潮庭 (新都會廣場)

营业中

休息中

其實食潮州菜一向都鍾意食小店多啲不過前嗰排同左屋企人去潮庭食食物質素普遍都幾好蠔仔粥非常之清甜而且好入味豪餅煎得非常好香脆而不油膩食物質素比我預期中好如果大家想搵一個舒服食潮州菜嘅餐廳呢度係一個幾好嘅選擇

到位於葵芳新都會廣場5樓的潮庭飲茶， 由於二人難聚令的關係所以酒樓內不會太擠迫，以前要等位飲茶最少要等一個小時， 現在等大約20分鐘就可以有位，環境舒適，茶很香濃， 荷塘煎藕餅內有蝦肉食落好彈牙，沙律明蝦角炸得很香脆加埋沙律醬很美味，而叉燒酥酥皮很鬆化 又夠熱，好食呀！

未食過咁難食嘅盆菜 完全係中伏 疫情諗住同屋企人食盆菜過節 點知食到間咁難食嘅盆菜 超級失望 仲要980 四人份 我覺得價錢都唔平 但係質素好差啲燒肉上面仲有毛 之後啲燒鵝有啲奇怪味 花膠勁猩 仲要入面所有食材完全唔入味 唔知食緊啲乜 以後都唔會再嗌呢間嘅盆菜 佢呢度嘅價錢高過其他間 但質素低過其他間😅😅我覺得980呢個價錢可以食到其他好過呢間嘅盆菜 如果想試呢間盆菜真係要諗清楚 如果唔係實後悔 我為左寫200字可以比個劣評比呢間野

每次lunchtime經過都好多人排隊今日同屋企飲下午茶特登預早1點45黎等2點攞飛 🍽蠔仔肉碎粥💰48呢碗蠔仔肉碎粥好足料,大量肉碎,蠔仔,冬菇絲,加埋方魚乾增添魚香,鮮甜好味,自己煲都要呢個價啦...雖然係一碗,但兩個人人剩係食呢碗都飽♥️推介🍽皮蛋瘦肉粥💰31瘦肉粥都好足料,好多肉絲,加埋薄脆👍🏻🍽鮮竹腐皮卷炸得香口, 餡料新鮮味道好🍽XO醬炒腸粉💰55唔好睇佢一碟仔,但分量係好多下XO醬炒夠惹味...炒腸粉屬於小食無下午茶優惠💰55稍嫌貴左d🍽濃湯鮮竹卷💰24 & 薑蔥牛柏葉💰24兩款點樣都幾好食🍽 咖啡糕 💰24除左蠔仔粥另一款必要推介既係咖啡糕咖啡糕唔係好多地方有得食咖啡味香濃,甜度適中♥️♥️♥️每款點心都好唔錯,有幾款特別出色價錢又唔係特別貴,服務都OK係人太多,唔係好夠人手人氣高總係有佢既道理💁🏻‍♀️

一點九左右去到，成個五樓都滿晒人，我估都係等下午茶時段。㩒飛見係79張。去門口問下，原來俾正價係即刻有枱。其實計番都係平幾十，衡量過之後，揀咗正價即刻入坐。💫五香鹹水角有啲人鐘意好脆好硬，有人鐘意淋，我覺得佢介乎兩者之間，對我黎講個皮啱啱好。唔太硬。個涵咸度適中💫沙律明蝦角呢個爭少少喇，入面個心凍咗。食唔出蝦味。個皮好硬。💫布拉滑腸粉好滑得黎又煙韌彈牙，唔會淋bat bat。仲有米香添💫韭菜豬紅有微辣。調味好得，啲豬紅好滑，好入味。 💫潮州蒸粉果正常粉果，大大粒，無咩特別💫豉汁蒸鳳爪睇你個人口味，有人鍾意淋，有人鍾意爽。呢度係偏爽，有軟骨咬下。💫山竹牛肉球少少喼汁吊起啲牛味，好大粒，好飽滿同彈牙。計番以上食物，如果等下午茶可以平大約50，不過等個幾鐘，所以都值得嘅。整體好食指數：🤤🤤🤤🤤🤤（5/ 5）🔹🔹🔹🔹🔹🔹🔹🔹🔹🔹🔹🔹

朋友見我著那條裙褲好看，同朋友定了個星期六，後來朋友即興說7月1日回歸假，這天行了葵涌廣場，大家想午餐那兒吃，我提議潮庭吃，同另外朋友吃過幾次，味道同環境都不錯，今次同這2位朋友去吃，等了50分鐘，入到去座下點了晶瑩蝦餃皇，皮透徹，蝦大隻同爽口，蟹子燒賣，燒賣連蟹子入口很搭配蟹子香，百花煎釀三寶，豆腐，青椒同矮瓜大件，特別有酒香味，炸綠茶芋蓉餅，很鬆化，綠茶同芋蓉很有香味，菠蘿叉燒包，菠蘿好酥皮，好有叉燒香，沙爹金錢肚，厚身同爽滑，蒜茸蒸鮮魷，鮮魷沈透很香蒜茸味，韮黄鮮蝦腸，潮州粉果，沙律明蝦角，皮滑身同炸得脆

放工特意去葵芳搵食，理由是衝著松葉蟹鉗。現在很多酒樓都沒做這個懷舊菜啦！這個沒令我們失望，飽滿的蝦膠包著松葉蟹肉，炸得香脆，爆汁，鮮味十足，一咬還想再咬🤪🤪其他的潮州菜也做得出色，鵝片入肉，方魚肉碎粥鮮味，沙茶牛肉也有水準。出色之作，

4人限聚令下，和友人相约在葵芳區晚上飯局，要找一間不限時的餐廳/酒樓，傾吓計，確實不易，最终選了這間在新都會廣塲，装修不錯，而且套餐價錢也非常合理的""潮庭""四人套餐~ $888 (6折)餐牌，菜式吸引，價錢相宜花膠豐料燉湯~足料大花膠，再配中藥食材，滋潤又養生金牌鹵水鵝~香濃鹵水味，非常入味，鵝肉也肥瘦適中西澳龍蝦1隻(伊麵底)~芝士焗龍蝦肉質新鮮彈牙，芝士份量超多，伊麵份量亦剛剛好清蒸沙巴海斑 ~甜豉油,薑蔥,配鮮海班,冇得輸 沙律菜拌沙拉骨~啖啖肉， 芡汁濃稠適中， 微酸帶甜，非常開胃滋潤紅棗糕~Q 實彈彈的口感，飯後一點甜

太耐冇飲茶，限最令下嘗試五人飲茶，已經安排兩台，一台二人，一台三人，。坐下見到一個 半價套餐優惠，看似很多東西吃，所以叫了兩set（每set2人用）另外叫了燒賣、粉果、鮮蝦腐皮卷、煎釀三寶超級推介燒賣及腐皮卷，鮮蝦爽脆彈牙，腐皮卷鮮炸爽脆，口感非常好。今次主力午市套餐；滷水拼盤：有鵝片、腩肉、紅腸、豆腐，非常不錯，滷水味也很足燉湯：非常好看，濃味得來不油膩，喝下感覺很清新。上湯浸時蔬：菜心軟硬適中，上湯味道很好，令到菜心很入味。欖菜肉碎炒飯：非常極級推介，炒飯飯粒分明，口感非常好，欖菜及肉碎的味道非常適中，整個炒飯色卡很有層次。

朋友是潮州人，相約到潮庭試下潮州點心，呢間酒樓好大，裝修幾新，檯凳距離比較遠，而且有隔板，所以坐得好舒服。朋友讚呢個普寧豆腐做得好食，真係似鄉下味道。我唔係潮州人，但我覺得成餐茶，所有炸野都唔油，而且幾大件。整體食物質素係唔錯既，如圖叉燒腸皮薄餡多，味道亦幾好。

７月，爆發COVID-19第３波疫情！持續１個多月，才有緩一緩的趨勢！終於可以外出吃午餐！葵芳新都會廣場潮庭，每張餐枱都加上膠版，只能最多坐２個人(２人限聚令生效)，星期六午市，差不多客滿！配合２人限聚令，推出迷你欖菜肉碎炒飯，定價68元，比正常份量的，平宜30元，重點是減少浪費，值得讚一讚！評價味道：#炒飯很乾身，軟硬適中，粒粒分明，廚師的功底不錯！#欖菜經過處理，不會過鹹，增加了炒飯的香味！炒飯以外，還加了２個蒸的點心，吃飽飽又不浪費的午餐。

午市去飲茶， 叫咗幾樣點心， 等咗一段時間， 相信都係即叫即整， 當時都完全冇擔心過 ，點心上枱， 唔對路， 冇煙嘅， 冷冰冰的， 冇錯，係冰冷， 同經理投訴完， 亦都冇用 ，因為我發覺錯不在他們， 我絕對相信食物由廚房製造出來時是沒有問題的， 因為我看見他們的傳菜員， 將所有食物放置一旁， 用慢鏡嘅速度遞送給客人， 啲嘢食想唔凍都好難 ，心諗，冇計，算吧， 已經唔想再見到其他食物， 埋單走人， 不會有下次

飲茶七月十三日，七月份第一日返葵芳😌開完會後同幾位同事飲茶再詳談。去了好多次，愈食愈覺得服務態度水平不斷下降，「哦、好、無，有時不理會你」十足女人冷戰的狀態😅😵，哈哈，打完自己都笑左....糯米雞 😋😋😋😋九肚魚 😋😋😋😋鮮竹卷 😋😋😋鮮蝦腐皮卷 😋😋😋炒米粉 😋😋😋蘿蔔糕 😋😋燒賣 😋😋😋.都忘記還叫了什麼，記得入座量體溫，限時90分鐘，沒特別，整頓飯不過不失。

這家位於新都會廣場內的潮州菜，是美心集團的其中一間。今天和友人相約來這裏吃晚餐，我們看餐牌就有不少美食，最後我們叫了鵝片，鹹魚煎肉餅，方魚炒芥蘭。鵝片肉嫩多汁，滷水也味道當當好，鵝肉下有豆腐，它吸收了鵝肉的味道，好吃。方魚炒芥蘭，一上來就一大盤，份量比想像的多。芥蘭的爽脆，加上方魚的香氣，美味。鹹魚煎肉餅，和往常的鹹魚蒸肉餅差不多，只不過煎過，香脆，顛覆了以往我對鹹魚肉餅的想像。我們忍不住叫了一碗白飯，這菜太好下飯了。

永冇失望過，美心集團嘅，水準超班，用料新鮮上乘，蜆芥鯪魚球真係好彈牙好味，鮮蝦腐皮卷，D蝦爽口彈牙，最特別係會有啲潮州特色小食，而家返唔到大陸，呢度可解相思之苦，所以每逢假期要早啲攞位，門口永遠都水洩不通