潮庭 (新都會廣場)

营业中

休息中

看看這半隻稻香鸭的賣相，難以相信是出自這間酒樓，厨師的刀章去到什麽水平？端上桌就感覺是食剩的。其他的菜品還是有水準的，值得推介的鱿鱼墨咸鱼肉餅，看上下黑黑的一餅，咸鱼的香味及猪肉碎的口感挺不錯！

今日去左哩間飲茶星期日人唔多，裝修幾靚推薦度：3/5一開始有兩碟開胃菜（唔記得咗影）酸酸甜甜，好好味！係潮式飲茶先會有哩d前菜👍🏻茶錢包埋 $17/位點左唔少點心，我只點評幾樣，其他點心合格無乜特別🍴炸雲吞好脆，好味😋，入面舊肉都幾大舊🍴芋茸香酥鴨我最鐘意食芋頭類既野，芋茸非常吸引我，佢非常軟滑，外皮好脆，入面餡係夠味的，可惜芋茸果part唔夠味，有進步空間🍴沙嗲牛河屬於濕炒，沙嗲味唔夠，太淡，最後要加辣椒油先更返分，又係可以有進步空間🍴珍珠雞一籠有3隻，每隻份量唔大，都幾好食～平均黎講，最鐘意係佢果前菜，但哩間酒樓價錢唔平，而點心都無乜驚喜，所以性價比都唔高～仲要一提既係，服務態度一般，好耐都無人黎加水，希望哩間野做得更好～

環境十分闊落 適合家庭聚餐 但是食物整體質素麻麻 沒有特別出色龍蝦伊麵 伊麵過於淋左 無左咬口 龍蝦雖然係真龍蝦 但煮的時間好似長左少少 失去本身的彈牙 以638蚊黎講 其他酒龍有更好的質素春菜煲係侍應推薦 平時只有潮州菜食得到春菜 不過整體味道同屋企煲湯差不多 排骨也沒有鹹味 春菜整體一般鹵水三拼 個醋都一般 鵝片都少少鞋 墨魚難咬 全部一般 不值得價錢墨汁鹹魚肉餅個口感比較特別 雖然十分大塊成個pizza咁 但係中西口感混亂左 gimmick未到 用左600蚊 yuu coupon 買單都要820蚊 整體黎講 唔係好值啦 不過家庭聚餐可以考慮

好多年之前嚟過呢度飲茶🫖 其實已經覺得美心集團來講呢間嘅服務質素麻麻😵‍💫 但係冇理由一次用餐體驗唔愉快就唔再過嚟試吓 所以事隔幾年之後我又再嚟咗呢度中伏😫鳳爪排骨飯我覺得食呢啲盅頭飯配豉油俾個客係基本😓 呢度嘅姐姐竟然就咁放呢個飯就走咗去 問都冇諗住問你要唔要豉油 唔知係個別例子定係點啦 排骨嘅肉質還好🐷 飯嘅份量唔算太多 但係每粒飯粒都係煙韌有咬口嘅香芋鴨腳扎呢個個賣相簡直係要比50分 層腐皮完全冇包裹住隻鴨腳😕 比想像中真係爭好遠 入面嘅餡料就正正常常都係豬肉芋頭同埋一隻鴨腳咁囉濃湯鮮竹卷呢碟就幾好食嘅 尤其係佢啱啱上碟嘅時候 每一條鮮竹卷都好掛湯😗鵪鶉蛋燒賣呢個係坊間比較少見嘅菜式 所以一見到都要嗌嚟試吓😚 鵪鶉蛋下面嘅豬肉好大件 呢碟計大點嚟講都幾抵食韭黃鮮蝦腸呢碟蝦腸嘅粉皮都幾滑 但係我嫌佢太厚身 不過入邊嘅蝦都幾大隻同埋彈牙 如果層皮薄啲就好啦🦐主要都係服務質素一般 我諗都唔會再有下次啦🥲

除了蒸點心熱，其它點心全部微熱。😵收$4x一款點心價，每一款點心上枱都是微熱，無論煎腸粉、蒸腸粉，炸點心，連叫個炒麵都一樣，重要超油。又人手不足。無下次。星期六飲茶都唔駛等位，果然中伏。是日5人埋單$750

經已想不起這間潮廷酒樓其實是屬於哪一個集團，是美心、太興、潮樓定還是其他呢？🤔不過不知因為同家人吃，比較細食定還是什麼，好像很多都非常大碟。先看看小食，無論菜譜、豆、定抑或青瓜，份量十足，大大碟的前菜小食，酸辣吊味，挺為開胃。鵪鶉蛋燒賣或是普通燒賣，肉都夠多，鵪鶉蛋亦都大大粒。福建炒飯亦都分兩十足，上面汁醬都不少，飯份量相當多，後來吃到你推我讓的模樣。鹹水角大件得來夠香脆，外皮香脆內裏軟林，味道相當不錯。不過新都會點樣裝修都好，呢兩間酒樓好像好多年前已經係酒樓，因此內裏的格局比較擠迫，沒有其他裝修後的店舖那麼寬闊，因此如果唔係坐在側邊，其實挺為逼夾；幸好家人拿票等位之後，僥倖獲得安排坐在收銀處附近，座位比較大，寬闊，因此有小嬰以及老人家都不至於太過麻煩。

今日放假，和爸爸飲早☕️，呢度環境幾寛敞舒服，服務員的招待都唔錯😍，今日用手機點左爸爸最愛的鴨腳札😍😍😍，D點心幾好食，尤其龍蝦湯鮮竹卷，正👍😋，黑糖馬拉糕，又香又鬆軟，雪山叉燒包及鴨腳札都Yummy❤️❤️❤️，整體上都唔錯😋

潮庭係美心集團旗下餐廳，大概會知道水準。環境設計舒適，服務員亦非常細心妥善，安排好好嘅座位，距離適中唔會太擠迫。餐廳有機械人負責收集碗碟，非常有效率、乾淨、整齊，其他職員分工清晰，一定有人照顧客人需要。講番菜式，嚟得食潮洲嘢，我就一定食胡椒豬肚湯及蠔仔肉碎粥，兩個餸都係必食，仲可試到餐廳水準。蠔仔肉碎粥，味道合格，落埋胡椒粉好夠味，但差少少係佢唔夠熱。胡椒豬肚湯，冇胡椒味及咸菜味，只有豬肚滾湯味咁。同經理講聲，佢解釋話係遷就客人口味，唔好咁辣。但你改變咗胡椒豬肚，就唔係胡椒豬肚湯喇，所以其實有啲牽強。但經理都好好人，取消咗個湯。蒜蓉炒豆苗，好食。菜甫肉碎炒蛋，送飯一流。但有啲甜味，可能係菜甫味道，但都好食。鮮枝竹蕃茄煮班球，味道好，見到好多人都有點呢個餸。

上兩個星期日同咗屋企人去飲茶🫖，好好彩，去到就有位。宜家真係萬物騰貴，見到啲價錢真係嚇了一嚇，定抑或我太耐冇去飲茶，唔知飲茶貴呢？我哋大概每人點咗2個點心，大部分味道都唔錯。我自己比較鍾意佢哋嘅蝦腸，腸粉呈半透明，口感軟滑Q彈，豉油好香。佢哋嘅棉花雞都好好食，魚肚索晒啲上湯，鮮味十足，雞肉都好嫩滑。煎釀三寶都好食，屋企人話個豆腐煎得特別出色，香脆可口。哩度特別吸引人眼球嘅係佢哋嘅機械人，十分可愛。雖然有機械人幫手，但人手都係唔夠。加上機械人嘅方向感麻麻，亦無螢幕顯示點心屬於邊一枱客人。有大部分點心係去唔到啱嘅客人枱，最後都係要人手將點心送上。有幾轉啲食物仲要放咗喺機械人上面好耐都無人處理，相信去到客人口中都已經凍晒。希望餐廳可注意哩個問題。

餐廳環境 內部都很大十分多枱出邊有手機遙距拎飛都非常方便快捷食物用手機點餐非常清晰有圖片及價錢食物上台速度都非常之快茶壺有兩個 一個是自選茶葉 一個是滾水客人的茶杯是有耳仔 方便客人飲熱茶都可以拎到樓面加水速度都快食物溫度保持熱的水準 提議食蠔仔粥 價錢合理 多蠔 又有方魚條 燒賣蝦肉大隻 好彈牙 蓮藕餅 蓮藕粒非常大粒 非常爽口滷水鵝 非常入味配埋碟上的豆腐非常好食十分滿意 疫情期間都有透明隔板 分隔地方 客人都可以自成一角 服務人員態度良好 都多人數 足夠應付客人

美心又學人用QR code ordering… 老人家唔識，問佢攞點心紙，西你面，走左去。過左一陣個部長先攞張過膠點心紙俾你睇！要轉，係唔可以有過度期既，好野！拜拜！點心水準又下降到一個點，蒸鮮魷我都知係雪藏，但都唔使完全冇味！

一家人好耐冇見，限聚令放鬆可以最多8人同枱，緊係約出黎見下啦😊黎到潮庭食飯，環境係唔錯，空間感寬落, 感覺有別於一般酒樓, waiter都好勤力😄食方面叫左一個6-8人餐, $19xx(未計加一), 餸菜都對得到個價錢, 份量完全夠食有找！而最後有甜品送上，包括綠豆沙同糕點, 但綠豆沙送上時只有微温, 同店員講佢地都好樂意全部換哂, 值得加分！👍🏾整體黎講中規中矩, 冇話好特別, 但的確係坐得舒服同埋服務唔錯！👍🏾

一直以來都好鍾意喺香港食潮州嘢 覺得比較有特色 唔似普通中式茶樓咁樣😗 而且又係中式食物屋企嘅長輩比較鍾意食中菜 所以潮州酒樓就最啱我同屋企人嘅口味啦 梅菜扣肉梅菜唔會好鹹 但又好好送飯 扣肉半肥瘦 肥肉入口即溶 真係好邪惡 但又好好食😋金香炸魚皮呢碟好大碟 而且炸得好香脆 呢碟雖然係小食 但份量都好多🙈潮洲家鄉煎蠔烙個人幾鍾意呢碟😊 好有蛋香 而且感覺唔會太熱氣潮式黃金煎伊麵有醋同埋砂糖點 個人比較鍾意原汁原味食😎羊腩煲 配生菜店員極力推介呢一碟 但係個人覺得冇乜驚喜 普通羊腩煲一碟 肉比較少只係有比較多枝竹😂鹽燒小黃花魚至少要兩條起叫 我地嗌咗兩條 其實size一啲都唔細 同埋煎得好香脆🐟 好鍾意呢碟鹹鹹香香嘅小魚個人覺得呢間小菜都唔錯 尤其係黃花魚同埋煎蠔烙🥰

打完針、開開心心過嚟食早茶補充體力！點知完全係伏！兩個人點咗四個點心。鳳爪排骨飯鳳爪好咸 飯好有咬口 排骨味道岩岩好如果鳳爪吾係太咸 呢個飯係滿分豉汁蒸鳳爪一入口比鳳爪排骨飯的鳳爪更加咸！食落口超大浸豉油味！就好似蒸熟咗嘅鳳爪淋左好多豉油上去咁！咸到勉強食完一舊吾想再食！山竹牛肉球潮州粉果由於前面兩碟實在太鹹，已經令我冇晒胃口另外嗰兩碟都冇食埋單走人以後唔會再嚟幫襯！未食過一間咁鹹嘅點心！喊到狂飲茶都覺得好鹹完全吞唔落自問都好食得重口味但都頂佢唔順

過兩天就是清明節，提前去掃墓，家人有意見😀先去飲茶 食個包 👌 葵芳新都會廣場 「潮庭」，來到酒樓，很快有座位，太好了，坐下來，奉上潮州小吃一碟花生、青瓜粒、咸酸菜、、、辣😂蝦腸 腸粉皮有啲厚，蝦🦐 肉質尚可以點豉油增添 味道鴨腳扎，我鐘意，很久沒吃呀腐皮包住鴨腳，蝦肉、芋頭真香薑蔥牛柏葉 份量多， 紅蘿蔔🥕條、薑蔥味濃原來仲有豆卜，吃得滋味蒜蓉蒸鮮鱿 啖啖肉，鮮嫩，蒜蓉香雞包仔 一籠，有三個😊埋單、茶介連加一 $247.5