潮廷匯 (已結業)

之前上網團購左聯邦0既$138套餐諗住Mami生日帶佢黎豪一豪啦又有鮑魚又有燕窩!!! 前幾日上黎OpenRice睇下人地d comment啦點知評語一般但係買左又無理由唔去食架.我哩D小市民好窮架嘛,咁梗係頂硬上啦.去到啦,D裝修真係幾靚喎. 個感覺幾舒服同乾淨等左一陣,D野食終於黎啦1. 蜜餞鮑魚: 我同Mami都係嗌左蜜餞鮑魚,我覺得隻鮑魚真係唔係咁大隻,但係$138咁平,唔通人地會比隻一頭鮑俾你咩.我覺得其實都入味同夠淋2. 龍蝦沙律 : 幾好味,不過龍蝦少左D得3舊3. 燕窩羹 : 好少燕窩咋,味道都差少少4. 珍菌焗大蝦 : D蝦都幾大隻同新鮮, 味道都好好. Mami話拍得住佢煮果D喎 5. 海參鵝掌 : 其實我唔食海參架,哩個係Mami嗌0既. 佢話唔夠淋喎,不過味道係ok既6. 雪蚌雜菜煲/魚腐浸時疏 : 兩個都ok啦,不過不失7. 薑米蛋白炒飯 : 唔係好夠味咁8.糖水 : 芋泥/杏仁茶 我又唔食芋頭又唔食杏仁所以我比哂Mami食,佢話兩個都好食喎. 不過我咁乖請佢食飯,佢唔食糖水個心都一早甜哂啦.食物整體ok呀,不過間酒樓真係幾難搵.不過如果為左有個靚景我都唔介

睇到個個都話呢間團購餐唔掂, 心唸大鑊啦! 個個講到食唔飽! 但係買了都要去食啦!昨晚同女友兩個人去食 (一早book了枱), 見到成村人係到等位!走去同位姐姐講我book了兩位, 佢話未有位要等等! (心唸book了枱都要等, 有無攪錯!!!正想去同佢講點解book了都要等時, 女友太知我心意了, 一手拉我去一邊, 叫我唔好嘈, 等下啦! (無計! 女皇出聲, 我只好打下iFighter 1945啦!!!!)大約15-20分鐘, (我都唔知實在幾耐, 因打極都過唔到Mission 7) 女友話有位啦!我地叫了:冰鎮 + 蜜餞鮑魚- OK啦! 龍蝦沙律 – OK有兩舊龍蝦肉鵝片 – 都夠大碟, 但我覺唔夠味, 女友話夠瑤柱羹 + 燕窩羹 – 偏淡, 但夠材料焗大蝦 – 呢碟得呀! 個汁好正! (同場加影保護蝦大戰, 我俾女友搶蝦呀! 我唔食腳同滑XX呀!不要搶我D蝦呀!)海參鵝掌 – 睇個樣一般, 但女友話好入味!魚腐浸時蔬 + 什菜煲 – OK!薑米炒飯 x 2- 飯炒得好乾身唔油! 芋泥 + 杏仁茶 - 女友食晒! 佢不斷讚芋泥好味! 杏仁茶就淡D (當然啦!食完個咁甜先!)總結:

早前團購左每位$138另加茶芥$25的套餐, show出黎的圖片好豐富架但係叫到埋黎就好細份, 完全貨不對辦, 雖然圖係參考的, 但都唔應該去到呢個地步!最離譜就係個"西芹炒荷塘百合", 用一隻茶杯碟的size上, 得2片仔百合, 係2片!居然可以少到咁另點了冰鎮/蜜餞鮑魚-普通龍蝦沙律-OK,但太少龍蝦鹵水鵝雜錦-普通燕窩羹-有材料但食唔到燕窩,要落好多胡椒粉至有味花膠瑤柱羹-好烯,冇花膠珍菌焗大蝦-大蝦幾好,汁好咸,得一種菇海參扣鵝掌-海參極迷你,鵝掌都算入味,OK魚腐浸時蔬-2粒超迷你魚腐雪花蚌什菜煲-普通薑米蛋白炒飯-冇咩味, 唔像正常炒飯,硬左D魚丸粉-份量OK甜品:好細份,用細過茶杯SIZE的MUG裝福果芋泥-味道OK白芝麻慕絲-味道淡,份量少呢個餐原價食$328,如果係咁仲激氣!除左甜品之外,前5度菜差不多同一時間上,場內冷氣好凍,未食已經凍凍地聽到另一張台的客向waiter投訴份量好少, 要求換過食完之後仍然肚空空,冇實在感覺,仲要再食其他野至飽!呢間野以後都唔會再去!

因是團購票, 已預早2星期前訂位, 但都要安排至8:30pm後才有位, 沒法啦, 我們選擇了上星期六, 預了會多人。一行6人, 當晚到達時, 見全廳滿座, 坐下後傾了一陣, 便點餐入單, 估不到入單後不足5分鐘, 鮑魚便來了.....好"大"隻呀(1啖已放入口)....而且是凍的???我們點的是密餞鮮鮑魚, 而不冰鎮喎, 點解一d都5熱ge??? 第2道菜, 2分鐘後到, 我點的是鵝片(尚算大碟), 朋友點的是龍蝦沙律, 朋友們說此碟ok接着到的是花膠瑤柱羹, 很熱, 但我叫侍應不要把蓋打開, 以保溫度, 當時全枱已是食物侍應剛放下瑤柱羹, 哈..第4道菜又到啦...簡直是吃不來, 酒樓上菜的速度, 明顯是要做3輪, 即6:00, 8:30, 9:30, 全張枱都放滿了食物, 我們真的食得很趕, 很趕....同侍應講, 其他菜遲d到, 講咗幾次都冇反應, 扮聾!! 講番第4道菜, 我點了海參鵝掌, 其他朋友點了焗大蝦, 嘩....海參是靱的, 如食橡根, 鵝掌是暖的, 大蝦不夠鮮, 但那個汁好味, 點解呢間酒樓d野多數是凍、暖???當我們食"橡根"時, 第5道菜又到啦 ~ 我點了雪蚌雜

今日一行5人黎左呢度食飯, 但其實其中2位係食左野先黎, 所以實際只有3人(2男1女)食野.裝修好ok! 好似人地ge婚宴酒樓, 不過座落喺tst, 今日都唔full, 難免有點靜英英的感覺.叫左以下食物:香酥鴨：幾好食, 而且1d都唔油!! 不過得8件, 份量比較少咕嚕肉：又係幾好食!! 不過得5件, 份量都真係好少....芥蘭炒豬頸肉：又係幾好味, 不過份量都係好細....雙面黃：唔會太乾, 亦不會太油, 好食!! 梅菜扣肉：雖然扣肉唔係好肥! 但係都整到好淋身!! 必食!!花膠响螺湯2盅：gd!! d湯好清冇味精!!釀蟹蓋2件：完全食唔到蟹味, 反而食到蝦味多d, 唔係唔好食, 不過唔會再encore!!飯後, 送左雪梨糖水同埋d糕點比我地作總結!! 埋單$611!! 坦白講, 份量真係好細!! 我地3個...都好明顯係"就"住夾餸!! 兩位男仕仲要各自隊左2碗飯lor!! 所以, 就算日後有機會想食中菜, 明知佢好食, 都唔會再黎lor!! 因為實在....太精緻! 唔啱我地呢d大胃王啊!!

環境非常好, 門口 decoration 就像 wedding dinner 場地. 枱椅像全新一樣, 枱布及椅套都高貴簇新, 顏色配搭順眼, 未食已令人感到賞心悅目. 不用動腦筋的一餐, 因menu已定, 只有二個 course 要二選一 先看 menu:夠不夠食? 見仁見智. 我就夠湯羹 - 太極鴛鴦素菜羹外表吸引! 不會吃到成口草青味的素菜羹, 濃淡適中. 白色那邊味道似忌廉湯, okay!(仲有嗰碟咸酸菜呀! 我最 like 架! )潮拼 - 半隻鹵蛋 + 一片紅腸 + 一片鵝片 + 一片鹵肉 + 半件豆腐大部份都不及格, 因為吃不出鹵水味.焗蟹蓋有點奇怪為何潮菜有焗蟹蓋... 令我想起是氹遊客的菜式. 焗釀料有蟹肉,蝦,帶子,豬肉碎,甘荀,馬蹄,薯蓉加點咖喱粉, 味道不過不失, 但未能吸引到我. 石榴球很精緻的賣相, 蛋白皮不過厚, 包着豆腐, 肉丁及菇丁, 玻璃茨清清哋, 有樣有內涵的一道菜. 厨師還很有心思讓你吃到最底才看到一顆紅蘿蔔心心, cute! 二選一 - 菜遠沙茶牛肉 or 煎魚扒沙茶汁正宗, 牛肉有點過度鬆肉, 變得似茶餐廳沙爹牛肉 feel. 菜遠非常好,

買了coupon試一試裝修 quite impressive首先上拼盤豆腐很差, 但其他都幾好鵝幼嫩, 蛋也很入味素菜羹, 熱烈推介不要看它好像化學藥水但其實是很美味你好像在喝很濃的湯菜味不會太濃我覺得剛剛好令你上癮, 不斷喝下去焗蟹蓋意想不到的美味我喜歡它的芝士味沒有搶走蟹味還有蝦, 彈牙沒有膩的感覺石榴球好似燒賣, 不過不失好有心思, 紅蘿蔔還是心形的主菜都是很不錯牛肉調味得很好芝麻流沙包味道怪怪的還是傳統的好吃總結不錯, 地方有點難找, 但我絕對認為worth a try!

一早打左電話訂位, 所以等左一陣就入左去入到去, 都唔多人, 4成位都冇人的 (星期日唔係應該好多人的嗎 ?)入到去坐低左, 等左一陣先有人來開茶同擺位, 且似係新人, 好似唔多熟手咁..... 點心放面 : 叫左基本的蝦餃, 鳳爪, 雞扎, 味道都正常, 不過雞扎就係用豬皮同芋頭, 而蝦餃就一客得2隻, juicy, 不過個juice 係油.... 吃左2隻已經成口都係油.... 其他野可以話普通, 有上湯浸菜, 九肚魚咁, 都係不過不失... 唔係唔好食, 但唔係好食最好食要數個涼瓜肉排, 味足料足, 不過回家要飲多d水....加水都快ge....

今年公司春茗地點,在美麗華商場六樓,聯邦集團旗下的"潮廷匯",想起上年在凱悅酒店,今年就潮廷匯,難免有點降格感.上一季的經濟比前季更好,但是不論花紅和春茗地點級數,也與上年背道而馳,所以有不少同事,選擇不出席以示不滿.場面雖未至冷場,但不算熱鬧.既然有餐吃,姑且看看是夜有什麼菜式:鴻運乳豬全體翡翠百合炒蝦球發財好市大利黃金炸蟹棗竹笙雞絲會生翅原隻鮑魚扣鵝掌清蒸大海斑客家鹽焗雞金菇炆伊麵福建海皇飯鴛鴦凍糕紅豆沙湯丸合時西橙不論是什麼喜宴場合,都是吃"果D野".沒有特別之處,聯邦集團水準大家亦心中有數,旨在來吃一餐,兼看看有沒有獎抽到.先上的當然是鴻運乳豬全體,完全不行,一點也不熱,燒豬皮已變淋,不用多說吧.翡翠百合炒蝦球最深刻的地方,是碟上的裝飾,蝦球亦做得爽口,也有蝦鮮味.賀年菜式之中,比較喜歡發財好市大利,我喜歡吃蠔豉,但此蠔豉沒錯是肥厚,可是有一陣酸縮味.潮廷匯也算是潮州菜館,當然少不了一兩道潮州菜,好像這一味黃金炸蟹棗,算做得不錯,甘香酥化的外層,包著啖啖蟹肉,坐在身旁的印尼同事,對此味不懂欣賞,也許是文化上的差異.同事們並不同開飯圈中人般環保意識,魚翅照吃,而且很雀躍.某程度上

是日和男朋友到潮廷匯品嚐蟹宴，取其價錢實惠，每位收一百六十八元。晚飯時間來到，食客還少，始終尖沙咀餐廳聚多，百花齊放，顧客選擇多的是。我們要了兩位潮廷匯推出的「潮食蟹宴」套餐，包括花膠雞煲翅、江蘇大閘蟹、鮮茄魚腐浸菜苗、蟹粉小籠包及薑茶湯圓。花膠雞煲翅味道清淡，江蘇大閘蟹原隻逢上，食客得自食其力，與蟹殼大戰才得其肉，真是少一點技術也不成啊！鮮茄魚腐浸菜苗做的不錯，鮮茄味清可喜，魚腐爽口柔軟，菜苗可口。蟹粉小籠包是小小的兩只，味道還好，及薑茶湯圓兩只，略嫌湯圓只有兩只，酒樓這樣吝惜真叫人不悅，湯圓不比花膠，多給也不會虧本吧？薑茶是挺辣的，味道太刺激了，本人不太喜歡。貪少便宜的一餐蟹宴，有寧靜的環境，侍者有光速收碟的技術，但食物還是一般。要吃蟹也是豪一點才行！

昨天放暇去找媽媽飲下午茶，出奇地原來飲茶都有任食有我最愛的叉燒包、燒賣、排骨等最出奇地，有好好味的軟殼蟹和九肚魚(我食了兩碟) 不停食每人加左一都是$75，又好食，環境又美,認真下次要再和女朋友來

家母在各親戚中是輩份最高的，所以每年生日，一眾兄弟姊妹及親友都會踴躍出席，這次母親壽宴，筵開三席，輪到老表負責。表兄辦事一向交帶，早於月初已在這裡預訂廳房及菜式，姨媳又自動請纓親手弄愛心蛋糕，看來我們一家只需準時出席便可以了。據知這間走高貴新派路線的潮州菜館是聯邦酒樓集團近日推出之品牌食肆，而這酒樓的特點是有專為新人而設的證婚場地。酒樓一邊是全落地玻璃窗設計，可讓日光自然透入，如果是白天的話，定會感覺更開揚舒適。玻璃窗以外的露天位置正是剛才提過的證婚場地，兩旁整齊地排列著二、三十張白色木椅，並綴以雪白鮮花，看來非常浪漫，相信是早上有新人曾在這裡行禮。由於這晚隔壁有婚宴，我們被安排坐在一個以屏風分隔的房間，地方雖然稱不上寬敞，但總算保留著一點私隱，而且各人都坐得很舒服。潮汕鹵水拼盤 -- 這個拼盤包括豆腐、鵝片、鹵水蛋、紅腸、鹵肉、大腸等，材料都算豐富，不過以味道來說，整體唔算突出。首先講講碟底的鹵水汁，鹹多香少，汁味稀薄，欠缺鹵水汁那種應有的醇和味道。至於墊底的豆腐，雖然吸收了鹵水汁，顏色變得帶點淺啡，但味道頗為清淡，只屬一般貨式，幸好吃來質感還算嫩滑。鵝片反而比較出色，雖然唔夠入味而

工作午餐，和同事一起去潮庭匯食點心，點了喜歡的鹵水鵝，肉質嫩和好juicy，好味。不過最精彩都是點了雞，不油膩而且好有雞味，好juicy，仲有脆米米放了雞下面，好食，高度推介.其實，菜都好好味，不過煙太大而且d 煙有股怪味，影響食慾。甜點方面，楊知甘露裡面有冰，不好食，不要點最重要冷氣不夠，有點熱。

前陣子在雜誌上看到介紹，便被內裡的芝士焗龍蝦伴稻庭烏冬吸引著，於是決心跟朋友來一試。星期六下午打電話訂位，本以為會有很多人，怎料一打便成功。當日8點到達，甫進來，眼看食客多是一圍圍的，很少像我們只有兩個人。當然，兩個人便不能試太多菜式。服務員招呼都很好，充滿笑容。看了餐牌，其實有很多菜式想試，最終選了三個菜，芝士焗龍蝦伴稻庭烏冬，香煎南瓜烙和豆漿鮮蝦海棠豆腐。先來了香煎南瓜烙，潮州菜裡最為人熟悉的水瓜烙，今次改用了南瓜，感覺也不錯，煎得很香脆，上面還有些芝麻和花生碎，一碟分成六件，吃1-2件也不成問題。其實還有水瓜烙、番茄烙可供選擇。然後來了豆漿鮮蝦海棠豆腐。豆腐很滑，很清的一道菜。最底層就像豆腐花一樣，然後上面有鮮蝦和菜，不知道那些是否海棠菜，但我卻嫌菜有點苦。但整體不俗，若用來送飯，應該會很好。最後就是芝士焗龍蝦伴稻庭烏冬，一般都伴伊麵底，伴烏冬原來也匹配的，烏冬煙un，而且內有洋蔥粒，吃起來特別可口，芝士又不會太漏，龍蝦肉也鮮甜，沒有令我失望呀。如果不喜歡芝士的話，也有上湯供選擇。感覺不俗，同行朋友還說下次要帶家人來呢。在席間，見到少爺占也在此店進食，後來發現原來是他和中學同學聚