潮庭 (新都會廣場)

营业中

休息中

假日到葵芳新都會廣場5樓的潮庭飲茶， 原來這個商場有很多人， 都要排大約半個鐘頭才入座。 下午三時左右入到茶樓， 太肚餓了很快就揀好點心 ，有山竹牛肉$32、 魚湯鮮竹卷$36、 珍珠雞$36、 沙嗲金錢肚$36、 叉燒腸$39。山竹牛肉～ 口感嫩滑，有芫荽香。魚湯鮮竹卷～ 喜歡魚湯鮮竹卷濕濕地的口感， 味道很鮮。沙嗲金錢肚～ 沙嗲味香濃，質感軟腍好味。珍珠雞～ 餡料豐富，好味。叉燒腸～ 腸粉很滑溜， 熱辣辣的新鮮蒸起。點心的質素幾好， 環境也挺舒適的，但店員不太主動招待客人， 還有上菜速度比較慢，可以改善下就更好了。

還以為經過疫情同社會運動衝擊後酒樓會提升服務態度同食物質素吸引顧客再光顧，想唔到等食物要等一個多小時，以為只係我哋漏單，原來每一枱都係，追問侍應但得其回覆態度惡劣！極級失望

原來呢期真係冇乜人出街食飯, 我哋算早到, 七點左右到, 全場得嗰五六檯, 就算去到夜晚八點幾, 都係得十檯左右稻草鴨 - 食落有啲似我之前喺大陸食嘅樟茶鴨, 上次食嘅樟茶鴨係用樟木碎和茶葉慢煙燻, 再炸過, 所以d 肉係好乾身, 乾到有d 硬. 今次食呢個係濕濕地, 應該係蒸嘅, 都有好香煙燻味, 不過啲肉瘦咗少少, 我哋係叫半隻, 望落去唔似半隻, 係今晚叫既菜之中相對冇咁抵食. ( 因為另外2樣好抵食 )沙爹牛肉炒芥蘭 - 分量好多, 好好味, 牛肉好淋, 好香花生, 沙嗲醬味. 啲芥蘭都好幼嫩 欖菜肉碎炒飯 - 好食, d飯夠乾身, 不過有啲咸. 好大碟, 分量多到兩個人叫兩個餸加一個炒飯, 結果有超過半個炒飯食唔曬, 要打包拎走, overall 好食, 埋單$360, 都算抵食

跨國放假，和媽媽來逛一田超市買水果，到飯點，來吃午餐，生意很好，２人桌要排４個，等了約10分鐘。點了４款點心，味道都不錯：#鮑貝棉花雞，雞肉去骨去皮，啖啖肉，吃起來方便！讚！#黑松露准山素餃，應該是新品，好吃！#香茜素魚翅餃，懷舊點心，蝦肉好多，很足料！#素菜包，有冬菇，加了份香氣！服務不好！叫服務員拿辣椒油，只機器式的應了一聲，根本沒有拿，就去收拾餐桌，再叫了一次，這次多了句：你等下吧！繼續擺放餐具。。。結果叫了另一位服務員才能吃上辣椒油！

蝦餃爽脆的蝦好大粒。蠔仔粥有好有蠔味很不錯。服務其實不錯，但係人手好唔夠，叫咗好耐都冇人過嚟。盅頭飯好多排骨，其實算係好抵食。牛肉腸非常大份好多料最緊要係加咗芫茜。

本身一直對潮庭印象不錯，也常光顧。今晚，來吃晚飯，卻換來一肚氣。首先，我們叫了孖寶套裝，打算不夠就再加菜。第一道菜：芝麻雞，以為是熱葷，但竟然是冷吃！味道，除了僅餘的少許蒜末味，已沒有其他味道。（或許你會問：無味都食得囇？原因就出自第二道菜）第二道菜是：鹹排骨涼瓜湯一看，就好像用料十足，但一點味道也欠奉，除了少許苦瓜和鹹味，其他味道也沒有。我們找經理了解時，得到的回覆是：「這道湯係咁㗎，可能你食左碟雞，味道濃郁，所以覺得這湯淡口d」。當我們回答「d雞一d味道都無，都好淡口」，她以不客氣的態度回應說：「無味？個湯有好多鹹排骨喎？」我們呆了，繼續話真係無味，然後，就誨氣地跟我們說「我有乜嘢幫到你？你叫孖寶無得取消㗎喎，個湯係咁淡口㗎」。。。當刻，我係咪應該反問妳「你有乜嘢幫到我？」最後，我們照埋單，她態度依然欠佳，好像趕客的模樣。我覺得食物味道欠理想，也可以勉強接受，最多以後不光顧，但態度不尊重，和感覺對方想處理事情，把整體對這間酒家的印象和評價，大大打了折扣！

其實呢間酒樓真係次次來都唔夠人手，今次仲更加嚴重。我地每次都是星期日來食，明知星期日一向都係多人，間公司仲可以完全唔夠人手，服務員人數好似同平時差不多。我地被安排坐到最裡面的位置，不計出野食啊姐，大拿拿20幾30張檯得2個服務員，其它人負責其它位置的有過都扮睇唔到，一係就低住個頭行路，總之就唔會同你對上眼神。我地點左6碟，頭2個10分鐘內就上左，之後4個等咗差不多半個鐘，都算，我地都知佢地忙，食到咁上下我地就外賣2碟，等左起碼半個鐘都未有，就同其中服務員講聲，佢問完之後就話冇幇我地打外賣，要自己pack,呢個都唔係問題，到d野食上左啦，我地同送餐啊姐ling外賣盒，佢完全扮聽唔到，直行直過，連反應都唔比個。。算，跟住我地就問其中一個服務員，佢知我地舉手但冇應到我地，到我地第二次舉手，佢有D燜咁講，大概係咁:我轉頭再比張單你地。跟住仲有句，唔記得。＋埋個樣真係唔知以為係我想逼到佢跳樓，一早知人舉手又唔比回應人，鬼知你睇到咩。我都唔想催你，但你都唔可以要個人等咁耐，好地地飲餐茶都搞到心情冇曬，冇下次plz;其實食物真係幾好，有Quality但服務方面真係speechless人手方面真係真係

牛肉球用梳打粉太多冇哂味，質素下降； 菜苖餃裏面仲有"驚"起，打開睇原來食到張卷埋的膠紙，完全唔明係點解咁唔小心！酒樓環境唔錯，服務態度可以，但係點心貴，咁嘅質素就不能接受。

第一次嬲到比差評！好心請多d人，上菜又慢。等了45分鐘都無得食...食物一般...唔會再黎！態度又唔掂 唉 rubbish！無必要唔好食！如果你係鍾意等同無servise 的話！

在香港，要找到正宗而又有水準的茶樓是十分困難的，因為舊式茶樓愈來愈少，普通的茶樓又難有經驗老師傅，點心又是入貨，品質很參差。今次和家人來到潮庭，本是想著付出相應的金錢就會有相應的回報，所以就來到一試。想不到這間茶樓竟然十分熱門，午茶也要等上百張票！好誇張。好不容易入了座，發現果然是中產茶樓，茶位要$15一位，假日午市點心都不便宜。不過為了開心食一餐，甚麼都值得。叫了一些普通的點心，水準正常。值得一提的是風沙珠蠔以及炒魚麵。魚麵十分彈牙，像是吃魚蛋，更要$138一碟！珠蠔份量算是幾慷慨，一大碟吃得我們很滯，蠔沒有腥味，算係咁。但整體來說，呢度比普通茶樓貴上一倍，但品質只好了一點。

好多次去葵芳食飯都係去北京樓，反而未試過隔離個間潮庭，今次一於轉下場擇呢間，同樣係美心集團旗下，質素不需要懷疑！餐前小食好岩我口味，因為有我最鐘意的木耳入口爽滑，少少辣，食不停口！今晚交俾大人發板，我負責等食XD... 芋頭南瓜茨實煲芋頭、南瓜無煮到溶溶爛爛，食落依然有口感，至於剩餘的汁當然用來撈飯，的確不錯！鹵水三拼 (鵝肉 / 墨魚 / 鹵豬肉)份量挺多，幾大碟，件件都切得好均勻，我只係食左鵝肉，口感扎實，滷得好入味!紫薑菠蘿炒牛肉醬汁酸酸甜甜夠曬開胃，牛肉肉質鮮嫩，咀嚼時仲散發出陣陣的紫薑味，味道非常突出!黑松露芝士蝦球 望到金黃色的芝士汁已經食慾大增蝦球大隻爽口，淡淡的芝士汁更加突出黑松露的香，食落一D都唔漏，如果有埋個伊麵底就真係最完美！黃魚片蒸豆腐魚肉已預先起骨並切成厚片鋪喺豆腐上面，豆腐滑溜溜，魚肉鮮美嫩滑，成塊啖啖肉口感特別正，鐘意食魚的我點可以唔食多一件屋企人對今餐非常满意，相信好快又會再黎

今晚同朋友兩個人晚飯，想搵個坐得耐啲嘅地方傾計，就揀左新都會間潮庭。先講野食，係OK的，揀左孖寶蟹煲同抄魚麵，蟹算鮮甜唔係雪藏感覺。椰皇燉雞湯算好飲。但是日焦點絕對係落單時候：第一個男侍應黎，我指住個蟹煲同佢講要呢個蟹煲，點知隔幾秒佢問返我，要蟹煲還是魚... 咁就重申要蟹煲啦，然後再另外落埋兩個椰皇燉雞湯，個侍應落完單準備去入機，走之前（用幾差嘅態度）提醒話食孖寶就無信用卡優惠，我地話OK無問題丫。點知過左陣個部長走過黎，又係用幾差嘅態度話「你地食呢個無信用卡優惠架吓」... 我地心諗你同事咪提過咯，咁又同佢講OK啦，心諗你快啲落單啦好無呀唔該......好啦跟住終於落好單，有個女侍應埋黎俾張單我地，又係態度差咁講「嗱你地食呢個孖寶...～～～」大佬就算你地之前俾人投訴過都唔使三個人黎每日講一次下話？！態度仲要都係差！！再睇真啲張單，喂個椰皇燉雞湯呢？！幾樣野都落漏有無搞錯，淨係掛住戴頭盔！食之前已經嘔血！野食係OK嘅，但如果黎食，記得準備好無限EQ。

一個放假的星期一 , 相約一班朋友到葵芳飲下午茶, 由於我有好耐冇黎, 於是朋友提議來到依間飲下午茶 , 等了大慨10分鐘已有位, 星期一既下午都爆曬 幾多人下午茶既好處係平D食多D野 , 見佢小中大點都同價 , 都算抵食, 唯不足既地方係等野食既時間都幾耐, 可能人多, 差不多4-5個字先上廚部炒既福建炒飯, 之後點心再隨後送上  整體食物味道中上, 環境亦唔差, 餐具亦新同算乾淨, 叫了7個點心 + 1個炒飯 + 4個飯後甜品 , 盛惠$ 48X , 都合理的

跟家人吃晚飯，他們想食潮州菜，所以選了這裡。點了鹵水鵝片、沙茶牛肉、酥炸九肚魚、杏汁豬肺湯、煎蠔烙、糖醋煎麵，份量很足，味道可以。就是九肚魚略為肉薄及粉厚，做不到外脆內滑的效果。現在他們在推介幾款特色茶，玫瑰普洱、凍頂烏龍等，$28位，但現在點這個就可以免去一位$15的茶位費。服務人員不多，但還是有禮的，會再去。

好少晚餐會食朝廷，今日係公司春茗冇得唔食，各樣菜今次係一圍一圍咁食，佢啲鮑魚都大大隻，唔係普通酒樓嗰啲細細隻，個湯都比較濃味我都飲咗兩碗，食品上都尚算不錯，最差的是負責服務我們的一位傳菜姐姐，看似新手，因為我們枱只有10個人但他依然會在枱面放12個碗碟，但是我哋仲夾緊菜既時間佢一手轉開我哋個個盤，就已經話幫我地分菜，極之冇禮貌，我們的燉湯分好每人一碗之後佢就全煲拿走，根本唔比我地繼續飲，佢好似好趕收工咁