澳洲牛奶公司

营业中

休息中

見到lee到咁多好評 星期日終於都同男朋友去試左 去到門口時見到好多人係到排隊 當時好似係9點幾 我地果時都哇左聲 使唔使咁多人啊 等左5分鐘左右就到我地入去了 入到去 只可以用一個字黎形容--亂!! 唔係物品擺設亂 而係人太多 感覺上好亂=.=門口等左陣 入到黎 都係要排隊等一陣 只見到人人都食蛋治同火腿通粉 之後d哥哥係咁大聲叫人入黎坐 之後就落單 ~終於等到位 坐低之後就揀左通粉同蛋治食 好快就黎左 個蛋治真係幾香 不過個通粉就好普通了 感覺唔係太特別~d哥哥仔既手腳真係爆快 快得黎佢地自己唔會亂至勁 我地一路食 一路聽到好多既大叫聲=.=真係好似打仗咁=.=最驚訝既唔係d食物 而係d職員哥哥 我同男友叫埋單時 只見個哥哥好快咁口up up 咁係到講:14.14.16.xxxxx(咁上下啦) 之後就寫左個數叫我地出去埋單了=.=計數之快真係連我都o左咀 係到做會唔會浪費左d呢 去做會計會有前途好多lor 計數真係爆快架=.=可能我地係早上去 所以會多人d又亂d 如果大家想見識下d哥哥既計數能力 我強烈建議你地試下早上去啊=v=

咁岩今日去完 Kowloon Park, 就行過黎試o下。身為嚴重路癡o既我, 竟然一揾就揾到呢度~勁!3:00 黎到, 1秒都唔洗等, 一入去即刻有位。叫左茶餐, 有火腿、抄蛋、多士、通粉、凍奶茶。個蛋同傳說中講既一樣:好滑,好香, 好好味。多士都好好味, 但係對我黎講, 太厚了~~ 差 d 食唔o西!!通粉: 唔稱得上係好食, 只係非常非常普通 (大快活的火腿通會好食好多)凍奶茶; 都ok, 不過 d 冰太碎, 啖啖都飲到冰, 個feel 好差, 扣分下次都可以再去 (如果咁岩經過附近又唔洗等位的話!),

坐底,叫野,食野,埋單,10分鐘搞.真係好快!!叫左個蛋治加29(熱奶茶)食咁次都係咁好味特別係o的滑蛋!!如果好急又只係想填飽個肚自己1個食OK.但唔會帶FD黎食.食完就要即刻走,冇晒食野既意義!!!

今次係我第二次食 澳洲牛奶公司 ,鬥口都係好多人排隊、等佐幾分鐘就有位.....正叫咗叉燒通粉,一分鐘就有得食.....超快炒蛋依然很滑,,烘底多士真係外脆內軟义燒湯通都唔錯, 好夠味

第3次去食,依然係好好味~d蛋超滑超滑!!不過我覺得d多士重好味過d蛋呢*奶茶滑滑的~很好><侍應哥哥很好的"見到有警察叔叔抄牌即刻叫d人睇下,佢地重成日攪gag~哈哈*超好笑~唔明點解會有人話d服務態度唔好的呢..

聽得多 終於順路走去食番次堂食茶餐一人,好快上侍應態度都唔錯,主動問食咩,我同佢講未諗好都唔會逼我落單~~先上叉燒意,ok既 普通貨色炒蛋火腿,烘底多士, 炒蛋係自己都整到既貨色....火腿就三文治咸腿..... 值得一讚係個烘底多士真係外脆內軟!!!!!!!後上熱奶茶 ok既 既香既滑 茶味重我鐘意28蚊食呢幾樣野始終係貴左d 尤其係呢個逆市......-.-

今天又到佐敦, 每次到佐敦都會諗起澳洲牛奶o既快餐今天難得老公都 ok依舊食得開心, 快餐加涷可力d waiter 好好人, 雖然我成日覺得佢地成班好似黑人物, hehe但係佢地好 efficiency, 睇得出佢地個流程係有諗過度過, 好過好多大公司值得"讚"但是, 炒蛋似乎沒有以往咁滑, 唔知係比例唔同o左定係炒法唔同o左仲有就係份量少了... 都理解的, 金融海嘯嘛不過, 炒蛋真係要諗諗點解會咁喇

是晚同事飯局取消，自己不如就黎呢間被人讚過無數次話 d 抄蛋好滑既澳洲牛奶公司。平日黎唔係完全滿座所以都唔洗等位。一坐底必叫茶餐 $28：牛油方飽 - 侍應話要方飽好唔好喎？乜仲有其他選擇？個飽幾淋，嗯，可能我攤凍左，無香脆既外層添火腿抄蛋 - it is totally overrated ，中環既蛇竇抄既蛋滑過佢！呢度得個實，只有好少部份滑，蛇竇係水 d 滑 d 個種。蛇竇個 d 大份 d 既叉燒滑蛋午飯都係 $25，呢度貴過佢，份量仲少過佢......叉燒湯通 - 味道不錯，通粉都實，個湯底都夠味。我本來想一早叫埋野飲，點知幫我落單個哥哥都未聽我要飲乜就走左仲話野飲遲 d 叫，慢慢諗。到我叫野飲，想試凍菓汁鮮奶，話無提供...咁叫番凍奶茶囉。跟住叫完就有其他侍應見我食完咁濟輪流問我叫左野飲未...問左幾次....凍飲加 $2 真係有 d 細杯，不過都係正常茶餐廳水準既。水吧真係超多人幫手。店面不停有客入黎幫襯！不過我就無遇到有人係我後面等位，或者俾人催食快 d 呢 d 無禮行為。有個侍應見我有個袋，仲開埋張摺椅俾我擺野，都算唔話得。係間唔中俾 d 侍應撞到咁囉。所以食友話侍應無禮

好似少蛋左既蛋治, 但其實好多蛋.d 蛋真係超滑呀, 仲勁多, 好有層次. 有d 牛油香味當然唔係好似平時d 蛋治咁實的的啦.而麵包夠厚仲有朕甜味, 雖然食食下對手會禁到d 包薄晒只有哩度既蛋治先最正$13 一份蛋治叫做貴, 不過貴得黎值既

記得第一次與它相遇，是它尚未聞名，是它的雞蛋三文治還是既厚且美味的時候，當我漸漸長大，它漸漸聞名了，資素卻是成反比地漫漫下滑，今天重遇了....hkd　13一份厚雞蛋三文治，很香....腦裏回味著有蛋汁又香脆好味的麵包...拿在手裏看，怎麼三文治麵包薄了？又細了？連皮也沒有了？！看看雞蛋，怎麼細了？沒有厚到令我驚訝？記得以前雞蛋的厚實可以令到三文治皮的厚度減去超過一半！咬下去了，雞汁仍在，但已經不復當年，滑的程度亦沒以前般了......以前的澳洲牛奶公司的雞蛋三文治在哪？難道只能在回憶裏尋找？

炒蛋 - 真係好滑, 好似用牛奶炒咁, 唔會食到成口都油淋淋, 而且夠熱, 足2隻蛋份量超厚多士 - 食得出件多士係好新鮮, 質地好鬆軟而且牛油真係沾滿面包既每個角落, 正!叉燒意粉 - 正宗港式冰室既風味杯COT就唔夠荃灣間林苑咁有茶味啦, 而且咁細杯都要加2元就唔值作為晚餐都夠飽

久仰澳牛大命,7/5先第一次食.呢間野d waiters真係好正,做事極之爽手!非常值得某間美式快餐店學習.同埋班waiter其實唔係咁串咁惡-.-幾好人-.- 個waiter仲叫我坐另一邊廢事撞到我~個差燒通-湯咸左d,但都過得去.炒蛋既味道同感覺好特別,咁大個人都未試過,好滑好香.夾面包又正,就咁食都正~個塊多士好大塊好香.而個杯奶茶,係細杯左d.但我覺得係咁大個仔飲過最正既奶茶!坊間果d咩快樂檸檬,M字頭既可以行埋一二邊.食左我諗20mins到,冇比人趕,可能5點幾6點唔算係rush hour冇咁緊張.anyway,間野可一可再~

上次食唔到, 被迫買外賣, 所以都未食真, 今次再去食, 終於有位坐廿四蚊一個餐, 見好多人都係食呢個, 加上之前做過功課, 將煎旦改成炒旦, 終於食到好食的食物上次食的炒旦, 係夾在三文治入面, 感覺比較乾, 食得又蒼促, 今次坐低試真d, 感覺都唔同, 炒旦無上次咁咸, 而且更滑, 可能因為更為流質關係, 而流質的都唔係水, 而係百份百旦汁, 原來炒旦同多士分開味道會有好大分別义燒湯通都唔錯, 好夠味! 今次食, 先令我覺得佢值得咁多人推介!

這間餐廳很妙, 雖然說餐單上有不少東西, 但實際上一眼望去大家也只點三種餐, 早餐, 常餐, 茶餐有名的是很平常的食物炒蛋和厚多士, 炒蛋號稱一絕, 香滑嫩,炒蛋一入口，那股滑溜順口的感覺就令人念念不忘厚多士就塗上厚厚剛剛溶的牛油, 放上炒蛋, 更美味的通粉以最快的速度送上你桌上.通粉實在是很普通,然而湯底好味奶茶本身都幾香滑,好有茶味下次到佐敦試下這茶餐廳,你就會明白它的好味

本人其實對一些茶餐食物不是十分喜愛, 對上一次和朋友光顧時, 那個茶餐還好像是26-27元左右的價錢, 現在已經承惠28個大洋......永遠也說好吃的話, 價錢不是最重要的問題, 那這裡呢?多士 : 我不是這裡常客, 不太分辨到多士是否有薄到, 不過多士最重要是牛油要均勻及足夠, 這裡絕對是合格有餘的炒蛋 : 依然是幼滑的～是我對這裡最滿意的部份. 蛋甜之餘亦有點點的奶香～讚叉燒通粉 : 湯底夠濃不過上圖的叉燒已經是我整碗通粉內全部的叉燒份量, 味道是一般的, 不滿意的主要是份量的問題吧熱朱古力 : 朱古力味尚算濃郁, 這個算是正常水準吧杏汁炖蛋 : 杏仁味和蛋味都足夠亦夠滑, 整碗炖蛋都幾balance, 滿意之作最後, 我光顧那一天剛巧下雨, 而且我看它又貴了, 不知是否因此影響了客流量呢, 我在8點多9點的時候光顧, 既不需要等位又坐不滿而不需要搭枱, 還可以慢慢吃到我叫埋單, 伙計才寫單給我呢～比起往日那種吃完就端單給你, 要你非走不可的感覺算是一點點意外啦總括而言, 這裡的茶餐算是經常保持一定水準的, 是否給予笑臉就是看看倌會否介意環境、服務和是否值得以這個價錢去吃茶餐吧!