潮館 (創紀之城五期(apm)) (已結業)

今晚一家四人黎食宵夜，呢度九點後打冷7折小菜8折，八點九開始派飛，九點入座，共點了八樣食物滷水拼盤，有豆腐、紅腸、鵝片、豬耳、雞腎、蘿蔔欖菜炒四季豆，好大碟炒麵，都係好大碟蠔餅，呢個雖然大碟，蠔粒都唔算細舊，但係略嫌漿粉太多胡椒豬肚湯，胡椒味濃、豬肚同酸菜都好多，反而湯既份量就小咗啲酥炸魷魚鬚，即炸上碟是熱的，亦唔會太油膩韮菜豬紅，亦係好大碗，豬紅煮得入味凍烏頭魚，潮洲打冷必食，條魚仲有少少魚油，好嫩滑宵夜黎講份量相當大碟，好抵食

從來都未試過，野都未食完就寫食評。上一次來飲早茶，覺得味道幾好價錢又經濟，所以今日再來。8:00到達，自行搵位搭檯，但就無職員理會我們。主動舉手找人，終於有人開壺茶。拿拿聲寫好點心紙交俾職員入單，不過見住佢放低我張點心紙在入單機旁邊，之後就無人理會。過多15分鐘亦是如此，於是我埋去取回自己的點心紙再交俾職員，先至有人好像如夢初醒一樣，拿埋其他客的點心紙趕去入單。這個時候已經是8:24⋯⋯職員對其他客人都係一副愛理不理的態度，所以唔會再繼續幫襯，講完。

有同事生日，有人推介去潮館飲早茶，話好抵食，早茶埋單全單半價，所以番完夜班，連同七位同事收工即去嘆下茶。上到潮館早上八點左右，基本上無一張係吉枱，可能嘆開早茶都知抵，好彩有人一早去霸位。講番嗰日早茶，，一共二十九籠點心，合共只係四百三十幾元。除開每日都係五十元，就已經食到好多款點心。真心推介。食物質素好好，無什麼可扣分。負責人及職員態度有禮又好人，環境亦好舒適。如果一兩個人去食，基本上正常咁叫嘢食都只係十幾廿元左右，真係平到笑。真心推介。

喺apm諗唔到食咩。最後唔想等位就去食潮州菜。2個人仔叫左凍馬友。炸蠔餅。滷水拼盤。潮州粥。原本想食大眼雞。不過冇就轉左食馬友。馬友上枱時去左骨。不過搞到賣相麻麻。入口第一下就有一陣腥味。質素一般。食到腩位都叫食到有啲油香味。炸蠔餅眼見都叫多蠔。不過唔酥脆。個餅一凍左少少就開始淋同多油。最後揀走左好多粉餅先食到。😖滷水拼盤算係抵食。唔駛$100就有鵝片鵝肉。鵝算淋不過冇乜鵝香味。豬耳有少少酸。鵝亦有一片片毛。蛋唔夠入味。仲有腎。紅腸。豆腐。蘿蔔。正正常常。食左蠔餅感覺好油。所以最後叫左碗粥。碗粥見到一粒粒米同時好綿。有米香味。食完個粥舒服番哂。餐廳有啲嘈。所以食完就快快走了。

稻香集團嘅酒樓，向來給予本人良好的感覺，無論食物質素及員工服務態度均達至應有水平。但這間潮館卻令本人非常不滿，首先員工看似完全未受過訓練，服務態度非常差，連基本稱呼人客「先生、小姐都唔會叫，只係嗌:喂！」傳菜職員啞的，食物質素普通到極。另外搭台完全冇秩序，唔會適當指示客人就坐。執枱速度奇慢，職員只顧服務相識的客人，對其他客人只是踢一踼，郁一郁。今時今日，做飲食咁嘅服務態度同食物質素，我相信請我都唔會再嚟！！！

時間:2019-7-3中午1點地點:觀塘潮館apm門口右手第一張檯人物:我，潮館侍應（少見後生男，二十幾歲，代號:潮）辯論內容如下:我:唔該，哥仔。潮:咩事，阿生。我:你地碟沙薑鷄腳咬唔郁。潮:哦，沙薑。。。。沙薑wow，人地食沙薑係咁架wow，韌韌地，脆脆地，係咁架wow。我:吓？潮:哩款係浸過沙薑架wow，你明唔明，沙薑$$@%^0^。。。。。。。我:唔係來，咬唔郁，兼且好大陣雪藏味。。。潮:梗系雪藏啦，唔通比新鮮鷄腳你咩，香港酒樓早幾十年無新鮮雞腳架啦。。。。我:唔係來，咬唔郁而且好大陣雪藏味。。。潮:當然雪藏啦，唔通比。。。。。。辯論間漸行漸遠，繼續食帶，我地不幸坐正門口，全程掂行掂過數以十次，果斷當尋求幫助食客透明。42蚊六隻沙薑鷄腳，發掘一個隱世辯論高手。

呢個晚餐實在有d失望😞本身係諗住食中菜，所以就揀左呢間。到入座之後再仔細睇餐牌，發覺其實選擇唔多，揀左好耐都無咩心水，最後叫左一個炒飯，蠔餅同芋酥鴨海皇瑤柱蛋白炒飯，呢個係成餐飯最正常既一個菜，不過其實無咩海鮮，得少少蝦粒碎，同少少瑤柱絲，覺得好唔足料，得個大字。家鄉煎蠔烙，本身都有d期望。蠔既份量係夠既，我諗都有拾幾隻，不過實在太油，而且粉漿太厚，好油膩😫食左兩三淡就夠，好失望而個芋茸香酥鴨，本身好少見有呢個菜式，諗住試一試，點知都係失望。我唔肯定呢個點整，不過一諗都知係功夫菜，步驟係繁複既。應該係一個酥餅皮包住芋茸炸，有d咸香咸香，雖然菜式名有個鴨字，但我又食唔到，我估無鴨肉瓜🤨應該係形象化，個菜似鴨肉塊？？唔知呢？不過都唔重要，因為又係太油膩，食左又係2塊又要收手la😵整體，係個炒飯叫普普通通，其實菜就真係失望😞⋯⋯

潮館主打潮州菜， 在觀塘apm，位置方便， 之前已經寫過潮館的食評， 今次試了幾款之前未食過的菜式覺得幾好食， 所以再同大家分享下。 雜菜潮州魚蛋煲的魚蛋爽滑彈牙， 清清地的湯底。 炸芋頭鬆脆香 軟，好食！ 鹵水鵝片食過好多次， 今次依然保持水準， 滷得入味。 茄子蝦球煲也值得推介，蝦球爽口大粒。 鹵水鴨腎份量多，但味道普通。最欣賞就是甜品水晶包， 晶瑩通透軟滑好味，甜度適中。整體來說食過咁多次都沒有令我失望， 價錢偏平，食物質素好，是我經常到來的原因。

呢間嘢啲開茶執枱啊姐極度冇禮貌，前所未有咁衰嘅漏口鄉音女人, 開茶是但是但，開壺茶出嚟 ，搽面全部係油嚟嘅， 茶開到茶有油，叫佢過黎換，呢個樓面啊姐唔換，仲大聲夾惡鬧返轉頭，話佢冇需要幫手洗茶葉，啲茶葉係咁架啦！仲叫我地自己洗吓就冇油啦！係咁架喇！我係講咪痴線架，我懷疑係佢帶隻膠手套執枱油林林，又去攞茶壺沖茶整到啲茶唔乾淨！我不點食物，亦即場起身走人不幫襯！我唔會再去！

三個人睇完戲後搵地方醫肚，見到呢間食肆，於是求其入去食一入去坐低，侍應服務好好，即刻問飲咩茶好快就送到，叫咗潽利，茶味好清香落單之後第一道菜好快送到。龍躉兩味其中一味, 龍躉球略為煎過, 也有少少魚皮黐住, 龍躉肉質彈牙鮮味, 翠肉瓜都不少而且新鮮爽脆。龍躉兩味第二味, 相比起翡翠炒球, 蒸既肉質沒那麼彈牙, 不過更為入味, 而且頭腩更為肥美多膠質, 底鋪左豆卜, 豆卜吸左蒸魚豉油很好味, 不錯, 不過我還是喜歡翡翠炒球淡淡肉多一點海皇豆腐煲打開蓋咋咋聲，香味十足。仲好足料，海鮮有蝦、帶子、花枝，隻蝦又入味又彈牙。連埋豆腐同配菜，豆腐亦好滑白鱔煲仔飯，白鱔新鮮好滑。用左豆豉同少少豉油已經好入味原煲上焗一陣加埋煲仔飯豉油簡直一流飯亦夠乾爽，不過就冇乜飯焦。總括來說，正，可以encore....

襯住紅日，全家都放假本來諗住一家人開開心心黎飲餐茶，以前成日黎，覺得啲野食係OK的，而今次黎到，啲野食的確係OK嘅，環境都十分企理，同埋都好寬敞坐得都算係舒適的。但令我要打食評嘅係佢地員工嘅態度，有位姐姐佢係送點心嘅，送野時態度極差，上錯唔緊要，上襯都唔俾汁都唔緊要，問佢點解。佢竟然同我地講「叫你咪食囉，問」個態度差成咁，食龍肉都無味！Sorry!真係唔會再幫襯！如果大家食飯係想受氣，黎呢度簡直一流

今早去觀塘呢間飲茶，一坐低見無點心紙，就舉手問周圍侍應攞，結果所有侍應（真係所有侍應）十問九唔應，當睇您唔到，忍不住走去問侍應都都當睇唔到、聽唔到，最終要好大聲問，先有人話：「我而家咪攞俾您。」極度差劣。

同家人約左去呢間朝館飲早茶。有親人住觀塘。話食過幾好。所以揀佢。講番D早點。真係冇介紹錯喔。凰爪、。燒賣。包點等都好新鮮。待應又好nice。嗌左好多。食到好飽。原來仲有特價。埋算先百幾元。真系好抵食。下次會再来的。

潮館是稻香集團旗下主打潮州菜的酒家， 本身自己已經食過好多次，試過這裏的圍餐和散叫，可以用平靚正為形容！今次朋友生日我揀了這裏來慶祝，點了咸菜豬肚湯$80， 鹵水拼盤$95， 黃金煎麵$70， 金不換茄子蝦球煲$78， 沙茶芥蘭牛肉$76， 蓮蓉壽桃包$35。咸菜豬肚湯 ～ 食潮州菜我多數會點這個湯，咸菜惹味豬肚又林。鹵水拼盤 ～ 這一款普通，今次鹵得不夠入味。黃金煎麵 ～ 金香外脆的煎麵，配醋和糖一起吃，正！沙茶芥蘭牛肉 ～ 芥蘭煮得剛剛好，不會太硬身，牛肉入味。金不換茄子蝦球煲 ～ 大大粒蝦球爽口又彈牙。蓮蓉壽桃包半打 ～ 生日一定要吃壽桃包， 熱辣辣的壽桃包， 蓮蓉和蛋黃已融為一體， 蓮蓉又滑又香，讚！近年想吃潮州菜，好多時都會到潮館， 因為食物唔錯， 環境坐得舒服。

又嚟食團年飯，上年d嘢食又唔熱，又唔好味。坐出面大廳又迫又多人，其他人行過我後面要企起身囉，成餐飯都坐唔定。今年入咗窗邊走廊大房，靜d，又無人行嚟行去。不過今年好明顯無咁多客嘅，個場裝修咗，枱之間多咗d空間。我地訂8點入坐，大約8:15叫咗佢地起餸，點知等到8:40都未見到。跟著先發現無俾卡我地，雖然我唔知咩卡。全部人好餓，清曬，件件都食得，無d頭頭尾尾。年年都食呢個，麵底最搶手。龍蝦有d無整開，雖然有俾剪，不過都非常困難剪開。呢個比較失望，無咩料。呢個非常hea，炸燒賣同炸魚蛋都當係團年飯餸之一喎。呢個正常嘢，d料可全食。條魚都係正常嘢。雞都係正常嘅。呢個都係正常。糯米飯唔錯，有少少臘肉，花生等。非常之熱。壽包嘅涵唔太甜。總結嚟講，今次呢餐比起之前幾年喺到食嘅團年飯都有進步。之前嗰d食物唔熱，份量少，味道太奇特。仲有之前個場又嘈又迫。今次d食物終於夠熱，味道正常咗。個場無咁迫，而且無咁嘈。希望水準繼續上升啦。