澳洲牛奶公司

营业中

休息中

星期三晚上入去食，我們兩人入去，一入去就叫我坐在門口旁邊的圓椅位置，於是我望入去見到有空了的卡位，佢話唔得因爲係4人枱，跟著我見旁邊兩張卡位枱都只坐了兩人，由於我拎著一袋重的物件，就照坐後画張卡位枱話有人泥先讓給他們。坐低後就即叫了兩個茶餐，都即刻上餐，跟著我地食得好趕，點解？因為佢地行泥行去不時望下我地好似想我快d走咁。我地唔夠十五分鐘就食完走咗。唉。。我都未試過食得咁辛苦，最後結帳$92。我以後都唔會再去，出画茶餐大把選擇同對客人有禮又乾淨，我唔想比錢入泥比你地趕我咁食落肚

以前啲人成日話澳牛啲阿叔好惡態度差，但其實so far我食咗咁多次都覺得佢哋唔止唔係態度差咁簡單，仲好好老脾，好nice,有傾有講搞爛gag又有幫你影埋相影好多張任你慢慢揀都仲得。當然前提係你要配合返澳牛文化與規矩：同普通茶餐廳都差唔多，都係座位特別逼，人特別多，叫嘢食最好唔好諗咁耐亞吱亞咗，仲有澳牛文化係嘢飲食完先嗌，因為張枱實在太～細～喇～基本上食澳牛都係食佢嘅$43茶餐架啦，冇乜嘢可以你諗，基本上都係揀煎蛋炒蛋通粉意粉麵包多士架啫，最令我一直鬱鬱不歡嘅就係佢係無得加錢轉公仔麵架，通粉意粉我都唔係好鍾意食，多數就揀通粉啦易食啲唔會彈到周圍係。（試過阿叔拎嘢食嚟喺度嗌：包包、多多、多多，然後係到笑）炒蛋加埋火腿夾落塊油多度就人間極品唔洗講，鍾意落砂糖落油多度又得

今日禮拜日一瞓醒又要諗下去邊一度食午餐先，要付OK附近就有澳洲牛奶公司3.3下午茶好肚餓嘅時候就會揀呢一個快餐，真係好快唔使幾分鐘就一個餐來做啦，有我最鍾意就係食嗰個多士又脆又佑香尤其是啲牛油用融入左個多士裏面真係好好味仲有個叉燒意粉啲湯真係好龍好夠味。

<久違既澳牛>🥚澳牛出左名趕時間 所以好多人都話態度差 不過我其實唔介意呢 d, 反而係佢太多人排隊我先最憎 所以已經有7, 8 年冇食過。 近排社會環境甘樣 見到甘多 post都話少左人 又見某 d日子都冇開工， 又冇講過任何無良心言論 . 暫時我都當佢地係真港人餐廳👍🏻縱使佢地心入面乜野心態大家無從得知 但我仍然幾欣賞佢地呢種做野方式 於是就入左去幫襯下視下久違既炒蛋🥚 果然少左人 但其實都有7 成滿。 唔知點解 感覺上好似態度冇之前甘急 🤣但影響唔到我 🍴杏汁燉雞蛋30 蚊🥚個燉雞蛋未到超爆好食 但雞蛋味香濃 甜味適中 食落帶有杏汁香 都算十分唔錯 30 蚊 就比正常貴 dd但可接受👍🏻 🍴茶餐 46 蚊 ☕凍飲加2 蚊❄-牛油方包🍞 個方包焊左底 加埋牛油 係幾香既-火腿煎雙蛋🐽🥚火腿正常 甘個蛋係幾滑 而且煎得幾有層次感 其實如果唔洗排甘耐 我覺得 ok既👍🏻-叉燒湯意粉 🐷 同以前一樣都用番傳統茶記嗰 d有雞味既雞湯 所以湯帶 d雞油香 叉燒就正正常常 甜甜地 🐷意粉唔錯 粗身爽滑🍴凍檸茶 加2 蚊 但細杯 用左碎冰 冰份量唔多 所以又未到話超細杯🍋 佢係

澳洲牛奶公司最著名的就是燉奶？身為一個土生土長嘅香港人的我就唔覺得係燉奶囉！基本上我每個星期都黎食一次，但我來的目的唔係為咗燉奶係為咗佢哋嘅炒蛋！！雖然每次黎親都要排隊，但係其實佢地嘅速度好快，基本上半個鐘內一定入到座。話過愛心信息比大家知，澳洲牛奶公司的員工如果見到長者、孕婦或行動不便之人士，佢哋都會比佢哋優先入座，十分關愛每一位客人❤️一坐低一定係即刻叫叉燒通粉，火腿炒蛋多士走牛油！食物質素方面唔需要多講，總之就係唔會令你失望！

有一週，在一至五期間有很多假日，又有工程，順道就可以到平日上班日子去不到的餐廳。🙆🏾‍♀️在這陣子，有說零售業都生意慘淡，因此坊間的自由行旅客就沒有那麼多，🙆🏾‍♀️其實對於本地食客，可能卻是外出到以往排隊名店的最好機會，🙆🏾‍♀️立馬把握。以往，澳洲牛奶公司，動輒都排10人8人，你排隊，又要費時間，內進之後，廚房可能應接不暇，因此也沒有那麼好心機弄東西，侍應又非常忙碌，態度也欠佳。現在，見到有個網民指，職員好心，看見食客右手弄傷，會將杯子的手柄已向乘客的左手，方便食客提杯。這天我的親身體驗，亦都類似，平時，澳洲牛奶公司，應該最多只可以兩人坐一邊卡位，這天三時左右，竟然可以二人對座，因此桌子顯得非常之空曠。桌子大，坐得舒服，而且食品都非常之新鮮，由於下午茶時段，但是它只有三個餐，我們就點了有多士以及有炒蛋那個餐。多士厚切，塗有牛油，不會太過油膩，而且烤得脆身，沒有吃白麵包的感覺。而炒蛋更加出色，第一︰蛋味濃郁；第二︰份量非常之大，第三︰炒蛋炒得非常之滑，但是有沒有麥當勞那種機器化以及吃完之後感覺「鞋口」的感覺。而最後的飲料，也非常之出色，這杯鴛鴦，可能是近年喝過最好味的。鴛鴦的奶茶味非常之濃

 之前同朋友傾過澳牛係好代表到香港人既一間餐廳快速,簡單,味道可以上一代既香港,講求速度,做什麼都要快！連食飯都打仗一樣黎呢度，就可以體驗到人潮依舊要排隊，沒有太大變化下單後，３０秒就上菜了早餐來最便宜，７時半至１２時都是早餐$38就有牛油餐包,煎炒蛋,火腿通粉,包咖啡或茶茶餐牛油麵包,火腿,煎或炒蛋叉燒湯意粉,咖啡或茶$46叉燒一如以往的硬,不好吃通粉太軟,唯獨牛油多士與炒蛋仍然好吃炒蛋味濃而且夠嫩滑,脆香多士加牛油份量都多,吃完好飽凍奶茶都是出色的,夠濃夠香滑 澳洲牛奶公司  Australia Dairy Company佐敦白加士街47-49號地下G/F, 47-49 Parkes Street, Jordan港鐵佐敦站 C2 出口, 步行約2分鐘

澳洲牛奶公司 #佐敦我諗呢間應該無人不知，成日朝早都會大排長龍，今次咁啱夜晚經過就唔使排隊。而且服務態度都冇想像中咁惡劣，可能因為夜晚少啲人佢哋得閑啲。茶餐$46(牛油多士、火腿煎雙蛋/炒蛋、叉燒意粉/通粉)佢哋嘅炒蛋的確係幾出色，滑得黎好香蛋味，而且應該加咗少少調味，所以就咁食已經好好味！不過其他就冇乜特別，勝在佢塊多士係厚多士，牛油分量都算恰到好處，唔會話得少少冇牛油味。另外佢哋係用瘦叉燒，係真係一啲肥肉都冇，好在佢哋啲瘦叉燒都幾淋。牛肉文治$22本身以為係一塊塊牛肉，點知原來係鹹牛肉，加埋厚多士一齊食都幾正，而且今次冇嗌到烘底，我覺得咁樣食得到麵包嘅鬆軟仲好味！整體來講其實唔算太特別，不過佢哋隻滑蛋真係整得唔錯嘅，但係略嫌有啲貴。味道: 3.9/5性價比: 3.3/5

夜晚九點幾係佐敦搵食，先發現澳牛條街好多食店都開到好夜但係男友未食過澳牛，就諗住帶佢一嘗澳牛既快一到即刻安排個面壁位比我地兩個，其實幾好，唔駛搭台，私隱度高少少坐底唔夠五秒，已經問你食咩，但態度唔係差，佢見你答唔出，都會話定再諗下先但澳牛夜晚其實食餐既話，就係得兩種，所以我地都好快叫到見到茶餐好似fix 左甘，但其實可以有變化，可以要方包定多士，煎蛋定炒蛋，意粉定通粉，野飲都好多選擇多士烘得好靚，牛油已經一早搽左煎蛋其中一個全熟，一個蛋黃仍然流心，唔知係特登定錯手呢？所有煎既程度都岩岩好，唔會有濃邊情況通粉湯底偏杰身，但通粉係彈牙，叉燒肥瘦適中，華田味道岩岩好，唔會無味所有野就係岩岩好，同當年讀u 食個陣既味都係一樣甘多年都係快靚正唔會有驚喜，唔會有失望，就係中庸之道

細細個就已經聽人地講得多，話呢間餐廳既食物好好食～～不過佢地既服務速度好快！！！個個食完都話食到趕頭趕命咁😅😅😅😅所以都無咩特別心動去食，因為自己食野既速度都係十分之慢😂😂好怕食到中途俾人趕走......直至去到最近，有位朋友係外國返黎，佢話未食過呢間，一直都好想試不過無機會....咁我就帶左佢去食啦～～好好彩！我地去既時候唔算多人～～唔洗排隊等就可以直接入去坐低👏🏾👏🏾我地各人都叫左一份常餐，個麵唔算太好食，過得去啦～～不過份炒蛋的確唔錯👍🏾👍🏾👍🏾比一般既炒蛋滑😋😋至於清枱方面，無我想像中咁急，都有足夠時間食哂成份餐，不過一食完就要即係起身埋單走人😅😅😅

對上一次食澳州牛奶公司已經係6年前😂😂當時仲記得好好味既🥰🥰今日終於都可以故地重遊😎不過真係令我好失望呀首先入到去無左人山人海既感覺🤪🤪，都唔知係好事定壞事🙃🙃我就嗌左個茶餐炒蛋多士熱奶茶成個餐一黎到俾我既感覺係凍既無錯！係凍既，連杯熱奶茶都係凍既，我同侍應講，佢竟然話因爲落左奶，所以米凍囉大佬呀，我叫既係熱奶茶喎！唔係室溫奶茶呀我想換過杯佢就話，個杯係咁架啦，我真的無言了而其他食物都唔熱得去邊，最熱都係個湯意粉既湯，可惜叉燒太一般。多士火腿都太凍，完全唔開胃，其他我真係無野好講。6年既期待，今次令我對澳牛勁失望，可能期待得愈耐就愈係失望吧！

今日好幸運地下午沒甚麼人等位，兩位順利入座。茶餐的炒蛋很滑，蛋香也很濃。叉燒被意粉覆蓋住，肥瘦適中，對於喜歡到茶餐廳食常餐的伙伴們，澳牛的茶餐亦絕不失禮。另外還點了凍的燉奶（太急食忘了影相），稍為甜了少許，但很滑都有合格的分數。最後，說一下大家網上見到的服務態度問題，我今次真是見不到這個問題，清一色的男侍應在短短一餐的時間，整體態度都可以，不過鑑於餐廳的人客流動都很快，我們都還是快點食完，趁早讓出枱畀其他人。總的來說，澳牛雖然一直讓遊客吹奏，成為到香港必來的食店之一，但亦合符香港人對午餐要求，都算快靚正，作為香港人都可抱著遊客朝聖的心態一試。

澳牛 我細細個已經聽過呢個名啦但其實佢出名啲咩？出名啲人好惡同埋上菜好快上星期係附近打完波就去咗試，真係好有'驚喜'....前一日已經諗好要食咩，仲練埋點樣快速落單 包冇死啦掛一去到，條隊好長，不過等咗10-15分鐘就入得。落單慢咗0.1秒個侍應已經吵，anyway 我叫咗多士煎蛋叉燒通粉，同行既叫咗多士炒蛋叉燒通粉，上菜真係快，味道正正常常，個蛋都唔係特別好味姐，咪又係咁。我挑！食到後段，同檯有個女仔舉手示意佢個碗通粉有曱甴腳我都見到，真係好嘔心... 個侍應sxxt咗下，冇講sorry，只係平咗$8比個女仔。雖然話出街食都預咗，不過你唔好比我見到阿大佬...叉燒通粉: 叉燒份量足夠，夠味，不過不失。多士: 幾好食，但我諗每個人係屋企都整到。炒蛋: 係幾滑，加咗忌廉，但個人喜歡食蛋既原味多啲。熱檸水: 無意見總結: 試一次就夠，食餐飯都趕頭趕命咁，服務態度差，又唔係特別好食！仲比我見到啲唔應該見到既野！冇下次！完。

蛋治水準每次也很好，最好toast 咗更香！奶茶又香又濃！通粉叉燒一般，西多士很香又脆好味！醇奶也是比其他餐廳好吃！最好5點來不用等位。雖然服務麻麻但也會常常來幫襯！

真係E間鋪頭，油朝到晚，油年頭到年尾都係咁多人，種要咁多年餐牌都冇轉過，每次去到都只係問你要通粉定以粉，煎蛋定炒蛋，對我黎講黎得以到食野噹然係食炒蛋啦，佢D胡椒粉好似同其他鋪頭唔一樣，炒蛋又滑，多士夠香，價格合理👍