潮江春 (無限極廣場)

营业中

休息中

在上環飲茶，光顧過｢×茶｣，也光顧過｢利×閣｣，論食物質素，還是美心中菜旗下的酒樓品牌，是飲茶的品質保證。今天是星期六，已過了午飯時間，所以不必等位。座位擺放濶落，坐得舒服。Honey喜歡的：麥西哥叉燒餐包、灌湯餃和棗茸糕。餐包是烘熱的，上層麥西哥topping脆而不太甜，好味！灌湯餃熱辣辣的，湯頭是金華火腿香味。棗茸糕不太甜，一層一層的拉下吃，口感非常煙靱。三個都是Honey喜歡的點心，他説都好吃。我就點了叉燒腸粉、鷄紥和蟹籽燒賣。腸粉薄而滑，薄得透透的。燒賣和雞紥都保持美心一貫水準。吃了點心，還未飽飽，但餐單上又沒有叉燒飯之類，所以點了瑤柱蛋白炒飯。大大碟，我們吃不完，要將之打包。炒得很爽身，米飯粒粒分明，很有鑊氣。已説過甜品棗茸糕……想借此讚一讚傳菜嬸嬸：她將棗茸糕放上桌後，順手取走籠蓋子；我怕糕點多放一陣便變硬身，故此正想用碟蓋上去；嬸嬸隨即將籠蓋蓋上去……看似小事一樁，但可見便菜嬸嬸細心侍客，抵讚！！

同事last day, 腦細suggest去酒樓飲茶喎，好丫，我最鍾意飲茶架喇😌呢間一年前都食過，環境唔錯，野食喺呢區黎講算幾好。卜左枱唔使等，哈哈點心選擇都幾多丫可惜今次因爲叫得太多點心，無叫到粉麵飯上面啲點心正正常常，無咩亮點。紅油抄手好辣啊😵呢度既晶瑩紅棗糕（右上）特別正架！甜度岩岩好，唔chi牙，腦細都話呢個係必食既😋呢個包其他酒樓好少有架！裡面仲有粒粒芋頭添🐵XO醬炒腸粉（下）略嫌唔多夠XO醬食左咁多真係好飽，差啲忘記呢餐係farewell 同事既😅，一陣返公司實好眼訓😴

與友人飲茶，點心怎會叫得少，到潮江春正合朕意。點心紙分有潮式及港式點心，式式俱備。餐前小食醃味菜勁大兜，味菜腍腍酸酸的，開胃之至。花生很少，青瓜青澀，可以不要。潮式點心叫了芋絲炸春卷、蔥油糯米卷、潮州粉果和香煎韭菜棵。春卷芋香撲鼻、潮州粉果很潮州、煎韭菜棵更是香到無影，頂呱呱。港式點心有蝦餃、蟹肉節瓜甫、蝦醬蒸鮮魷及百花煎釀三寶。蝦餃又大隻又爽口，非常好吃。節瓜甫的蟹肉是在湯汁裡面的，我們連湯也喝光。首推蝦醬蒸鮮魷，蝦醬味濃，每口魷魚都夾雜著鹹香，令人回味不已。煎釀三寶以蝦肉代替魚肉，更爽更惹味。向來都甚是喜愛潮江春的雙面黃，現在有迷你版，飲茶時人少少都可以叫。麵餅煎得脆而不乾，下層的麵還是濕潤的，放了韭王令食味更香，小人愛蘸些醋蘸些豉油，是最佳拍檔。絕對有水準的潮州菜，欠的只是以前來吃飯後必定有的功夫茶。

Just finished dinner here...very very upset as 1 last dish did not came after 1 & half hour & yet I can neither cancel it nor pay the bill to go!!! Then, when enquired, the manager just explained that my dish just require some more work ( such as chopping of meats requiring time etc) making sure that you are an idiot if you believe his words. When I finally insisted to pay the bill to go, they then displayed very bad attitude as if showing that I'm wrong... this last bad attitude angered me. I s

I like the chiuchow garden branches in CWB and Sheung Wan Infinitus Plaza but this Sheung Wan branch is often less crowded. We order the Chuan Chili Chicken, egg omelette and fish ball and vegetables casserole. Very suitable for family dinner. Enjoyed as usual. 

做完運動又過嚟上環飯堂食個簡單晚餐。每次必點蠔仔肉碎粥 - 清清哋兩個人 share 剛剛好。 不過最近水準好似差咗 ： 蠔仔細咗、少咗，粥底稀咗..... 希望以後有所改善。梅羔醬烤骨 - 因想食少少酸嘅餸所以點呢個。樣子頗吸引但食落失望😓。完全唔入味，汁還汁肉還肉而且質地幾柴，唔得！砂鍋梅菜肉碎炒菜心 - 有鑊氣，梅菜甜甜哋加埋肉碎好惹味，菜心亦不會老。甜品又係點必叫嘅紅棗糕 - 最愛佢一層層夠煙靱唔會太甜好好味😋銀杏綠豆爽 - 細細碗，銀杏唔係太多但味道都算唔錯。今日水準一般，下次都係叫番滷水鵝片、沙茶牛肉隱陣啲😬

可能一般人覺得潮江春太普通，不過佢地嘅一些潮式菜做得十分好，例如1)鹵水鵝皮薄，肉質嫩滑，軟綿綿，蘸上白醋，開胃兼且提升了鵝肉嘅鮮味，雖然稍嫌鹹些少，整體質素好好👍🏻(2) 沙爹牛肉芥蘭沙爹汁濃厚不辣，牛肉軟熟有牛肉味，芥蘭夠嫩無根，三樣食材醬料夾埋係無得輸，而且份量多，抵食。(3) 白果綠豆爽白果稍嫌太少，綠豆爽口感強，有沙沙感，夠熱而且唔會太甜。(4) 紅棗糕我其實唔食紅棗糕，但呢度紅棗糕味道親民👍🏻，而且煙韌非常，加上係千層製法，逐層逐層食，非常過引！

星期日，一於早d起身，做乖乖女陪屋企人飲早茶。果然係星期日，人流都多啲。叫咗個煎腸粉，有蝦米係入面所以好香口，點埋甜醬同埋麻醬好香口。牛肉球，入面有好重嘅芫荽味。好耐都冇食個馬拉糕，所以今次試吓。馬拉糕好鬆軟，亦都熱辣辣。

這餐廳因為近屋企所以經常同家人來食晚飯要介紹下這裡的潮式甜品 款式多味道好 又吾會太甜 非常出色有芋泥 好幼滑 甜甜地 但吾算好膩 但絕對要同人share!!反沙芋炸得脆硬 中間較粉面層砂糖吾會鬆散

上環好吃的酒樓點心不多，潮江春算不錯. 地方夠大，周六中午都不用等位坐下後便有小菜一碟先醫醫肚，有青瓜配酸菜，青瓜很爽，配了點辣油，不太辣但油了一點奶黃包，很重的蛋黃味，熱辣辣，咬後會微微流出，不太稀，做到剛好的流心燒乳鴿一隻，乳鴿皮好脆，肉不多，但好咸呢烚菜心，都算新鮮，有甜豉油浸著，另配蠔油大牌檔腸粉，腸粉很滑，粉皮不太厚又不太薄，剛剛好，咬下去煙”yun"的，真的很有大排檔的味道，不過可以再多一點芝蔴另外還點了蝦餃，不過太好吃了忘了拍照，蝦餃雖然不大粒，但皮好夠薄，蝦很鮮甜，又不多肥膏整體來說這裏的點心不錯呢

由於，我公司老闆及老闆娘的飯堂是上環 <美心皇宮>，自不然有侍應向他們推銷蘿蔔糕劵！  我收到一張他們購自<美心皇宮> 的翠園蘿蔔糕劵！ 取蘿蔔糕之前，要跟媽咪夾定雪櫃有無位放。她叫我在最後一日才取！  於是，我在 2月16日(年廿八) 取蘿蔔糕！  而最後限期到指定地點領取，最方便我的是上環無限極廣場的 <潮江春>！如果，早上去的話，恐怕會遲到！  放工去的話，恐怕會換罄！  還是午飯時間去最好！ 中午去到 <潮江春>，酒樓內大排長龍！起碼都有 40~50 人吧！  完全超乎意料之外！  等上大約 20 分鐘排隊取蘿蔔糕！  女侍應也相當快手！  翠園金腿瑤柱蘿蔔糕蘿蔔糕以翠綠棗紅色保溫袋盛載，綴以金色繡花圖案，設計清雅卻不失禮！相信寓意「花開富貴！」  密封保鮮包裝，確保新鮮衛生！ 打開保鮮包裝袋，蘿蔔糕鋪滿了瑤柱絲及金華火腿粒，  算是足料！混合不少厚切蘿蔔條！用刀切蘿蔔糕時，已感受到蘿蔔的清爽！還有些少「索索」聲！ 蒸蘿蔔糕軟身兼腍散！  蘿蔔味道清甜多汁，味道調教得恰到好處！瑤柱

午後從龍虎山行山至山頂，還沒有吃午飯，於是趕緊乘車去上環。到陶源門口已經3:25pm，不得其門而入。惟有立刻轉至對面潮江春，坐下即被人催落單。飢腸轆轆，點了八個點心加一個腸粉。可能last order的關係，腸粉已經沒有了。總體而言，美心集團的酒樓食物有水準，但不會有驚喜。在沒有選擇時，不失為一個選擇。正如公司裏那些四平八穩的同事，交帶的工作永無甩拖，但亦不會有超越期望的表現。

今天是平安夜，大部分公司都有早放，或者中午可以放鬆一些，吃久了遲到了都沒有所謂。妹妹因為已經放長假(做學生真美好，真幸福)，因此來了公司附近，和我吃中午飯。本打算飲茶，可是周圍都不許預約，在潮江春吃小菜的話，不必等位，便可進內。條件是必須叫至少一款小菜(粥粉麵飯不計在內)以及有限款式的點心。點心以潮州菜為主，有菜粿、潮州粉果，另有蝦餃、燒賣、蝦腸粉、春卷、豆苗餃等。由於是有限款式的點心，因此沒有平日吃的叉燒包、鳳爪、煎釀三寶、牛肉球等，太可惜了! 叫了一碟素食---銀絲茶樹菇翡翠豆苗!茶樹菇味道獨具一格，鮮食脆嫩爽口，蓋肥柄嫩，味道鮮美。幹品有奶油餅幹的濃香味。平日媽咪用茶樹菇煲湯，原來炒來吃都回味無窮。芽菜新鮮，翡翠豆苗幼身，清新美味，一道令人歡喜的素菜!另有一碟川椒雞，雞肉小小件，入口嫩滑，有豉油及糖煮出來的味道。這不是小吃，因為有咸度，佐白飯是不錯選擇。旁邊的油炸海帶，香脆可口，本著好奇心，吃了一口，很好吃。但吃了第二口，第三口，很快停下來，因為薄薄好口感彷彿像吃白紙，吃多了，舌頭不舒服。服務方面，只可說比茶餐廳差，侍應不太理人，會扮看不見。在這裡吃飯，只是叫食物如此簡單的事，都

其實上環既呢間酒家都已經唔係好多人, 就算訂左晚上八點既時間, 都係有好多吉枱, 既然如此, 何解當日既waitress係幾十問九唔應, 完全唔想serve人既感覺, 問佢menu上某款食物係用咩材料, 態度係非常惡劣, 完全唔想答, 講真我有問題對食物敏感, 如果唔問清楚, 叫錯左, 出左事係咪貴酒樓負責先...完全氣死人...當日已經有朋友講呢個集團其下既酒樓, 每間都係咁差, 本身真係唔多信, 今次食完就完全覺得係羅....又好似成日趕你走咁, 我地碟上既食物未食晒, 就走埋黎收我地既碟, 但其實仲有好多係碟到, 佢地唔係真係咁架麻.....點菜又好唔願意, 咁我地唔點菜食咩呢...即是咁, 如果係咁勉強, 就唔好打開門做生意....完全唔明咩一回事..雖然食物總算不過不失, 但如此服務態度, 絕對唔會再食....但都會recommend 佢地既杏汁豬肺湯同桂花魚....的確個豬肺湯係好飲, 好香好滑既杏汁, 飲落好似杏仁糊一樣的滑, 加上豬肺都煲得好林...再或, 條桂花魚既肉已去骨,食落好鮮好滑...其實食物就一般.....

長輩生日年年都切蛋糕或食壽包，沒有什麽新意。聽說這間潮江春可訂趣緻可愛的豬仔壽包, 每個$25，便趁爸爸生日去試一試。服務員會收到指令才上壽包, 給爸爸一個驚喜。Size 不大，蓮蓉餡料不多, 味道還可以。