澳洲牛奶公司

营业中

休息中

正所謂「早起的鳥兒有蟲吃」，真係無錯架！同寶仔朝早十點去到「澳牛」，唔洗排隊，直入就得！😏十二點之前都可以點早餐～☺早餐有牛油方包、西煎雙蛋、火腿通粉、咖啡或茶（凍飲要加$2），留意返！火腿通粉只可轉粉麵，冇得轉其他餸架！西煎雙蛋就可以轉炒蛋，眾所週知「澳牛」炒蛋最出名，識食一定係食炒蛋啦！火腿通粉通粉軟硬適中，配上金黃色、鹹香嘅雞湯底，不錯！牛油方包烘得微熱香口，配炒蛋一流！炒蛋炒得唔錯，香滑柔軟嘅口感，可惜今次炒得太散，牛油味又蓋過了蛋香，有點失望呢！整體來說，「澳牛」嘅茶餐絕對算係香港嘅茶餐廳中數一數二嘅有水準，難怪有咁多遊客會慕名而來，真係點食都唔會厭！

早排出嚟食澳牛 冇留意佢星期四休息 結果去咗對面食 十分遺憾 所以今日特登再出嚟食返澳洲牛奶公司個早餐 最近完全唔使排隊 入到去食野冇趕客走早餐就獨沽一味一個餐 如果想食其他就要散嗌 三文治 多士 燉蛋 燉奶都有火腿通 炒蛋 多士焊底 $38火腿通加埋胡椒粉 澳牛 炒蛋真係好食到不得了多士香脆可口加埋少少糖落去食 實在係大滿足朋友叫咗太陽蛋 佢食完我啲炒蛋之後都好後悔自己冇叫炒蛋 不過佢話啲太陽但都係好食熱奶茶 奶香濃郁 茶和奶嘅味道 配合剛剛好人流唔算多 可以慢慢食澳牛真係好有速度 落單後30秒上菜 嘢飲要之後叫 唔係張枱冇位放埋單只要企起身 夥記立即過來幫你寫單真係好有速度嘅一餐

「澳牛」最出名嘅一定係非炒蛋莫屬啦！同寶仔去開佐敦，梗係要黎食返個下午茶啦！不過「澳牛」係無下午茶餐架，只有早餐（7:00-12:00）、茶餐（12:00-23:00）同埋全日供應嘅快餐，其他嘢食就要散叫啦！因為我地唔係好肚餓，所以就只係order左兩款嘢食，腿蛋文治（$22）方包夠厚，烘底（加$1）方包更香口，配上份量十足、香滑嘅炒蛋，和perfect match 嘅火腿，無得輸！美味指數：😋😋😋😋蛋白燉鮮奶（$30）有凍有熱，又白又滑，奶香十足，好食過「義順」嘅好多，推薦！👍🏻美味指數：😋😋😋😋整體來說，「澳牛」炒蛋真係無得輸！同埋，伙記唔係真係傳說中咁惡架，佢地都好有溫柔嘅一面，話說我跌左個裝住口罩，伙記仲幫我執返，真係好nice，謝謝喔。☺

自從上個星期社交平台見到有人post, 澳洲牛奶公司的侍應哥哥叫食客不用急慢慢坐之後， 一直都好好奇到底是不是這樣的今日經過附近，看到人龍沒有了，二話不說便入去食個下午茶！的確餐廳裏面有吉枱， 四人卡位亦都准許啤小姐和啤先生坐跟以往一樣，澳牛水準依舊， 食了個燉奶同咸牛肉蛋治烘底燉蛋滑， 咸牛肉蛋治的蛋滿得爆棚，咸牛肉略嫌味道不太出，但三文治底有驚喜！ 烘得剛好，外脆內裏蛋滑，這個組合很不錯和啤先生食完的碗碟竟然可以留在桌面上 看見我的清水喝乾，侍應哥哥還十分貼心地幫我換上一杯新的

澳洲牛奶公司，相信好多香港人都有試過，重有好多遊客聞之其名專誠來到，除咗出眾嘅茶餐早餐，餐廳獨特嘅飲食文化都享負盛名叫餐唔好叫定野飲，會比人覺得你唔識規矩架新年過左一排終於等到佢初十七開門，就過左去嘆返個醒神早餐！ 平日都會大排長龍，今日好彩唔洗點等，一來系火腿通心粉配煎蛋厚多士，通粉湯底好好味，落少少胡椒粉就更正！ 牛油原多士就系最出色之處，牛油均勻烘到脆脆地，咬一啖，油慢慢滲出嚟，非常好提一提各位，餐廳逢星期四喺休息，記得睇清楚時間啊唔係摸門釘呀

Collective memory of HK people! Back to this famous cafe in HK since the queue was shorter recently. The scrambled eggs taste just as good as before- very silky, very indulging, taste delicious! The macaroni tastes good with the cream chicken soup. Toast is crispy and buttery, taste even better with sugar added. Will definitely go back again and again.

年青時代很喜歡吃澳洲牛奶公司的茶餐，但自從它被鄰國人攻陷後，已經超過十年沒有再幫襯。早前知悉它被列為黃店，非常驚喜，於是便趁工作的空檔前來。這裡最出名的除了是炒蛋滑奶茶香之外，還有就是伙計的惡和寸（不過我想說的是，若果你能配合他們的運作模式及節奏，其實他們真的沒甚麼啦），所以一如以往，進店之前，我早已決定吃甚麼（當然是茶餐啦），甫坐下便落 order，不浪費一分一秒。伙計大叔見我揹個大背包，還主動拿張圓櫈給我擺放，非常窩心😙。成個茶餐最好食的當然是炒蛋，又香又滑，質素在茶餐廳中可謂數一數二，夾在塗滿牛油的厚多士裡吃，滋味無窮。另外，叉燒湯意粉也很不錯，叉燒肥瘦適中，意粉亦不會煮得太腍，湯底味道偏濃，重口味的朋友應該較為喜歡。不得不提他們的奶茶，茶濃奶滑，非常好飲。當天還有個小插曲：同枱有位大叔第一次幫襯，我見他年紀有番咁上下，但竟然從未來過，於是便問：“你是香港人嗎？” 他聽罷有點尷尬地笑著回答：“係呀...” 原來澳牛伙計惡死的傳聞一直令他卻步，直至最近終於下定決心要來。我沒問他原因，因為從他的眼神及語氣，我就知道，他是同路人呀！

今日同屋企去佐敦買野,買完見肚餓就去佐傳說中既澳牛食個茶餐😂😂😂去到門口已經排曬長龍,入到去坐低即刻叫野食,餐廳好有舊式冰室既感覺,話咁快野食就到！先試試佢個炒蛋,食落又香又嫩又滑,仲有微微既牛奶味！至於叉燒意粉就無乜特別驚喜,不過都好高分。餐飲叫佐茶走,相當高質素！重奶味,茶又唔澀,一流！最後食佐個燉奶,入口即融又唔會太甜！高度推薦！100分！不過注意逢星期四休息🤣🤣可惜啊😂😂😂😂

好早罷工嘅小黃店💛啲人成日話呢度啲侍應哥哥好差禮貌 但係我食過幾次覺得都還好😌可能因為我個人本身細膽 我對佢哋100%客氣😈·叉燒通粉 $32因為我今次自己一個人食 我應該食唔晒個餐 所以我就咁單叫咗一個叉燒通粉😎呢度嘅叉燒通粉真係好好食 佢個通粉係冇坑紋個種 我自己好鍾意 佢啲叉燒就係瘦個種 但係瘦得黎又唔會好鞋 都ok keke·#rbyeat#rby港式#rby小黃店#rby佐敦·📍佐敦白加士街47-49號地下

久違了的佐敦澳洲牛奶公司。質素係ok 嘅！價錢也算實惠，火腿通粉用忌廉湯係美味又夠香濃嘅，其他餐廳抄襲就抄襲唔到，牛奶炒滑蛋真材實料，香滑好味，嗰塊厚多士真係超厚，要趁熱食先可以感受到香脆嘅味道，熱奶茶順滑有茶味，整體質素係高嘅！奈何待應嘅質素真係好參差！我記得上次嚟嘅時候係啱啱市道蕭條，唔使排隊已經有枱，服務態度重非常之好，今次嚟客人多番啲，又開始寸寸貢，滾水淥腳咁！希望係個別侍應個人態度啦！

有沒有跟我一樣，喜歡吃港式早餐？我會四處試港式早餐/常餐的人。澳牛是我細細個已經開始吃，是一間水準頗穩定的茶餐廳。以往都要排隊的，但以那種進餐速度，很快便能進去。及後，受到遊客追捧，怕人更多，我就沒去很久了。今天再訪澳牛，裝潢沒怎麼變，很有親切感。其實也沒什麼好選擇，通常直接就吃茶餐($46)，即是:叉燒湯意端來時熱辣辣。湯底用了類似忌廉雞湯的口味，整體來說夠香滑，味道足夠而不過鹹。叉燒稍為瘦，味道還可以。牛油多士都不錯，牛油份量剛好，外脆內軟。剛好我的多士烘得不夠， 再燶一點口感更佳。炒蛋火腿很滑，唔會好生，有蛋香。但稍為過鹹。淡一點較好。火腿一般。熱鴛鴦走很久沒有喝茶走、啡走等，所以就點了。茶、咖啡與煉奶比例剛好。服務方面，大家都知啦，一個字，快。店員不會鬧人，也不算特別好禮貌。😂或許已有心理準備，又沒什麼難受。實際用餐經驗為，點餐後餐點飲品都很快來到，然後吃完一放下叉子，便會有店員迅速過來收碟。我沒有超過30分鐘便離開😂

這是遠近馳名的炒蛋店，其實店內的服務真是一般，而且選擇不多，但是有一樣做得出色已經足夠，所以我和朋友專誠來光顧。因為是晚餐，不是太多人，不用等位就有座位。牛蛋通心粉通心粉質素一般，跟普通茶餐廳差不多，所以34元只是一碟通心粉就不太值得。炒蛋多士炒蛋是真是好吃，非常嫩滑，而且濃郁的蛋香，只是吃個就很滿足！熱蛋白燉蛋我認為這是必吃的甜品，仲好吃過炒蛋！一入口已經感到牛奶香和蛋香，而且非常嫩滑，口感軟綿，簡直一吃難忘！

平安夜那天原本打算佐敦下車行去尖沙咀看燈飾及找餐廳吃晚飯，可惜去到時已經不可以行去尖沙咀，已經在佐敦往尖沙咀的馬路被攔截，要往其他方向行走。於是便去了澳牛吃晚餐。不用排隊，點餐快，送餐快，服務快，侍應動作也快 （曾看到侍應還未收碟，可能那個人還未吃完，老闆已經在看了兩三次...）。以前侍應態度會比較冷淡，現在有禮很多，不停多謝、唔該。也會跟住客人的飲品及會否還未送齊餐。澳牛的食物本身不錯，叉燒湯意/通的湯很好味，炒蛋也很好味，就連方包加進牛油也不錯。最重要還是速度快，不用等太久

相信大部分的香港人都認識「澳洲牛奶公司」，它亦是中外遊客喜歡惠顧的餐廳。雖然座位擠迫，服務欠奉，但仍然是其門如市。它的選擇不算多，主要提供湯意大利麵丶通粉丶三文治丶多士...等，也有甜品如燉蛋丶燉奶。因我喜歡它的多士，所以叫了常餐（$46-），即义燒意粉丶火腿蛋多士及熱菜蜜。餐牌寫常餐包啡或茶，我以為叫菜蜜要加錢，原來唔駛。它的意粉一如既往，不是al Dente,，而是微微的軟稔，絶對是港式味道。义燒有超過7片，薄薄的，一點也不靭，配埋它特有的湯底，好味！👍🏻👍🏻👍🏻它的炒蛋多士是我的至愛，蛋富香味，似是用湖北蛋。蛋炒得滑溜，加上少少鹽提味，超級好味。更難得的是它沒有在表面加了生的蛋汁，更為健康。😋😋😋它的多士烘得啱啱好，表面脆，內裹鬆軟，配埋炒蛋和火腿，一流。👍🏻👍🏻👍🏻它的菜蜜味道亦ok，不過甜，是咖啡丶奶茶外的好選擇。

其實知道澳牛屹立咗好多年，聽過好多報導，一直都無食過。其實網上好多澳牛嘅傳聞，同聽友人講咗好多咩班伙記個個鐵漢柔情會對大肚婆格外好但又會兇啲客；又話要食得好快唔係就比人鬧嗰啲。老老實實我係帶住既期待但又戰兢嘅心情去食澳牛嘅。去之前一晚喺Openrice做足功課，睇咗幾個review，知條隊好長不過聽講好快會輪到；睇定咗menu知自己要叫乜；學識要食到一半先可以叫嘢飲，否則會因為張枱唔夠位擺唔落比人鬧、茶餐要揀scrambled定太陽蛋；要意粉定通心粉；三文治要唔要燙底；食超過十五分鐘會俾人眼神威脅等等。（其實平時去高級餐廳食貴價嘢之前做research因為驚出醜係有嘅，不過食平價嘢咁驚出醜都真係得澳牛先比倒我咁嘅挑戰性。）去到果然條隊好長，不過真係好快輪到。排隊期間見到個哥哥特別禮遇有細蚊仔嘅食客，讓其插隊，又真係幾鐵漢柔情❤️。其實真心唔覺得啲伙記哥哥惡、或者服務態度差吖。我入到去因為背囊比較大，有伙記親切地搬咗張凳比我擺背囊喺上面；而我，心情也逐漸被融化了。夾住啲er...um...都叫做喺能接受時間內落咗Order，成功解鎖喺澳牛落order無比人鬧嘅achievement，耶✌️。