潮庭 (新都會廣場)

营业中

休息中

尋晚16人包咗間房(滿七千蚊已經可以有房)，房間幾大幾舒服， 有一個服務員全程招呼我地， 服務都幾好。因為是星期五大家剛放工一去到已經叫咗好多飯前小食金香炸魚皮: 有鹹蛋黃香味，入口依然是暖普寧炸豆腐: 冇味，得個脆字小黃瓜海蜇頭: 小黃瓜好味椒鹽九肚魚: 一般蒜片牛仔粒: 一般鹵水豬腳: 一般菜單: 鴻運乳豬全體: 豬夠脆皮唔肥，仲有心心閃燈眼，有心思翠綠蝦球玉帶子: 蝦同大帶子都夠大隻萬壽果螺頭燉雞: 一開燉盅已經聞到香味鮑魚花菰扣海參: 賣相麻麻，不過海參夠爽，鮑魚都夠入味清蒸大花尾: 冇特別，一般水準當紅炸子雞: 隻雞偏細，唔夠脆上湯水餃麵: 個麵爽口，水餃都好味瑤柱蛋白炒飯: 無味又唔夠鑊氣祝賀壽包: 冇鹹蛋黃好失望楊枝甘露: 一般水準，但分量較少

潮庭每日早茶同下午茶時間都會企滿人等位，早茶系早上8點至11:30，下午茶系下午2點至4點，所有小中大點一律賣22蚊，而特點，粥，腸粉，盅頭飯都也是一律28蚊。經濟實惠，唔怪得咁多人來食。其實可以用food gulu apps預先拎號，咁就晤洗浪費時間企定定響度啦潮州點心的並不算多款，不過均一價22蚊，都算系咁啦。今天我地主要糸來飲茶食點心，點左幾樣野，不過等到頸都長，一樣都未來，周圍食客都有不停催單，有d混亂吖。終於，焗叉燒菠羅包上左來，我地已經等到好肚餓，一人一個食包包，筷子一夾，d酥皮已經碎開，好鬆軟!新鮮滾熱辣吖！咪講笑！叉燒醬汁好糖心咁流出來，容不易食晒一個！一個人多三個都可以的！哈哈，可能夠熱辣卦，所以要趁熱食！呢個潮州糯米包，就普通左了，同超市賣果d,自家蒸，冇太大分別。潮州粉粿，蟹籽燒賣，不過不失，好大粒，系ok既，不過真的沒有太特別。三色腰豆糕，如果你貪得意，都可以試下。但如果你對糕品要求好高，咁少點一樣都可以，因為佢有d普通。准山黑松露素餃，如果佢唔講黑松露，反而我會比佢高分，因為口感嫩滑，皮薄而Q，食到淮山的綿密，比粉粿特別。但可惜，真的真的真的冇咩黑松露味。

記得細細個成日跟呀媽去茶樓飲茶，係我既印象黎講，茶樓同排檔其實冇咩分別，食既野大同小異，味道不過不失，係個環境好排檔小小。然而，琴晚同屋企人食既一餐飯，就改變左我既睇法。我地黎到新都會食飯，係大家都冇乜所謂既情況下，就揀左呢間美心旗下既潮庭。第一個餸黎到份量比預期少，一食落去啲鵝肉有啲鞋，冇乜驚喜，係個晚較為失色既一個。之後嗌左個湯暖下胃，胡椒味好濃，豬肚好爽脆，冬天飲一流呀！正正常常冇咩特別，價錢略貴，算係不過不失啦。呢個不得了！全晚最好食既餸，生蠔超大隻超肥美，估唔到蘿蔔糕同生蠔咁夾，吸哂啲精華超濃味！呢個又係驚喜之作，啲飯粒粒分明，啲臘味亦好足料，食到停唔到口！今餐飯好滿足，原來酒樓都可以咁好食，令人咁有驚喜。

生日飯局當然要去d舒服同環境唔錯嘅地方食嘢啦，潮州菜好少食，耐唔中食下會有d驚喜🤪隻豬🐷手好好味又淋又軟但個糯米飯有啲濕麻麻地，其他一般希望有改進，再想食到d特色潮州菜🤔

同屋企人book咗枱六點食飯你都五點幾仲未入得場因為裏面開緊會。入到嚟環境算唔錯，係啲位置設計得迫d。點咗潮州拼盤，梅菜扣肉，炸小黃魚，燒乳鴿，糖醋豬手，豆腐魚肉湯。水準唔錯每一味餸都做出佢嘅靈魂。 最 surprise 係個梅菜扣肉， 豬肉非常入味， 梅菜衣香味非常平均但係冇太過濃烈 蓋過啲扣肉。 我一般嚟講都唔會食太多肉但係都受唔住引誘食咗三塊 之後用啲梅菜黎配飯 非常匹配！！喺近期嘅潮州菜 /中餐廳嚟講值得一讚

潮庭早嗰排同朋友去葵芳潮庭做冬， 一行幾個人，挨到一枱都係食物，最抵就係因為有A E卡結帳，有七五折傳單。難怪朋友早試呢間酒樓係佢嘅飯堂，因為兩個人的話係有半價呢。講返食物質素，大集團始終都不過不失，唔會有太大驚喜，亦都唔會有太大落差，比較特別係兩面黃，因為自從潮館全線結業之後，已經好難食到呢一個咁特色嘅菜，不過兩面黃略嫌炸得唔夠香脆。有折扣後，每人＄125 ,真係好抵，而且地方好寬敞，坐得好舒服，酒樓始終有佢嘅好處，不過雖然冇限時，侍應好快就執清晒所有嘅碗碟，令人覺得佢趕客，呢一點扣分！

超誇張太多人，約左朋友一家大小飲茶，我早早去攞位，竟然要1小時30分等候才攞到位飲茶前菜開胃，等叫點心所有腸粉都好食，滑溜溜，足料叉燒排骨飯有大碗，鳳爪入味大隻，排骨多肉春卷酥脆，牛肉肉質彈牙，珍珠雞蒸得夠香，黑松露素餃好香好嚼口奶皇包夠流心，素菜包夠味，熱騰騰紅棗糕，煎得好靚的蘿蔔糕甜品🍮芒果好香布甸好滑

看了之前食評說此酒樓地方d位放得好密，今天三人到訪，也是安排了路口二人位坐。後來一張四人位更加板給七人坐。深明有生意要做，但容納人數是否超出消防條例容許，可能酒樓要多加注意。若帶老人家和小朋友，建議考慮地方可能太擠逼了。另外，食物普遍都加入太多糖，尤其是蒸點，福建炒飯味道不錯，但有些米不熟，可能供不應求，可試試玉子豆腐，不過都是帶甜。

今日一家人嚟食潮州嘢，見到呢個套餐幾抵食就試吓。我地9個人叫咗半圍，另外再加一窩蠔仔粥。份量好夠，到最後都要淨低少少。每一款都好好食，味道適中，唔怕太咸好香煙燻味，又唔怕乾炸豆腐好新鮮，蝦仁大大隻又爽口鮑魚都幾大隻沙拉骨都唔錯，唔會太酸或太甜每樣菜式味道都好好，唯一挑剔嘅係服務，上菜超快，感覺好似要迫你快D食完，但又唔係冇位，呢方面真係要改進。

辛苦搵錢lunch食餐好是常識吧！呢間茶樓收費較同區其他酒樓貴，但點心即叫即蒸，部分食品款識更有別其他酒樓。竟然有爽口秋葵食，點上附配嘅甜辣鼓油，太正了！黑松露蝦餃皮薄餡多，太美味！叉燒包不會只有肥肉，蠔油汁又夠濃蟹籽蝦膠釀豆腐不是用盒裝豆腐，可以品嚐傳統豆腐，太好了！蝦膠彈牙到不得了！蝦腸的蝦好彈牙爽口三色豆糕這個潮式甜點，每粒豆都大大粒這個lunch三個人食左$270六個點心，還不算貴呀！最重要是可以食到有良好食材、用心製作的食物

5個人來飲茶，給最細的圓枱，放完餐具，枱面已經差不多無位；查詢後回應說5個人是給這尺寸的枱；又不是不用等位及特別便宜，簡直是不可接受。飮茶當然希望可以舒服一點，所以一定沒有下次。

水準keep唔到 豬肺湯好似喝水咁 要加幾次鹽調味。 沙茶牛肉芥蘭 牛肉好煙靭 趙咗幾分鐘都吞唔到。。 蠔餅好難食 濕既 好似韓國煎餅咁 啲蠔苦既 我媽話係廣東人煮潮州野 搵黎搞。。。 價錢貴 雖然大碟 但 一到十分 我比四分 因為啲侍應好鈍 下下要大叫先黎 我都叫到無儀態了

好耐沒寫食評，但真係忍唔住。入到去唸住搵人執枱，見到有個著綠邊西裝女部長係隔離枱執緊枱，多次向佢舉手示意。佢一直望到都唔理會我地，執完旁邊張枱擺埋位來回4次都沒理過我地。由於周圍都沒侍應，於是我行左過去叫個位女部長幫忙執枱，佢剩係話搵人過黎。但等左一陣都唔見有人，於是再問佢，佢就話咪搵左人黎幫你囉，等佢開埋人地既茶咪黎幫你囉。敢問一句，全間酒樓得一位侍應?而女部長你可以係無人坐個張枱係度慢慢執枱擺位，無論舉手示意定叫你都唔應，既然你執得旁邊點解唔幫我地執埋?一直望住女部長同個位侍應係旁邊既枱行黎行去，但叫執枱係沒人理會。咁叫人點幫襯，應又唔應，望到都係望完就算。執多張枱真係咁難?叫極都沒人幫手執枱，最後沒食走人。我以後都唔會再黎呢間野。

放假天又係同屋企歎下茶，食下點心嘅時間。今次去了葵芳新都會嘅潮庭。好耐無試過向葵芳飲茶，今次係應該商場裝修後，第一次黎飲茶。人確實多，真係要早d黎等位先得。行到入去坐位時，發現d位都放得好密。。。而且冷氣也不夠。可能是人太多的關係吧。幸好這裡嘅食物尚算不錯！鵝片拼豆腐都算ok。起碼不是全都係肥膏。肉都有點味。豆腐也幾滑。不錯不錯。蠔仔粥其實不是特別喜愛蠔仔。純粹喜歡食個粥底嘅味道。加埋大地魚，大大提升個香味。蝦餃皮不會蒸到淋。蝦也很爽口雞扎我喜歡嘅點心之一。但其實只係想食佢嘅魚肚，腐皮🤣。但當然都會食埋其餘嘅配料。解享一整舊係最開心的。潮洲粉果發現這裡嘅蒸嘅點心都不錯。潮洲粉果食落夠香口

有機會黎試試美心旗下另一間中菜廳：潮庭。兩個人六道菜，為大家介紹下...1. 自選潮州拼盤 （$272）我地揀咗油浸帶子、炸蟹棗、鵝片、海蜇。留意叫呢道菜至少要四人分量。以上圖片就係呢個份量，四個人食應該剛剛好。味道都OK架！2. 芋粒鹹肉炒飯 （$98）有芋頭既關係，令到個飯食落更飽肚。味道不過不失，普通炒飯感覺咯⋯3. 銀線炒小豆苗 （$88）作為豆苗粉絲，每次食美心中菜必叫：一定唔會失望。呢度既小豆苗份量夠，好惹味，但又唔會好油好膩。讚！4. 梅焦醬烤骨 （$98）份量唔太多，但勝在味道搭救。醬汁惹味，用黎送飯就最正！我同朋友飯後仲叫咗兩道甜品：蛋白杏仁茶（$30）同水晶包（$28）。味道都麻麻地，唔推介。當日我地平日夜晚黎，啲檯八成滿但人手唔夠。等左一陣先有人過黎落單同加水。整體黎講，原價咁食就免啦。如果有指定信用卡就可以試一試