同常餐 + cold drinks ($60)當然叫左炒蛋多士＋叉燒湯通粉d 份量真係夠大份，有番係英國食三文治時既份量以前食開d炒蛋一係太濕一係太老, 所以我一向唔太鐘意食炒蛋今日一試，真係愛上呢到d炒蛋炒蛋又香又滑，煮得剛剛好, 唔太濕or太老好多叉燒，唔太多味精加埋炒蛋食仲好味如果第時有時間，都可能會再特登來 p.s. d伙計好細心同有heart. 快得來，都唔會逼你

四月九日 (星期六)今日要一大清早出去佐敦拎身體檢查報告護士說要最少比原定時間多等九個字,建議我先去吃個早餐老公仔一早就出來陪我本身想買個外賣吃最後可以一起到AMC吃甚少一同吃早餐的我們叫了一個燉鮮奶和一個早餐火腿通,火腿切得碎碎,湯底偏咸的以早餐來說兩個人SHARE也足夠了炒蛋多士香滑的炒蛋,永遠是早餐的好選擇!凍檸檬茶加上滑滑的熱燉奶為我們的早餐加上了一個完美的句號正所謂一日之計在於晨,如果每日都有得吃AMC的早餐,你說多麼美好!

Woke up late in the morning with my family and decide to have late breakfast instead of early lunch today. My wife have introduced me to this place as they have ate before with her friends. And she told me that this is a nice place for dine in although the environment is not really very goof and class but the food that they served is really nice.The staffs there are friendly enough and although menu is short and simple. But i find my favourite food inside the menu that is the sramble egg. All al

星期日來食澳牛，基本上例必排隊，不過大家都知坐得唔耐，等位好快就有得坐，除非多人會麻煩少少啫~十二點前得早餐食，所以佢一來就問你要炒蛋定煎蛋，好快手，無得揀，來得梗係食炒蛋~~~唔使兩分鐘即刻有野食，速度驚人...... 炒蛋跟以往一樣，很滑！兩件厚面包既多士烘脆了很好吃，不過再乾多一點點會比較好~~ 還是有一點不脆面的地方。食到七七八八先叫飲品，熱奶茶的奶味很濃，很滿足！最後起身之前伙計走來寫張單就拎去埋數，成個程序非常不浪費時間。坐到二十分鐘是很長了！P.S. 望到周圍都唔少人係一個人走來食，所以一個人來食都唔會覺得寂寞 XDDD

This is a very famous restaurant.I went there b4 my dental check-up.There were a lot of people in it although it was almost 4:30 pm.I tried cheese and egg sandwiches and 燉奶.燉奶: The texture was very smooth,and it was rich in milk flavour.Every spoon of it was a concentrated milk.It was so delicious that I could finish it in 5 mins.Cheese and egg snadwiches: Thick bread and even thicker layer of egggggs!!!When I saw it,I was very excited---a triple-decker sandwich!The cheese inside was melted in d