澳洲牛奶公司

营业中

休息中

論效率，澳洲牛奶公司認第一，怕且沒有其他餐廳敢認第二，無論排隊等候入座、點菜和上菜，其效率均可謂驚人，沒有試過此餐廳的，單單要見識其流程管理，便已值得到此一遊。論食物質素，坦白說，普普通通，偶然一試無妨，多吃一兩次，便會感受到其食物的油膩，尤其炒蛋，而其燉蛋和燉奶，與義順比較，卻又遜一籌。

炒蛋多士同燉奶好食,但係就貴左D囉上次叫左兩杯奶茶,兩份蛋治,同一碗燉奶,就要$70不過炒蛋食到鹽粒, 燉奶真係一定要試下~好滑,唔會太甜好食過燉蛋!

見到不少食評都說被人催問食咩其實間野主要得3樣野食: 燉奶/燉蛋/ set好多人話佢個炒蛋好食, 我覺得都唔錯的 不過要比較, 我反而覺得大快活D炒蛋仲好食推介! 最正係佢個牛油厚多士, 外脆內軟, 牛油超香~ 不過就要自己衡量受唔受得氣, 因為成間野好趕咁... 而且D位好迫, 檯面都好細, 拎住/買左野就唔好去了 如果我唔係喺附近剪頭髮, 我又唔會特登去了..

今日終於去食左排名榜首既澳洲牛奶公司了, 食完發覺, 原來有點期望過高呢..本來好想入去食, 但係無位, 迫於無奈之下, 買左一件腿旦治食, 食完之後, 覺得麻麻地而已.. 旦係炒旦, 味道有點咸, 滑係幾滑, 好似我自己喺屋企整都係咁既味

今次買外賣~今次又係食炒蛋多士,蛋治,通粉and奶茶炒蛋依然好滑,有蛋汁,十分香滑,不會過老勁正~　塊多士好厚~正!!!!意粉就好普通,冇味　 勁麻麻!!!奶茶都好滑又夠茶味D伙記態度算幾好禮貌喎,做野仲超快手唔笑唔代表D伙記冇禮貌係澳洲牛奶公司食野一定要----快!!!!咁多人排隊,你唔食快D,人地個個等食環境算幾乾淨,茶餐廳價錢算偏貴有機會試埋d甜品P.S:餐廳有好多好多人都吃炒蛋多士,一起吃炒蛋多士好搞笑丫!!!

本文只論服務第一次去, 好彩朋友預先比左心理準備話坐得唔舒服同坐得唔耐, 否則相信會比D伙記嚇死.先講講食物, 抄蛋冇得傾, 實在好食得變態! 超滑, 夠味唔駛落salt, 香到暈, 份量多過其他茶記既茶餐好多. 再講服務, 一個字講晒:「冇」! 若你期望係劉華宣傳那種服務, 唔該唔好去. 若你想觀摩一下一個獨有的服務文化 - 「快! 狠! 準!」, 那實在要去見識見識! 1) 個場唔大得二十張枱都唔知有冇, 竟有樓面伙記超過十幾人, 差不多每人負責一點幾張枱. 咪以為人多就悠閒, 事實個個打仗咁, 踼晒腳, 亦踼晒手. 而因為個個著住茶記指定"制服", 一眼掃埋去成支軍隊咁, 何其壯觀, 咪講笑.2) 伙記行每步路都如踩雪屣, 呀! 對唔住, 唔係行, 係”飛”住咁穿插於原先已甚擠迫的通道, 但竟可全部冇撞到人冇倒瀉野, 又一武林絕技!3) 一入去會有一伙記在點零幾秒內飛到你面前, 用手勢同雄壯的聲線, 加上SDU行動時的方式指示你點做:「你四位! 埋邊! 你兩位! 呢度! 坐低! 你三位! O個邊! 你一位! 企響埋D等陣!」, 爭在未講埋「GO! GO! GO!」. 你收到命令

今次又係去食燉奶真係好好食!!而且佢既常餐好抵食又有通粉又有炒蛋又有多士仲有野飲都只係廿幾蚊!!我係由細食到大既常客黎呢間老店黎架!下次再去食

霄夜．本人試吓出名的炒蛋多司：Eggs good fluffy texture, with lots of Eggy taste and egg yolk taste especially, also butter and salt. Cooked perfectly, with still a bit of runniness. Toast was soggy though under the eggs. 燉奶：試ｊｏｒ一羹，本人真係好唔鍾意嘅味．Ever since young, I never enjoyed this dessert, as it had a weird taste.But I finally worked it out last night - its so simple. Milk's boiling temperature is around 72 degrees, unlike water's 100C. The milk becomes scorched and burnt above this, giving off a sulphur lik

上星期六與家人到附近，於是趁時間尚早，約十二點七八左右，人龍短短，點知排完外面，入到去又要被侍應們「有禮貌地呼喝」排多兩次。好不容易才坐下，侍應A即時催點食物，我等等後，不用五秒，侍應B又再來催點食物，不單用口，更用其眼神來催促，收錢可能對他們來說是排第一位的。叫了三個茶餐，兩個是炒蛋，一個是煎蛋。跟着，不用半分鐘，食物已到，是否世界紀錄！？枱坐有我們三人和另一女士，四份茶餐結果真的侍應們才可以剛好地放在枱面之上，幾近沒多餘的空位，而我們手上的袋，就惟有讓我們一面攬着，一面進餐，極不方便。炒蛋味道只是鹹了一些，仍是有蛋香，也嫩滑。多士也是上佳的，又脆口又有牛油香。意粉就只是entertainment，幾本上是差，連叉燒「碎」也少得可憐。我們還叫了一碗燉鮮奶，仍是上次的感覺，熱熱的時候太甜，暖的時候才有奶味。有食友說比廿多元想有什麼服務呢？我並不認同，老闆其實都賺了很多，而且是不停地賺，可不可以在提供美食之餘，讓食客舒適一點，自在一點，不被催促地進餐呢。在平的地方食餐就是要受氣的嗎？

又去左幫襯喇炒蛋依然水準好高!好滑又有蛋汁，好好味～熱奶茶同呢叉燒都好好味！！今次竟然好好彩有卡位坐點知唔小心倒瀉左杯茶由於坐得比較格SIP於是自己拎左塊布黎抹返點知有個侍應伯伯見到自己過黎幫我地抹仲換過晒濕左既刀叉唔間野雖然出左名冇服務但都有例外既~

收工去左佐敦,行到差唔多九點,見有小小餓,於是去澳洲牛奶公司食小小野,去到門口見到有位就入左去,原來d waiter都幾好禮貌喎,做野仲超快手,我order左茶餐,落左單真係唔洗20秒就黎哂d野食,快到有點兒驚訝,d炒蛋真係好好食,同出面既茶餐廳好唔同,又香又滑真係好想叫多份,而塊多士好厚,熱辣辣,食落好香口,個叉燒通粉就冇咩特別,但整體上唔差,唯獨係杯凍啡細杯左d,唔洗幾啖就飲哂下次有機會會同細佬一齊黎食,到時一定要試埋d甜品

每個月都會黎食一次，每次都叫個茶餐唔洗三分鍾咩都到齊炒旦炒得剛剛好,有蛋汁,十分香滑,不會過老多士-烘得表面香脆,同時嚐到內裡的鬆軟，正!!!叉湯意一般,無特別今次太飽食唔落燉奶,下次食番

是日再來, 又是吃茶餐炒蛋真係好食.份量不少.火腿都可以既而且麵包烘得剛剛好.我用麵包拈留下蛋汁吃很配合.真係好正個叉燒通粉.湯幾清同埋幾好味.很快就吃得一乾二淨同埋奶茶都好滑又夠茶味待應生既服務都算可以, 做野都爽快是日於三點鐘以後來.又不是多人.食得悠閒

終於去到著名的澳洲牛奶，但忘記了最出名的是炒蛋，只叫了個奶醬多。多士很快就到，是即烘的，而朋友的常餐也很快到了，很驚訝他們的速度。見到朋友叫的荷包蛋煎得很漂亮，下次有機會一定要試試。服務並不特別差，我們一行七人等了五分鐘已安排到坐位，進去後安排給我們的那一檯原來有人還未吃完，但已被伙記寫單催，之後自己也不敢慢慢吃，如果要坐著慢慢談天，這裏不太合適。

上一次去開o個頭專登去試下. 食過佢既炒蛋多士, 火腿奄列, 奶油多, 燉奶炒蛋多士的確唔錯, 但火腿奄列煮得過熟, 燉奶同奶油多和其他店差不多 食落總體我覺得只算中上. 不值得大排長龍, 而且仲要比人趕頭趕命. 價錢仲要係偏貴.