澳洲牛奶公司

营业中

休息中

喺佐敦果頭想食快餐的話, 一定會去澳洲牛奶公司, 因為一定快, 每一次都平均less than 15min由入門口到出門口....... 多士 (*****) : peak hours一定脆, 夠牛油都一定好食....不過點解d多士薄咗?! 炒蛋 (***) :無之前咁滑, 今次仲salty咗d添!! x燒意 (****) :x燒一樣, 薄薄3,4片, 味道一樣(因為罐頭湯?!, 之前見有好多chicken soup cans), 不過又係salty咗d bor有機會都會再去, 希望下次好彩d......

早幾日睇見有人係道話佢地既麵包已經唔係厚多　好驚，好唔開心為左求証一下，今日決定去食番個腿蛋治男友選擇買走　腿蛋治＋熱華田打開外賣袋　　好彩，依舊係厚麵飽一啖咬落去，麵飽新鮮，唔洗烘底反而食出麵飽既味道　　炒蛋依舊超滑　一如其他食家影既相為例　蛋既份量十足　大大件　　不過熱華田淡左Ｄ　

呢間澳洲牛奶公司,我數一數至少有二十個伙記全男班,白色制服袋口附近畫滿了原子筆痕,好型眼明手快、木無表情，但落單、送餐和埋單時，態度仍不失友善Menu 簡單早餐 , 茶餐, 快餐無花巧可言多士同蛋做主力,當然有其他選擇每次也會叫茶餐茶餐有個叉燒湯意粉: 意粉滑雪雪, 湯味似係金寶罐頭湯, 肥叉燒四五塊炒蛋也是經典.那鮮黃的嫩炒蛋賣相頗佳,火腿味道正塊多士真係最好食! 厚切! 極之鬆軟,好像是我訓教個枕頭呢杯奶茶加兩匙更糖又滑又甜又芳香,逗人喜愛的這裡是一個快靚正既香港茶餐廳

今日朝早八點幾去食個早餐,一樣都係咁多人,但係就唔駛等位因為係一個人去既關係,好好彩佢地比我坐左個單邊位,唔駛對住人好耐無去食,咁橋今日好早就要出去,所以順道係呢度食早餐,估唔到SUNDAY既一早八點幾都係爆棚,好彩未話要等位姐以前最鍾意就係佢地既炒蛋,但係今日去食發覺佢地既炒蛋細左少少,仲無以前咁好味添,唔知係咪師傅未訓醒,所以未做到水準呢?我又唔覺得D哥哥仔態度差,佢地仲好熱心幫我ORDER野食添,見我就快食完又好醒目咁幫我ORDER野飲,見D飲品耐未到,又幫我催,我覺得都算係咁啦~~

睇到大家寫得禁值得一去, 就想試試啦.一到門口睇到一堆人排隊, 排0左一陣就可以入得去, 果然有效率.入面熱鬧非常, 冇諗到坐底唔夠10秒就黎摧我食乜. 都未睇得切有乜選擇呀大佬!不過發現超過九成五0既人都係食0個個 set, 咪跟住叫囉.落單唔駛 30 秒, 叉燒通就黎到.叉燒通本身唔算好差, 但係好普通. 湯底過咸, 叉燒普通啦, 並冇 D 食家講「有叉燒汁」禁誇張. 多士 okay 0既. 上面兩小塊火腿唔夠誠意啦. 炒蛋算係幾滑, 唔多茶餐廳做得到, 不過炒蛋有 D 鹽唔平均, 有咸有淡.餐飲我例叫熱奶茶, 因為熱奶茶可以顯示到該茶餐廳0既基本功.不過女友杯茶蜜太熱出晒煙要用湯匙慢慢飲, 但係就俾個茶餐廳哥仔好大聲咁同其他伙記講「你等佢逐啖逐啖飲有排呀, 唔好等佢呀!」未試過俾錢食野都禁大壓力0既, 咪拿拿林飲埋就走囉.有廚師講過食野係一種享受, 你唔知自己呢世人仲有幾多餐食, 好應該珍惜每一餐. 今日咁就浪費我寶貴0既一餐0勒. 以後都唔會0係呢度浪費我0既任何一餐.

今日落住雨, 去到一樣要排隊, 其實之前都有去過, 真係覺得好好味, 尤其是d 炒蛋....耐不耐心思思又會想再去....係食得趕d..但食物質素快得黎都係咁高今天去到已經過了早餐時段, 叫了兩個 set lunch, 有炒蛋, 厚多士, 火腿, 叉燒湯通粉, 同埋凍奶茶, 本來係想叫鮮奶, 但係果度d人話依個餐係唔可以改鮮奶的, 唯有加兩蚊改凍奶茶, 但係原來凍奶茶係用番細杯的 (同熱飲一杯咁大), 咁都要人加兩蚊, 好似唔多抵...其實雖然要排隊, 但都唔會等好耐, 因為入去一坐叫完野唔夠兩分鐘d野就上台, 跟住一食完又好快黎收野..想坐耐d都唔好意思...所以d人入去好快食完又會走

燉奶好正呀..又白又滑...牛奶味仲好濃郁TIM~~~~佢地既送餐速度真係快得驚人.!!!!!無乜服務可言..但係未算差..可以接受~~~

當日去到食荼餐, 因下雨,所以無乜人. 可是, 我放眼鏡係張台上, 佢黎一碟蛋,佢竟然講[ 如果我睇吾到就 part落去].真係想不到, 有咁服務, 有咁既態度. .$28 加多 $2/ $3 都可以食個午飯, $28太貴..多士 又轉了,而家吾係厚果隻.真係太受氣. 感覺係 你快快食,快快比$$, 就快快走. 仲要記緊佢地既

見佢人氣高企好耐但此終去佐敦都好多嘢想食次次都無乜興趣入去試去味皇食到一口油又唔飽..想食清Ｄ所以今日選擇食呢度終於試了..要炒蛋..多士..义燒通粉...凍檸茶//共$30元炒蛋真係好香好滑..佢地一定唔係用大陸蛋...應該係美國或者泰國蛋多士正好厚身香脆軟熟牛油加得多唔似其他茶記係咁易加ＤＤ牛油义燒通粉..湯底比我想像中差好咸我唸住係好香濃忌廉湯添凍檸茶有Ｄ反咗了差....但見好多人講佢地好寸呼呼喝喝但我真係唔覺佢地寸落單都好nice問意粉定通粉..炒蛋定熟蛋..多士定方包而且我走時候又同我講多謝哂拜拜..可能只係佢地實在太多伙記成日望住你食哂未你放低刀义巳立刻行埋嚟想收碟食得有壓力就事實整體比我想像中一般只係炒蛋多士好食但有Ｄ舊式茶記既忌廉湯通粉比佢更好食所以唔會再去因為唔算好好食而且食得好有壓力唔想緊張而胃痛

去完friday 食steak....我想食個甜品 , 我地就由tst 行到jordon....朋友提議去此食 一如以往...又係full house , 不過一定有位 , 我叫左個熱燉蛋白牛奶 ($18)朋友唔食甜o野...佢竟叫左個常餐... ($28)個燉奶好滑好好味 , 甜度ok不過對唔太食甜的人會甜左少少 , 但..好似食唔到咩奶味wor朋友硬要我食炒蛋+多士半份塊steak都未消化...仲有碗燉奶好飽wor....結果我都有食...不過我覺炒蛋好似無以前咁滑wor,一塊塊蛋塊咁....塊多士都差左d....朋友叫左熱奶荼 , 佢話好正 (平時佢只drink cold) , 好濃味~ 唔錯飽到差點走唔到

我已經食過第二次啦,第一次食佢嘅早餐($24),D侍應超快手,食完即走嗰D!(如果你地去到唔好唸住有好好嘅態度囉!真係食完即走!二十幾蚊一個餐同人地係茶餐廳係咁上下,不過都唔係太差嘅D人)個份早餐最好食都係個炒蛋同奶茶,其他就一般!第二次整係食蛋治(外賣),正~厚厚嘅白包,厚厚嘅蛋,多牛油,好味道!D人話燉奶都好食,下次再食過先!

四月十九日(星期日)之前的幾次都是當作小吃,今次終於是吃正餐了!大家都叫了常餐,例牌的炒蛋多士,义燒通粉!炒蛋多士配火腿,每次我都不吃火腿的!多士鬆軟,而且牛油塗得平均,整個多士都有牛油!^.^炒蛋不用多說,無店能及吧!义燒通粉,湯底應該都落了牛油,很香!而且义燒做得比出面餐廳好!凍檸茶,茶味濃!......每次吃都能給予滿分,難得!

日日都係咁旺既澳洲牛奶今日又再去了, 食左個特餐, 包括有义燒通粉 + 火腿煎雙蛋 + 飲品义燒通粉: 义燒幾好味, 唔係瘦肉, 係半肥瘦, 而且仲有汁, 义燒浸喺湯都有肉汁, 服!火腿煎雙蛋: 唔係太特別, 始終要食炒蛋先值得嚟迫!熱奶茶: 奶滑茶味夠, 收貨了之前唔信咁多人讚, 覺得係做馬, 而家食落都覺得有少少比普通茶餐廳好

貴為第一, 總有其過人之處! 火腿雞蛋三明治, 食完先知, 好味原來係咁同好多人一樣嘅意見,炒蛋好滑, 經過調味之後, 有種咸香嘅味道, 件腿蛋治應該用上兩隻雞蛋去炒, 所以都幾厚, 咬落去滑滑嘅炒蛋好有質感, 半熟的雞蛋令到本身乾爭爭嘅麵包唔會難啃! 咁好食, 唔怪得咁多人嚟

以前系佐敦學野. 一學完, 屋企人都會帶我去食!真系好好味=v=佢個多士真系好好味!無論任何時候佢都系人來人往既'不過好快有位!試得一試