澳洲牛奶公司

营业中

休息中

早上去九龍公園打羽毛球前，與男友一起吃早餐。想來這兒很久，終於有機會。我們趕在11時前到，再發現原來早餐去到12時。大家也是吃炒蛋、多士，我飲奶茶。通粉ok, 多士好厚ga!!我夾埋部分炒蛋吃，真好味。炒蛋真的好好味呀！我喝奶茶習慣不加糖的，都好好味ar!!滿足的早餐！好飽。

試下呢度d蛋治真係炒得滑但通粉就真係好一般, 好多舊式茶餐廳都好過佢! 至於, 厚厚的方包.多士烘得有d燶, 另外叫了 燉奶來試, 好普通~ 都係義順好味香滑d 吾明點會咁多人排隊….食物品質味道一般, 同一般既茶餐廳差不多, 但佢個茶餐貴好多, 只係黎試 炒蛋 唔係好抵食囉! 環境好迫囉!

22:30 去到澳牛食佢既茶餐.太耐冇食好興奮XD諗住可以慢慢嘆, 但到11點個伙計過黎話佢地收11點, 仲叫我地食快d我好少見有餐廳會叫客人食快d, 因為佢地趕住收工...不過我都知自己阻住佢地收工. 所以最後都係勁快che 左個餐.朋友叫左個燉奶$18, 真係好好好滑. 唔知凍既會唔會都係咁呢配角: 叉通同火腿. 冇乜特別啦主角: 超厚牛油多士, 原本諗住轉蛋治, 不過太耐冇食過佢既多士烘得剛剛好, 多牛油又脆. 勁香炒蛋唔駛講, 真係好好食, 滑得黎唔會水汪汪, 依然有口感.奶茶夠滑, 原來單買都要$14, 貴過蘭芳園, 但哩度冇最低消費嘛走o個時佢地已經踏好晒d 凳, 阿嬸拖緊地, 全部伙計o係晒樓面企好晒恭送我地走...真係做咩都超有效率!!! 真正香港人!!!

夜晚同男友上完堂，就去左澳洲牛奶公司食晚餐。入到去，好嘈，好似打仗咁，不過之前睇過d食評後都預左會咁。我同男友都叫左個茶餐，$28，夜晚先黎食通粉炒蛋真係第一次，不過感覺又幾新鮮。唔夠10秒我地2個餐就上左，快到我同男友狂笑。烘底牛油多士：好好味，烘底烘得岩岩好，d牛油塗得好平均x燒通粉：ok既，不過不失炒蛋：真係好滑，不過咸左少少啦凍華田：細細杯，不過其實食完個餐已經好飽好飽間唔中黎食一次都係唔錯既選擇啊

星期一晚上同朋友嚟左呢度食野,7:30左右都好多人,不過就不用等位,我們叫了每人一份茶餐,叉燒通粉,多士配炒蛋,熱奶茶走,好快就嚟,好耐冇食但都好好味,d叉燒湯通粉好味,叉燒不算肥好淋好味,通粉及湯都好香,好味呀.多士火煺配炒蛋都好大份架,d多士又大件,有兩件裏面已查牛油,好香,夾些蛋及火煺一齊食,真的好好味.d蛋好香好滑,唔會過咸,味道剛剛好.真的是食幾多次都唔會厭.奶茶走都好香好滑呀.所以幾時都咁多人來幫襯,雖然佢全日都係得幾款餐選擇,但都仍然咁多人,真的是食完想再食的呀.

呢2日突然好想食澳洲牛奶公司既炒蛋今日就黎食個茶餐"茶餐 炒蛋 多士 通粉"好快落單黎過既人都都知呢度有戰場feel 炒蛋真係好好食有d 蛋汁 又夠滑多士搽左鮮好正我最鐘意火腿+炒蛋夾係夕士中間食通粉就無咩特別成日同d 未食過既朋友黎等佢地多d黎同我食支持澳牛 下次再黎

尋晚去富臨食得唔滿足，就黎呢度食甜品啦。點知又想食茶餐，真係估唔到呀。當我坐度果陣，個後生伙記執既時候，整濕我條褲。佢仲唔理我，返到黎媽子嘈佢。其實佢返黎想同我道歉架。仲比tempo我清潔，實在太好啦。估唔到戰亂中都有人情味。我地叫左兩個茶餐，之後想叫甜品。個後生仔就建議我地食完茶餐先食甜品，茶餐廳都可以做到咁既服務，佩服。炒蛋落左小小牛油整，但都可以好滑。呢個相信係香港最好食既炒蛋，又夠味，太正啦。多士係厚多呢既，搽上鮮油真係好正呀。叉燒湯意粉叉燒好好味，又夠淋。而意粉整得好爽口，有客會食到一條不漏。好有料到。火腿片無乜特別既。煎蛋都算幾好食既，蛋邊好脆架。不過下次都係嗌返炒蛋。熱奶茶好香既絲襪奶茶，茶味夠，又唔會落得太多奶。有料到。杏汁燉蛋好正呀，個蛋好滑，再配上杏汁真係一流既。燉奶都幾好食，同燉蛋一樣滑既，真係好正。實有下次既，因為估唔到茶餐廳都有這樣體貼既服務。臨走既時候，有個"金毛"伙記好大聲叫個客唔該借借。雖然好命令式，但咁樣係要個客留心。可能碗通粉真係好熱，佢先同個客咁講。真係睇到我定哂。再一次向澳洲牛奶公司既伙記致敬。

去過澳洲牛奶公司,你會在澳牛發現可愛之處坐下後根本是必定動作,想都不用想:早餐,炒蛋多,熱茶,一個多餘的字都沒有講世界紀錄是食物的時間最快是5秒,而我竟然是3秒餐廳內二十多張桌子m特種部隊有15-16人,水吧8人,收銀2人,完全是密集防守個個好像都看著我m所謂貼身五星級服務不要嫌座位窄,不要嫌選擇少,不要慢吞吞的,專心地,實實在在地食重要的能夠快一點就快一點

好耐無見老友, 上星期約了老友來這裡下午茶。 想起以前在附近office返工的時候, 總愛和幾個投契的同事放工後落來再這裡吹吹水減吓壓。那時已經覺得這裡的炒蛋和多士好吃到不得了, 而且每次都是高質素, 從沒失手過。最近來幫襯, 真的依舊很好吃, 但價錢就越加越貴了。炒蛋依然又香又滑, 多士趁熱吃, 麵包鬆軟新鮮, 牛油極香, 只吃這碟已經夠飽。叉燒改牛肉通粉, 牛肉和通粉都是平平, 通粉腍咗少少, 湯底我就覺得鹹咗啲啲, 不要緊, 反正這裡的湯粉一向都吸引不了我, 想吃好吃的牛肉湯通粉, 行過兩條街幫襯義順更好。老友今次不吃炒蛋, 改吃了煎蛋, 眼見煎得幾靚, 味道應該不錯吧! 平常我會飲凍奶茶, 今次飲熱的, 很好喝, 茶夠濃, 奶夠滑, 好耐無飲過咁有質素的熱奶茶了。不過凍飲和熱飲份量都少, 有點不夠喉。這裡令我好懷念以前在附近公司上班的日子啊!

難得喺附近, 所以特登過黎試~ 12點前仲係早餐價tim~第一次食感覺幾好~~火腿通-- 講真, 火腿同埋通粉都係認真一般, 但係好味在於佢個湯~ 有D似忌廉湯咁味~ 又唔覺好味精~ 我忍唔住食哂D粉之後要飲佢幾啖湯~~炒蛋多士--就咁食個多士都已經好好味!好香~ 蛋就可以揀煎雙蛋或炒蛋, 我要左炒蛋~ 略為咸左少少, 但係夾埋個多士食就啱啱好!! 我見到人地D 煎雙蛋都整得好靚~ 個黃會漏出黎ga!雖然唔算得上一百分好食, 但係有機會我都會再黎食過~~

五月廿三日(星期六)同老公做完gym後,就到澳洲牛奶公司吃個lunch,之後,老公仔去補習了!下雨...真叫人狼狽...還在老遠見到人龍!不過好彩澳洲牛奶公司一向turnover快!不消個多字就有位了!炒蛋多士:牛油今次比較少了!不過多士依然的鬆軟!口感十足!炒蛋不用多說了!香滑!牛肉通粉和义燒通粉:好味!特別是湯底!通粉炷得剛好!凍奶茶,有一段時間沒有飲過了!好味!

食客超多，但「竟然」有位，就是在一大塊牆的後面......待應"瞬間"走到你身旁，等你ORDER，但見你...左看看右看看，他就會爭分奪秒去下一枱，然後又瞬間"走到你身旁，勁﹗ORDER了﹕「凍燉牛奶」、「熱杏汁燉蛋」「凍燉牛奶」﹕冰冰凍的，消暑佳品「杏汁燉蛋」﹕朋友話似食「皮蛋」

呢度d蛋治真係好食但通粉就真係一般, 好多舊式茶餐廳都好過佢另外燉蛋/奶都係義順好d囉不過呢度人多真係唔好來有次sat pm來, 真係10分鐘都好似好阻佢地, 排隊又要比人話排得唔好..所以假期真係咪搞lu.

相信要依賴openrice去找食店的人, 十居其九都會去澳洲牛奶公司食過, 包括我在內, 成千人讚好, 應該有佢道理不錯, 就算唔係鍾意食雞蛋, 好奇心都會令你嚟 一嚟, 就像我不是一個愛蛋之徒, 都要試一試個炒蛋多士, 雞蛋係炒得滑, 仲好厚, 多士同樣有份量, 厚厚的方包, 烘得小小燶, 加小小牛油在內, 變成一份有營養的炒蛋多士, 味道算中上加上人來人往, 又熱鬧, 有氣氛, 感覺緊湊, 食都食得開胃

基本上澳洲牛奶公司都是陪住我成長，到這裡食個餐已成為我習慣..其實我食過很多茶餐廳，就算是食同類型的食品，但是對牛奶公司總是有情意結，它出色的厚多士，及又軟又有口感的雞蛋，還有受專業訓練的員工，確是無可代替...再加上每次環顧四周沒有絲毫改變的環境，令你想起童年時的回憶，已經令你加了不是分，並無因為它一年又一年咁加價()而減褪...